This topic contains 18 replies, has 1 voice, and was last updated by 
-
Topic
-
ég var á leið frá byko í kópavogi í átt að hafnarfirði og keyrði eftir Reykjanesbraut, þegar æðir fram úr mér gamall hilux jeppi á mikilli siglingu, sikk sakkandi á milli akreina að ryðjast fram úr bílum á 44″ dekkjum þetta var bíll sem var örugglega í breytingu hann var með mislitar hurðar og svarta brettakanta en í grunninn var hann grár og mig minnir að hurðar á honum hafi verið bæði rauðar og hvítar og kastarar á grind aftan á honum sem vísuðu aftur.
Aftur að sögunni, síðan lendum við á ljósum í átt að keflavík og lendi ég við hliðina á honum, þegar hann tekur af stað veiti ég því athygli að hann er óvenju sprækur og sé miðað við reykinn að þetta er dísell, ( langar að vita hvað vél þetta var)Nema bara það að ég held svo sem leið liggur á innri akrein inn í hringtorgið við n1 í lækjargötu og ætla að beygja inn lækjargötuna og með stefnuljós á , kemur þessi jeppi æðandi inni í hringtorgið á mikilli siglingu og í veg fyrir mig á ytri akrein, Vegna þess að ég var að veita honum athygli og fylgdist með honum sérstaklega gat ég afstýrt því að hann keyrði hreinlega yfir mig, og var ég þá á jeppa sjálfur.
Á þessum jeppa var ungur maður við stýrið og bíllinn merktur einhverju jeppagengi sem ég man alls ekki hvað var, stóð á hurðinni.ég var bara að vona að viðkomandi jeppaáhugamaður lesi þetta og sjái á þessu að svona jeppakynning fyrir fólk sem ekki hefur skilning eða áhuga á þessum tækjum, sé síður æskileg. Ég gæti trúað að nokkrir sem voru á ferð þarna til sömu tíðar og ég hugsuðu með sér að svona tæki ættu alls ekki að vera í umferðinni.
En nu hætti ég þessu tuði og segi gleðilega hátið
-
Replies
-
Varst þú á innri akrein og ætlaðir svo úr hringtorgi í fyrstu beygju? Semsagt til hægri niður Lækjargötu?
ps: ég er ekki umræddur ökuníðingur, enda passar lýsingin engan veginn við minn bíl, nema að vera gamall hilux
Finnst það einmitt einkennilegt.. að ætla beygja til hægri út úr hringtorginu að koma inn í það í innri hring þegar beygjan er bara um leið og er komið í hringtorgið
mér finnst það vera rosalega árátta hjá fólki að nota alltaf innri hring í hringtorgum alvega sama hvar það ætlar út úr hringtorginu , hef mikið tekið eftir þessu
Sá sem er á ytri hring er aldrei í rétti gagnvart þeim sem er á innri hring og ætlar að beygja út. Og þá skiptir engu hvort sá hinn sami hafi ekið kvarthring eða fimm heila hringi. Hins vegar má alveg taka undir að það sé góð venja ætli maður út á fyrsta útakstri að vera á ytri hring, en sé maður á ytri hring og ætli áfram verður maður að fylgjast mjög vel með þeim sem eru á innri hring hvort þeir ætli út. Og aki maður áfram í veg fyrir einhvern sem ætlar út og sýnir það með stefnuljósi er maður ekki bara að brjóta lög heldur líka að svína fyrir (sem er rakinn dónaskapur).
kv.
ÞÞ
auðvitað er heppilegra að fara inn á ytri akrein ef þu ætlar út á fyrsta útgangi, og ég geri ég það reyndar oftast.
en þetta skipti var ég á innri og það liggur ljóst fyrir að innri akrein á alltaf réttinn út.
það sem var meginmálið hjá mér að á svona bíl 44" breittum eiga menn ekki að keyra á 110 innanbæar og með slíkum látum í hringtorgum að bíllinn nánast sleppi hjólum.
Og aftur fullyrði ég að þessi ágæti ökumaður hafi fengið í það minnsta 30 manns til að hugsa að svona tæki ætti ekki heima í umferðinni.
kv Ólafur
eitt sem ég þarf að bæta við.
Mig langar samt mikið að vita hvaða mótor er í þessum hilux, klárlega dísill og ótrúlega sprækur,
samt frekar ólíklegt að eigandinn fari að fræða mig um bílinn sinn svona til sömu tíðar og ég drulla yfir aksturslagið hjá honum, hehehe.
gleðileg jól
Það er eitt sem ég vil benda á í þessari umræðu og það er að það á enginn réttinn í umferðinni
réttara er að tala um forgang
[quote="Umferðarstofa.is":8a09u9nl]
Meginreglan er sú að sá sem ætlar að beygja út úr hringtorginu á fyrstu gatnamótum, [b:8a09u9nl]skal vera á hægri akrein[/b:8a09u9nl], það er að segja á ytri akreininni í hringtorginu.Þá er mælt með því að sá sem ætlar að aka framhjá fyrstu gatnamótunum og fara út á öðrum gatnamótum sé alla jafnan einnig á ytri akreininni, þótt ekkert banni honum að fara í innri hring.
