ofnamál

Þessu er ég samála Lúter.
Eyþór

Kuldaskræfur.

Ég er hjartanlega samála þér Lúter þetta var nú ljóti gjörningurinn, ég held að þetta hafi skeð þannig að einhve impraði á þvi að ofnin færi illa þarna á eldhús gólfinu og sokkarnir væru götóttir og ógeðslegir sem héngu í kringum vélina, og áður en við vissum af réðumst við á vélardraslið með þvílíkum OFSA, og áður en við vissum af var vélinn á leið upp í sumarbústað til Kalla.
Síðan erum við búnir að naga okkur í handabökinn upp að olboga venga mórals yfir bullinu í okkur. Dauð skelkaðir um það að einhverjir munu frjósa í hel í skálanum, svo rammt kvað að skelfingu þessari að við ákváðum í skyndi í vetur að fara og bjarga skemmtinefndinni en hún var einmitt stödd í klakahöllini.Fengum við til fulltingis við okkur vatna og björgunarsveitarmannin Hlyn snæland á Ló Ló Patroll og fleiri mjög vaska sveina, sýnir þetta hvílík umhyggju við berum fyrir okkar nánustu. þegar við lítum til baka, og rifjum upp þá stund er við björguðum skemtinefndinni er ekki laust við að sumir okkar felli tá yfir hetjuskap okkar og bróðurkærkeika. En ekki er laust við að okkur sárni þegar maður einsog þú Brútus-Lúter kemur upp um okkur með ofninn. Við sem komum að þér snöktandi bak við setuna og komum þér til byggða.

Fyrir hönd fyrrum skálanefndar og einka björgunarsveitar skálanefndar Jón OFSI Snæland

PS Hvenær fáum við björgunarlaunin.

Í heiðarkofum skal vera heitt
borum eftir vatni
það þíðir ekki neitt
að vonast til með kabisu að það batni.

Það er von mín að ný og skemmtilegri skálanefnd (sem borðar minna og vinnur meira ;))komi heitu vatni í setrið þó það væri ekki nema til að fylla einn heitan pott fyrir utan kofann. Hvernig er með að skoða túpu mál, mig minnir að hundruðir húsa á íslandi hafi verið kynnt með slíkum búnaði í mörg ár.En annars er þetta mál með að bera vatnið á milli staða bara til þess að það verður einhver fyrir og vona ég svo sannarlega að það verði ekki lítið barn sem stóra personan sá ekki vera fyrir.

Ekki veit ég ástæður þess að ofsafengnir samferðamenn mínir skruppu í setrið þennan dag, en ég fór bara með til að stelast í skemmdan mat og sötra einn afréttara. Og hafði bara asskoti gaman af.

Ekki man ég nú eftir miklum grátstöfum á svæðinu, þó getur nú verið að einn og einn dropi hafi lekið niður þegar grílukertin á augnbrúnunum tóku upp á því að bráðna, enda var vel kynt í kofanum.

En það að halda því fram að Hlynur hljóti að vera í góðu líkamlegu formi þar sem hann er björgunarsveitarmaður, finnst mér alveg stórkostlega drep fyndið……

kv.
Rúnar.

Það er nokkuð ljóst að það skilar litlu að gráta það sem síðasta skálanefnd gerði, gott eða slæmt. Ég held að þessir kappar hafi skilað góðu búi og ósérhlífni einkennt þeirra störf. Tek ofan fyrir þeirra framlagi til félagsins. Hvort þetta tiltekna framtak að fjarlægja ofninn hafi verið skynsamleg ákvörðun eða fljótfærni er bara ekkert issue lengur, ég hef ekki einu sinni fyrir því að mynda mér skoðun á því. Má vel vera að hann hafi verið orðinn illa lyktandi og ógeðslegur.

Þetta með ofn í staðin fyrir gömlu kabissuna er svo bara spurning um verkefni fyrir arftakana og ágætt að spá í það. Rök Soffíu og Begga finnst mér nokkuð sterk, þ.e. að það sé slysahætta af því að vera að flækjast þarna herbergja á milli og upp þrepin með fullan pott af sjóðandi vatni. Alltaf betra að byrgja barinn áður en barnið er dottið í það. Einhverjir töluðu líka um mikinn kulda í skálanum í vetur, en ég varð nú reyndar ekki sérstaklega var við það í mínum ferðum þarna.

Kv – Skúli H.

Þetta er áhugavert hjá ykkur Óskar,Hlynur og Skúli og fleiri. Það virðist sem við séum mitt á milli þessara hitasvæða og er loftlínan 11 km í Ólafsfell og svipað í Kerlingafjöll er líkurnar þá okkur ekki svolítið hlíðhollar að hjá okkur gæti verið heitt vatn. En hver gæti kostnaðurinn verið er ekki rétt að klúbburinn kanni þetta mál betur eða hefur það kannski verið gert áður, ef svo er væri fróðlegt að rifja upp þær niðurstöður. Svo eru jú til 8 millur í buddunni það er bara spurninginn hvort menn munu vilja fórna stórum hluta þess í þetta verkefni.
Eða kannski klúbburinn taki skála í fóstur og eyði einhverjum peningum í það. Hefðu félagar 4×4 td áhuga á því að kanna hvort við gætum tekið að okkur Hvanngiljahöll en sá skáli er rétt norðan við Búðarháls. en hann þarf að hressa upp á. Skálinn er í eigu Ásahrepps og Rangárþings Ytra. Eftir að Tungnaá var brúuð er aðgengið að skálanum betra. Dagsferðir þaðan gefa ýmsa möguleika til akstur vítt og breytt um sunnanverðan Sprengisand.
Einnig eru skálar einsog Áfangaflá-Illugaver-Versali eða hvað með skálana norðan við Hágöngulón þegar ransóknarliðið hverfur á braut.

Jón Snæland.

Mikið er maður spenntur fyrir að sjá og heyra hvort jarðhitaleit skilar einhverju þarna. Það er til fyrirtæki sem mig minnir að heiti Alvarr, man ekki í svipinn hvað verkfræðingurinn heitir sem stendur fyrir því. Hann hefur nú mikla reynslu í borunum eftir bæði heitu og köldu vatni og er með ólíkindum hittinn á vatnsæðar, bæði heitar og kaldar. Hann hefur náð árangri á stöðum og svæðum, sem Orkustofnun hefur talið fyrirfram vonlaus. Hvernig væri að spjalla um þettaa við þennan mann. Ég sé í símasrkánni að fyrirtækið er með lögheimili úti á Seltjarnarnesi. Þeim sem standa að Ingólfsskála (Ferðafélagg Skagf.) hafa verið að spjalla um að fá hann til að kíkja þangað uppeftir og spá í jarðlögin, veit ekki á þessari stundu í hvaða stöðu það mál er. En hvorttveggja er á Hofs/Arnarfellsjökulssvæðinu.
Býsna fróðlegt allt saman.
kv.