This topic contains 44 replies, has 1 voice, and was last updated by 
-
Topic
-
AnonymousNú hefur Ferðaklúbburinn 4×4 fengið þjóðsöguna staðfesta þó reikningurinn hafi ekki borist. Þá höfum við undir höndum útfærsluna á reikningnum.
Reikningur ferðaklúbbsins 4×4 hljóðar upp á 488.250 kr.
Þarna er verið að rukka klúbbinn fyrir notkun félagsmanna á vhf kerfinu. Það sem hefur gerst er einfaldlega það að Póst og fjarskiptastofnun nennir ekki lengur að rukka einstaklinga og ákvað að varpa ábyrðinni yfir á félagið og aðra sem eru með einkarásir t,d eins og Einar eik félagi okkar og okkur í Rottugenginu. Til þess að réttlæta þetta leggur Póst og fjarskiptastofnun dæmið þannig upp að fjarskiptakostnaður einstaklinga lækki. Sem er alveg rétt. Sá kostnaður hreinlega hverfur en dúkkar í stað þess upp á borði gjaldkera 4×4. Ferðaklúbburinn 4×4 getur á engan hátt varpað þessum reikning yfir á aðra, heldur er bara að borga eða setja málið í lögfræðing, sem sennileg væri best. Póst og fjarskiptastofnun þykir það hinsvegar leiðinlegt að þessa upplýsingar hafi ekki borist klúbbnum fyrr, svo við hefðum fengið tækifæri að hækka félagsgjöldin sem þessu nemur.Nú gengur Póst og fjarskiptastofnun út frá því í afsökun sinn á þessum einhliða gjörning að notendur af rásum 4×4 séu 1063 ( það er reyndar ekki rétt tala heldur 960 einstaklingar eða fyrirtæki ) og því sparist heilmiklir peningar. Það er kannski rétt að það sparast peningar hjá einstaklingum. Mér finnst það óeðlileg vinnubrögð að varpa þessum kostnaði einhliða yfir á klúbbinn. Póst og fjarskiptastofnun gæti allt eins sent klúbbnum alla reikninga félagsmanna vegna NMT símanotkunar eða seinna gætum við alveg eins fengið alla Tetar reikningana.
Af þessum 960 einstaklingum og fyrirtækjum eru mjög margir sem eru löngu hættir í klúbbnum eða hafa aldrei verið félagar. Nú er Póst og fjarskiptastofnun eftirlitsaðili, með því að rétt og löglega sé staðið að fjarskiptamálum almennt, en hefur greinilega ekki verið að fylgjast með því sem hefur verið að gerast á vhf markaðnum. Við höfum kvartað við þá símleiðis yfir vissum fyrirtækjum sem hafa verið að dæla rásum 4×4 í stöðvar óviðkomandi og sem dæmi um það eru húsbílar og einkabílar björgunarsveitarmanna ofl. ofl ofl. Þarna er verið að brjóta á réttindum klúbbsins sem leyfishafa þessara rása.
Hvað gerum við þá í málinu. Eigum við að sætta okkur við þá leið, að einfaldlega leifa öllum sem hafa vhf stöðvar að fá aðgang. Kannski öllum þessum 15000. Þá væri að vísu tryggt og nokkuð öruggt að einhver heyrði þegar kallað væri. Ef endurvarpar 4×4 væru ekki allir ónýtir einsog sagt var einhverstaðar í pistli. Formaður fjarskiptanefndar telur þennan kost alveg út úr kortinu og óraunhæfan. Kjartan Gunnsteinsson eða fjarskiptanefndin útskýrir kannski fyrir félagsmönnum af hverju þetta er óraunhæfur kostur.
Ég færði þennan þráð yfir í opið spjall, þar sem stærri hluti þerra sem málið varðar eru ekki greiðandi félagar í klúbbnum saman ber fjöldi fyrirtækja, einstaklinga og meira að segja opinbera stofnun sem okkur kemur ekkert við.
Ritari Ferðaklúbbsins 4×4. Jón G Snæland
-
Replies
-
Nú er ég að spöglera og er frekar einfaldur einstaklingur.
Ég er félagi í f4x4.is. en aulinn ég á ekki VHF stöð og því síður ólöglegar vhf rásir. Er þá málið að ég fari að borga fyrir þetta t.d. í formi félagsgjalda. Er þá ekki rétt að bæta við nokkrum krónum í viðbót þannig að þeir sem eiga skála myndu bara rukka klúbbinn og hann svo rukkar mig fyrir gistingu af því ég gæti hugsanlega gist þar.
Veit ekki, smá pæling hvaða forsendur þetta fjarskipta dæmi hefur fyrir því að senda svona rukkun á klúbbinn.
