Ólafur Helgi Kjartansson

hvernig er það, eru F merktir vegir ekki bara ósköp venjulegir vegir í umferðarlögum? en er svo ekki alveg sér klausa um slóða, er ekki rétt að fá einhvern lögfróðan mann um að komast að því? þá gætu jeppamenn verið með þetta útprentað í bílnum sínum til að henda í andlitið á sýslumönnum sem að eru með kjaft. en þá er spurning hvort að ein lög séu æðri öðrum, er þá ekki litið til stjórnarskráinnar, stendur þar ekki að menn eigi að njóta vafans? eða er ég bara að rugla núna?

Sælir og blessaðir,

gerði það að gamni mínu að hringja í Vegagerðina og spyrja hvort löglegt væri að keyra slóðan af vegi 261 niður í Emstruskálan.

Fékk að vita að færð á vegum á hálendinu væri ágæt. (Grínlaust þá er gott að vita það.)

Fékk staðfest að Vegagerðin hefur ekki það hlutverk að úrskurða um lögmæti utanvegaaksturs.
Og hefði ekki það hlutverk að svara fyrirspurnum um hvaða slóða megi keyra.

Yfirmaður hans sýsla er dómsmálaráðuneytið og vænlegra að tala við það um að ákveðinn aðili
slaki á klónni og ráðstafi fé embættisins með skilvirkari hætti en dæmi sanna.

Býð fram ráðgjöf og aðstoð mína í viðræðum við opinbera aðila þ.a. það skili árangri og niðurstöðum eða öfugt ef það hentar betur. ( meðalhófsregla, jafnræðisregla, rannsóknarskylda, aðstöðumunur aðila máls, réttaróvissa, aðilar njóti vafans o.s.frv.)
Kveðja, Sveinbjörn

okei okei ekkert grín hér

Mér finnst það ekki lýsa miklum metnaði að gefa sér fyrir fram að lögum og reglum verði breytt til hins verra. Það vill nefninlega svo til að það er ekki einfalt mál að breyta þessum reglum, þannig að jafnræðisreglan sé virt og að ekki sé þrengt að hagsmunaðilum sem hafa mikil ítök hjá þingmönnum.
Annars væri líklega löngu búið að breyta reglunum. Nú eru nokkrar vikur í að dómar falli í þessum tveimur málum sem rollingagrúpían rekur, það verður forvitnilegt að sjá hvað þessir fáu einstaklingar sem sækjast eftir valdi til að handstýra umferð um landið okkar, taka þá til bragðs.

-Einar

Það finnast enn vitleysingjar hér og þar. Var að lesa þessa greyn sem um er rætt hér. Maðurinn er greynilega hálfviti af verstu sort.

Haffi H-1811

Hvernig hefur konan þín það. Ég tek það að sjálfsögðu til greyna að gæta orða minna, enda geri ég það yfirleitt alltaf. En mig varðar í sjálfu sér lítið hversu margir lesa eða ekki lesa mína skoðun á þessum manni. Ekki var hann sjálfur að skafa utan af þeirri skoðun sem að hann hefur á utanvegarakstri. Enda sýndist mér eins og að hann hefði bara enga löngun til að mynda sér skoðun. Og menn sem eru ekki starfi sínu vaxnir eru að mínu áliti einmitt það sem ég skrifaði hérna að ofan. Þetta var bara eitthvað sem mér datt svona fyrst í hug að segja þegar ég las orð mannsin. En ef miðað við orð Skúla; að við eigum marga gamla en ómerkta slóða og þeir mættu ekki hverfa, því þá kæmumst við ekki í skálana. Þetta er einmitt vöndullinn á því sem mann hafa í sameiningu komist af að orða til að skýra þessi mál á sem einfaldastann hátt. Og það er að virka sem málefnanleg umræða. En þessi maður var ekki að taka á þessu á málefnanlegann hátt.
Þess vegna stend ég við orð mín og skrifa þar að auki undir og bæti þar við félagsnúmeri mínu.

Hafþór Atli Hallmundsson. H-1811

Nokkrir snöggsoðnir punktar til umhugsunar og innlegg í umræðuna.

Ég tel að tjón af völdum akstur utanvega hafi ekki verið minna þegar á heildina er litið frá upphafi hálendisferða á bílum, þrátt fyrir að umferð hafi aldrei verið meiri en nú. F4x4 á þarna stóran hlut að máli.

Flestir eða allir jeppaferðamenn eru miklir náttúrunnendur og vilja haga ferðum sínum þannig að ekki hljótist tjón af. Mögulegt er að ferðast víða utanvega á jeppum og öðrum faratækjum ef rétt viðhorf ríkir hjá ökumönnum og þeir kunna til verka.

