Öxulvandræði

Ég hef nú ekki séð þessa öxla sem þú lýsir en ef þeir eru eins og ég sé fyrir mér eftir þína lýsingu þá sé ég ekkert því til fyrirstöðu að sjóða öxulinn fastan við nafið.

Freyr

Sæll ég kannast við svona mál. Hringdu í mig í síma 8925426 eða sendu mér mail í gudnisv@simnet.is kveðja Guðni

Sæll Björn

Þú mátt alls ekki sjóða flangsinn við öxulinn. Ef það er gert brotnar öxullinn rétt við suðuna. Það þekki ég af eigin raun eftir að hafa ferðast með bílum með þessum útbúnaði í fleiri en eitt skipti. Í eitt skipti eyðilagðist kíllinn þannig að við neyddumst til að sjóða þetta fast. það dugði í ca. 10 km. á vegi en þá datt hjólið undan.

Kv.
Emil

Ég á erfitt með að trúa því að þetta sé ósuðuhæft. Ef rétt er að málum staðið hef ég fulla trú á suðu. Byrja á forhitun og svo sjóða með krómvír, suðan hömruð heit og að lokum pakkað inn í steinull til að stykkið kólni hægt- þessar aðferðir eru til þess að koma í veg fyrir staðbundna herslu við suðu sem myndi annars orsaka miklar spennur í efninu og um leið gera efnið stökkt (brothætt). Tek það samt fram að ég er ekki fagmaður í suðu- væri milkið til í að fá álit "alvöru" suðumanns á þessu.
.
Freyr

Sælir. Ég þekki að vísu ekki þessa gerð af öxlum en ég er í mörg ár búinn að vera með í Weaponinum öxla sem ég fékk úr flaki .Þeir eru með rillum á báðum endum og notuð lok af framhásingu. Þau eru með rillum. Þetta hefur reynst vel og kemur í veg fyrir spennu ef eitthvað er bogið . Þetta er kannski ekki hægt hjá þér en Árni Brynjólfsson í Hafnarfirði smíðaði fyrir mig varaöxul. Víponinn með mislöngu öxlana (eftir 1953) var gjarn á að brjóta styttri öxulinn. Kv. Olgeir

Þessir öxlar – eins og líklega allir nútíma bílöxlar eru yfirborðshertir. Það þýðir að þeir eru mjúkir að innan en ysta lagið tekur herslu. Líta má á bílöxla sem rör, þar sem rörið er herta yfirborðið. Við snúningsátak er spennan mest við yfirborðið, sama gildir raunar líka við vægi á öxla vegna burðar.

Fasaskipti í stáli verða við um rúmar 400 gráður og suða af einhverju tagi afglóðar, eða herðir suðusvæðið meira/minna – eftir því hvernig er að verki staðið. Aðalatriðið er að herslan á suðusvæðinu verður öðruvísi en í nágrenninu sem þýðir spennuhækkanir kringum suðuna. Þetta veikir öxulinn mjög verulega. Sama gerist ef borað er í öxul eða slípað, kom fyrir þegar menn voru að reyna að ná krumphólkum af öxlum hér í den. Djúpir ryðpollar hafa sömu áhrif. Þessvegna er t.d lykilatriði og skoða hvort að ryð hefur komist í kúluliði (toy-patrol) því það veikir þá verulega. (liðirnir eru líka yfirborðshertir)

Það er möguleiki að reynsluboltar í málmsteypu-herslu kunni ráð til að taka soðna öxla í hitameðferð sem dugir eftir suðu. Fræðilega séð ætti það að vera hægt. Ég dreg þó verulega í efa að okkar bestu menn hafi nægilegar upplýsingar um efnið í öxlum, eða að þeir hafi tækjabúnað til að framkvæma slíkt. Í öllu falli er sú leið ófær vegna kostnaðar nema um ræði ófáanlega hluti sem er afar kostnaðarsamt að skipta út.

Almenna reglan er að það þýðir ekki að sjóða bílöxla.
Og þeim skal hent sjáist á þeim skemmdir eftir slípun, borun, nudd eða aðrar yfirborðsskemmdir.

Afsakið þráðaránið.

Ps
Hafi nafið losnað á öxlinum einu sinni passa kónarnir ekki saman og engin leið er að fá þetta fast. Vanalega er það nafið sem hefur aflagast – öxullinn er harðari. Efast um að legulím dugi þó má reyna það í hallæri. Sami búnaður var á öxlum í volvo lapplander og það þurfti fjári stóra pressu til að ná því í sundur ef allt var eðlilegt.

Kv
Óli