Önnur leið á Mýrdalsjökul

Aldrei heyrt það! En maður sér vel niður í Þórsmörk af Eyjafjallajökli. Merkurjökull innan Þórsmörk er bara skriðjökull, en hægt að fara af Mælifellssandi (f. norðan) fyrir utan hinar tvær leiðirnar sem kunnar eru.

Það er örugglega ekki fært frá Eyjafjallajökli yfir á mýrdalsjökul núna (of sprungið).

En það er leið frá Sólheimahjálegu, maður keyrir svona 5min framhjá Sólheimahjökulsafleggjaranum og þá sér maður skilti sem bendir á sleðaleiguna þar (það er líka vélsleði við afleggjarann) beygja þar og svo til vinstri eftir brúna og bara upp. (Fært fólksbílum)

Trúlega eru fáir sem vita af leiðinni innúr Heiðardal (Heiðarvatn Mýrdal) en leiðin liggur um hlaðið við bæin Littlu Heiði og þaðan í átt að Vatnsá. þaðan tekur við slóði upp með Kerlingadalsá og að gagnamannakofa. þarna er allt fullt af giljum og eitt þeirra heitir þakgil sem er rétt hjá kofanum. Ekið er inn þakgil og liggur vegslóðinn í sneiðingum upp gilið að norðanverðu. þarna er nokkuð bratt á köflum og gæti sumstaðar hafa runnið úr veginum, en vanir jeppamenn ættu að kunna að bregðast við því. þegar komið er upp ber að varast aurbleytur, og svelgi í jöklinum sem heitir Höfðabrekkujökull.
Einnig er hægt að fara gamla þjóðveginn hjá Höfðabrekku inn Kerlingadal.
Góða ferð.
Jón Sig.

Hvar af Mælifellssandinum er farið upp á jökulinn? Er einhver ákveðinn slóði, kennileit, eða GPS-hnit sem gætu leiðbeint manni hvar best sé að fara?

Ég var að spá það væri áhugavert að fara upp á Höfðabrekkujökulinn eins og JónSig er að lýsa, og fara svo niður á Mælifellssandinn. Ætti það ekki að vera fært?