This topic contains 83 replies, has 1 voice, and was last updated by 
-
Topic
-
Ég vil vekja athygli ykkar á óforskömmuðum verslunarhætti þeirra hjá (Alvöruflugeldum). Þeir eru búnir að stilla sér upp við hliðina á helstu sölustöðum Landsbjargar með það fyrir augum að nappa til sín kúnnum þess síðarnefnda.
Þetta tel ég vera lúalegt gagnvart björgunarsveitunum sem hafa þarna sína einu tekjulind.
Það dylst ekki neinum hversu björgunarsveitirnar eru mikilvægar fyrir stóran hluta landsmanna, m.a. okkur sem erum að brölta upp á hálendið í einhverjum mæli….
Þeir hjá (Alvöruflugeldum) stinga sínum gróða í sinn vasa, meðan Landsbjargarmenn leggja fram sinn tíma og vinnu, án endurgjalds, fyrir málstaðinn.Mér finnst ekki vera um mikið beðið að fólk sniðgangi þessa tækifærissinna með peningamerki í augunum og velji heldur að styrkja þá sem leggja sig í hættu við að bjarga vitleysingum í voða.
Ég vona bara að peningaleysi Landsbjargar komi ekki til með að aftra þeim frá því að bjarga Einari og Rúnari hjá (Alvöruflugeldum) þegar þeir komast í hann krappann!
Með von um að sem flestir velji rétt um þessi áramót,
Trausti Jónsson
-
Replies
-
78 miljónir til björgunarsveita
og ætli þær milljónir fari ekki örugglega í rekstur á björgunarskipunum sem eru í kringum landið, kæmi mér ekki á óvart og því fé er ábyggilega mjög vel varið í það verkefni og má ríkið þakka fyrir það að björgunarsveitirnar taki að sér svo viðamikið verkefni að reka þessi björgunarskip, aftur á móti er landflotinn örugglega allur rekinn á flugeldasölu og fé frá annari sjálfboðavinnu.
Langar líka að benda á það að til dæmis í sveitinni sem ég var meðlimur í í mörg ár, sem er sú björgunarsveit sem er næst stödd hálendinu af öllum sveitum á landinu, að við fengum styrk frá landssambandinu á hverju ári sem nam 70 þús en þó rákum við nýjann öflugann 44" bíl , 2 sleða og bát, allt rekið með flugeldasölu og dósasöfnun, næturvöktum á sumrin og öðru sjálfboðastarfi. og þetta gerðum við allt til að geta verið reiðubúnir ef einhver þurfti hjálp…
þannig að þessar 700 milljónir þínar eru eitthvað bull held ég
hafðu það annars bara gott leikarasonur…
Axel Sig…
Fékk þetta sent frá félaga mínum í bjsv. Ársæli:
–
"Ég er ekki með aðgang að f4x4 síðunni, en ég skoðaði fjárlög íslenska ríkisins og þar kemur fram að Slysavarnafélagið landsbjörg fær 80,4 millj.Björgunarskólinn 13,8 m.
Og
Slysavarnaskóli Sjómanna 57,8 millj.
Þetta er hægt að skoða á http://www.althingi.is/altext/133/s/0550.html"
–
Bestu kveðjur,
Einar Elí
You must be logged in to reply to this topic.