Ég er nú sammála síðasta ræðumanni um að það er eðlilegast að hver borgi fyrir sína notkun og séu félagsmenn til að fá rásir og halda þeim.
kv. Stef. hin einfalda.
Jón heldurðu að það sé möguleiki að 4×4 klúbburinn borgi fyrir mig NMT símareikninginn minn, hann var upp á kr. 4,368.-
LG
Þetta er svo fáránlegt að það tekur engu tali. Það er bara eitt að gera, senda reikninginn aftur til baka og óska þeim gleðilegra jóla þarna á fjarskiptastofnun.
Ef við opnuðum fyrir aðgang að VHF kerfinu okkar án kvaða, myndu fljótlega mörg þúsund manns verða komin með rásirnar. Við það sköpuðust þær aðstæður að á góðum degi væru beinu rásirnar ónothæfar sökum þess hve margir væru að reyna að nota þær.
Eins og margir vita höfum við bara 4 tíðnir fyrir beinu rásirnar okkar og til að ná 8 rásum er notaður sítónn. Ef mörg hundruð manns eru á fjöllum að nota rásirnar verður kerfið ónothæft (Við lentum í vandræðum með rásir í Hofsjökulstúrnum en þar voru bara 150 bílar á ferð, ef ég man rétt).Ef skilyrði fyrir notkun rásanna er að vera félagi í klúbbnum hefðum við möguleika á að fjölga rásum eftir því sem félögum fjölgaði. Póst og Fjar er tregt til að úthluta fleiri rásum til okkar á meðan félagar eru ekki fleiri.
Rás 42 er td. skráð á FÍ því við vorum ekki nógu margir í Klúbbnum.
Mitt álit er að senda þetta bara beint í lögfræðing. Áður en reikningurinn kemur. Ef einhver nennir að fletta þessu upp í reglugerðinni, eða að leita á netinu um hlutverk póst og fjar. Þá er ég pottþéttur á því að þar stendur að þetta sé eitt af þeirra verkum s.s að rukka einstaklinga. Og það hafa þeir ekki gert… allavegana hef ég ekki fengið neina rukkun.
Þegar við kaupum stöðina nýja erum við rukkaðir fyrir árgjaldið, í nafni póst og fjar. Það væri kanski gaman að vita hvort það sé bara bílanaust sem hirðir það iðgjald.
Líklega er best að slökkva bara á endurvörpunum og skila rásunum til póst og fjar. Stjórn og fjarskiptanefnd hafa lagt mikla vinnu (sumir meir en aðrir) í að fá styrk frá ríkinu til viðhalds og frekari uppbyggingu, en sá styrkur fer núna að mestu leiti til baka til ríkissins. Björgunarsveitir fá 75% afslátt af þessu gjaldi, sem er ekki nema sanngjarnt, en við ættum að fá það líka, enda er VHF kerfi 4×4 mikilvægt öryggiskerfi fyrir hinn almenna ferðalang. Skilum bara draslinu aftur og gerum þá kröfu að ríkið skaffi okkur viðunandi fjarskiptakerfi á fjöllum.
Hlynur
Ég er svo brjálaður yfir þessu að ég get ekki hætt. Eftir því sem maður hugsar þetta betur, sér maður að eina vitið er að skila inn rásunum. 4×4 er ekki innheimtustofnun fyrir ríkið.
Sammála Hlyn, réttast væri fyrir f4x4 að skila inn rásunum með húllumhæ í fjölmiðlum og þeirri spurningu til þjóðarinnar (ráðmanna) hvernig þeir hyggist tryggja öryggi ferðamanna á landinu öllu með fjarskiptum fyrst Þeir ætli að mjólka á þennan hátt þá fáu sem hafa lagt mikla fjármuni, vinnu og metnað í það verkefni.
Við getum allavega fengið okkur Iridium síma og greitt áskriftina erlendis, (Síminn er búinn að hækka sína Iridium áskrift um 25% á meðan dollari hækkaði um 7% eftir að hafa lofað dollaraviðmiði í upphafi, oj oj). Subbulegt að ráðast svona á þá sem vilja hafa eigið öruggt fjarskiptatæki með á fjöllum vegna þess að samfélagið hefur ekki dug til þess að gera út nothæft öryggskerfi í fjarskiptum.
Staðreyndin er að fjarskiptaöryggi hefur verið til háborinnar skammar á landinu utan alfaraleiða eftir að yfrivöld lögðu niður vöktun á raunverulega landsdekkandi HF í Gufunesi, að því er virðist til að pína alla ferðamenn inn í glompótt NMT kerfið (oj oj, ekki verið að hugsa um öryggi Þar).
