This topic contains 11 replies, has 1 voice, and was last updated by 
-
Topic
-
Ég setti saman smá netútgafu af fréttariti , fyrir félagsmenn f4x4, en hún er ekki sett til höfuð einum eða neinum heldur hugsað sem samansafn af fréttum úr klúbbnum, svona grasrótar blað. Átti þetta rit að vera alveg óháð stjórn, ritnefnd, sponserum/auglýsendum og öllu þess háttar. Fékk ég fólk til að koma með innlegg og skrifa pistla. Svo þegar þetta var tilbúið þá hafði ég samband við vefnefnd og óskaði eftir aðstoð við að koma þessu á f4x4.is síðuna þar sem að þetta yrði aðgengilegt fyrir félagsmenn á pdf formi. Höfnuðu þeir beiðni minni um að setja þetta á síðuna m.a. á þeirri forsendu að í heiti ritsins var Setrið Zero og notað var logo klúbbsins sem skraut, enda er þetta fyrir félagsmenn klúbbsins. Smá ritskoðun þar en ekkert tiltökumál fyrir mig og breytti ég því en innihaldið er óbreytt. En það besta var að þeir vísuðu mér á að hafa samband við stjórn eða ritnefnd með framhald. Í skipunarbréfi vefnefndar kemur fram að hún eigi að aðstoða félagsmenn við að koma efni á vefinn. Ég get farið á spjallið og linkað á alls konar efni en hér kemur efni sem að er allt komið frá félagsmönnum og þá vandast málið. Var það úr að þessu var komið fyrir á ókeypis heimasíðu í þetta skipti þannig að öll vinnan við þetta og efni yrði ekki alveg úrelt. Svo er það í höndum félagsmanna hvort að þeir hafi áhuga á að fá upplýsingar um félagsstarfið ofl. í netútgáfu. Og orðið er frjálst…
http://www.ohadafrettastofan.weebly.com
Kv. Stefanía R-3280
-
Replies
-
Ég verð að segja að að margt af þessu hjá þér ætti að vera á heimasíðu f4x4, td. uppl. um starfsemi í klúbbnum fréttir af fundum ferðir og fleira gerð góð skil. Og ég verð að taka undir þetta með að klúbbfélagar skrifi á vefinn án þess að vera eins og skítadreifari út á túni.
þú átt skilið thule
kv Trausti Kári Hansson
finnst þetta fínt hjá þér, nokkrir sem ættu skilið thule í heyrst hefur dálknum…
Frábært framtak.
kveðja Dagur
er kominn í leitirnar innan klúbbsins. Hamingjuóskir með frumburðinn Steffa. Mjög flott og vona ég að áframhald verði á þessu hjá þér og félagsmenn verði duglegir við að senda þér efni og skoðannir.
Kv. Magnús G.
Tek undir það, hafðu persónulega mjög gaman af lestrinum. Þó klúbburinn sé orðinn stór þá þarf líka að hafa grasrót.
Takk fyrir framtakið!
Þetta er flott framtak og skemmtileg lesning.
En ein spurning: Hvort heitir blaðið Setrið Zero eða Hálendis Zero? Það kemur a.m.k. tvisvar fram að blaðið heiti Setrið Zero en Titillinn er Hálendis Zero.
kv, Bergur Arnarson.
R-4129
Meira af svona. "Heyrst hefur…" hlutinn er eitthvað sem mér hefur fundist vanta á vefinn hérna, stundum er f4x4 vefurinn nefnilega aðeins of virðulegur og stífur.
En ég legg til að næsta útgáfa af "hvað sem þetta nú heitir" ritinu noti aðra uppsetningu heldur en þessa tveggja dálka. Hentar ekki fyrir tölvulestur, of mikið skroll upp og niður.
Frábært framtak. Einfaldleikiinn í fyrirrúmi en vel unnið efni. Steffí í næstu ritnefnd takk!
Kv – Skúli
Óháða fréttaritið þakkar góðar móttökur á þessari [b:3ijs2kgw]tilraunarútgáfu[/b:3ijs2kgw]. Það er samt ágætt að það komi fram að ég fékk aðstoð frá ágætis fólki sem að m.a. lagði til efnið ofl.
–
Bergur spyr um nafnið. "Frumburðurinn" var nefndur Setrið Zero og var efni unnið út frá því. Og eins og fram kom í inngangi ritsins að ef að félagsmenn væru ósáttir við það að þá mætti bara breyta því. En það komst aldrei svo langt því að vefnefnd f4x4 gerði strax athugasemd, þannig að til að koma í veg fyrir leiðindi þá var nafninu einfaldlega breytt. En aðstæður komu í veg fyrir frekari leiðréttingar í greinum og prófarkarlestur.
Þannig að eftir stendur: hvað á ritið að heita… ef að framhald verður en það er alveg óákveðið.
–
Skúli ég þyki nú með eindæmum ósamstarfshæf þannig að nefndarstörf henta mér engan vegin, kæfum þessa hugmynd því strax.
–
kv. stef… ekki sú skarpasta
Þetta fréttablað var mjög kærkomið og vonandi verður framhald á útgáfu þess þótt steinvölur hafi verið lagðar í götu.
Ég get ekki orða bundist við þá athugulu og varkáru félaga sem skipa hina bráðnauðsynlegu vefnefnd 4×4 klúbbsins. Þeir hafa tekið með festu á ýmsu sem betur hefur mátt fara í spjallþráðum klúbbsins og ég vil bæði þakka það og óska þeim góðs gengis í þeirri þrotlausu baráttu.
En e.t.v. er rétt að skoða hvort eitthvað af reglunum og skilmálunum kunni að vera farið að hamla upplýsingastreymi, annars vegar milli félagsmanna innbyrðis og hinsvegar milli stjórnar/nefnda klúbbsins og hins almenna félgasmanns. Þessar reglur og þessir skilmálar þurfa að vera þannig, að þær þjóni sem best því sem til er ætlast, að greiða fyrir góðum samskiptum, upplýsingaflæði og öðru því sem félagsmönnum má að gagni koma.
Eðlilegt hefði mátt telja, að þeirri hugmynd hefði verið tekið fagnandi, að setja á vefsíðuna tengil sem vísaði á fréttapistla um það margvíslega brölt sem á sér stað á vegum félagsmanna 4×4 klúbbsins, í bæði eiginlegri og óeiginlegri merkingu.
Það hefði átt að vera hið auðveldesta af öllu, að ná góðu samkomulagi um nafn á þessu fréttariti, ef fyrsta hugmynd um það þótti orka tvímælis.
Ég vil því biðja vefnefnd að hugsa nú aðeins sinn gang og leggja sig jafnvel enn meira fram um að stuðla sem best að þvi að gera vefinn okkar enn betri.
Með góðri kveðju.
Sverrir Kr. Bjarnason
Já Stef ekki sú skarpasta segirðu, en þú ert búin að leysa ýmis vandamál með þessum síðasta pistli þínum. Sko sumir hafa hamrað mikið á því að leggja niður nefndir og fækka í nefndum.
Þarna er næsta Ritnefnd komin……
í henni er 1 = StefMálið leyst
Kveðja Lella
You must be logged in to reply to this topic.