This topic contains 44 replies, has 1 voice, and was last updated by 
-
Topic
-
Það er komin niðurstaða í sýnatökuna á olíunni í Hrauneyjum. Sýni úr byssunni voru vel hrein og frostþol olíunnar -33°. Sýni úr botni sýndu heldur ekkert eðlileg, botnfall eitthvað eins og alltaf er en ekki meira en í hvaða tanki sem er og vel fyrir neðan þann stað sem dælan nær til.
Það bendir því allt til þess að óhætt sé að taka olíu í Hrauneyjum án þess að hafa áhyggjur og skýring gangtruflana sem hafa verið í umræðunni sé að finna annars staðar. Þeir tóku einnig sýni af bensíninu og niðurstöður þær sömu, semsagt ekkert óeðlilegt að sjá. Við fáum væntanlega niðurstöðurnar sendar á skrifstofu klúbbsins þannig að þeir sem hafa áhuga á að skoða ættu að geta það þar eftir einhverja daga.
Líklega rétt að skipta um olíusíu fyrir næsta túr.Kv – Skúli
-
Replies
-
Anonymous- Umræður: 0
- Svör: 16404
Það er spurning hvort olíufélögin geti skaffað þotueldsneyti í Hrauneyjum. Það er mjög hreint og þolir mikið frost. Hitagildið er víst eitthvað lægra þannig að það þarf meira af því til að framleiða sama afl. Það er betra að missa örfá hestöfl heldur öll hestöflin út af einverju vaxi. Eins gott að Flugsveitin EJS er öll komin á bensínbíla, en þetta er bara vandamál í þessum grútarkynntu eins og t.d. Hummer.
ÓE
Þótt þú Óskar sért kominn á gasoline bíl þá fer það nú þér ekki vel að tala niður til grútarbrennaranna. Mátt ekki gleyma hvað hefur flutt þig á milli landshorna hingað til. PS: Þotuliðið í Keflavík notar eingöngu F-16 eldsneyti ofan af velli sem núna er á útsölu eins og annað kanarusl upp á velli, en fyrir þá sem ekki vita er stóri hangarinn að verða fullur af sjónvörpum, sófum stólum ofl. sem á víst að gefa, þeim sem fyrstur kemur. Þetta er skv. frétt í Víkurfréttum 1 apríl.
Kveðja
Agust
Anonymous- Umræður: 0
- Svör: 16404
já Gústi, ég heyrði í útvarpinu um helgina í Alfreð Þorsteins að það væri verið að selja gamalt varnaliðsdót í Egilshöllinni um helgina, gott ef það var ekki 1 apríl. Ætli einhver hafi farið að skoða?
ÓE
Það heyrðist af einhverjum gömlum skrögg á Patrol sem var að róta í ruslinu. Hvort hann fann eitthvað af gagni veit ég ekki. Hvar varst þú á laugardag ?
Agust
Ég vona að ég hafi ekki verið að hella olíu á eldinn – hún kostar nefnilega orðið svo rosalega mikið
.
Nei nei, ég veit alveg að Þórir ætlaði sér ekki að leggja mér orð í munn, en með því að alhæfa eins og hann gerði komst hann samt ekki hjá því. Hann lagði, má eiginlega segja, öllum í heiminum orð í munn… þó að ég efist um að hann hafi meint það þannig.
.
Og þar sem ég er ekkert sérstaklega orðinn leiður á nafna mínum, frekar en öðru fólki, fannst mér ástæða til að kljúfa mig frá þessu fyrifram gefna mengi og þar með á orðið "allir" ekki lengur við.
.
Það væri því mér að sársaukalausu að segja "það eru allir nema Einar Elí orðnir leiðir á hinu og þessu…" en ég efast samt um að það sé mikið réttara.
.
Það er þetta með stóru orðin – þau eiga ekki alltaf við. "Allir" hefðu í þessu tilfelli kannski frekar átt að vera "ég", en þá væri viðkomandi reyndar að tefla sjálfum sér fram á rökræðuvígvöllinn í stað þess að skýla sér bakvið 6 eða 7 milljarða jarðarbúa. Munurinn er samt sá að til þess hefur hann umboð, öfugt við það að fullyrða um hvað mér finnst.