Ferðamenn vita að NMT kerfið er með glompum sem eru stærri en auglýst útbreiðslukort NMT hjá Símanum gefa til kynna. Hvað ætti það að kallast þegar fyrirtæki fullyrða á vef sínum að seld þjónusta sé útbreiddari en hún er í raun?
Nei, mér líður eins og samgönguyfirvöld séu með þessari breyttu gjaldtöku að hrækja á okkur fyrir að reyna að hysja upp buxurnar sem þeir eru með á hælunum.
Mæli með því að við látum heyra vel í okkur.
Nóg í bili
Snorri.
R16
Senda reikningin til baka með ósk um sundurliðun. Hvers vegna er upphæðin þessi en ekki einhver önnur.
Þetta er aðferð til að hreifa við málunum og athuga hvað kemur út úr því, vel þekkt aðferð þrátt fyrir að ekkert lagalegt sé á bakvið bara siðleysi.kv. vals.
Es. ég nennti ekki að lesa lögin
stefnir í það að Póst og fjar verði reist níðstöng he he. að hætti nútíma vestfirðinga
Þetta er nú meiri þvælan, hvaða vald hefur PFS til að varpa þessu á klúbbinn? Maður spyr sig, og aðra.
Ég myndi kalla þetta helber ólög, að ætla að rukka klúbbinn f. alla notkun félagsmanan og annara! Réttast væri að kasta þessu beint í hausinn á PFS og krefjast skýrra svara varðandi þetta mál.
Hvað næst? Á að rukka klúbbinn f. notkun félagsmanna á SSB tíðnunum, eða notkun NMT eða IRIDIUM? Ha?! Næst setja þessir skrattar stefgjöld á GPS og þá verður ekkert fyrir okkur að nota nema kort og áttavita. Ég get vart orðum bundist yfir þessum ógjörningi. Þetta er gjörsamlega fyrir neðan allar hraunhellur! >:/
Spurning ef allir félagsmenn ferðaklúbbsins sendi kvörtun á PFS. Hvort það hafi eitthvað um málið að segja…
kkv, úlfr, sem er æfur útí PFS!
Af hverju eruð þið svona sammála um að vera á móti þessum breytingum sem koma augljóslega til með að lækka heildarkostnað við starfrækslu vhf kerfisins Árgjaldið af hverri stöð var 3000 kall til PFS minnir mig. Athugið að PFS var að rukka fyrir rúmlega 1000 4×4 stöðvar það eru 3 miljónir og þeir ætla að gefa það eftir í skiptum fyrir þessi 500 þúsund. Ef klúbburinn myndi rukka sérstaklega fyrir talstöðvar til dæmis 1000 kall aukalega fyrir félaga sem skráir sig með vhf þurfa ekki nema 500 félagsmen að borga af vhf stöð til að borga allan reikninginn. Þó að þeir sem ekki borga félagsgjöldin græði líka þá er alveg óðarfi að fara á límingunum yfir því þeir hafa heldur ekki heimild til að nota rásirnar eða hvað.
Er ég kannski að miskilja þetta svona hrikalega.
guðmundur
Mér er svo sem alveg sama þótt ég greiði gjaldið fyrir stöðina mína til klúbbsins,sama hvoru megin veggjar gjaldið liggur þannig séð.
En ég get engan vegin sætt mig við að pfs geti gert 4×4 ábyrgan fyrir einkaeigu félagsmanna og á þann hátt fríað sig af ábyrgðinni á innheimtu,það getur ekki verið rétt að hægt sé að yfirfæra reikninga á þennann hátt.
Gott og vel afslátturinn á gjaldinu er mikill,en er þá ekki hægt að spyrja hvers vegna gjaldið á hverja stöð hefur verið svo hátt ef hægt er að slá 5/6 af gjaldinu til félagsins,?hvað þá með þær stöðvar sem eru í eigu félagsmanna,er þá ekkert eftirlit með notkun og eign á þeim,eða sem verra er fyrirtækjum sem gera út á fjallaferðir og láta samkv þessiu 4×4 borga fjarskiptakostnað fyrirtækisins,???
Eða eins og Stefanía bendir á verður svipað gert með fjallaskála,og aðra aðstöðu sem jeppamenn hafa notað,4×4 rukkað af því að við gætum hugsanlega notað aðstöðuna eitthvertíman í framtíðinni.
Það er eitthvað (keng)bogið við svona aðferðir.
Kv Klakinn
Mér finnst miklu eðlilegra að menn greiði fyrir afnot af fráteknu plássi í ljósvakanum, heldur en að menn sé rukkaðir eignaskatt af eitthverjum tækjum, óháð því hvort eða hvernig þau eru notuð. Mér finnst það líka jákvætt, að heildar kostnaður vegna vhf umsvafa klúbbsins og félagsmnna lækki fimmfalt, og að í samstarfi við björgunrsveitir felist möguleiki á fjófaldri lækkun í viðbót.
