Óþverrabisness!!!!!!!!!!!!!!

Þá er maður búin að versla hjá Einari og fjekk góðan afslátt af risa stöffi,Og þetta merkir að ég verð að fara aftur að flytja inn og þá kanski lækkar verðið aftur. Amen.

Sælir, félagar. Ég ætla að þakka hlý orð í garð okkar björgunarsveitamanna hér að ofan og þakka stuðningin, hann er ómetanlegur.

Hjalti. Mér sýnist við fyrstu að þú eigir einhver óuppgerð mál við þessa björgunarsveit sem þú talar um. Vissulega eru oft svartir sauðir inn á milli og getur vel verið að það sé málið með þessa sveit sem þú talar um en það er þá algjört einsdæmi.

Á meðan fólkið í landinu og búnaður þess þróast hafa björgunarsveitir reynt að þróast í sömu átt. Að mínu mati geta björgunartæki aldrei verið of ýkt, það er alltaf til not fyrir þau.

Að baki hverrar sveitar liggur þrotlaus vinna og eins og allir á landsbyggðini vita er virkni sveita misjöfn en þegar á reynir, erum við, björgunarsveitarfólk alltaf til staðar. Sjálfboðastarf er á undanhaldi í dag og ekki jafn margir tilbúnir að leggja hendur á plóg eins og áður var. Þess vegna eru oftast keypt ný björgunartæki í dag, með ábyrgð frá söluaðila til að minnka svoleiðis vinnu. En hún er alltaf til staðar, sama hvað tímanum líður.

Unglingastarf er mjög öflugt innan raða Slysavarnarfélagsins Landsbjargar og koma margir sterkir einstaklingar inn í flestar sveitir þaðan ár hvert.

Hvað varðar leikaraskap hjá björgunarsveitum þá getur það oft verið rétt. Það myndi enginn nenna stunda svona starf ef það væri ekki fyrir það að stundum er hægt að leika sér smávegis, en það er jafnframt besta æfingin. Eins og ég segi þá er það ágætis umbun þegar þú ert búinn að vera í Óveðursútkalli í 40 klukkustundir á einni viku að geta rennt á langjökul einn sunnudag í blíðunni og haft gaman af. Ef það væri aldrei hægt að æfa sig, leika sér eða prófa tækinn, þá væru björgunarsveitir lítið sem ekkert í dag. En ég ætla benda mönnum á það mjög oft þegar björgunarsveitir eru á ferðinni enda það með einhverri aðstoð eða hjálparbeiðni.

Ég kem úr Grindavík og er mikill ferðamaður sjálfur, mikið ferðast í snjó sem og öðru. Þá hefur mín björgunarsveit ekkert mjög mikið að gera með snjó. Þó eigum við 38" bíla til að sinna okkar svæði þegar á reynir og eitt sinn spurði ég björgunarsveitarmann fyrir norðan "Afhverju eru þið með svona dýra og öfluga vélsleða?"

Hann svaraði "Til þess að geta elt þá sem eiga svona öfluga sleða"

Það nægði mér alveg til þess að skilja þessa þörf.

Björgunartæki eru ekki keypt bara til þess að kaupa þau.

Jæja, ég ætla að segja þetta gott í bili. En og aftur þakka ég góðann stuðning félagsmanna og óska eftir en frekari stuðningi nú í flugeldasölunni.

Megi gæfan fylgja ykkur um áramótin og í framtíðinni.

Kveðja
Otti Sigmarsson
Björgunarsveitin Þorbjörn. Grindavík

P.S
Síðasta útkall hjá okkur var klukkan 23:16 í gærkvöldi og stóð í 3 klst. Það kom td. ekki fram í fréttum.

