This topic contains 14 replies, has 1 voice, and was last updated by 
-
Topic
-
Gaman væri ef menn settu inn smá ferðasögur í kringum ófarir og bilanir sumarsins til að sjá hversu bilanagjarnir þessir bílar okkar eru eins hvort menn eru að lenda í miklum óförum að sumri til.
Ég lenti í smá hremmingum þegar ég var að koma ofan úr Lakagígum í sumar að annað afturhjólið með öxli yfirgaf mig með tilheyrandi látum og skemmdum. Það er alltaf spurning þegar skroppið er til fjalla hve mikið af varahlutum á að taka með sér en í þetta sinn var ég sem betur fer með legu og pakkdósir með því það fór allt í hakk. Eins hélt ég að öxulendinn væri ónýtur, en þá voru rillurnar fullar af svarfi innan úr hásingunni sem hann skóf upp þegar hann var að ganga út.
Allt hafðist saman aftur og með bremsur á þremur því borðarnir voru ónýtir og tíndir gormar.
Kveðja Bjarni
Ég kem þessari fj…. mynd ekki inn
-
Replies
-
Ég lenti nú eiginlega varla í neinu þetta sumarið.
Smá bilun í Ford kom upp þegar ég var á leið upp Holtavörðuheiðina (á leið heim frá Dæli) og ætlaði að nota öll hestöflin til að koma Ford og fellihýsinu upp ( samtals 6 tonn).
Ég gaf dálítið hraustega í og allt fór af stað en svo heyrðist bara hár hvellur og aflið datt niður um a.m.k. eina Patrol vél…. Þá sprakk intercoolerrör með þessum skemmtilegu afleiðingum… en ég gat svo sem druslast í bæinn á þessum hestum sem eftir voru ( á að giska 300 :-))
En þetta er nú svo sem allt…. Og núna eru plaströrin á leið úr bílnum og járn að koma í staðinn…
En ég ætla að segja ykkur smá frá óförum félaga míns…. sko… Þegar við fórum í Setrið… Nei annars ég hef ekki tíma núna….
Benni
Einu ófarir mínar á þessu fyrsta jeppasumrinu mínu voru um Verslunarmannahelgina. Þá byrjaði ég að heyra eitthvert skrítið aukahljóð við Illugaver (Helv.. Rottubæli!) og ágerðist það svo eftir sem áleið Gæsavatnaleið og á Urðarhálsinum þá datt bremsan alveg niður í gólf. Næsta tækifæri til að stoppa var svo við Langadrag (held ég… ekki alveg með augað á kortinu þegar maður er bremsulaus…) og þá hafði kjálkinn fyrir bremsuna losnað, rifið lögnina, skemmt diskinn og tætt hlífina sem er yfir bremsunni í burtu.
[img:cpbheqpa]http://www.trigger.is/gallery2/d/34061-2/IMG_9146.jpg[/img:cpbheqpa]
Með leka bremsulögn og þrjár bremsur komst maður samt til byggða með góðra karla og kvennahjálp. En ferðin var góð, skemmtileg, fróðleg og lærdómsrík!
Er nú svo með félaga mína 2 hvur öðrum betri,,eða þannig sko" annar þeirra er bara landsfrægur innan 4×4 fyrir að kunna allar festur sem eru skráðar í bókina og slatta af fleirrum, hinn kemst alltaf alla leið Þótt hægt fari,en finnst á tali við Breytir á mánudagsmorgna eftir flestar ferðir,hvor öðrum jafnari,eða þannig séð.
Annar leggur það í vana sinn að hrella saklausa sofandi túrista í rútum,og hinn að hverfa af kortinu svo að hinn fái ástæðu til að leita.
Hvor er meiri hrakfallabálkur er erfitt að segja en hvurgini þeirra vildi ég án vera.og jafnvel til búinn að kaupa upp allann lager af sjalfskiptivökva í 50km radíus,eður leigja gröfu til að moka hinn fríann úr klaka og vatni.
En hvoru tvegja munu hafa lent í slikum aðstæðum til fjalla.
Kv Klakinn
Ég ek um á gömlu Landcruiser og hann hefur bara hreinlega ekki slegið feilpúst síðustu mánuði. Þannig að ég verð bara að lýsa ánægju minni með þessa bíla.
Kveðja, Theodór.
Hrikalega er Crusi fallega speedway blue.
svona á að gera þetta. Nú týnirðu varla bílnum.
Nei, hann er ekki kominn út úr skúrnum. Það er líklega ástæðan fyrir að hann hefur ekki bilað hjá mér. Þar stendur hann vélarlaus og bíður átekta um framhaldið. Rífandi gangur í þessu.