Ætli ökumenn hins vegar að beygja út úr hringtorgi á þriðju eða fjórðu gatnamótum, skulu þeir fara í innri hring. Ekkert bannar þeim þó að aka í ytri hring, en í mikilli umferð má búast við að þeir valdi truflun og óþægindum fyrir aðra ökumenn haldi þeir sig í ytri akrein fram hjá svo mörgum gatnamótum.
Aldrei má skipta um akrein í hringtorgi og hér á landi er reglan sú að umferð á hringtorgi hefur ávallt forgang fyrir þeim sem eru að aka inn í það.[/quote:8a09u9nl]
Ég myndi ekki treysta því að vera í rétti í þessum aðstæðum, síst af öllu núna þegar að tryggingarfélögin eru farin að skoða allt sem snýr að vettvangi ekki bara umferðareglurnar.
Já. Það er að sönnu rétt að Umferðarstofa heldur því fram að ekki megi skipta um akrein á hringtorgi. Hins vegar gæti hún átt erfitt með að vísa í lagagreinar þessari fullyrðingu til stuðnings því staðreyndin er nefnilega sú að um hringtorg gilda engar formlegar sérreglur og umferð þar er á mjög gráu og óvissu lagatæknilegu sviði. Það eina sem minnst er á hringtorg í umferðarlögum er bann við að leggja ökutæki þar. Því liggur vitaskuld ljóst fyrir að í þeim gilda almennar reglur um umferð á vegum og skv. hægri reglunni á sá réttinn sem kemur hinum frá hægri, þeas er í ytri hring, og úr því almennt má skipta um akrein á vegum hlýtur að mega það líka í hringtorgi.
Hins vegar ætla ég ekki að brjóta hefðina og fara mér með því að voða og ræð öllum frá því.
Svo eiga menn almennt að keyra eftir aðstæðum, hvort sem þeir eru á 44" eða 15", en kaninn segir: Tillitsemi í bátaumferð er í öfugu hlutfalli við hestaflatölu hreyfilsins.
Þetta sem Stebbi kemur með hérna frá Umferðarstofu er eins og mér var kennt þetta í ökunámi.
Þannig að í raunninni er það þannig þegar tveir bílar fara samhliða inn í hringtorg þá á sá sem er á ytri akrein ekki að þurfa að búast við því að bíllinn sem er á innri fari strax út. Þannig ætti umferðin að geta gengið smurðar fyrir sig í svona stórum hringtorgum.
Ég man síðan ekki betur en að það sé alfarið bannað að skipta um akrein á gatnamótum á Íslandi hvort sem það eru venjuleg krossgatnamót eða hringtorg. En það er einmitt alveg óþolandi hvað það er algengt að menn aki t.d. á innri hring í hringtorgi og fari síðan út á ytri akrein, og sömu ökumenn muna þá líka sjaldnast eftir því að kanna hvort það sé bíll í veginum áður en þeir skipta um akrein…
Erum við ekki þannig hópur að við eigum frekar að vera til fyrirmyndar í umferðinni, heldur en hitt ?
Ég veit það að það eru margir sem að stunda svona akstur inn í hringtorg og ég er líka einn af þeim en núna ætla ég að bæta mig í þessu, og ég ætla að hætta þessu. Burt séð hvort að ég sé á 44" eða 38" hjólbörðum.Kv. Ragnar Páll.
Menn mega passa sig á þessu að skera hringtorgin svona eins og þeir séu einir í heiminum afþví að það eru talsvert margir eins og ég sem njóta þess að eyðileggja þetta fyrir svona mönnum og minna þá á það að þeir séu ekki einir með því að vera fyrir og í bullandi rétti þar sem það er tvöfallt út úr hringtorgi eins og td. við Reykjanesbraut/Lækjargata.
P.s
Nenni ekki að standa í því á jeppanum þar sem hann er ekki liprasti vagninn á götuni.
Þetta er góð umræða og tímabær. Ég hef kennt akstur um hringtorg í ökuskóla og í umferðinni á sama veg og Umferðarstofa lýsir. Ef þeirri reglu er fylgt ætti umferð um stór hringtorg að ganga áfallalaust fyrir sig. Mér finnst að ef tvær akreinar eru að og frá hringtorginu á alla vegu þá sé augljóst að hægri akrein sé í raun óslitin frá aðliggjandi vegi og út á fyrstu gatnamótum. Þannig að ef menn ætla lengra á hægri akrein séu þeir í raun að skipta um akrein þegar farið er yfir vinstri akreinina í hringtorginu. Annars eru reglur óskírar hvað þetta varðar eins og komið hefur fram. Aðalatriðið er að menn geri þetta allir eins og gæti varúðar.