.
En Þórir – ég er samt ekkert fúll, reikna alveg með að þetta hafi ekki verið hugsunin bakvið skrifin. Ég hef bara lítið að gera akkúrat núnaKv.
Einar Elí
Ég víl byrja á að segja að ég þekki Þóri tudda ekki neitt og ætla ekki að vera með skítkast í hanns garð frekar en annara hér á spjallinu.
Virðist mér sem Þórir sé maður sem er óhræddur við að fara ótroðnar slóðir og er stoltur af sínum ákvörðunum um bílaval og fleirra. Hinns vegar eru ansi margir meðlimir okkar annars ágæta klúbbs sem geta ekki láð mönnum það þegjandi og hljóðalaust að aka um á einherju öðru en toy, pat eða einhverju með dana hásingar.
Hefur Þórir alveg síðan hann opinberaði sinn hummer þurft að sæta skítkasti og áróðri gagnvart sínu bílavali, og er engin furða að hann sé orðin þreittur, reiður og komin með stuttan þráð af öllu þessu. Sést glögglega ef skoðaður er undanfari þessa þráðar (vínsmökkunarferð) hversu mikið skítkst Þórir og hummer hefur fengið útaf þessu máli, einungis vegna þess að Þórir hafði þung orð (kannski aðeins of þung) í garð olíufélagana sem hingað til hafa nú fengið sína umfjöllun hér á spjallinu. Og þá eru margir þeirra sem tekið hafa þátt í fyrri umræðum um olíufélögin allt í einu orðnir talsmenn olíufélaganna og verja þau með hverju orði.
Hinns vegar vil ég segja að veit ég að fyrri reynslu af olíufélögum að þeim er ekki treystandi til að taka sýni af sinni egin olíu, því skaðabótaskyldan er þeirra ef eitthvað fynnst að og opinbera þeir því aldrei að ekki sé í lagi með olíuna frá þeim. Félagi minn með comon rail dísesvél lenti í tjóni af völdum þess að hann var að tanka olíu um leið og fylla var verið á tankinn og fékk þess vegna mikin skít og vatn á bílinn. Olíuverkið skemdist sem og siur og dælur. Olíufélagið Esso sem áti hlut að máli fríaði sig allri ábirgð með því að taka sýni sjálfir og félagi minn fékk ekkert bætt.
Af þessu má alveg áligta að Þórir hafi rétt fyrir sér þó sýni olís segi annað. Og það getur alveg gerst að þó margir tanki á sama tíma að allt vatn sem í tanknum kann að vera lendi að mestum hluta á einum bíl og þá venjulega á þeim bil sem mest tekur í einu. Því þegar verið er að dæla þá myndast smá hvirfill inni í tanknum og eftir því sem dælingin tekur lengri tíma þá stækkar og stækkar hvirfillinn og verður á endanum það stór að hann rótar upp botnfalli og blandar því við olíuna í tanknum. Minni dælingar gætu sloppið við slíkan effekt.
Með skítkastkveðju siggias74Ps; vona að ég eigi eftir að kynnast Þóri einhverntíman og skreppa með honum í skemtilegar skítkastlausarminnihlutahópsjeppaferðir.
Sælir,
Ég tók olíu umrædda helgi í Hrauneyjum nánar tiltekið á föstudagskvöldinu.
Og lenti ég ekki í neinum vandræðum hinsvegar voru tveir samferðamenn mínir ekki hressir, þ.e þeir voru hikstandi allt kvöldið.Bara til upplísinga
Kv
Pétur
Anonymous- Umræður: 0
- Svör: 16404
Í guðanna bænum ekki fara trúa bullinu sem olíufélögin gefa upp um prufurnar, þeir þykjast ekkert vita, hef rekið mig alloft á þetta, þótt olían sé kolvöxuð allt í einu eftir nýja fyllingu á tanka þá er svarið enginn annar hefur kvartað sem er auðvitað bull, auðvitað kvarta flestir sem drepst á tækjunum hjá eftir nýkeypta olíu og síur og gruggglös full af vaxi.
Þar sem að þessi þráður er/á að vera um olíu þá fannst mér upplagt að setja þetta inn hér.
