Óþverrabisness!!!!!!!!!!!!!!

Naffok, óþarfa nafnaköll þyki mér í þessari annars (mis)málefnalegu umræðu.

Og það að einn keyri hratt gefur hinum ekki leyfi að keyra hratt, er það?
Sama með ÁTVR, þó það þeir einoki áfengi og tóbak er ekki þar með sagt að það sé sanngjarnt eða vænlegt f. neytendur.

kkv, Úlfr Þór

Það er ekki spurning um að við eigum að versla af björgunarsveitunum og varðandi einkaleyfið á sölunni að þá finnst mér það ekki endilega nauðsynlegt að gera það en það ætti aftur á móti að setja strangar reglur um innflutning og meðhöndlun flugelda og sérstaklega passa uppá að gamlir flugeldar séu ekki bara seldir árið eftir, maður hefur séð þannig flugelda frá einkaaðilunum springa í tætlur á jörðu niðri afþví að púðrið hefur verið gamalt og þurrt, það er mikið gæðaeftirlit hjá landsbjörgu þó að vissulega geti einn og einn flugeldur klikkað, en gamlir flugeldar eru ekki seldir, geturðu treyst á það með einkaaðilana… sennilega ekki, þar snýst þetta allt um seðilinn….

Ég ættla að biðja menn um að sjá nú sóma sinn í að vera ekki með skítkast út í pústverkstæðið hjá Einari, hann gerir góða hluti þar, stundar heiðarleg viðskipti, borgar sína skatta eins og hver annar borgari hér, trúir á sinn Guð (meira en margur annar ), þetta kemur því bara ekki með nokkru móti við, ættlið þið að hætta að borða fisk út af einum ólánssömum fisksala sem hafði því miður slæmt athæfi við ungar stúlkur. Einar og Rúnar reka sinn ágæta "bissnis" hvor í sínu lagi, lögin leyfa þetta og þeir eru ekki þeir einu einkaaðilarnir sem selja flugelda um áramótin. Spörum skítkastið, verslum þar sem við teljum peningum okkar best varið. Að sjálfsögðu er rétt að styðja gott málefni.

P.s Sniðgöngum spaugstofuna, Örn Árna er að selja flugelda 😉

Auðvitað beina allir hér viðskiptum sínum til björgunarsveitanna og hvetja aðra til að gera það líka. Ég hugsa að ég myndi ekki eyða stórum upphæðum í flugelda ef það væri ekki fyrir það hvert peningarnir renna, er frekar latur við að skjóta þessu upp en lít á þetta sem styrk við sveitirnar. Hins vegar hef ég efasemdir um að rétt sé að setja einonkunarlög um þetta og alveg sannfærður um að það væri stórslys að gera Landsbjörg að einhverju ríkisapparati. Ekki yrði það til að bæta stjórnviskuna á þeim bæ. Þá væru pólitíkusar orðnir yfirmenn þessa apparats, aðeins þeir sem eru dyggir flokksmenn í valdaflokknum og ‘stuttbuxnadrengir’ fengju að koma nálægt stjórnunarstöðum þarna og þá gjörsamlega óháð hæfni eða innsýn í björgunarmál. Nei takk, ekki ríkisbákn yfir þetta. Hins vegar ætti ríkið að hliðra meira til fyrir sveitirnar í sambandi við skattamál o.þ.h.
Sem betur fer eru margar sveitir ágætlega stæðar og vel búnar tækjum og það er vegna þess að margir beina sínum kaupum til þeirra, einkaaðlilar eru sem betur fer ekki að fá stóra sneið af þessari köku. Það er þeim samt ekki til sóma að vera að fara inn á þennan markað og persónulega finnst mér sama gilda um fótboltasparkara sem fara inn á þetta svið. Þeir hafa nóg af öðrum fjáröflunarmöguleikum. Enga KR-flugelda inn á mitt heimili takk fyrir.
Kv – Skúli

Ég sem björgunarsveitarmaður til fjölda ára og sem jeppamaður til enn fleiri ára, við nú bara þakka stuðningin sem ég sé hér inni. Að sjálfsögðu eiga menn að standa við bakið á þessari mikilvægu starfsemi.
Þessi sala er eitthvað sem er sveitunum lífsnauðsyn, og margur íslendingurinn hefur notið góðs af starfsemi þeirra. Þetta atriði með að spyrja "hvað gerir flugeldasalinn þinn fyrir þig?" finnst mér snilld.

