Öryggi Jeppamanna.

Sælir félagar

Umræða um öryggi jeppamanna er þörf en strax í upphafi fannst mér hún byrja á röngum enda…. magnkaup á einhverjum pakka með sigbelti og línu? og hvað svo? á að binda bara einn enda í sigbeltið og hinn endan í bílinn?…. Kristinn bendir á [b:3o2vx7gb]hjálm og kunnáttu[/b:3o2vx7gb] sem ætti að vera það sem kæmi á undan línu, sigbelti eða öðrum búnaði. Ef hjálmlaus maður fellur í línu ofan í sprungu og hann er svo heppin að verða bara meðvitundarlaus eftir að hafa rekið höfuðið í hvað á þá að gera? hvað tekur þá við? hversu margir vita t.d. að meðvitundarlaus maður í hefbundnu sigbelti getur runnið úr sigbeltinu? og hvað ef maður sem er einbíla fellur ofan í sprungu… hvernig ætlar hann að koma sér upp aftur og jafnvel þótt að það sé annar með að þá er þetta ekki svo einfalt að hinn aðilin taki bara í línuna og hífi hann upp… nema þá kanski að hann sé eitthvað ofurmenni. Ég er alls ekki að gera lítið úr umræðunni og ég veit að hér er eitthvað af björgunarsveitarfólki sem veit um hvað ég er að tala….. það sem ég er hræddur við er falskt öryggi, að menn varði jafnvel bara kærulausari og of öryggir með sig af því að einhverstaðar í bílnum er sigbelti og línuræfill.

Fyrir mitt leyti finnst mér öryggi jeppamanna felast í fræðslu, staðkunnáttu og upplýsingaöflun. Ef það er verið að fara óþekktar leiðir væri líka öryggi í því að vera ekki einbíla, vera með góð fjarskipti milli bíla og til byggða. Þetta er líka það sem mér findist að umræðan ætti að byrja á.

Smári kom með innlegg þar sem hann spyr hvort einhversstaðar sé hægt að nálgast upplýsingar um þekkt sprungusvæði. Persónulega finnst mér það eitt af bestu innleggjunum í þessa umræðu hingað til. Því miður hefur 4×4 ákveðið að loka spjallinu á þá sem eru ekki félagar þannig að spjallið hérna er ekki eins hentugt í þetta og það hefði getað verið en það er umræða sem ég ætlaði ekki út í á þessum þræði.

Kv.
Óskar Andri jeppakall, ferðamður og björgunarsveitarmaður.

Magninnkaup, eru ekki til að auka öryggi og ég vona að þú hafir ekki skilið það sem þannig.

Væntanlega færi kennsla í kjölfarið á því að kaupa réttu græjurnar frá 4×4 klúbbnum. Það er mun betra að hafa græjurnar hjá sér til að geta lært á þær.

Ég stakk einfaldlega upp á magninnkaupum þar sem að aðstæður í þjóðfélaginu gera ekki öllum kleift að fara út í búð og kaupa sér græjur fyrir um og yfir 100 þús krónur þegar þær gætu verið fáanlegar á lægra verði.

Það er síðan mjög óraunhæft að halda það að hver maður sem fer upp á jökul verði með svokallaðan sprungubúnað þegar hann keyrir yfir jökulinn, sem væntanlega felur í sér belti, reipi, lykkjur, ísexi, mannbrodda….. og svo framvegis. Því er lágmarksbúnaður ekki vitlaus hugmynd og láta síðan björgunarsveitina eða reyndari menn um rest.
Sem dæmi væri sniðugt að í hverjum hópi af bílum væru græjur og þekking til að bjarga/hjálpa mönnum upp úr sprungum ef aðstæður leifa og meira að segja væri hægt að gera magninnkaup á þeim búnaði þar sem jú þessir hlutir kosta mikla peninga.

Hingað til hefur fræðsla í kringum sprungubjörgun aðeins verið í boði hjá björgunarsveitum en ekki aðgengilegt hinum venjulega ferðamanni. Það mætti t.d. vera skjal hérna á vefnum fyrir menn til að kynna sér slíkt og jafnvel að námskeið væru haldin… fyrir menn sem hafa áhuga á að nota slíkan búnað.

