Óþverrabisness!!!!!!!!!!!!!!

Er að styrkja bjsv með flugeldakaupum með því er ég að tryggja öllum sem mér þykir vænt um eins þeim sem mér þykir minna vænt um,Örugga hjálp á neyðarstundu,betra er ekki hægt að gefa.

Megi allir hafa góð áramót og gott komandi ár og vonandi verða útköll bjsv sem fæst á árinu sem er að ganga í garð.
Klakinn

Ef björgunarsveitirnar væru með sameiginlega síðu
þar sem hægt væri að fylgjast með því helsta ?.

ég kíki stundum inn á síður björgunarsveita en þær eru mjög sjaldan uppfærðar. þeas með nýjum fréttum.
ef allir póstuðu fréttir á einn stað væri sennilega nægt líf
til að gaman væri af.
Þá myndi líka sjást betur hversu mikil vinna er í þessum sveitum. 600 þús stundir +
það er nú slatti. Muffin hvar færðu þessa tölu ?

Jæja þá er þessari sölu lokið í bili hjá okkur í Björgunarsveitunum. Það komu ófáir jeppamennirnir og versluðu mjög duglega hjá okkur og sumir létu það ekki eftir sér að versla hjá fleiri en einni sveit fyrir dágóðar upphæðir (Erlingur) og erum við þakklát. Takk fyrir stuðninginn!

Hjalti Þ Stefánsson!
Við þig vil ég aðeins segja, þú getur alltaf treyst á okkur!

Bestu óskir um góð áramót.

Benni
(Súlur Akureyri)
http://www.sulur.is

Hér hefur verið útskýrt í hvað fjármunir björgunarsveitanna fara en mig langaði aðeins að ítreka tvo punkta.
–
Sá fyrri er að meðal björgunarsveitarmaður þarf að galla og græja sig upp sjálfur fyrir ca. 100-200 þúsund til að vera útkallsfær. Þeir peningar koma úr vösum meðlimanna sjálfra, ekki frá sveitinni eða landssamtökunum. Það er vissulega í anda sjálfboðaliðastarfsins, en þegar ég komst að því í minni nýliðaþjáflun hversu mikil útgerð þetta er varð ég hreinlega gáttaður á því hversu margt fólk um landið allt leggur þetta á sig til þess eins að vera til staðar ef náunginn þarf á hjálp að halda.
–
Sá seinni er að æfinga- og þjálfunarferli björunarmanna er tíma- og peningafrekt ferli. Þar fyrir utan þurfa björgunarsveitir að vera vel tækjum búnar (svolítið misjafnt eftir aðstæðum) og allur sjá tækjakostur þarf að vera í lagi. Alltaf.
Það kemur kannski einhverjum á óvart hvað er mikið umstang í kringum þessa starfsemi en sem útivistarmanni finnst mér það alltaf vera öryggislína að vita af björgunarsveitunum. Mér finnst því mjög gott að vita að björgunarmenn þjálfa líka fyrir aðstæður sem þeir lenda ekki í á hverjum degi, en gætu einhverntíma gert. Því á þeim degi skiptir það höfuðmáli.
Í hnotskurn: Starf sveitanna ætti að vera sem mest og best til þess að vera búnar undir "kannski" og "hvað ef" tilfellin.
–
Já, svei mér þá, ég held ég bæti því þriðja við: Við höfum þegar séð hversu fært ríkið er um að reka hjálparsveit. Hún heitir Landhelgisgæslan og er í stöðugu fjársvelti. Ef starfsmenn hennar væru ekki það sómafólk sem þeir eru væri hún örugglega álíka vinsæl og Tryggingastofnun.
Þrátt fyrir að gæslan sé algjört lykilatriði í neyðaraðstoð hérlendis tel ég að björgunarsveitunum sé best borgið í sjálfboðaliðaumhverfinu.
–
Ég er hættur í bili.
Einar Elí

Bjarki
tölur um vinnustundir koma beint frá Landsbjörgu, formaður landsbjargar setti þessa tölu fram í viðtali í vikunni að mig minnir, þessar auka stundir sem ég skellti inn var bara svona ágiskun miðað við það sem maður þekkir af þessu starfi að þá er því miður aldrei öll útköll skráð á blað…

kv. Axel Sig..

Svo bara svona til fróðleiks þá fer 10und af öllu sem Einar selur til Krossins,svo ég spyr bara hver er bakhjarlinn af öllu þessu hjá honum.
Bestu kveðjur
Matti

Það er semsagt skítalykt af málinu. Kemur manni svo sem ekki á óvart. Annars til fróðleiks þá vissi ég ekki betur en Einar hafi verið kominn í flugeldana áður en hann fór í ofstækishópinn.