Björgunarsveitirnar eiga að eiga þetta það er bara þannig, það spurði mig einu sinni maður sem er einkaaðili sem flytur inn flugelda hvort ég vildi ekki koma og fá hjá sér flugelda fyrir lítinn pening og ég sagði nei bara beint og sagði að ég tæki frekar einn flugeld hjá björgunarsveitunum fyrir 10000 kall heldur en heilann kassa hjá honum þá kom svolítið á hann og spurði hvers vegna. Ég svaraði ósköp einfaldlega, Ef ég týnist þá kemur þú alveg örugglega ekki til með að leita að mér, málið dautt. Ég segi svei ykkur einkaaðilar björgunarsveitirnar eiga að eiga þetta

Þú berð þinn hlýhug til björgunarsveirnannen hvar eiga hinir sem ekki gera það að versla, hafa kannski ekki áhuga á tuðrusparki og vilja heldur ekki leggja sitt fé í sjóði þeirra, þeir meiga bara versla þar sem þeim sýnist án þess að það komi einum einasta mannin við. Þessi áramótin verður blanda hjá mér, 50% alvöru dót frá alvöru flugeldum og 50% frá björgunarsveitum, legg mitt að mörkum en hugsa líka um að hafa gaman af þessu svo að á næsta ári get ég fengið ALVÖRU pústkerfi unndir bílinn og ef pústkerfið klikkar get ég kallað eftir aðstoð . Eigið þið gleðileg áramót.

Hæhó svo er bara að muna að sleppa prikinu Anton. Einn kostur vð Einar er að hann á örugglega 4" púströr fyrir tívolíbomburnar:o)

Nokkuð merkilegur vinkill sem Anton hefur tekið í þessari umræðu. En hann hefur tekið að sér að verja þessi lítilmenni, sem þykjast hafa ýmis háleit markmið og eitt af þeim hafa borið á góma hér fyrr í spallþræði. En það er hin mikla trú Einars á guð. Sem hann flaggar í tíma og ótíma, en hann á sennilega bara einn guð og hann heitir Mammon.
Og hin lítilmennin fylkja sér sennilega líka um sama guðinn. Anton hefur greinilega gripið sama siðblindan og þessar svokallaðra einkaaðila í flugeldabransanum, en viss hópur manna, virðist alltaf réttlæta það fyrir sjálfum sér að allt sé leyfilegt vegna þess að það séu viðskipti í gangi. Ég veit ekki hvernig hægt er að koma ykkur til hjálpar, sennilegt er þar á brattan að sækja fyrst guði tókst það ekki í tilfelli Einars.

Ég nenni nú ekki að svar þessu kjaftæði þínu Anton um að pústþjónustna hjá Einari, hafi verið eitthvað sérstaklega velvild klúbbnum. En get bent þér á til fróðleiks. Að þegar Einar yfir gaf pústþjónustuna í Nóatúni. Þá fengu félagsmenn aflátt það í kjölfar brotthvarf hans þaðan ( skrítið ekki satt ). Ég get svosem bætt við fyrir auka fróðleik, pústverkstæðið leið ávalt fyrir flugeldasöluna.
Allir þessir skúrkar, enda ekki til annað orð yfir þá, afsaka sig allir á þann veg að þeir séu einungis að selja svo lítið. Örn Arnason sagðist t,d aðeins vera með 1-2 % markaðshlutdeild en magnið var samt 19 tonn. Jón Gunnarsson reyndi að útskíra fyrir honum ( að margt smátt gerði eitt stórt ) held þó að Örn hafi ekki verið að hlusta. Einkaaðilar eru nú búnir að ná að sölsa undir sig 40% markaðsins.

Það virðast vera sömu aðilarnir sem láta sér detta í þá reginn heimsku, að skipta út björgunarsveitunum fyrir her undir leiðsögn Björns Bjarnasonar. Þessir aðilar gætu þó átt sér eitt til afsökunar fyrir heimskuna, en það gæti verið að þeir séu svo ungir að þeir muna ekki annan tíma en síðustu vikurnar, eða þeir séu búnir að gleyma umræðum um þyrlumálin í fyrra. Eða þá að þeir þekki ekki hörmungarsögu fjárveitingarvaldsins, þegar komið hefur að skiptingu peninga í forgangsröð. En farkostir Landhelgisgæslunnar voru orðin fljúgandi og siglandi byggðarsafns tilfelli. Um leið og björgunarsveitunum verður skip út fyrir leikskólaherinn, verður þjóðin að sætta sig við útgjöld sem reiknast einungis í miljarðatugum og einmitt þess vegna hafa aðrar þjóðir lagt á það áherslu að reina brauðfæða sína heri með heimaframleiðslu.

