This topic contains 12 replies, has 1 voice, and was last updated by 
-
Topic
-
Góðan daginn félagar.
Málmstykkið sem festir öryggisbeltið bílstjóramegin í gólfið á hiluxinum mínum er orðið ansi ryðgað og þess vegna var ég að spá í að ryðhreinsa það, grunna og lakka. Þá þarf ég að skera á saumana á beltisendanum til að geta unnið við þetta og því leita ég ráða um hvort einhver viti um aðila sem saumar öryggisbelti aftur saman???
Með bestu kveðju,
Sindri Sveinsson R-3544
-
Replies
-
Mér dettur í hug að þeir sem geti saumað leður geti séð um svona viðgerð. En er ekki bara einfaldara að finna heilt notað belti?
Góðan daginn,
þetta er í raun ekki flókinn saumur. Ég er með báta kerru þar sem vindu vírinn er í raun öryggisbelti, en ég var að laga það og fór með það til vinkonu minnar sem saumaði það þvers og kruss með venjulegri heimilis vél. En hvort hún var með leðurnál veit ég ekki en held samt ekki.
Kveðja Hjörtur og JAKINN.is
Mér dettur nú í hug að allir sem gera við tjaldvagna og svoleiðis græjur ættu að geta höndlað svona saum. Bara mín tvö sent.
Er ég einn um að þykja þetta óþægilegt inngrip í svo mikilvægan öryggisbúnað? Hvað með að setja það til hliðar og hreinsa það sem þú getur og mála, síðan gera slíkt hið sama við hina hliðina? Sjálfur myndi ég bara kaupa nýtt belti eða e.t.v. notað ef það fyndist í topp lagi. Ef þú gerir þetta mæli ég með að skera ekki á saumana og sauma aftur á sama stað heldur skera það sundur við saumana svo þegar það er saumað aftur saman er það á nýju svæði en ekki á svæði sem er sundurstungið fyrir.
Kv. Freyr
Svo er líka spurning hvort maður geti notað venjulegan tvinna. Þegar ég hef viljað saum sem ekki má slitna hef ég notað svokallaðan hörtvinna, hann er svo sterkur að það væri örugglega hægt að skera plast með honum.
Góðan daginn,
rétt Jón ég hugsaði ekki út í það að auðvitað verður tvinninn að vera burðugri en svona hefðbundinn tvinni.
Ég er sannfærður um það að það sé á lagi að skera upp saumana og sauma aftur, tel að styrkur beltisins skerðist ekki þó það sé gert. Nálin smýgur á milla þráða við saumaskap, hún er ekki að rista beltið eða veikja það neitt. Ef svo væri væri ekki leyft að sauma öryggisbelti. Svo í annan stað þá er saumurinn alltaf undir nokkrum vafningum að það reynir örugglega ekkert á þá í einhverjum látum.
Kveðja Hjörtur og JAKINN.is
Sælir
Auðvitað er þetta bara saumað saman og mjög ósennilegt að það sé eitthvað merkilegri saumavél heldur en er til á flestum heimilum nema að vera endingabetri.
Mikið held ég samt að mér myndi líða illa ef upp kæmi sú staða að þessi bíll lendir í árekstri og beltisviðgerðin heldur ekki. Ég er svolítið sammála Þóri að menn þurfa að hugsa sig tvisvar um áður en fiktað er við öryggisbúnað.
Kv Jón Garðar
Það er alveg sama hversu góðir saumarar menn eru, þetta er klárlega ólöglegt. Það má alveg gefa skítinn og skrattann í það en ef það verður slys og tryggingafélag áttar sig á hvurslags er þá er ljóst að það verður erfitt að fá greiðslur frá því tryggingarfélagi.
kv. vals.
Samkvæmt reglugerð;
[i:3eiisgp6]Öryggisbelti og tengdur búnaður skal vera viðurkenndur skv. EBE-tilskipun nr. 77/541 með síðari breytingum, ECE-reglum nr. 16.04 eða FMVSS-staðli nr. 209. Einnig skal beltið vera e-, E- eða DOT-merkt og merkt framleiðanda.
[/i:3eiisgp6]Nú hef ég ekki grafið mig niður í þessar reglur eða staðla, en það gæti verið að það leyndust einhverjar smugur til að gera þetta ef maður kafar í þær.
Nú leit ég aðeins á reglugerðina og þar kom m.a. fram að ryðvörn á öllum festingum verður að vera 100%
Þannig að í raun er festingin hjá þér orðin of léleg og þarf að skipta út, sem þýðir líklega að skipta þarf um allt beltið.
Lost.is saumastofa íslands bjargar þessu fyrir þig.
Ég mundi hiklaust láta sauma beltið, þeir sem sauma borða til að slá utanum eitthvað farg vita alveg hvað þeir eru að gera. Man ekki betur en að Seglagerðin sé að útbúa svona borða og væru varla að því ef þeir hefðu ekki leyfi til þess. Þar er verið að tala um borða til hífinga jafnvel á tuga tonna. Hífa mikið skútur og báta.
Svona saumur ef réttur þráður er notaður er ekki síðri en í orginal beltum, sauma, sauma, fer aldrei engin hætta.
You must be logged in to reply to this topic.