Varðandi fjárlögin þá á að sjálfsögðu að setja Landssamtökin á fjárlög, en þar á ríkisafskiptunum að ljúka, því að það kerfi sem við búum við í dag hefur virkað og virkað vel. En það mætti vera til örlítið meiri peningur til að menn gætu einbeitt sér meira að æfingum mentun og innra starfi, og minna að fjáröflunum…

Takk fyrir stuðningin

Eiður Ragnarsson
Formaður
Bjsv Ársól
Reyðarfirði

Ps Það er opið á laugardag mikki kl 14 og 22 og á Gamlársdag millikl 10 og 14 í Þórðarbúð á Reyðarfirði

…

Hér talar hver fyrir sig varðandi ölvun, en burt séð frá því væri ekki bara ráð að eyrnamerkja björgunarsveitum þær skatttekjur sem koma af flugeldasölu á íslandi, erum við ekki að tala um all góða summu þar ofan á það sem kemur inn við beina flugeldasölu, þá eru björgunarsveitir með flugeldasöluna "skattlausa" þar sem það kæmi til baka ekki löng síðar. Hugsum um hvað við getum gert, ekki hvað aðrir eru að gera.

ég veit reyndar ekki hvða björgunarsveit þú ert að tala um Hjalti, en eins og Mikjal benti á er tækjaeign íslendinga orðin þannig að björgunarsveiir þurfa að vera mjög vel búnar til að geta verið undir það búnar að bjarga öllum. Ég býst við að mönnum þætti skýtin frétt sem hljóðaði á þá leið að maður væri fastur eða týndur upp á hálendinu en björgunarsveitir gætu ekki bjargað honum því hann ætti svo öflugan bíl að ekkert þýddi að reyna að bjarga honum. Sem betur fer er þetta ekki svona og margar sveitir eiga snjóbíl sem kemst nú ennþá talsvert meira í snjó en öflugustu jeppar. Sú umræða hefur oft skotið upp kollinum að menn séu bara að leika sér í björgunarsveitum, en hvað á að kalla leik og hvað á að kalla æfingu. Bílarnir og sleðarnir eru ekki til mikils gagns ef enginn kann á þá og enginn lærir á þá nema með að æfa sig sem eflaust getur litið út fyrir að vera leikaraskapur í augum einhverra. Ég held hinsvegar að menn séu ekki að leika sér heldur æfa sig.
Kv Beggi