Það er alltaf talað um að flugeldasala sé eina (eða ein af sára fáum) fjáröflunarleiðum björgunarsveitanna, hvað um jólatrésölu. Svona til gamans að þá er ekki hægt að fá jólatré á öllu höfðuðborgarsvæðinu fyrir jólin. Yrði fólk ekki brjálað ef að björgunarsveitirnar væru með einkasölurétt á jótrjám (ég held það). Og einhverstaðar heyrði ég að björgunarsveitirnar fengju úthlutðar 700 miljónir á ári í ríkisstyrk. Ef að það er ykkur svona mikið hjartans mál að styrkja björgunarsveitirnar af hverju leggið þið ekki bara 1000 – 2000 kall á mánuði eða eitthvað álíka sem frjáls framlög til þeirra, það kemur út a það sama og að versla einn fjölskyldupoka (sem er bara fullur af einhverjum stjörnuljósum) og 2 rakettur.
3 af hverjum 4 sem að sitja inni um áramótin fyrir sölu á ólöglegum flugeldum eru einhverjir skátar, þeir sprengja bílana sína í tætlur vegna þess að þeir eru óvarkárir og sprengja húsin sín í tætlur vegna þess að þeir virða ekki reglur um að geyma sýningarefni aðskilt frá söluefni.
Það voru ekki einu sinni björgunarsveitirnar sem að byrjuðu á flugeldasölu á íslandi, Ellingsen var með flugeldasölu í mörg ár og byrjuðu vel á undan björgunarsveitunum og sama má segja um Gullborg. Hvað væri gaman við það ef að björgunarsveitirnar væru með einkarétt á flugeldasölu, það væru allir með sama efnið og engin fjölbreytni.

Ég styð frjálsa verslun og versla þar sem að ég vill, og læt ekki skikka mig til þess að stunda viðskipti við einn aðila.

Geysist einn fram á sviðið að verja einkasölu á flugeldum og fer mikinn,ég tel ekki þessi skrif hans breyta neinu um staðreyndirnar hvað varðar söluna,ef menn eru svo skamsýnir að sjá ekki munin á að styrkja björgunarsveitir sem alltaf koma til aðstoðar hvar sem er og hvenær sem er og hjálpa hverjum sem er og vilja heldur kaupa af mönnum sem eru í þessu til þess eins að græða fyrir eigin hag og láta sér nægja að sitja og horfa á í sjónvarpi þegar sveitirnar eru að störfum,þá er þeim bara vorkun og lítið hægt að gera til að breyta því,ég líki þeim við fólkið sem er með sjúkrakassa í bílnum en neitar að lána hann á slysstað vegna þess að hann er svo dýr,eða reynir að komast fram hjá slystað vegna þess að því liggur svo á,þetta eru staðreyndir því miður.
Hvað varðar jólatrésöluna þá á síðasta ári var þvílíkt oframboð á jólatrjrám að henda þurfti þeim í stórum stíl með tilheyrandi tapi fyrir söluaðila og fóru aðilar varlegar í innflutningi núna.
Jú víst hafa orði slys vegna flugeldasölu og kröfur um varðveislu og geymslu hertar.
Jú Björgunarsveitarmenn hafa látið lífið í björgunum.
Jú Ellingsen hóf flugeldasölu meðal annars vegna þess að fyrstu flugeldar sem notaðir voru á gamlárskv voru skiparakettur sem fallnar voru á tíma og þurfti að endurnýja um borð í bátunum og gáfu útgerðarmenn áhöfnum sínum þá ásamt blysum,þannig að flugeldasalan fór að mestu fram vegna skyldukaupa útgerðar,skip fengu ekki haffærniskírteini ef þá vantaði,aðilar hjá Ellingsen útveguðu SVF’I tengla til að kaupa af í upphafi.
Örn verslaðu þú bara þar sem þig langar,enda hefur enginn skipað þér eitt né neitt,en vittu til ef þú þarft á neyðarhjálp að halda,eða eitthver þinna,þá koma björgunarsveitirnar og hjálpa þér og þínum,sama hvar þú verslaðir flugelda.
Annar var félagi minn í Hafnarf.að versla sér fyrir áramótin og fór inn á sölu sem hann hélt að væri á vegum bjsv en til öryggis áður en hann greiddi fyrir vörurnar spurði hann hver væri með þessa sölu,sem að öllu leyti var eins og hjá Bjsv,honum var svarað að einkaaðili væri með söluna,hann gekk út og lét pakkann liggja og verslaði hjá bjsv.hafi hann þökk fyrir
Klakinn.
ps hvað varðar trúarbrögð einstaklinga.þá hafa þau litla meiningu hérna,en holt er þó að muna að mestu óhæfuverk mankyns hafa verið framin í nafni trúar

