Olíugjald…

Ja hérna!!!
Ég átti nokkuð gott samtal við mann í fjármalaráðuneytinu fyrir ári síðan þá var það hljóð í kútnum að olígjald yrði þannig að það yrði mjög ákjósanlegur kostur að fara úr bensíni yfir í dísel. Framkvæmdin átti að vera þannig að dísel átti að vera MUN ódýrari og aðflutningsgjöld á dísel bíla að lækka. Ég get ekki sagt að það verði rauninn, dísel fer uppí 80-90kr lítrann, nefnd eru dæmi um að díselbíla eign í Evrópu sé meiri, það er rétt en olían er líka ódýrari en hér. Menn eru líka að miða við Noreg og önnur norður lönd en þar er díselinn lang dýrastur.
Ég held að menn og konu eigi nú að fara að segja eitthvað við þessu olíu og bensín verði þetta getur ekki verið eðlilegt. Og annað, ef Ríkisstjórninn ættlar að viðhalda þeirri stefnu að hér ríki fljótandi markaðslögmál þá vill ég benda á að það byggir ekki á að vara sé seld miðað við hæðsta gengi hverju sinni!!!!!!!!!
P.S. Til hvers erum við að borga í hin og þessi félög t.d. 4×4, FÍB, neytendasamtökin, stéttarfélög, ofl.ofl. Sem virðast ekki vera að virka einhverja hluta vegna??? Öll mótmæli virðast vera kæfð í fæðingu eða það verður enginn árangur af viðræðum. Þetta er jú hagsmuna mál allra.

Sælir félagar
Ég er búinn að búa í Noregi 94 – 01.
ég var á díesel bíl vegna vinnu minnar, og var það allt annað að reka bíl þar en hér. Þar erum við laus við þennan svokallaða þungaskatt. Líter af olíu var um 70 kall l. Það sem annað er, að tryggingar á bílum erlendis, reiknast út í frá stærð vélar í bílnum, þar sem ríkið tók sinn skerf af þeim gjöldum. Ég er ekki búinn að lesa þetta frumvarp sem verið er að benda á hér að ofan, en ég verð að segja að það hlýtur að verða betra fyrir okkur eigendur diesel bíla að losna við þungaskattinn. Það er verið að tala um að það sé betra að vera með bensín þegar olían hækkar, en eru menn þá búnir að velta því fyrir sér að diesel bíll er að eiða minna en bensín bíll, þennig að það hlýtur að vera að það sé hagkvæmara að aka um á diesel þrátt fyrir þessa breytingu. En svo eru það þeir sem eru að aka 35þús km +++
á ári sem aftur eru að koma verr út úr þessu en aðrir. þetta er mál sem í mínum augum hefur margar hliðar. Ef þessi félagsskapur ætlar að gera eitthvað sem gæti haft áhrif, hvernig væri þá að nota kosninguna sem er hér á vefnum.
Ég get tekið undir að þessi fjölmenni félagsskapur á að geta áorkað ýmislegt, en er ekki betra að menn séu sammála um þá hluti sem á að fara út í svo ekki verði sundrung í þessum svo frábæra félagsskap.
Gretar

Sælir verið þið,
ég var að lesa grein upp í vinnu upp úr blaði sem heitir Bílgreinin þar segir að frumvarp þetta hafi verið lagt fram á síðasta þingi en ekki náð fram að ganga og muni verða lagt fram aftur í vetur, jaframt er talað um að á per lítra af grútnum muni legjast rúmlega 34 krónur og muni þá standa í um 90 krónum eins og fyrr segir. Frumvarp þetta eigi að taka gildi 1 janúar 2004. Þannig að það er best að fara að hugsa upp á einhverju róttæku.
Kveðja Hjörtur og JAKINN.

Sælir

Km gjaldið er nú 6,4 kr en ekki 7,11. Það er einfaldur reikningur að reikna hvort borgar sig að vera með mæli eða ekki. Einungis þarf að deila í fastagjaldið með km gjaldi til að sjá hversu mikið má aka þar til fastagjaldið fer að borga sig. Bill 1500-1999 kr ber 139.409 kr í fastgjald (http://www.rsk.is/birta_sidu.asp?vefslo … sp&val=1.0) 139409/6,4 = 21.782 km. Þannig að þeir sem eru í þessum þyngdarflokki og eru að aka undir þessum km fj ættu að vera með mæli, hann borgar sig upp á fyrsta árinu.

Varðandi olíugjaldið er þetta bara reikningsdæmi. Ef þú ert með mæli í dag þá kostar hver ekinn km miðað við 11 lítra pr 100 km. (11/100*45,2)+6,4 = 11,37 kr. Með olíugjaldi og olíulíter á 90 kr 11/100*90= 9,9 kr. Olíugjald er sem sagt hagstæðara. Eftir því sem eyðslan er meiri þá verður hlutfallið óhagstæðara. 14,3l pr 100 km stendur nokkurnvegin á núlli.

Þeir sem eru á fastagjaldi verða að reikna hver fyrir sig eftir því hvað þeir aka mikið, en þeir sem aka minna en fastgjald/6,4 ættu flestir að fá hagstæðari reikning, en hinir sem aka meira verða súrir, sbr. leigubílstjórana.

Umræðan ætti einnig að snúast um upphæð olíugjaldsins, en mér sínist að stjórnvöld ætli ekki að gera olíuna að hagstæðari kosti með því að hafa útsöluverð um 90 kr. Allavega ekki fyrir jeppamenn, en diselfólksbílar verða væntanlega meira spennandi, ef olian verður eitthvað ódýrari en bensín, og diselfólksbílarnri eyða verulega minna eldsneyti en bensín fólksbílar.

Disel kveðjur Óttar A

Eitt finnst mér oft vanta í þessa umræðu um fastagjald og kílómetragjald, olíugjald og svo ekki síst samanburðinn á bensín vs. diesel. Það er hvernig þetta kemur allt saman út þegar við erum komin í misgott færi í vetrarferðum. Það er talsvert annað reiknidæmi en í malbiksakstri eða veiðiferðum. Nú keyri ég á bensíni og er þokkalega sáttur við það í daglegum akstri, laus við þungaskattinn. En þegar komið er upp á jökul eða puð í þungu færi tímunum saman, þá fer ég að öfunda dieselkarlana. Kílómetrarnir sem týnast inn á mælinn eru þá ekki svo margir en eldsneytislítrarnir hverfa úr tönkunum og þá gjarnan heldur hraðar á bensínvélinni en dieselvélinni, því mín reynsla er sú að bensínvélin eykur eyðsluna meira í áreynslu en dieselvél. Og þá skiptir máli hvað líterinn af fóðrinu kostar. Í dæmigerðri Grímsvatnaferð t.d. tek ég með mér bensín fyrir um 20.000 meðan díeselbrennararnir taka olíu fyrir u.þ.b. 10.000. Fyrir þá sem eru á mæli bætist svo við 4.000 í þungaskatt en breytir engu fyrir þá sem eru á fastagjaldinu.

Með olíugjaldinu verður því óhjákvæmilega óhagstæðara að ferðast um hálendið yfir vetrartímann á dieselbíl, heldur en það er í dag. Það er líka viss þversögn í því að þurfa að borga skatt sem ætlaður er í vegagerð, fyrir það að spóla uppi á jöklum! Þetta höfum við bensíndraugarnir að vísu þurft að gera hingað til, en hingað til hefur þó verið annar valkostur í stöðunni. Þetta frumvarp vinnur því allavega gegn hagsmunum þeirra sem nota jeppana sína til vetrarferða.
Kv – Skúli