Ofur tröll

Ef það væri ekki fyrir góð innlegg hjá Ofsanum væri eiginlega ekki tíma eyðandi í að lesa spjallið, allavega á köflum. Tek undir allt sem hann segir nema kannski það að metingurinn og viðkvæmnin sem stundum kemur fram geti verið skemmtilegur. Mun skemmtilegra að lesa vangaveltur um kosti og galla vörubílaþróunarinnar. Og af því eik hefur verið til umræðu túlkaði ég hans innlegg sem framlag í það, einfaldlega hans sýn á hvernig þessir stóru virki, en eik hefur lengi haldið þeim kenningum á lofti að léttleikinn sé góður kostur og hægt að færa mörg rök fyrir því.

Ein leið til að líta á þetta er að þetta sport skiptist í marga flokka með 46+ dekkjunum er kominn nýr flokkur. Kannski svipað og þyngdarflokkar í kraftlyftingum (þó ég sé ekki að segja að þetta sé einhver íþrótt, þó keppnin um að drífa mest beri stundum keim af því). Það er hægt að ferðast á undir 38 tommum og hafa af því heilmikla ánægju eins og Litla nefndin hefur sýnt og sannað og það er ekkert verri skemmtun heldur en að komast yfir allt á 49 tommu trölli á endalausum krafti og dekkjastærð. Á hinn bóginn efast ég ekki um að það sé heilmikið kikk að rífa sig upp úr hverjum krapapollinum á fætur öðrum á 500 hestafla vörubíl. Það er bara talsvert ólíkur ferðamáti og líklega nær mótorsportinu en sport þess sem ferðast um á 33 tommu Terrano svo dæmi sé tekið. Svo erum við 38 tommu kallarnir þarna einhvers staðar á milli, stórir og miklir meðal smælingjanna en á smábílum ef við lendum með tröllunum í túr. Þetta er bara eins og með vinnumarkaðinn, meiri fjölbreytni, meira fjör;o)

Það má vel vera að þeir sem mæta tröllunum á smábílum fyllist ótta og skelfist það helst að fá 49 tommu trölladekkið upp á húdd (annað eins hefur skeð og ekki þurft 49 tommu til). Rétta leiðin til að það komi ekki í bakið á okkur er einmitt þetta sem formaðurin bendir á, s.s. að sýna framúrskarandi tillitsemi í umferðinni, þannig að eftir því sé tekið. Ef það orðspor fer af ökumönnum þessara bíla minnkar stórlega hættan á að einhverjum verði í nöp við þá. Varðandi bilanir þá er ég nú ekki frá því að maður hafi heyrt af nokkuð mörgum dæmum og þá miðað við það að flestir eru þetta nokkuð nýjir bílar. En má ekki skýra það með því að það er ekkert mjög langt síðan fyrsti bíllinn í þessum flokki kom á göturnar og menn kannski ennþá aðeins að læra hvað virkar og hvað þarf að varast. Einhvern vegin grunar mig að menn hafi nú verið að brjóta talsvert þegar fyrstu bílarnir fóru á 38 tommur. Núna þegar menn eru komnir með gríðarlegt tog og hestastóð á annan endann, mikið og gott grip á hinn endann og svo 4-5 tonn að bera, þá reynir auðvitað á ýmislegt og veikir punktar finnast sem ekki voru svo veikir áður, jafnvel ekki á ‘litla’ 44 tommu gleðigúmmíinu. Við búum hins vegar svo vel hér að það er fjöldi snillinga í því að finna leiðir til að styrkja þessa veiku punkta. Allavega held ég að þessi þróun sé ekki neitt vandamál eða þurfi ekki að vera það, bara eykur fjölbreytnina. Kannski verst fyrir þá sem þurfa að drífa alltaf mest, þeir geta lent í sömu vandræðum og Sovétríkin í vígbúnaðarkapphlaupinu, þurfa endalaust að punga út í meiri græjur til að halda í við keppinautinn.

Kv – Skúli

P.s. sé að síðan ég byrjaði að skrifa er komið fullt af góðum innleggum, sérstaklega röklegir punktar frá Erni Ingva!

Það er ánægjulegt að sjá á pistli Arnar Ingva, að það er a.m.k. einn maður meðal 46+ vörubíla eigenda sem er fær um að ræða hlutina málefnalega, og án þess að tapa sér i persónulegu skítkasti. Ég var farinn að halda að menn biðu alvarlegann skaða á geðheilsu, af því að umgangast svona bíla, en það er greinilega ekki, a.m.k ekki alltaf. Ég vil sérstaklega taka undir þá sjónarmið að fjölbreytni í jeppaflórunni er af hinu góða.