Ég keyrði áðan fram hjá bensínstöð Atlantsolíu við Sprengisand og las þar verð á olíu 114,10 en var 35 kr þegar Atlantsolía byrjaði að selja olíu þar 2.12.2003 en síðan þá er olían búinn að hækka um 79,1 kr á 2 árum og 4 mánuðum og 1 degi.
Ástæða þess að ég tek hér Atlantsolíu sem dæmi er sú að þegar þeir byrjuð þá voru þeir að segja að nú væri kominn samkeppni á eldsneytissölumarkaðnum en í dag er það ekki sjáanlegt, mig hefur alltaf langað að fá útskýringar á þessu, hvernig þeir gátu haft verðið svona ódýrt þegar þeir byrjuðu en elta núna hin olíufélögin.
Kv
Snorri Freyr
Anonymous- Umræður: 0
- Svör: 16404
Eins og Gústi benti hér ofar að þá er ég búinn að vera með grútarbrennara undir húddinu nokkuð lengi. Eftir að olíufélögin fóru að bjóða þessa vetrarolíu lenti maður mjög sjaldan í vandræðum með eldsneytið. En fyrir þann tíma var maður að sulla saman einhverjum kokteil til að fá grútarbrennarann til að vera til friðs í kuldum og studdist gjarnan við eina þumalputtareglu.
Þumalputta reglan:
Steinolía 15 – 30% (af heildarmagni)
Bensín 0.5 – 1% (af heildarmagni)
Tvígengisolía 2 – 5% (af steinolíumagni)Það er gott að setja smá bensín útí olíuna því bensínið étur vaxið sem kann að myndast jafnóðum. Ég á einhverstaðar Excel skrá sem reiknar þetta út fyrir mann miðað við heildarmagn sem við á hverju sinni, ég skutla henni á vefinn þegar hún finnst.
ÓE.
Sælir.
Það er náttúrulega dagljóst að enginn vöruseljandi gengst við því að selja ónýta vöru og leggja að veði dýran búnað eins og olíuverk og heilu mótorana. Þetta er jafnheimskulegt og að tryggingafélögin fái að ákveða sjálfir hvaða greiðslu þeir inna af hendi við tjón.
Það var hinsvegar ekki fyrr en eik nokkur otaði því að Þóri að hugsanlega og mögulega væri eitthvert síugrey í Hummer stífluð eða jafnvel vatn komið í hráolíusíuna, sem gerist á bestu bæjum, að Hummer eigandinn fór á taugum og smitaði nokkra af taugaveiklun.
Þórir, ég les skrif þessa ágæta vefs mikið og held ég að þú hafir valdið töluverðri löngun nokkra félagsmanna til að eignast Hummer, allavega hafa niðrandi skrif manna um Hummer stórminnkað síðan þú varst sjáanlegur á þínum. Það er ekkert nýtt að menn hnýti í eigendur annara tegunda en þeir eiga sjálfir og held ég að Patrol eigendur ættu allir að vera komnir á geðdeild ef þeir tækju niðrandi ummæli annara eins nærri sér og þú. Hinsvegar hafa menn atyrt þig og átt í litlum vandræðum við að ná þér í gírinn. Það hefur ekki alltaf verið sanngjarnt gagnvart þér en því er auðvelt að horfa framhjá þegar þú svarar slíkum ófögnuði eins og raun ber vitni.
Sérstaklega þótti mér athyglisvert að sjá menn byrja, um leið og Þórir virtist orðinn trekktur, að merkja stöðu sína í vefnefnd. Eins og menn séu að segja "ég er að fylgjast með þér, gæskur". "Passaðu þig".
Þórir, þegar þú sest næst við lyklaborðið geri ég ráð fyrir að þú ausir úr skálum reiði þinnar yfir mér en þá skaltu íhuga það að það eina sem eik var að benda þér á, að ég las úr textanum, var að kanna hvort einhverjar síur væru óhreinar eða eitthvað annað sjáanlegt í hraðri yfirferð um bílinn. Ef þú hefðir sagt í næsta þræði að þú hefðir kannað hráolíusíu, netsíu í olíverki og loftsíu og allt hefði reynst hreint (þú athugar að slík athugun er bráðholl öllum mótorum, meira að segja í Hummer) hefðir þú tekið af allan vafa um að olían hefði verið skítug og ekki í takt við það sem við erum að kaupa.
