This topic contains 44 replies, has 1 voice, and was last updated by 
-
Topic
-
Það er komin niðurstaða í sýnatökuna á olíunni í Hrauneyjum. Sýni úr byssunni voru vel hrein og frostþol olíunnar -33°. Sýni úr botni sýndu heldur ekkert eðlileg, botnfall eitthvað eins og alltaf er en ekki meira en í hvaða tanki sem er og vel fyrir neðan þann stað sem dælan nær til.
Það bendir því allt til þess að óhætt sé að taka olíu í Hrauneyjum án þess að hafa áhyggjur og skýring gangtruflana sem hafa verið í umræðunni sé að finna annars staðar. Þeir tóku einnig sýni af bensíninu og niðurstöður þær sömu, semsagt ekkert óeðlilegt að sjá. Við fáum væntanlega niðurstöðurnar sendar á skrifstofu klúbbsins þannig að þeir sem hafa áhuga á að skoða ættu að geta það þar eftir einhverja daga.
Líklega rétt að skipta um olíusíu fyrir næsta túr.Kv – Skúli
-
Replies
-
Já það er að safnast saman ágætis fróðleikur á Litlusíðunni,og ef menn lumma á eitthverjum fróðleik er varðar þetta sport okkar,endilega sendið okkur svo að hægt sé að bæta því inn á síðuna öðrum til fróðleiks og notkunnar.
En aðeins um olíuna í Hrauneyjum þá hef ég lent í því að sumri að fá olíu á tankinn þar og þurfti að tæma gruggkúluna 3 á leið yfir sandinn vegna vatns sem safnaðist í hana,í ferðunum á undan og eftir var allt í lagi með olíuna,(var á 26 manna rútu).
Klakinn
Ágætu félagar.
Þessi þráður er um margt athyglisverður, en mig langar aðeins til að koma að mínum pælingum um Hálendismiðstöðina í Hrauneyjum og þjónustuna þar. Á ferðum mínum í gegnum árin hef ég haft það fyrir sið að stoppa helst alltaf í Hrauneyjum, taka olíu, loft, drekka kaffi og slafra hamborgara eða súpu. Stundum hefur maður líka gist þarna ef þannig hefur verkast.
Oftast hefur mér fundist gott að koma þarna, starfsfólkið skemmtilegt og fín þjónusta. Yfir vetrarmánuðina eru viðskiptin að stórum hluta byggð á jeppa- og vélsleðamönnum sem eru á ferðinni. Helstu hagsmunamál okkar eru því að ætíð sé til gott eldsneyti og loft á fákana og góður viðurgerningur fyrir okkur mannfólkið.
Þarna um daginn, þegar Þórir lenti í þessum hremmingum með olíuna var ekkert loft í boði í Hrauneyjum og heldur enginn ísvari. það er auðvitað algert hallæri að ekki sé hægt að bjóða upp á virka loftdælu á þessum stað, sérstaklega m.t.t. þeirra jeppamanna sem þarna eru á ferðinni, vilja hafa ástæðu til að stoppa og eiga viðskipti. Ef svo við bætist að ekki sé hirt um eldsneytisgeyma og þess gætt að þar leynist ekki vatn/sjór, þá er nú ekki beinlínis hægt að segja að mikill metnaður ráði för í rekstrinum…. það að eiga Ísvara á stað sem þessum er líka svo augljóst og sjálfsagt að ég nenni ekki að eyða orðum til að lýsa hneykslan minni!
Á uppeftirleiðinni stoppuðum við til að fá okkur að borða og satt best að segja brá mér verulega þegar við blöstu hálf tómar hillur innan við afgreiðsluborðið. Í raun var lítið meira en einni kassi af Hrauni í boði og tveir pakkar af smokkum… Þetta var alls ekki í takt við það sem maður átti áður að venjast á þessum stað, þar sem var hægt að kaupa nánast allt til alls sem mann gat vantað í vetrarferðum. Þessu verður að breyta, það er ekki nóg að byggja við húsin og stækka þau, það verður að vera ástæða til að stoppa og kaupa þjónustu. Gott eldsneyti, loft og matur eru þar helstu hagsmunamálin.
Ég hitti Þóri á bakaleiðinni af jöklinum og skil vel hans gremju og pirring – það er fátt leiðinlegra en að eyðileggja ferðahelgi með þessum hætti og greiða auk þess kr. 50.000 fyrir ónýta/lélega olíu. Aðgát skal samt höfð í nærveru sálar og í minni sveit skriðu menn hvorki inn í né út úr rassgötum og vona ég að menn fari ekki að taka upp á slíku…
Ferðakveðja,
BÞV
Til að fá frostþol -33°C miðað við töfluna frá MMC / Skeljungi er hlutfall disel undir 50% af blöndunni, en ekki var daelan í Hrauneyjum merkt sérstaklega vegna þess.
Einnig er mjög mikilvægt að smurhaefni blöndunar sé maegileg fyrir eldsneitiskerfið.Steinolía % *? Tvígengisolía C.a. frostþol í ºC
0 0 -18 til -25
20 0 -20 til -27
30 0 -22 til -29
40 0,5 -24 til -31
50 0,75 -26 til -33kveðja Dagur
Rétt rúmu hálfu ári seinna enn þessi þráður hóf göngu sína lenda menn í því að ekki er hægt að fá ísvara í Díesel í Hrauneyjum, þ.e.a.s síðastliðna nýliðaferð.
Hófst því leit í nágrannasveitum því einn jeppi var stopp við Sóleyjarhöfðavað.
Verðum við ekki að geta stólað á þessar vörur í hillunum?
Hamborgarnir, dýnurnar, þjónustan og starfsfólkið er til fyrirmyndar, þó svo það vanti sárlega að maður geti stillt sjónvarpið á íslenskar fréttir kl. 18;30.LG
You must be logged in to reply to this topic.