Það er alltaf hægt að gagnrýna og að gagnrýna Landsbjörgu er kannski ekkert mál, þar sem um stórt apparat er að ræða og því meiri hætta á mistökum. En engu af síðu eru þar þúsundir manna og kvenna að leggja sig fram, bæði tíma sínum og peningum.

Ég vona svo að þessir slúbbertar hafi svo sem mesta skömm af þessu, og þeim verði sem minnst ágengt í sölunni. Þessi áramótin sem og næstu áramót. Ég hvet því allt alvöru útivistafólk til þess að sniðganga þetta lið allt árið, því með því einu komum við á framfæri andúð okkar á þessari siðblindu.

Anton er búinn að eyða allmiklu púðri í það hérna í þræðinum að verja þessa skúrka. Ef Anton væri alvöru jeppamaður þá vissi hann sennilega að það eru fjölmargir sem einmitt skrifa hérna á spjallið og eru starfandi innan klúbbsin, sem eru akkurat núna að selja flugelda fyrir Landsbjörg. Hann myndi líka vita það að flugeldasala bjargar mannslífum. En það gera forsvarsmenn Alvöruflugelda ekki, það gerir Örn Árnason ekki heldur.
Það gerir ekki heldur Svafar Jóhannsson hjá Fitness Sport. En einmitt þessi Svafar lét hafa eftir sér þau fleygu orð ( hann á ekki von á því að hans flugeldasala muni skaða íþróttafélöginn og björgunarsveitirnar ) hvað á maðurinn við, á flugelda sala einhverra annarra eftir að skaða LB, bullustampur.

FLUGELDASALA BJARGAR MANNSLÍFUM.

Hafðu heill mælt. Engu við þetta að bæta.
Farið svo varlega um áramótin félagar góðir og megi nýja árið verða gjöfult á góð og slysalaus ferðatækifæri.

Nú er ég bara að spöglera eina ferðina enn.

Þetta fólk sem er að tala um ofur álagningu sem það telur sig vera að borga fyrir raketturnar … er það ekki sama fólkið sem að oft fer í ríkið (ÁTVR) og verslar áfengi fyrir tugþúsundir mörgum sinnum á ári á uppsprengdu verði… og fær ekkert nema þynku í staðinn… og ekki einu sinni öruggt pláss á Vogi í meðferð… nú eða Byrginu fyrir þá sem kjósa það. Margt af þessu fólki fer á skemmtistaði um helgar og kaupir eitt glös á barnum á verði sem að fær mann til að svitna og svo bara móral daginn eftir.
Björgunarsveitirnar eru með stóra fjáröflun einu sinni á ári sem stendur undir rekstri sveitanna og er aðal spennan í þessum gróðra buissness (alias óþverra buisness) fólgin í því á hvaða tímapunkti á gamlaársdag er farið að rúlla yfir 0 og GRÓÐINN fari að skila sér.
Þeir selja flugelda sem að öll fjölskyldan og nágrannar geta glaðst yfir sem fjáröflun… Sumum finnst kannski bara skemmtilegra að kaupa bara pappír með númerum á (happdrættismiða) og er það þá stundum líka í boði… Og ef þakið hjá þér er að fjúka eða barnið þitt er týnt þá koma þeir um leið og þú hringir… FRÍTT …(og án aukakostnaðar)… því þeim er sama hvort þú heitir Jón eða séra Jón og hvort þú keyptir flugelda af þeim eða ekki.

kv. stef (hin einfalda)
Nb. ekki skot á Ofsann

Góður púntur, það væri mjög sniðugt að selja rakettur í ríkinu og ágóðinn rinni til Hjálarsveita, ég mundi pottþétt kippa með mér rakettukassa um hverja helgi, þá sæji maður líka hvar væri partý í gangi í bænum:o)

Kvennadeildir Slysavarnafélagsins Landsbjargar hafa í áratugi verið með kökubasar og fl uppákomur til að afla fjár fyrir sveitirnar og ófáir slöngubátar og línubyssur ásamt öðru verið fjármagnað af þeim hvurndagshetjum.

Klakinn