„Óvitar“ á ferð í Bláfjöllum

‘Eg held að ég hafi séð einhvera á live2cruze spjalla þar um að hafa verið að tæta í bláfjöllum skal pósta því hér inn þegar síðan hjá þeim kemst í lag

Það er nýbúið að bæta við ábyggilega 10 skiltum á staura víðsvegar um svæðið. Þannig að það skal enginn lengur bera því við að hann viti ekki að þetta sé bannað. (eitt slíkt skilti á staurnum þar sem förin byrja)

Ég var líka á ferð þarna í morgun. Tók meðfylgjandi mynd. Það er víða mun verra en þetta. Bláfjallastarfsmenn eru alveg æfir út af þessu og hafa beðið okkur útivistafólk að taka myndir og koma til þeirra ef okkur tekst að standa menn að verki.

Félagar í 4×4 eru útivistafólk sem ég veit að bera virðingu fyrir náttúrunni. Þess vegna finnst mér að eitthvað róttækt verði að gerast í þessu máli. Þetta kemur óorði á jeppamenn. Áberandi tilkynning á forsíðu 4×4 væri góð byrjun.

[img:2v068jif]http://www.ismennt.is/not/geirs/IMG_7626s.JPG[/img:2v068jif]

Verð að leggja orð í belg. Hef unnið sem skíðagæslumaður í Bláfjöllum s.l. tvo vetur. Svona til útkýringar þá felst starfið m.a. í því að skíða brekkurnar og sjá til þess að þær séu boðlegar skíðafólki. Slysagildur (t.d. grjót eða ójöfnur) eru fjarlægðar eða merktar til að fyrirbyggja slys. Þar sem skíðagæslumaður kemur að flestöllum slysum á svæðinu þá veit ég af reynslunni að hjólför á skíðasvæði eru slysagildra. Gildir einu hvort það er í troðinni brekku eða í göngubrautinni.

Núna eru komin upp um 10 skilti þar sem fram kemur að akstur vélknúinna ökutækja utan vega sé strangleg bannaður á skíðasvæðinu. Það er því ekki lengur hægt að bera því við að menn viti ekki af banninu. Af hverju fara menn þarna um í hópum í skjóli nætur? Þeir vita mæta vel að þetta er bannað. Bannað og siðlaust.

Skíðasvæðið er útivistarstaður fyrir fólk sem vill njóta náttúrunnar í sem mestri kyrrð og örugglega sem mest laus við ummerki eftir ökutæki. Í stað þess að fara um í gullfallegu veðri í dag þar sem stirndi á snjóinn fékk skíðafólk og annað útivistarfólk, börn og gamalmenni, að fara um sundurspólað svæði, bæði erfitt og hættulegt yfirferðar. Þarna hafa bílar á stórum dekkjum farið niður úr krapa og því förin sums staðar klettfrosin og varasöm. Til að kóróna aumingjaskapinn hafa þeir þurft að keyra til baka eftir göngusporinu sem troðið var í gærkvöldi.

Svona uppákoma á skíðasvæðinu er síður en svo einsdæmi og okkur jeppa- og útivistarfólki ekki til framdráttar. Ég færi varlega í að fullyrða að þetta séu allt einhverjir unglingar sem ekki tilheyri klúbbnum.

Skora á stjórn 4×4 að skoða málið og álykta um þetta.

Kv. Árni Alf.

Eitthvað hefur þetta verið illa orðað hjá mér. Ég biðst afsökunar ef orð mín megi lesa á þann hátt að þetta séu í stórum stíl félagar 4×4. Það er af og frá að svo sé. Hins vegar getur auðvitað einn og einn svartur sauður slæðst inn í góðan félagskap. Ég skrifaði þetta inn á vefinn til að vekja athygli á afar slæmu máli fyrir orðstír jeppamanna. Ég veit að 4×4 eru mjög ábyrg samtök sem tekið er mark á. Það getur því varla verið gott að fá klúbbinn upp á móti sér.

Kv. Árni Alf.

