Óþekkt bilun í diesel vél

Eins og þú lýsir þessari bilun þá hef ég 2 svar orðið vitni að sama,annars vegar í 2l toyotu d þar sem hún átti það til í akstri að fara á botn snúning og mikinn svartan reyk lagði frá pústinu,þetta varði í 1-3 mín og svo varð all eðlilegt aftur.
Þetta reyndust vera óþéttir ventlar (olía lak niður með leggnum á ventlum) þá vél var búið að aka um 160þ og blés hún svolítið niður og myndaði það yfirþrýsting.
Hin vélin var 3,8d í Cevrolett og var ástæðan sú sama nema þar skeði þetta einu sinni og vélin ónýt á eftir (gekk í c 20 mín á yfirsnúning og braut stimpilstöng) í báðum vélum voru gúmíin sem eru um ventileggin ofaná ventlastýringunni óþett og stýringar farnar að slitna,enda ef skoða er nánar er næsta ómögulegt að smurolía komist á annann hátt inn í sprengihólf vélarinnar,þar sem hún við þrýsting leitar léttustu leið upp í ventlalok og ef slit er í stýringunum niður með ventlum á sogslaginu.
Þegar búið vara að laga stýringar og skipta um ventla í Toyotuni ásamt hettum var vélini ekið í tæpa 400þ km og kom aldrei þetta vandamál upp aftur.
Ef það á að vera olía í loftintakinu (líkt og í Landrovernum í den)þá er þín skýring mjög líkleg en þá ætti olían að hverfa þar eða minka.
Kv Klakinn

Kannast við þetta dæmi. Þegar ég lenti í svipuðu með Hilux sem ég átti í stuttan tíma þá voru sótfylltir og fastir stimpilhringir orsökin og olía að sogast upp með stimplum. Vélin var ekki ýkja slitin samt. Það var eins og það væri komin heimsstyrjöld þegar vélin fór á snúning við álag þegar hún var orðin heit. Fór rúmlega einn líter af smurolíu af pönnu í hvert skifti. Skifti um hringi og allt í goodí eftir það í mínu tilviki en þessi lýsing gæti líka átt við mikið slitna vél. Í þessum MMC eru líklega tveir samverkandi þættir. Skift um hedd sem er líklega notað og meira slitið en það fyrra og svo yfirþrýstingur í blokk sem hefur verið áður til staðar og útkoman er…….

Hvaða hedd settir þú í staðinn? Er það kannski eitthvað gamalt með ónýtum ventlaþéttingum?

Kannski gefur nýtt hedd aukin kraft og þrýsting í brunahólfi og þar af leiðandi meiri blástur niður í pönnu ? Næsta skref er að þjöppumæla. Segir mikið um ástand vélar.

Ég hef átt Pajero með 2,5 lítra vél í allmörg ár og dútlað talsvert við hana.
Það er 100% eðlilegt að smiti eitthvað olíusull úr sveifarhússönduninni og til að losna við mengun af því er það leitt í soggreinina framan við túrbínu og vélin látin "endurnýta" grumsið.
Ef þú aftengir slönguna sem liggur úr ventlalokinu inn á soggrein þá ertu búinn að útiloka að smurolía fari þessa leið inn á soggreinina. Ef allt er með felldu þá kemur lítið annað en útblástursloft plús smá olíu- og vatnssull út úr þessari slöngu.
Ef hann er hins vegar að blása einhvern helling út þarna með fullt af smurolíu í bland, þá myndi ég giska á að nýja heddpakkningin hafi gefið sig og opnast milli einhvers cylinders og sveifarhúss. Þá myndi ég þjöppumæla til að sannreyna tilgátuna.
Annar möguleiki og öllu sennilegri er að túrbínan sé komin að niðurlotum og farin að leka olíu. Það getur sagt manni e-ð um ástand hennar að þreifa öxulinn. Hliðarslag á að vera í algjöru lágmarki, en dálítið endaslag er eðlilegt. Aðvörun: ALDREI REYNA ÞETTA MEÐ BÍLINN Í GANGI.
Tilgáta sem einhver setti fram um að ventlapakkdósir væru svo hriplekar að fari þar niður verulegt magn olíu finnst mér ekki líkleg, og myndi alveg ýta henni til hliðar.

Fyrir utan heddpakkningu og túrbínu, sem ég hef þurft að skipta um þá hefur þessi vél reynst mér ákaflega vel.

Ágúst