This topic contains 13 replies, has 1 voice, and was last updated by 
-
Topic
-
Sælir félagar
Var að velta fyrir mér hvort Ok sé jökull eða fjall. Er það eitthvað sem mönnum finnst eða eru einhverjar staðreyndir í því ?
Skv. Wikipedia er hann bæði:
Ok er 1.198 metra há dyngja úr grágrýti vestan Kaldadals. Á toppi hennar var samnefndur jökull sem er nú horfinn með öllu. Dyngjan myndaðist við hraungos á hlýskeiði síðla á ísöld.
Sjá: http://is.wikipedia.org/wiki/Ok
Er Ok semsagt þá bæði fjall og jökull?
Kv. Óli
-
Replies
-
Það er eitthvað X flatarmál, held að Ok nái ekki lengur þessu viðmiði. Semsagt skafl af stærri gerðinni. Annars væri áhugavert að vita lámarksstærðinar. Það getur ekki verið langt í það að stóri skaflinn á Snæfellsnesi fái virðurnefnið Snæfellsnesskaflinn
Ok er gamalt eldfjall og á toppi þess var einu sinni jökulhetta. Vísindavefurinn inniheldur mikið af upplýsingum og þar á meðal þetta: http://visindavefur.hi.is/svar.php?id=7251
Kv. Steinmar
Eitt sinn hlustaði ég á Odd Sigurðsson útskýra hvað væri jökull. Mig minnir að hann yrði að síga eða falla fyrir eigin þyngd til að geta talist jökull. Líklega er Okið alveg á mörkunum að geta talist jökull. Eru ekki einhverjar jökulfannir í norðurhlíð Oksins ?
Góðar stundir
Oddur lét mig einhvern tíma hafa greinargerð um hvað teljist jökull og ekki jökull skv. vísindalegri skilgreiningu. Þykist muna að þar sé talað um ísinn sé orðinn þjáll, skríði því undan eigin þunga og ryðji þarafleiðandi efni upp (jökulgarður eða ruðningur).
Ummerki eins og jökulgarðar eða ruðningar sýna einna best hvort ísinn hreyfist. Þessu fylgir gjarnan jökullitað vatn. Ef þetta er ekki til staðar þá er ólíklegt að nokkur hreyfing sé á ísnum.
M.ö.o. ísinn verður að hreyfast svo fyrirbærið kallist jökull. Annað er bara stór skafl eða fönn skv. þessari skilgreiningu.
Kv. Árni Alf.
Mér sýnist að Hlynur og Árni séu með skilgreininguna á hreinu; þegar fönnin eða fargið er farið að mynda ís sem skríður undan eigin þunga telst fyrirbærið vera jökull.
Kv. Steinmar
Anonymous- Umræður: 0
- Svör: 16404
Ég hlustaði fyrir nokkrum árum á viðtal við Ara Trausta. Þar mynnir mig að hann hafi sagt að fönn væri jökull ef væri samfelt óbráðin í tvo eða fleirri vetur.
kv. SBS
Sýnist Ari Trausti gera talsvert léttvægari kröfur en Oddur. Svo er talað um jökulfönn sem eru þá svona viðvarandi skaflar eða ís í fjöllum, skilgreining Ara er eiginlega meira í þá áttina. Dæmi um þetta t.d. á Heklu (stundum verið talað um Heklujökul), Snæfell og fleiri fjöllum.
En svo má velta fyrir sér hvort megi ekki taka fleiri sjónarmið inn í dæmið en sjónarmið jarðfræðinnar, t.d. hefð og söguleg áhrif. Ok hefur verið kallaður jökull lengi og stóð lengst af vel undir því, spurning hvenær sé rétt að svipta hann titlinum. Þó ísinn sé kannski hættur að skríða þá finnst mér full harkalegt að svipta Okið nafnbót.
Kv – Skúli
Ok er að sjálfsögðu fjall (eða réttara sagt dyngja). Ofaná Okinu var svo jökull
Fjöll eru úr bergi, meðjan jöklar eru úr ís.kv
Rúnar.
Já þú meinar það Rúnar, þetta er svona einskonar hæstaréttardómur. Auðvitað er jökul úr ís, en kannski er þetta spurningin hvort fjallið sé kennt við jökulinn sem er á því eða hvað. Hvað verður t.d. um Snæfellsjökul þegar jökulhettan verður farin af, þarf þá að breyta um nafn.
Kv – Skúli
[quote="runar":1fza0rxu]Ok er að sjálfsögðu fjall (eða réttara sagt dyngja). Ofaná Okinu var svo jökull
Fjöll eru úr bergi, meðjan jöklar eru úr ís.kv
Rúnar.[/quote:1fza0rxu]Þessi á skilinn Thule
Ef aðeins Hæstiréttur hefði haft yfir þessari dýpt að ráða um leið og barnslegri einlægninni
Hef heyrt Odd nefna þetta sem minnst 30-40 metra, við það getur massinn byrjað að skríða undan sjálfum sér.
Spurning um að gera út leiðangur með skóflu og mæla…
//BP
Kannski hægt að nýta nýfundinn íshelli til að rannsaka þykktina. Veit annars einhver hvar þennan nýja helli er að finna, t.d. gps-punkt og aðkomu? Sagt var frá hellinum í [url=http://vefblod.visir.is/index.php?s=4749&p=106863:3h87iy4r]Fréttablaðinu um dagin.[/url:3h87iy4r]
kv. Óli
Eingföld skilgreining:
Jökull – Wikipedia, frjálsa alfræðiritið
Jökull er massi íss sem ekki nær að bráðna milli árstíða. Þeir eru stærsta forðabúr jarðarinnar af ferskvatni og hegða sér líkt og hægfara ár sem hreyfist …
is.wikipedia.org/wiki/Jökull
You must be logged in to reply to this topic.