Oziexplorer

Ekki skil ég hvað aumingja drengurinn er að meina. Við skulum þó fara mjúkum höndum um hann, sennilega er hann útlendingur og án máltilfinningar (verandi Færeyingur þekki ég þá erfiðleika). Held þó að hann sé í einhverjum vandræðum með OziExplorer forritið.
Auglýsum þó eftir þýðanda fyrir þann loðna (Fur-iousc, hvað í ósköpunum það er nú).
Kv,
Penis Paulsen
Fuglafirði.

Ég vil benda á mjög þægilegt, ódýrt og einfalt forrit sem heitir GARtrip og má nálgast á slóðinni http://www.gartrip.de . Þetta forrit hefur þá kosti að hægt er að nota punkta frá ýmsum öðrum forritum t.d. PCX5 skrár, OziExplorer skrár, Mapsource skrár og fleiri. Einnig er hægt að nota GPS tæki frá bæði Garmin og Magellan með þessu forriti. GARtrip vinnur með skönnuð kort ef menn vilja hafa kort undir ferlunum. Þetta forrit hefur reynst mér mjög vel til að halda utan um punkta og vinna með þá.

Geir

Þú athugar það líka að það eru nokkrar tegundir til af korta teikningum. Sennilega veistu að jörðin er hnöttótt sem gerir málið pínulítið flókið við að teikna líkan á flatt blað. Þannig þarftu að gá að því hvort Gps tækið þitt og korta formatið sé stillt á eins teikninga útfærslu. Gps tækið þarf að vera rétt stillt bæði hæð yfir sjó, tíma og svo er ein stilling í viðbót sem þarf að athuga vel. Hnattstaða ákveðins pungts er ákvörðuð með gráðum þ.e. lengdar og breiddarbaugar mínútum (60 í hverri gráðu lengdar og breiddar) sem hlutar gráðurnar niður í 60 jafna hluta og sekúndur (60 í hverri mínútu lengdar og breiddar) sem hlutar niður mínúturnar í 60 jafna hluta.

Á flestum Gps tækjum er valmöguleiki sem býður upp á að nota sekúndurnar sem hundraðshluta þ.e. 60 sek=>100 hundraðshlutar. Ef það er ósamræmi milli tækis og tölvu þá myndast skekkja sem er næg til að afvegaleiða þig um töluverða vegalengd.

Ég er fjarri því að vera snillingur í staðsetningarfræðum og væri sæll með að einhver fróðari myndi prófarkalesa og leiðrétta eftir þörfum.

Kv Isan

P.s. Mumundur hefur líka lög að mæla, það er fátt bjánalegra en maður í basli við 300 þús króna staðsetningarbúnað sem maður með áttavita og kort getur leyst. Það er reyndar alger grunnur fyrir þessari tækni að kunna á áttavita!!!!

Landmælingadiskurinn á að geta gert þetta fyrir þig, þ.e. sýnt þér á kortinu hvar þú ert staddur, en ekkert annað og eins og þú bendir á er ekki neitt navigation forrit. Þú getur ekki séð á því stefnu á tiltekinn punkt eða stefnuna sem þú keyrir, né látið það trakka. Þetta getur þú hins vegar GPS tækið gert fyrir þig og eins og mumundur bendir á er nauðsynlegt að kunna það, forritið getur krassað eða tölvan klikkað þegar verst stendur á.