Það sem Hjalti heldur fram er með ólíkindum um að björgunarsveitir hafi verið betur í stakk búnnar hér áður,þvílíkur reginþvættingur.
Fram yfir 90 voru sveitirnar má segja illa búnnar,gamlir slökkvibílar úr sér gengnir víbonar og unimogbílar,snjóbílar sem aðrir höfðu lagt vegna viðhaldskostnaðar,gamlir mjólkurbílar frá Mjólkurbúi Flóamanna,úr sér gengin hertól flutt in með ærnum kostnaði,Zodiak slöngubátar með eldgömlum Johnson mótorum,kaup á talstöðvum var stórmál og svona er lengi hægt að telja.Ef ekki hefðu verið til staðar menn sem höfðu mikla þekkingu og kunnáttu í vélum rafmagni og því sem þurti til að halda þessu gangandi hefðu sveitirnar verið illa staddar er til útkalls kom,of var legið í viðgerðum svo dögum skipti til að hafa tækin klár,og það var ekki hlaupið að því að redda varahlutum í þessi tæki,Oft í útköllum var notast við faratæki félaga í sveitunum og ef útkall kom í Jan og maður þurfti að fylla tankinn 2-3 sinnum í útkallinu og svo önnur útköll í feb,mars,apr,og restina af árinu með viðeigandi kostnaði,þá var gert upp um næstu áramót á eftir ef það var til peningur,bilanir og viðgerðir voru ekki greiddar og engin gerði ráð fyrir því.
Í dag eru hlutirnir í betra standi bílar og tæki nýrri og betri þökk sé flugeldasölu og annari fjáröflunarstarfsemi ásamt velvilja nánast allrar þjóðarinnar,enda sveitirnar búnnar að sanna tilverurétt sinn þegar þeirra hefur verið þörf í leitum,snjóflóðum,sjávarháska og fl,en svo eru mörg útköllin sem ekki rata á forsíður blaða,sækja lömb og kindur í sjálheldu í Gullfossgljúfrum og fl stöðum víðsvegar um landið,ganga fjörur dag eftir dag í leit að látnum,kafa niður eftir líkum,og svona margt sem almennt ekki er talað um.
Á bak við þetta liggur þrotlaus vinna við æfingar og þjálfun,mikill kostnaður meðlima sveitanna við að afla sér búnaðar sem hver og einn verður að kaupa sjálfur og borga úr eigin vasa.
Það má halda lengi áfram með svona upptalningu,en ekkert af þessu væri hægt nema vegna þeirra einstaklinga sem mynda sveitirnar í hvert sinn,og þótt sumir atvinnurekendur séu þannig sinnaðir að þeir greiða þeim laun sem eru í útkalli þá eru þeir ekki nema um 25% sem það gera hinir leyfa mönnum að fara launalaust.
Í dag eru sveitirnar miklu betur þjálfaðar og betur tækjum búnnar,þökk sé flugeldasölu 80% af rekstrarfé kemur þaðan.
Ríkisreknar sveitir mega aldrei verða að veruleika,Gæslunni hefur verið haldið í algjöru fjársvelti þrátt fyrir að hafa yfirburðafólk í starfi og háir þessi fjárskortur öllu starfi hennar,misvitrir stjórnmálamenn í atkvæðaleit eru ekki æskilegir sem fjárveitendur eins og öll Íslensk stjórnmála saga segir um störf þeirra,þá myndu sveitirnar fljótt leggjast af og við missa þessa einstöku einstaklinga sem mynda þær,til annara starfa.
Ég mun aldrei leita til þeirra sem eru að vega að þessari fjáröflunarleið í eiginhagsmunarskyni.
Og til þeirra sem eru að hnútukasta Björgunarsveitirnar kynnið ykkur starf þeirra og fórnir og dæmið svo,hver veit nema þið þurfið sjálfir eða ykkur nákomnir á hjálp þeirra að halda,þá er gott að vita að þær koma hvernig sem staðan er,og ég hef heyrt einstaklinga segja við mig"ég vissi að þið mynduð koma og þá yrði allt í lagi" ég hef einnig heyrt fólk segja við mig "núna veit ég hvar hann/hún er og get vitjað um".
Það er best að hætta áður en ég missi mig alveg í þessu,ég veit hversu björgunarsveitirnar eru öllum á landinu er á þarf að halda og sé ekki eftir þeim tíma og peningum sem fara í þær.
Kveðja Klakinn

Ég verð að segja litla sögu sem skeði þegar ég var ungur og
villtur. Ég var að fara í skátabúðina á gamlársdag og kaupa
fjölskyldupakka af ragettum og fleira og eyddi um 10,000 kr
þar var líka maður með dreng um 14 ára og vildi drengurinn
að pabbinn keypti fjölskyldupakka númer 3 en um 4 stærðir var um
að velja sá ódýrasti var á 1500 kr og sá dýrasti var á 7500 kr
eftir smá pælingar keypti pabbinn þann ódýra á 1500 kr
strákurinn var súr á svipinn. Ég fór síðan inn á snorraríki
og keypti 1pella af viski á 600 kr þegar ég er að borga sé ég pabbann
og drenginn þar líka, pabbinn var að kaupa vín og af því megnið
sterkt vín ,pabbinn þurfti að fara 3 ferðir út í bíl með vínið og borgaði fyrir það um 24,000 kr til að gleðja sig og sinna. Ég frétti síðar hvernig áramótagleðin fór fram hjá þessum pabba, Drengurinn átti slæm áramót. Ég mæli með við styrkjum björgunarsveitir og látum vín í friði um áramót við heyrum allt of mikið um óhöpp um áramót vegna víndrykkju. Fögnum nýju ári með gleði en ekki með sorg daginn eftir. (Góða veislu gjöra skal með Flugeldum frá Hjálparsveitum )
kv,,,MHN