Pajero 2.8 TDI gangtruflanir

Byrja á að aftengja öll glóðarkertin mæla hvort mótstaða allra glóðarkerta sé eins með ohmmæli. glóðarkerti eru ekki eins og venjuleg kerti, annað hvort er mótstaða rétt og kertið í lagi eða þá ónýtt, ekki er naudsynlegt að skipta um öll í einu, nóg er að skipta út einu ef það er allt og sumt.

Ef öll glóðarkerti eru í lagi, þá er sennilega kominn tími á "dísurnar" sem er fremsti hluti spíssana en þær endast ekki mikið meir en 100-150 þúsund km. Allavega er æskilegt að láta skoða þær og stilla á 100-150þkm fresti.

Það er líka möguleiki á að það sé skynjari sem á að segja hita-heilanum hvað vélin er köld sem er bilaður eða jafnvel dottinn úr sambandi og þá hitar heilinn ekki nógu lengi eða sleppir "eftir gangsetningar hitun".

ég myndi veðja á 1 glóðarkerti eða allar dísurnar.

Ég er með 97 bíl ekinn um 113 þ. og lenti í þessu, ég skipti um öll kertin og hann batnaði eitthvað, en svo var mér bent á að hita hann ca. 5 – 10 sek lengur en ljósið logar og þá fór hann að fara eðlilega í gang óháð hitastigi úti.

Ekki spurning, það er lang líklegast að þetta séu hitakertin. Er búinn að verða fyrir þessu í tvígang. Þetta er reyndar algengt með flestar tegundir dieselvéla, sem eru með hitakerti á annð borð, hvar svo sem þær eru framleiddar. Hef líka lent í þessu á Toyota. Hinsvegar er það hárrétt ábending hér á undan með að dýsur (skrifa það með "ý" því orðið mun komið úr dönsku "dyse" =úða, ýra) í öllum tegundum dieselvéla hafa takmarkaðan líftíma og það þarf að skipta um þær í tíma. Það bæði þýðir betri gang og betri eldsneytisnýtingu. Margir okkar gömlu diesel-karlanna notum þá aðferð þegar frost er farið að verða verulegt, að tví- eða jafnvel þríhita vélarnar áður en við byrjum að starta. Þá er miðað við að allt sé í lagi að öðru leyti. Minni svo á það sem rætt var um hér fyrir nokkru á vefnum, að þegar við þynnum eldsneytið með steinolíu, að það er til mikilla bóta að láta tvígengisolíu á tankinn, svona sem svarar 10% af því magni steinolíu, sem bætt er á hann. Það tryggir betri smurningu á dýsur og olíuverk.