En kynningin á þessum breytingum er PoF til háborinnar skammar. Það er ekki ennþá neitt um þetta að finna á pta.is, þótt ekki sé nema rétt rúm vika þangað til breytingarnar taka gildi.-Einar
Ofsi, ekki segja Sigurði Ásmundsyni frá því að það er radíóamatör sem reisti stöngina í Arnarfirðinum. Það er ekki víst að hann þori út úr húsi 😉
Ég get ekki annað en verið sammála gummaj og finnst talsvert tækifæri liggja í þessu. Afhverju er ekki gefinn kostur á að greiða beint til f4x4 og greiða t.d. 1500-2.000 kr. Fyrir það fæst límmiði með kallnúmeri sem settur er í bílglugga (eins var með FR). Kallnúmerin má þá skrá á vef klúbbsins, og þá er hægt að hafa meira "móralskt" eftirlit með því að ekki sé verið að misnota f4x4 rásirnar. Tekjurnar renna til þess að greiða leyfið til PoF og til þess að standa undir enn betra kerfi með endurvörpum o.fl. Það sama má gera með HF stöðvarnar, fá að greiða af þeim til f4x4 og fá afslátt hjá PoF.
Ferðaþjónustuaðilar komast ekki upp með að skrá ekki og gætu verið rukkaðir um hærra gjald. Hafi þeir ekki kallnúmer þá lítur það illa út fyrir þá.
Eigum við ekki að líta á tækifærin en ekki grafa okkur í óánægju.
Þorsteinn
Er það ekki einmitt heila málið, það er einfaldlega ekki verið að rukka eignaskatt, heldur tíðnigjöld, það er að sá sem er skráður fyrir tíðni borgar gjald fyrir hana. Nú er það væntanlega klúbburinn sem er skráður ´´leigjandi´´ tíðna þessara rása, og á þá ekki klúbburinn að sjá um að rukka notendur sinna rása? Og hafa stjórn þar á ? sbr að klúbburinn td á skála, og rukkar svo notendur fyrir notkun. En félagsgjöld, og aðrar tekjur hafa verið notuð í uppbyggingu hvoru tveggja. Þá lítur þetta út eins og hjá símafyrirtækjum sem borga ríkinu fyrir sitt tíðnisvið, og rukka svo sína notendur. Þarf klúbburinn að setja sérstak fjarskipta gjald á þá sem nota vhf tíðnir félagsinns ?
En ég neita allri ábyrgð á þessum vangaveltu, og gagnrýni ekki tekin til greina.
SBA
Hver er ástæða þess að PoF vill fara þessa leið?
Þarna þurfa öll spil að vera uppi á borðinu.Nokkrar spurningar sem má velta fyrir sér
– Hvernig á að rukka fyrir vhf?
– Ef 4×4 borgar fyrir alla, eykst notkun og rekstrarkostnaður, þolir kerfið hugsanlegt álag?
– Hvað græðir 4×4 á því að rukka fyrir PoF?
– Hvað gerir PoF við peninginn?
– Er til hentugra rekstrarform (fyrir alla) á VHF kerfi en að einstaklingar skuli greiða?
– Verður einhver takmörkun á því hver fær 4×4 rásirnar innstilltar í stöðvar?Elvar
Mér líst ekki ílla á að allir fái sitt kallnúmer sem væri miði sem væri á jeppanum. Þá er líka hægt að sjá þá sem hafa verið að smygla stöðum inn framhjá kerfinu og hafa ekki verið að borga neitt. Það væri þá undir okkur að láta vita af svoleiðis mönnum sem ég held að sé töluvert af. Síðan er bara að borga félaginu x árgjald fyrir notkun og ef sjóðurinn er umframm það sem PFS rukkar 4×4 þá væri hægt að nota þann pening til frekari uppbyggingar og viðhalds á kerfinu.
En það má deila um þessa aðferð sem PFS notar.kv,
HG
A-111
Hvernig væri að svara þessari rukkun P&F með formlegri kröfu til baka um að á móti hafi p&F eftirlit og gæti þess að engir óviðkomandi séu að nota rásirnar sem rukkað er fyrir ?
Ef ég tek íbúð á leigu þá er það á ábyrgð leigusalans að tæma íbúðina og koma öðrum leigjendum út áður en ég flyt inn.
Ég veit ekki hvernig P&F gæti framkvæmt slíkt eftirlit, en væri ekki góður biðleikur að fara fram á þetta og óska upplýsinga frá þeim um framkvæmd þess ? Á meðan beðið væri eftir viðunandi svari myndi gjaldkeri f4x4 sitja á öllum reikningum óborguðum.
You must be logged in to reply to this topic.