Amerískir vörubílar í þessum stærðarflokki hafa verið framleiddir lítið breyttir í marga áratugi. Á fyrstu árum nútíma jeppamensku (upp úr 1980) voru þessir bílar eða yfirbyggður útgáfur þeirra, Blaser, Suburban, Bronco og Ram, meðal algengari jeppa í snjóakakstri. Á seinni hluta níunda áratugsins urðu léttari bílar, sérstaklega Hilux algengari. Skömmu eftir 1990 var fáeinum Dodge pallbílum síðan breytt. Þrátt fyrir öfluga auglýsinga herferð, urðu það aldrei margir bílar. Skömmu seinna gerðist svipað með Hummerinn, það voru fluttir inn nokkrir bíliar, en þrátt fyrir mikla auglýsinga herferð urðu þetta ekki margir bílar. Þá fór reyndar af stað sláandi rógs og öfundar faraldur, sem er þeim að honum stóðu ekki til sóma.

Ég ítreka það sem ég sagði hér að ofan, ég sé ekki ástæðu til þess að hafa sérstakar áhyggjur af því að breytingar á stórum bilum skaði ímynd ferðamáta okkar m.a. vegna þess að ég held að þessir bílar verði aldrei margir. Þeir þættir sem urðu til þess að þessum bílum fækkaði á fjöllum fyrir 20 árum, eru nefninlega flestir til staðar enn þann dag í dag.

– Einar

Sælir jú það er einn jeppa eigandi með fullt af gleðipillum í pilluskápnum hjá sér.

Hann er að smíða 42 wyllis með álboddí og vigtin verður ekki meir en 1100 kg, 38" dekk en reyndar bara 300 hö… jæja það kemur nálægt þessu hjá þér…

kv
Gunnar

Ef maður vill farartæki sem er ógeðslega létt, drífur endalaust, og fer hratt yfir, kaupir maður sér þá ekki bara vélsleða?

bara svona spyr…
Kv
R.

Nei Rúnar, þá fær maður sér súkku

Annars eru þetta bara allt trúarbrögð, en Gunni er Höski ennþá á Jeppa?

mæl þú manna heilastur,lolo hvað maður ætti líklega frekar að létta með því að henda lága drifshlutanum úr millikassanum.
Áfram 8 gata eðallinn
Kveðja jeepcj7

eftir að lesa þennan þráð yfir i heild er ekki annað hægt enn að hlæja herna er fullorðið fólk margt þrælvanir fjallamenn að bera saman 1600kg wyllis tíkur við 4-5tonna vörubíla þetta nær ekki nokkri átt ha??? það segir sig sjalft að maður keyrir ekki svona vörubíl eins og 8 gata wyllis willysinn er bara leiktæki meðan svona ford er bara ferðatæki þægilegt og öflugt ferðatæki þessir bilar virka misvel við misjafnar aðstæður enn flestir eiga það sameiginlegt að komast oftast á áfangastað og held eg bara að menn ættu að vera fegnir því að einhverjir hafi metnað að halda uti svona bil því þetta eru miklir vinnujalkar og nytast mjög vel sem björgunartæki og fara lett með að draga bilaða patrola og krúsera í bæinn þegar eitthvað hefur komið uppá sá sem efast um notagildi svona bila er bara bjani… og sa sem heldur að þetta seu leiktæki er lika bjani svo einfalt er það enda mega börn ekki keyra svona fullorðins bila

fordkveðjur mikki.

Já þú segir nokkuð.

Ég er alveg sammála þér með flest nema það að auðvitað eru willysar alveg eins ferðatæki líkt og stóru tröllin þó svo að þú tekur ekki krakkana með og farangur fyrir 5 en þægindin eru öll í Stóru tröllunum. Faðir minn átti Ram 1500 á 44" og það var líkt og amerískt teppi, þvílíkt sem hann fór vel með mann á fjöllum væntanlega líkt og Stóru Fordarnir eru. Willys er meira leiktæki, ekki alveg sömu þægindin

En annars vel mælt.

kv
Gunnar

Sæll láttu endilega skera dekkinn það munar hrikalega mikið um það í hálkunni.Veit ekki hvort að 17 Þúsund sé mikið eða lítið verð fyrir þessa dekkjastærð ?? Ég lét skera 46" og einnig lét ég negla 240 vörubílanagla í dekk og vá þvílkur munur í hálkunni !!! Fordinn var ókeyrandi í hálkunni áður en ég lét gera þetta en þetta kostaði að mig minnir um 80 þúsund með umfelgun sem er auðvita mikið en mæli samt með þessu
peningana virði

Kveðja Sæmi

Benni, tékkaðu á myndasafninu… var að setja mynd þar af gh dekkjum sem ég á skorinn…

kv gunnar