OziExplorer er örugglega mjög skemmtilegt forrit en þá er spurning hvar maður fær kortagrunninn í það (er hann fáanlegur einhvers staðar?) Þess vegna hefur NavTrek orðið svona vinsælt því með því færðu allt sem þarf, kortin og navigation upplýsingarnar. Í akstri er afskaplega þæginlegt að sjá allar upplýsingar myndrænt á kortinu. Það hefur hinsvegar ýmsa galla, sérstaklega í kortaskeytingunum, og það er kannski mikið okkur sjálfum að kenna því mjög fáir kaupa pakkann heldur fá kópíu hjá félögunum sem gerir það að verkum að það koma engir peningar inn fyrir það og því hæpið fyrir söluaðila að leggja vinnu í að bæta úr göllunum.
Kv – Skúli

Ozi notar sömu kortin og Nobeltec forritið, þ.e. NOS skrárnar, sem eru einhvers konar myndaformat. Þegar valið er Import NOS gerir forritið eigin skrár fyrir hvert kort með upplýsingum um vörpun, staðsetningu horna og fl. Þannig er hægt að samnýta kortin fyrir bæði forritin án þess að þurfa að hafa tvö sett á harða disknum.
Að mínu áliti er megin kostur Ozi fram yfir NavTrek/VisualSeries, fyrir utan það að kortin eru skírari, að það er hægt að vinna með punkta, leiðir og ferla engu síður en með Gartrip eða MapSource. Nobeltec forritin eru nær ómöguleg til slíkra hluta, auk þess sem fara verður í allra nýjustu útgáfur af VisualSeries til að þau geti sótt og sent gögn í nýrri Garmin tækin, en Ozi leikur sér að því og spjallar líka við Magellan.
Ástæðan fyrir hörmulegum samsetningum á 250000 kortunum er trúlega vörpunarmál, eins og Helgi bendir réttilega á. Nobeltec er gert fyrir kort með Transverse Mercator vörpun (sjókort) og 50000 kortin eru þannig, en 250000 kortin eru með keiluvörpun. Að hluta til er þetta vegna þess að sum kortin, sérstaklega gamla Mið-Austurland, eru vitlaus, maður er keyrandi upp um alla fjallatoppa á þeim.

Kveðja, Grétar

Það sem ég átti við er ekki að kortavörpun skýrði skekkjur í kortum heldur það þegar tvö samlyggjandi kort eru sett saman. Þetta sést mjög vel þegar farið er á milli korta í Visual Navigator. Ég ætla reyndar ekki að hengja mig upp á að þetta sé rétt hjá mér en minnir að ég hafi heyrt þetta hjá einhverjum sem átti að hafa vit á þessu.

Hvað varðar skekkjur í korunum sjálfum þá eru flest kort af Íslandi byggð á mælingum sem danir gerðu á fyrri hluta síðustu aldar, reyndar endurskoðað seinna, en það skýrir að ég held skekkjurnar í teikningu kortanna.

Í framhaldi af þessari umræðu um kortavörpun ætla ég að stinga því að stjórninni að fá fyrirlestur um kortavarpanir og kortamál á mánudagsfundi.

Kv. Helgi

Kortin sem Bandaríkjamenn hafa gert af Íslandi, í mælkvarða 1:50000, bæði kortin sem gerð voru af Army Map Service upp úr 1950 af öllu landinu og kortin sem Defence Mapping Agency gerði af miðbiki landsins, á níunda áratugnum, eru í vörpun sem heitir UTM eða Universal Transverse Merkator.

Þessi vörpun er allt öðruvísi en Merkator vörpunin sem notuð er á sjókortum sem Lanhelgisgæslan (sjómælingar) gefa út.

Kortin sem Landmælingar gefa út eru byggð á blöndu af gömlu dönsku kortunum og amerísku kortunum með uppfærslum úr ymsum áttum. Oftast eru litlar upplýsingar á kortnum um það hvaða viðmiðanir og varpanir er notaðar við gerð kortanna. Þessi kort oft bæði vitlaus og ónákvæm.

Eru allir snillingar uppi á fjöllum?

-haffi

Getur þú ekki bara prufað að hringja í landmælingar..

Þér hljóta að vita þetta..

Kveðja Fastur

Allar þessar upplýsingar er að finna í bæklingnum sem fylgir diskunum. Þetta er á bls. 10 í bæklingnum yfir Íslandskortin og á bls. 14 í bókinni með Altlaskortunum.

Kv Hjalti