Ég held að björgunarsveitir landsins gætu gert mikið til að auka öryggi ferðamanna á fjöllum með því að gefa út einhvers konar rit um hinar ýmsu bjarganir, bara þá til að menn gætu þá hugsanlega gert eitthvað til að undirbúa fyrir björgunarsveitir því hver mínuta telur þegar um mikla kælingu er að ræða og þá vantar væntanlega einhvern búnað sem væri hægt að kaupa í magninnkaupum..hehe.. enn og aftur byrja ég á vitlausum enda.

kv
Gunnar sem byrjar á vitlausum enda og vill kaupa sér öryggisgræjur.

Sælir félagar góðir,
mig langar aðeins til að deila með ykkur þeim umræðum og hugmyndum og framkvæmdum sem upp hafa komið hjá okkur Jeppavinum, sem eru jú hagsmunasamtök súperjeppaeigenda í ferðaþjónustu.

Sl. vor héldum við skyndihjálparnámskeið og sprungubjörgunarnámskeið og gerðum gangskör í að endurbæta sjúkrakassana í bílunum.
Umræða hefur verið um að fá loftmyndir af helstu ferðajöklum að hausti og fá fagfólk til að draga hringi um þau svæði sem óörugg geti talist, -ekki þannig þó að önnur svæði séu endilega skotheld.
Í vinnslu er að setja saman útbúnaðarlista yfir helsta öryggisbúnað sem þarf að vera í bílum, en við gerum okkur líka grein fyrir því að það þarf að kunna á búnaðinn.
Helstu áhættuþættir í fjallaferðunum eru að mínu mati bílveltur og fall í sprungur. Á síðustu árum hafa orðið allt of mörg óhöpp þar sem fólk og /eða tæki hafa farið í sprungur, en sem betur fer oftar en ekki án stórslysa eða dauðsfalla. Látum þá sem eiga um sárt að binda finna að ætlum okkur að draga lærdóm af orðnum slysum.
Ekki gera ekki neitt,
Ingi

Sælir,

Vil benda á að svipuð umræða kom upp eftir Hofsjökulsslysið sem varð fyrir fáum árum. Það mætti skoða hvað var gert eftir það og hver niðurstaðan varð, lærðu menn eitthvað af því?

Ég vorkenni engum að þurfa að kunna á grunnatriði línuvinnu enda finnst mér að enginn ætti að fara á jökul án þess að hafa línu, belti meðferðis. Samtala þessa búnaðar á góðu verði er í kringum 30-50 þúsund, eða einsog 150 lítrar af bensíni. Hvað varðar svo kunnáttu til að nýta dótið þá er lítið mál að fá námskeið hjá Ísalp eða Landsbjörgu. Svo er ekki einsog þetta séu einhver ógurleg vísindi.

Það að keyra bara eftir ‘öruggum slóðum’ á jökli þýðir að fara ekki á jökul.

kv
Dóri

NKL, það sem ég var að segja…

Frekar að henda 100-200þús kr. í að setja upp svona skilti þar sem farið er uppá jöklana. Heldur en að allir jeppamenn þurfi að fara græja sig upp í sigbúnað fyrir annað eins á hvern bíl.

Svo væri t.d. hægt að setja upp Símanr í símsvara, fyrir hvert og eitt svæði… svona upplýsingaupdate… er notað t.d. í ferðamennsku fyrir austan að mig minnir. Svona símanúmer sem maður hringir í til að heyra sögur af svæðinu sem að maður er að ferðast á. Og borgar fólk fyrir það eitthvað, hvort það er mínútu eða fast gjald.

Slíkt gæti f4x4.is haft tekjur af og þá gætu menn nálgast nýjustu uppl. þegar komið er að jökli. Enda svo oft sem menn gleyma að athuga eða hafa hreint út sagt ekki spáð í því fyrr komið er á hólminn.