Kv. Pétur ökukennari á kommanum
Ef ég ætla út á fyrstu eða annari beygju í svona hringtorgi þá er ég ekkert að vesenast í því að vera fara í innri hring
annað á við ef ég er að fara lengra, ef ég er á stóru ökutæki eins og rútu eða vörubíl þá nota ég bara ytri hringinn sama hversu langt ég er að fara í hringtorginu , fólk verður líka að passa að gefa stefnuljós ætli það út úr hringtorgi
en ekki bara beygja í veg fyrir mann og ætlast til þess að vera í rétti
Á vef Umferðarstofu segir:
"Það er ástæða til að minna ökumenn á það að við akstur í hringtorgum gilda þær reglur m.a. að maður á ekki að fara í innri hring ef þeir hyggjast aka út á fyrstu gatnamótum. Það skal líka haft í huga að stefnuljós eru mjög mikilvæg við akstur í hringtorgum. "
Ég veit um tvö dæmi þar sem að sá sem að fór innri hring of beygði út í fyrsta var dæmdur í 100% órétti. Tryggingafélögin virðast því dæma eftir þessu.
Annars breytir það því ekki að menn eiga ekki að keyra eins og asnar þó þeir séu á 44" dekkjum (og helst ekki þó þeir séu á einvherju öðru 😉 ).
ég get verið sammála því að í öllum tilfellum sé heppilegra að vera á hægri akgrein ef þu ætlar á fyrstu beygju út úr hringtorgi.
En hitt kemur mér mjög á óvart ef maður sem keyrir á hægri akkgrein og ætlar framhjá útgangi geti verið í rétti, þetta var mér í það minnsta ekki kennt í meiraprófi.
Ég ítreka að ég er sammála því að maður ætti yfirleitt að vera á hægri akgrein ef maður ætla út á fyrstu beygju, en samkvæmt þeim upplýsingum sem ég sá hér á undan er talað um meginreglu en ekki skýr lög, og þar að auki er einhvers staðar talað um held ég að innri hringur á alltaf réttinn út úr hringtorgi, svo mér finnst þetta nu ekki kýrskýrt.
En vélin í jeppanum var fjandi spræk, ég fer ekki ofan af því
Var þetta 89 – 97 Extra cab ?
Sælir. Mér finnst gleymast svoldið í umræðunni, akstursmátinn á umræddri bifreyð, hvort einhver sé í rétti eða ekki skiptir engu máli. Í dag eigum við undir högg að sækja og margir sem vilja banna alfarið breyttar bifreyðar í umferðinni í bænum,. Það þýddi að við fengjum nánst hvergi að vera. En það er rétt að við sem ökum breyttum bifreyðum eigumn að sína fordæmi í umferðinni og aka eins og menn, þegar svona aksturmáti sést þá fá þeir sem eru á móti okkur vopn í hendurnar til að setja reglur og annað sem gæti leitt til þess að akstur breyttra bifreyðra yrði bannaður innan borgarmarkanna. Margir lesa þetta og hlæja út í annað og hugsa með sér að það yrði alrei bannað, en bara til að minna ykkur á það voru líka margir sem hlógu þega við höfðum áhyggjur af lokun hálendisvega eins og Vikrafellsleiðar og Vonarskarðs.
Við verðum að vera til fyrirmyndar og sýna að við séum mneð næga dómgreind til að eiga svona ökutæki, því miður er þetta dæmi ekki það eina sem ég hef heyrt af, verst þegar ég heyri þetta inn úr ráðuneytinu eða á fundum hjá Umhverfistofnun.
Jólakveðja
Sveinbjörn Halldórsson R-043
Ég er sammála síðasta ræðumanni um umferðarmenningu. En hitt er staðreynd að um akstur í hringtorgum eru engar formlegar reglur til. Um þau er hvorki rætt í umferðarlögum né reglugerðum um umferð að öðru leyti en því að bannað er að leggja ökutæki í hringtorgi. Meintar reglur um ytri og innri hring, akreinaskipti og annað sem til hefur verið tekið hér hafa orðið til, ja bara einhvernveginn. Engar sérreglur settar af þar til bærum yfirvöldum gilda um hringtorg. Og umferðarstofa getur engar reglur sett. Þær getur aðeins Alþingi sett í lagaformi og ráðherra í reglugerðarformi og þá aðeins eftir heimild í lögunum. Vissulega halda ökukennarar ýmsu fram, og reyndar ágætt að þeir séu sammála, en orð þeirra verða ekki lög nema þau séu á lögunum byggð.
Á síðasta ári stóð reyndar til að breyta umferðarlögunum hvað hringtorg snertir til að aflétta lagaóvissu en það frumvarp varð ekki útrætt og hefur ekki verið lagt fram aftur.
You must be logged in to reply to this topic.