Þessar upplýsingar ættu að berast til Hálendismiðstöðvarinnar í Hrauneyjum til að uplýsa þau um að eitthvað væri að olíunni þeirra. Þau hljóta að vilja halda viðskiptum við ferðamenn sem þurfa eldsneyti og gera það sem þarf til þess. Jafnvel hreinsa tankana.
Kv Izan
Nágranni minn sem vann við byggingu Búrfellsvirkjunar á sjöunda áratugnum sagði að dísilolian á öll tæki hefði verið blönduð með30% af steinolíu yfir veturinn. Kv Olgeir
Talandi um einelti.
Þá er ég nú búinn að vera rauðhærður og með freknur í þó nokkur ár og hef fengið minn skammt af stríðni og einelti.
Það sem að reyndist mér best var að lemja þann sem að var að stríða mér, en það dugði mér bara á meðan að ég var í barnaskóla vegna þess að ég varð aldrei stór og sterkur. Þegar að ég hætti að geta lamið þá sem að stríddu mér þá versnaði í því og núna þurfti maður að finna einvherja leið út úr þessu veseni, því ekki hætti stríðnin.
Niðurstaðan var óumdeilanlega sú að taka þátt í stríðninni sem dæmi nefni ég ef að fólk segir " þú ert nú rauðhærður og ertu þá ekki á bótum frá ríkinu?" þá svara ég alltaf "jú og ég fæ frítt í strætó".
Þegar að fólk ætlar að vera með einelti eða vera fyndið á kostnað annara, þá missir grínið hjá því alveg mark þegar að það fær svar sem er í þessum dúr. Fólk sér þá að þér er alveg sama og þá nennir það ekki að stríða þér.
Kveðja Rauðhærði maðurinn.
Daginn
Þetta er náttúrulega stórgalli við ágæta heimasíðu þessa að menn geti breytt fyrirvaralaust framburði sínum og sett þannig allt á annan endann. Skv skilmálunum góðu þá hélt ég að skrifin væru eign 4×4 um leið og þau eru samþykkt en eftir það getur hver sem er breytt sínum texta.
Ég get s.s. sagt einhverjum að fara í rassgat og gert viðkomandi kolvitlausann, fengið hann til að kalla mig öllum illum nöfnum, breytt síðan textanum og sagt honum að fara í lúdó og sagt hann eiga upptökin af látunum. Sniðugt.
Ég er farinn að skilja ýmsa hluti betur og tel bráðnauðsynlegt að menn sem bæta "vefnefnd" við undirskrift sína ættu að ræða saman um þessa hættu.
Kv Izan
P.s. Þórir, ég er sunnlendingur að upplagi svo að ég fell tæplega undir skoðun þína á austfirðingum…..
Anonymous- Umræður: 0
- Svör: 16404
Þetta er að sjálfsögðu hárrétt hjá þér Izan og hefur verið rætt innan vefnefndar og stjórnar. Það hefur verið rætt um að pósturinn sé breytanlegur á aðeins stuttan tíma eftir að hann hefur verið settur inn eða lengri. Það eru rök bæði með og á móti en þessu er auðvelt að breyta. Eik er mjög fróður um margt og einkar lagið að espa menn í rifrildi og hafa nokkrir orðið fyrir barðinu á honum eins og t.d. Björn Þorri, en úr þessu spruttu margir bestu þræðirnir á gamla vefnum.
ÓE
Þú ert ábyggilega gull af manni en stundum verða menn að gæta að skrifum sínum og kalla ekki allar rollurnar svartar. Einar er líka fínn náungi en menn verða að taka suma með léttúð. Ég er sammála Óskari að þræðirnir hér í denn á milli eik og Þorra voru skot á hvorn annan sem voru oft á tíðum skemmtilegt að lesa enda báðir með góðan penna. Ég man ekki eftir neinum pósti frá þeim þar sem annar hvor var með ljót orð en það er kannski vegna þess að þetta voru tveir fullorðir menn að karpa um hlutina og gátu svarað fyrir sig eins og menn. Djö sakna ég Björns Þorra hérna á netinu, er hann kannski hættur að ferðast eftir að tacoman ……….. hann.