Óskar – það er auðvitað ekki nema sjálfsagt að þú ráðir sjálfur hvar þú verslar þína flugelda. Ég er sömu skoðunnar og formaður Slysavarnarfélagsins Landsbjargar að það eigi ekki að koma á einkaleyfi, en fólk eigi að eiga að sjá sóma sinn í að styrkja mannúðarsamtök með þessum hætti. Þykir samt leiðinlegt að álit þitt á björgunarsveitum sé ekki meira en þetta. Vonandi verður einhverntíma eitthvað til að breyta því.
–
En ég hjó líka eftir nokkrum punktum í skrifum þínum sem ég væri alveg til í að fara nánar út í.
–
Hvað varðar jólatrén þá eru reyndar ekki allar björgunarsveitir á þeim markaði. Sem fyrr velur fólk hvaða söluaðila þeir vilja styrkja. Sjálfur á ég sígrænt tré sem ég keypti af Bandalagi íslenskra skáta, enda nánast alinn upp í þeirri ágætu hreyfingu. Bendi þér á að skoða þann möguleika fyrir næstu jól ef þú verður enn trjálaus.
–
Ég veit ekki alveg hvort þessi 700 milljón króna tala þín er hárrétt eða ekki, frekar en þú sýnist mér, en það er ekki rétt að björgunarsveitirnar sjálfar fái úthlutað úr ríkissjóði. Það eru landssamtökin (Slysavarnarfélagið Landsbjörg) sem fá styrk. Rekstur félagsins er gríðarlega margþættur og víðfeðmur og lýtur meðal annars að fræðslu og forvörnum, námskeiðshaldi, rekstri björgunarmiðstöðvarinnar í Skógarhlíðinni, björgunarskólans, slysavarnarskóla sjómanna og svo framvegis. Á heimasíðu samtakanna segir meðal annars:
–
"Rekstur öflugra björgunarsveita er afar kostnaðarsamur þar sem framlag opinberra aðila nemur einungis broti af rekstarkostnaðinum. Slysavarnafélagið Landsbjörg þarf að eyða mikilli vinnu í að afla starfseminni rekstrarfjár. Félagseiningar Slysavarnafélagsins Landsbjargar eru fjárhagslega sjálfstæðar einingar og leggja ekki fjármuni til rekstrar heildarsamtakanna. Sveitirnar afla sér hins vegar fjár með ýmsu móti en hæst ber þó sölu jólatrjáa og flugelda fyrir jól og áramót. Þar ná sveitirnar sér í þorra þess rekstrarfjár sem þær hafa úr að spila allt árið um kring. Landssamtökin afla sér einnig fjár á ýmsan máta: Með happdrætti, innflutningi á sjúkragögnum og fleiru."
–
Sem svar við spurningu þinni "Ef að það er ykkur svona mikið hjartans mál að styrkja björgunarsveitirnar af hverju leggið þið ekki bara 1000 – 2000 kall á mánuði eða eitthvað álíka sem frjáls framlög til þeirra"…
Bendi á svar mitt hér að ofan, sérstaklega klausuna um einstaklingsbúnað. Ennfremur borga ég ársgjald í minni björgunarsveit til að fá að vera þeirra forréttinda aðnjótandi að mega vera kallaður út um miðja nótt til að draga þig upp úr krapapyti 😉 Tel mig því í raun vera að fara eftir þessari uppástungu þinni.
–
Varðandi þá þrjá af hverjum fjórum sem sitja inni um áramótin fyrir sölu á ólöglegum flugeldum og eru "einhverjir skátar" vil ég fyrst að það komi fram að skátar og björgunarsveitir eru ekki það sama. Annað er æskulýðshreyfing og hitt eru björgunarsveitir. Um er að ræða sitthvor landssamtök og sitthvorn starfsvettvang. Einu tengslin þar á milli eru annarsvegar söguleg og hinsvegar gagnkvæmur velvilji og samstarf í einstaka verkefnum, ekki síst þegar kemur að félögum á unglingsaldri. Báðar hreyfingarnar treysta nær 100% á starf sjálfboðaliða.
–
Hvað sem því líður langar mikið að biðja þig um að benda mér á hvaðan þú fékkst þessar upplýsingar því þar sem ég er áhuga-pappírsdýr hefi ég mikinn hug á að skoða þær nánar, ef nokkrar eru.
–
Áttirðu annars ekki bara góð áramót? Reikna með að þú hafir verið ánægður með flugeldana þína og svona?
–
Förum varlega í umferðinni.
Einar Elí Magnússon