Ég tel að akstur utanvega hafi verið útbreiddari heldur en margra grunar, hann hafi bara verið stundaður þannig að ekki sjáist um það ummerki, og hvað er þá að því ??

F4x4 félögum sé vel treystandi til að ná til jeppaferðamanna og innleiða hjá nýliðum rétta hugsun og þekkingu þannig að óhætt sé að leyfa áfram akstur utanvega þar sem ekki hljótast landspjöll af. Við þurfum að sannfæra umhverfisráðherra og aðra þingmenn um að okkur sé þar full alvara.

Mikil fjölgun vélhjóla og villandi fréttir af staðbundunum vandamálum af þeirra völdum virðist hafa hrundið af stað einhverri móðursýki í umræðu um akstur utanvega. Þetta þarf að stöðva.

Íslenska þjóðin tekur ákvarðanir um að leggja heilu dalina undir uppistöðulón virkjana, ryðja slóðir með þungum vinnuvélum vegna rannsókna, gera stór skörð í heilu fjöllin við malarnám, leyfa ótakmarkaða umferð hesta á járnskeifum utanvega um hálendið, stóraukna notkun vélknúinna ökutækja við smalamennsku (sem ég tel í lagi ef rétt er að verki staðið) og svo mætti lengi telja. Túlkar svo lögin þannig að jeppaferðamenn megi ekki bæla eitt strá. Við eigum ekki að sætta okkur við að annar mælikvarði sé notaður á okkar nýtingu á landinu heldur an allra annara.

Framganga sýslumannsins á Selfossi er því eins og blaut tuska framan í okkur í F4x4 sem höfum lagt mikið af mörkum í þágu nátturuverndar með áróðri, jákvæðri fræðslu, markvissri sókn til nýliða og miklu mórölsku aðhaldi meðal félagsmanna. Og þetta starf hefur skilað miklum árangri.

Framganga yfirvalda nú mun líklega verða til að auka tortryggni í þeirra garð og grafa undan því trausti sem byggt hefur verið upp með jákvæðu starfi undanfarin 20 ár, því miður.

Annars vil ég hvetja menn til að spara gífuryrðin. Málefnaleg umræða hjálpar okkur best, við höfum svo góðan málstað að verja.

með jeppaferðamannakveðju
Snorri Ingimarsson
R16

Gott að einhver getur komið orðum að því sem maður er að hugsa og vildi helst hafa skrifað sjálfur. Snorra og Glanna tekst það vel í þessu "tilfinningamáli", sem sum okkar upplifa sem hugsanlega aðför að frelsinu.

Ég held að við ættum að fara mjög varlega í að tala um pólitík hér á þessum vef,sérstaklega hvað þetta mál varðar því innan félagsins er fólk sem er í öllum flokkum landsins og hver og einn með sína sannfæringu í þeim málum.
Menn sem þekkja mig vita nákvæmlega hvar ég stend í pólitík og það er nóg fyrir mig.
Hvað þetta mál varðar þá skiptir engu máli hvaða flokk menn styðja því pólitíkusar eru bara þannig í eðli sínu hvaða nafni sem þeir nefnast og hvaða flokki sem þeir eru í þá virðast þeir bara hlusta á þá sem háværastir og málefnalegastir en ekki endilega fjöldann,semsagt tækifærissinnar.
Stundum eru hlutirnir bara ágætir eins og þeir eru.
Við getum alveg verið það afl að leiða þennan málefnaflokk en ekki alltaf að vera í vörn og þurfa endalaust að gefa eftir.
X 4×4

Kv.
Glanni

Hver er verjandi þessara meintu utanvegakstursmanna,ég tel að miklu skipti að það sé lögmaður sem hefur góða innsýn í heim jeppamanna,því það hlítur að skipta okkur miklu máli framsettning og vörn fyrir rétti,en ég hef eins og komið hefur fram hér á vefnum fengið þau sömu svör hjá Vegagerðinni og það er stór hluti slóða á hálendinu sem ekki er undir lögsögu Vegagerðarinnar.
Eg tel að miklu máli skipti að fara fram með ákveðni í þessum málum af okkar hendi,og láta ekki misvitra embættismenn ákveða kvað má og hvað ekki,því það er jú þekkt í sögu okkar Íslendinga,að sýslumenn fari offari og komi í gegnum dóm málum sem öllum eru til skammar,en ef þetta tiltekna mál vinnst fyrir rétti í þágu sýsla Þá er um leið komið réttarlegt fordæmi og má um leið segja að okkar sæng sé útbreidd hvað okkur snerti.
Klakinn