Óþverrafélagið

Vonandi fáum við að fylgjast með björgunaraðgerðum hér á síðunni. Samkvæmt veðurspám verðum miðja lægðarinnar yfir Vestfjörðum á hádegi, en áður verðu hún búin að senda skil austur yfir landið. Í nágrenni skilanna verður skyggnið á Vatnajöklu líklega mælt í sentimetrum frekar en metrum þannig að það er ekki víst að það takist að mynda mikið að aksjóninni.
Það kæmi mér ekki á óvart þó færið yrði af þeirri sortinni sem kallar á bæði 44" og skriðgír, og yfirferðin í samræmi við það.

Hverjir eru það sem verið er að bjarga, auk Hlyns?

-Einar

Þú ert væntanlega að meina Úlfarsfell hérna á milli Reykjavíkur og Mosó.

Var að heyra í Jón Ebba rottuliðsforingja. Þeir voru á góðu en hægu róli niður frá Jökulheimum, þæfingur en gengur hægt og örugglega. Þeir skiluðu af sér Patrol varahlutum og verkfærum uppi á Hábungu í nótt og fóru síðan niður en hinir aftur upp í Grímsvötn til að gera við. Bilunin var brotinn stýrisendi hjá Kjartani Gunnsteins sem þarna er á ferð með Hlyni og co.

Kv – Skúli

Þær fréttir eru af þeim Hlyn og Kjartani og co. að þeir fóru af stað til byggða kl. 16 í gær og áttu núna kl. 8 í morgun ennþá 23 km í Jökulheima. Það er því óhætt að segja að færið er orðið mjööööööög þungt á jöklinum og getur tæpast talist bílfært. Í hópnum eru 8 bílar, 6 44? og 2 38? og allavega einhverjir búnir skriðgír þannig að þetta er öflugur floti. Þeir hafa þurft að skilja tvo bíla eftir vegna einhverra vandamála, einn upp á Grímsfjalli og einn uppi á Hábungu. Veit að vandamálið með þann sem er upp á Hábungu liggur í því að dekkin héldu ekki lofti. Það er því enginn skortur á baslinu.

Kv – Skúli

Upp úr hádeginu voru þau ekki komin ofanaf jökli, en færið orðið mun betra sem og veðrið, og rollurnar komnar úr lóló.

kv
Óþveri sem ekki kommst með

Þarna stefnir sem sagt í spennandi framhaldssögu fyrir okkur sem heima sitjum. Þetta er vel af sér vikið hjá Hlyn og félögum, og það án aðstoðar frá Lúther eða öðrum Trúðum.