Anonymous- Umræður: 0
- Svör: 16404
Já Gústi ég kíkti í áttina að Egilshöllinni á laugardaginn, en bara af því að ég var í nágrenninu …skiluru. Það voru bara framsóknarfánar við hún og Framsóknarflokkurinn með einhvern fund, það sem mér fannst skrýtið …þarf þessi flokkur virkilega svona stórt hús til fundarhalda.
ÓE
Sko Óskar – að sjálfsögðu þarf framsóknarflokkurinn svona stórt hús – þá geta allir sem kjósa hann mætt líka – og tekið gesti……
Benni
Nr. 1. Það að framsóknarflokkurinn hafi verið í Egilshöllinni gæti skýrst af brennandi áhuga þeirra á skautaferðum, þeir hafa verið á skeutum.
Nr. 2. Klúbburinn firrir sig allri ábirgð á þeim skrifum sem eiga sér stað á spjallinu og segir ummæli sem hér sjást vera á ábyrgð höfundar. Þar af leiðandi á höfundur að hafa fullan aðgang að sínum póstum. Spurning að bæta við "eyða" hnapp líka.
Nr. 3. Ég held að skítkast og leiðindi komi seint með að rífa niður vefinn, heldur þvert á móti er þetta sem heldur þessu gangandi.
Kv. Davíð
Skeljungs olían er með stíflumörk -25° C
Það getur nú orðið kaldara en það í roki á fjöllumhér er uppgefin tafla frá Skeljungi með blöndunarhlutfalli
til að auka frostþolið.Þessi fróðleikur kemur frá Skeljungi
Frostþol Díselolíu.Frostþol díselolíu sem Skeljungur hf er að selja á bensínstöðvum sínum yfir vetrarmánuðina (nóv – mars) er um -18 til -25ºC *?.
Hægt er að auka frostþol díselolíu með því að blanda steinolíu saman við díselolíuna. Við hver 10 % af steinolíu sem er blandað saman við díselolíuna eykst frostþolið um c.a. -2ºC.Ef blandan er meira en 30 % steinolíu saman við díselolíuna, þarf að blanda tvígengissmurolíu (t.d. Vélsleðaolíu eða Advance VSX 2) saman við blönduna til að tryggja smureiginleika díselolíunnar, sjá töflu hér að neðan.
Steinolía % *? Tvígengisolía C.a. frostþol í ºC
0 0 -18 til -25
20 0 -20 til -27
30 0 -22 til -29
40 0,5 -24 til -31
50 0,75 -26 til -33*? Steinolía 40 % þýðir að blandan inniheldur 40 % steinolíu og 60 % díselolíu
Ath! Ef notuð er tvígengisolía er mikilvægt að olían blandist vel saman við blönduna. Bestur árangur næst ef tvígengisolíunni er blandað saman við c.a. 20ºC heita steinolíu.
Ef raki er í tanki bílsins eða eldsneytissían er orðin óhrein, má búast við lægra frosþoli.
Með frostþoli er átt við það hitastig sem hægt er að ræsa vélina í og aka án vandræða
*? Þegar við gefum upp frostþol -18ºC til -25ºC þá er stíflumark (CFPP) -25ºC, en lágmarks frostþol samkvæmt viðmiðun Shell er -18ºC.
Stíflumark (CFPP), er það hitastig sem díselolía er við þegar vax í henni kristallast að því marki að síur stíflast. CFPP er lægsta hitastig sem sem hún er nothæf við en sumir bílar eru viðkvæmari og þola minna frost og þessvegna hefur Shell skilgreint frostþol díselolíu hærra en stíflumark.
Allar nánari upplýsingar veitir eldsneytis- og smurolíudeild
Skeljungs hf. í síma: 560-3800Rakst á þetta á litlu síðunni.
Nota bene nú er komin April, þannig að sumarblandan gæti farið að koma á stöðvarnar eða hvað ?
You must be logged in to reply to this topic.