Örnefni

ÖRNEFNI
Ég gróf þetta að mestu upp úr sömu bók Hlynur. Um Lokatind og Wattsfell.
Lokatindur- er kenndur við enskan man, sem ferðaðist um þingeyjasýslur 1878 og 1880. Og hét hann W.G Lock og var kallaður Hreindýra Lock til aðgreiningar við Brennisteins Lock.
Wattsfell- fell þetta er kallað Vatnsfell, en nafnið er út í hött, því það er allfjarri Öskjuvatni, og örðum vötnum er ekki til að dreifa. Fjall þetta hét líka upprunalega Wattsfell til minningar um William L Watts Vatnajökulsfara. En hann var einmitt sá er skýrði Pálsfjall eftir, ferðafélaga sínum Páli?Jökull?Pálssyni frá Vestmannaeyjum.
Watts kom fyrst til íslands 1871 og var einn sá útlendingur sem var einn sá ötulasti að ferðast um ísland.
Það var spurt um örnefnið Hvergil hérna fyrr í vetur. Það heitir Hveragil vegna fleiri hvera.
Einnig voru menn að velta fyrir sér Vonarskarðsleið og örnefninu, en það sem kannski kom ekki fram í þeirri umræðu, er að það er í raun enginn sem veit fyrir víst hvar skarðið er. Og er einnig talið að skarðið hafi verið austan við Bárðarbungu, en þar er djúpur dalur undir jöklinum, sem er talinn hafa geta verið íslaus á tímum Bárðar.
Svo má kannski einnig velta því fyrir sér af hverju við köllum ekki Vatnajökul-Klofajökul er það ekki réttara ?
Slóðríkur Snæland

Sem betur fer mun nefndinni ekki verða skotaskuld úr því að skera úr um það hvort staðfest verði Wattsfell eða Vatnsfell og Locksfell eða Lokatindur enda hlálegt annað en þau heiti hinum síðarnefdnu. Skil bara ekki að skera þurfi úr um svona atriði.

Nýidalur heitir upprunalega Jökuldalur. Held að erfitt verði að afmá Nýjadal vegna langrar hefðar, enda gott til aðgreiningar frá öðrum. Held að best færi á því að hann héti Jökuldalur á korti og undir stæði Nýidalur í sviga. Hann verður aldrei kallaður Jökuldalur þótt það heiti stæði aðeins á korti. Það mun rugla fólk verði Nýjadalsnafnið afmáð. Meira að segja eldgamlir kallar sem kalla dalinn Jökuldal bæta flestir við Nýjadalsnafninu öðrum til skýringar enda myndu aðrir ekki skilja um hvaða Jökuldal þeir væru að tala! bv

Ég er alveg sammála Bolla, það ætti að hafa bæði heitin á kortum.
Jökuldalur er nafn Þingeyginganna frá 1845, en strax árið 1865 er nafnið Nýidalur komið á prent sem heiti á þessum dal og það er heiti hans í öllum prentuðum heimildum sem ég man eftir, nema í "Göngur og réttir" (þar kemur heitið Nýidalur raunar líka fyrir). Að ætla að útrýma nafni sem meirihluti landsmanna hefur notað í nær 150 ár, eins og mér finnst að [url=http://www.thingeyjarsveit.is/Default.asp?sid_id=4450&tId=2&fre_id=11559&meira=1&Tre_Rod=001|001|&qsr:3e3ejjy3]Konni á Laugum[/url:3e3ejjy3] hafi sem markmið, er því fásinna.

Það sem er nær að gera er að reyna að sjá til þess að afbakanir á örnefnum, sem víða eru á kreiki nú um stundir, verði leiðréttar. Einnig hafa örnefni á kortum Landmælinga oft færst til og þyrfti að gera átak í að laga það.