-Einar

Nú verður sögð saga af nokkrum Rottum og fleiri tengdum persónum.
Á þriðjudagsmorgni þann 28/12 2004 fóru þeir Kalli og Gulli á fjöll til að dusta sumarrykið af jeppunum. Með í förinn var Spánverji sem þeir félagar höfðu gefist upp á að útskýra fyrir hvað snjór væri. Einnig var farþegi Aritekt sem Rottugengið hafði rétt lokið við að ?misnota?.
Jón Snæland var niðrí bæ í skuggalegu hverfi, upptekinn við brauðstritið.
Kjartan var á Grimsfjalli með Hlyni Snæland og fleiri ?óþverrum?.
Þröstur var í nýsmíðuðu húsi sínu í vesturbæ Grafarholts gefandi gestum og gangandi kaffi.
Jón Ebbi var í heimsókn hjá fyrrnefndum Þresti sníkjandi kaffi til að þurfa ekki að vera í vinnunni.
Svo skemmtilega vildi til að Þröstur hafði rétt nýlokið við að segja Jóni frá símtati sem hann átti við Kjartan á Grímsfjalli skömmu áður. Þar sem hann hafði sagt honum frá færð á jöklinum (þar var víst svo slæmt færi og vont veður að eingöngu 44? bílum var út sigandi) þeir hefðu þurft að draga þessa 38? ?smábíla? meirihluta leiðarinnar sagði hann stoltur sem einn úr ofurbílaflokknum.
Stutt var liðið á spjallið þegar síminn hringdi, og hver annar en Kjartan á línunni.Heldur var lægra á honum risið núna. Brotinn stýrisendi og langt í búðina.
Bað hann Þröst að kanna með varahluti fyrir sig og eitthvað var spáð í hvernig þeir kæmust á Grímsfjall.
Illt var í efni, rottufélaginn með bilaðan bíl í sl________ félagsskab. Nú var gott að eiga góða að,,,,,
Kom á daginn að varahlutamaðurinn gat verið tilbúinn með íhlutina upp úr kl. 18
Gulli og Kalli brunuðu í bæinn, enda Spánverjinn að fá snjósting og arkitektinn búinn að vera alltof lengi frá 101 Reykjavík.
Jón Ebbi hringdi í Ofsa og sagði honum undan og ofan af því sem var að gerast. Þá nefndi hann líka að gott væri nú að hafa góðan kortalesara með því ekki væri nú veðurspáin neitt sérstök. Smjaðrið hreif á rithöfundinn. Hann henti frá sér hönskunum og sagðist vera á leiðinni.
Klukkan 20.00 var allt orðið snjóklárt og lagt í hann frá Jörva.
Áður höfðum við verið í sambandi við Grímsfjallagengið sem ætlaði að aka á móti okkur.
Sumir rottufélagarnir eru dálítið vanafastir. Og eins og áður hefur komið fram í skrifum um mannskapinn, þá er vaninn að hreinsa kjúklinaborðið í KÁ á Selfossi. En nú var lokað þegar við áttum leið um bæinn, þannig að Kentucky fékk ?lottóvinning? og getur víst haft lokað í janúar án þess að meðalveltan skerðist.
30 mínótna töf meðan beðið var eftir steikingarmaskínunni, en hvað er það í þessu dæmi.
Færið í Jökulheima var frekar þungt og skyggni takmarkað. Við tókum Jökulheimastyttinginn við Drekavatn, óttuðumst þó að við kynnum að fara á mis við jökulfarana sem ætluðu að koma á móti okkur. Það slapp reyndar til!
Dalitla stund tók að finna skárstu leiðin við jökulröndina, en eftir það sóttist okkur leiðin bærilega miðað við færð og veður. Það voru um 30 m/sek snjókoma og 7 stiga frost.
Af því við höfðum svo rúman tíma, tókum við nokkra aukahring þarna við Hábunguna ?svona rétt til að njóta landslagsins?
Held að kl. Hafi verið um tvö þegar við mættum Hlyni Snæland við Hábungu. Kjartan tók við sendingunni og eftir skamma stund skildu leiðir og við lögðum af stað heim.
Sindri var í einhverju basil nær Latabæ. En hann var Hlyni til halds og trausts í leiðangrinum?
Veit ekki af hverju Grímsfjallaskáli gengur undir þessu nafni núna, en maður heyrir svo margt í stöðinni í svona veðri!
Dálítið tafs var að komast af jöklinum en við reyndum þó að skilja eftir sæmileg för fyrir Latabæjarbúa til að liðka fyrir för þeirra daginn eftir. Ekki síst vegna þess hvernig þeim miðaði á móti okkur.
Það var sama hjakkið niður Jökulheimaleiðin en þó vorum við komnir í Hrauneyjar um kl. 19 á miðvikudaginn, með alla bíla og áhafnir í heilu lagi, þrátt fyrir að vera allir á aðeins 38? dekkjum.
Þá fréttist af Hlyn og félögum enn á jöklinum eftir að hafa lagt af stað um kl 14.
Sólarhring síðar frétti ég af þeim á styttingnum 2 bílum færri og í tómu tjóni. Kannski ekki fundið förin?
Veit ekki hvort þeir eru komnir til byggða þegar þetta er skrifað.

P.s. Sagan verður í sögusafni á Rottusíðunni síðar. Og þá öllu ítarlegri. Þessi er ekki endanlega yfirfarin.

Hafið það gott um áramótin.

Kveðja

Jón Ebbi.

Nokkuð góð ferðasaga hjá Jón Ebba, en eitthvað er nú landfræðikunnátta og kortalestur að vefjast fyrir þeim. Við Kjartan vorum komnir langleiðina í Jökulheima þegar við hittum Þröst, sem var með stýrisarmin góða, en hinir voru ekki komnir svona langt, enda ekki NISSAN merki á hinum bílunum.

Fjörið byrjaði fyrst þegar við fórum heim, 22 tímar frá Grímsfjalli í Jökulheim er laaaannngur tími fyrir ekki lengri leið en þetta (45km) en það skot gekk í Hrauneyjar, en þar er allt á kafi í snjó og ófærð. Stelpurnar í Hrauneyjum eiga stórþakkir skildar fyrir að bíða eftir okkur, því bæði ferðafólk og ökutæki voru orðin næringarþurfi eftir ferðalagið. (300 lítra ferð hjá mér)

Ég verð að taka undir með Hlyn, Og þakka þeim hrauneyja dömum. Það er sennilegast besti staður að sækja heim á landinu og þó víða væri leitað. Þær eru alltaf tilbúnar að bíða eftir okkur og opna hvenær sem er nætur, þegar við að lokum komum af fjöllum seint og um síðir. Þúsund þakkir til starfsmanna Hrauneyja.
Jón Snæland.