Þetta er hrikaleg hegðun og óþolandi í alla staði !!
En smá hugmynd er hægt að setja upp eina eða Fl myndavélar þarna uppfrá ??? Það væri allavega ansi
gott svo þessir aðilar náist !!!! Eða hafa þarna vakt ???
Allavega er nauðsynnlegt að gera eitthvað í þessu !!

Kveðja Sæmi og Hrönn

[Úbbs. ekki hægt að breyta titli, þetta átti auðvitað að vera óvitar á fjórhjóladrifsbílum, ekki óvitar í klúbbnum, hehe]

Fyrir ári síðan hóf ég þráð um nákvæmlega sama efni. Sá þráður var góður og málefnalegur í fyrstu.

Tilfellið er að við höfum enga hugmynd um hvort hér voru félagsmenn eður ei á ferð. Auðvitað viljum við öll trúa að svo hafi ekki verið. En að segja að allir félagsmenn 4×4 viti hvar megi keyra og hvar ekki er fullmikil alhæfing að mínu mati þar sem það kemur fram í þræði mínum frá í fyrra að ég stöðvaði tvö jeppa utanvega í Bláfjöllum og þar kom á daginn að félagsmaður viðurkenndi að hafa verið að verki.

Sem frábær félagsskapur og hagsmunasamtök tel ég að 4×4 hljóti einnig að hafa fræðsluhlutverk sem mér finnst í þessu tilfelli eigi að teygja sig til allra jeppamanna, ekki bara klúbbfélaga. 4×4 ber að sjálfsögðu ekki ábyrgð á sínum félagsmönnum. Fólk ber bara einfaldlega ábyrgð á sjálfu sér.

Þess vegna skulum við bara hér með hætta alfarið þeirri umræðu hvort um félagsmann var að ræða, það finnst mér vera óþarfa umræða.

Það eitt að umræða sé í gangi spyrst út og skilar árangri.

sennilega er helst að finna þetta á ust.is.

Og hér hafa snillingarnir sett inn myndir líka.
http://www.live2cruize.com/phpBB2/viewtopic.php?t=44705

Þá er búið að finna sökudólgana, nú er bara spurning hver á að hafa samband við þá og útskýra fyrir þeim að þetta sé bannað. Reyndar viðurkennir einn þeirra að þeir hafi farið í Bláfjöllin og biður menn um að sega ekki frá, greinilegt að hann vissi að hann var á bannsvæði.

Vilja Bláfjallamenn ekki bara kæra þessa vitleysinga fyrir utanvegaakstur?

LG

Í þetta skiptið reyndar vélsleðar.

Í dag fór ég í Bláfjöllum að stunda snowkiting (krafdrekar á snjó). Þar var einnig gönguskíðafólk og leitarhundaæfing björgunarsveitamanna.

Það fyrsta sem ég sé er að e-r á F250 var búinn að bakka upp að skafli og voru tveir sleðar þrumandi um skíðasvæðið en aðallega keyrandi upp og niður Sólskinsbrekku, æfingasvæði skíðamanna (að ferja upp fólk á snjóbrettum). Sem betur fer voru einhverjir Bláfjallastarfsmenn á ferð og hafa væntanlega veitt þeim rækilegt tiltal.

Ég skil þetta engan vegin, nú fá vélsleðamenn að vera algjörlega í friði austan við Fram lyftu.

Ég var búinn að gleyma þessum hjólafaragrafningi sem ég sá í gær og þunnt snjólag yfir. Ég brunaði út í þetta á ca. 40 km hraða. Ég hefði eins geta kite-að út í hraun. Flaug á hausinn og átti í mestu vandræðum með að komast út úr þessu. Gönguskíðafólk fer þó hægar yfir og á sennilega ekki eftir að stórslasa sig eins og ég hefði geta gert.

Þessir fávitar eru búnir að eyðileggja svæðið. (Það er ekki eins og snjótroðarar fari að slétta svæðið fyrir okkur, sem er ekki einu sinni hægt þetta er svo frosið).