Planið er að keyra hann á þorrablótið 2007 hjá 4×4.
Kveðja, Theodor
Sælir ég hef verið nokkuð góður í sumar fyrir utan rafgeymir sem er ónýtur og fylltist af spanskgrænu og tvo sprungna afturdempara Þórsmörk.
Kv Davíð Karl
ég varð fyrir því óláni að fara á gæsaveiðar um þarsíðustu helgi og fékk ekki eina einustu gæs. en því verður nú kippt í liðin.
gæsaveiðimannakveðjur
siggias74
Ég lenti bara í því skemmtilega atviki að þegar ég var að koma frá flúðum og var svona 500 metrum frá húsinu minu(rvk) þá fór hjólalega.
Mynd hér: http://myndir.ekkert.is/d/334815-2/jimny.jpg
milli Hrauneyja og Versala þá misstii ég 1 stk 14 mm bolta sem heldur bremsudælunni, en þar sem þeir eru 2 og annar hélt, þá varð þetta ekki til vandræða og ég kláraði dæmið " Versalir-Dreki-Laugafell-Varmahlíð"dæmið í Klakatúrnum.
Í sömu ferð missti anar bíll (LC90) báða festibolta fyrir bremsudælu að aftan neyddist til að fara niður til mannabyggða með bremsur á 3.
Ég hef lent í þessu áður, á Kjalvegi, en nú er ég viðbúinn. Er með 6 stk í skottinu.
Ég fór í ferð með Útivist í sumar. Þar sem við vorum að aka upp með Suðurá. Þá tapa ég dempara boltanum vinstra megin að aftan ( skrítið alltaf sömu megin ) Var því stoppað og fékk ég bolta úr Landrover safninu hans Skúla. Segi ég við Skúla, svona í gríni, þegar við leggjum af stað. Skúli villt þú ekki vera fyrir aftan mig, ef eitthvað skildi hrynja úr Slóðrík. Skúli tók þessu af fullri alvöru. Og lögðum við af stað og Skúli í gírkassanum hjá mér. Ekki höfðum við ekið lengi, þegar Skúli lætur vit að hann hafi fundið bolta og gúmmí í hjólförunum. Ég stoppa því og vildi skoða dótið. Og viti menn. Þarna var bolti og gúmmí úr boddífestingu hjá mér. Var boltanum og gúmmíinu hent inn í bíl og haldið áfram. Skömmu seinna stein dó Slóðríkur. Og við fyrstu ágiskun var það hald mitt að um olíuleysi væri að ræða og var því hellt á Slóðrík 20 l. Ekki vildi þó klárinn fara í gang. Og var því farið að spá og spögulera og spöguleruðumst við fram til þess að ádrepararelýið hefði framið sjálfsmorð. Og var því hafist handa að tengja framhjá því. Og síðan var startað og startað og sogið upp dísel og sían fyllt af olíu og ég veit ekki hvað og hvað.
En allt kom fyrir ekki, Slóðríkur neitaði að vakna. Eftir um 2 klukkutíma var loks ákveðið að dæla lofti í tankinn og blása fram eldsneytinu og hreinlega blása nýju lífi með þeim hætti í Slóðrík. Fór nú eitthvað að gerast og tók hjartað loks kipp með freti og reyk. Síðan varð að lofta spíssana oftar en nokkur gat talið. Eftir 3 klukkustundar bras, ákvað Slóðríkur þó að vaka úr dáinu. Og fylgdi því mikill reykur. Sem þó jafnaði sig fljótt. Eftir all ýtarlega greiningu jeppaóhappanefndar var eigandi ökutækisins víttur fyrir það að hafa vanhelgað Toyota með því, að nota dempara bolta úr Landrover boltasafni. Hafa verið með relý úr Bílanaust, og boddýfestingu, að öllum líkindum úr Patrol, enda gaf hún sig.
Þess má til gamans geta að ég fór syðri fjallabak í gær og endaði á Sólheimasandi og neyddist ég til að skilja bílinn eftir með brotið drif og eitthvað í gírkassa við sumarbústað vinafólks þar hjá svo næsta helgi verður víst viðgerðarútilega þar sem ég get ekki keyrt bílinn í bæinn og ekki dregið hann.
Viðgerðarkveðja Davíð Karl
Fyrst þegar ég sá þráðinn hugsaði ég með mér "Hah! Sumarið hefur gengið snuðrulaust hjá mér"
Svo stóð ég fyrir utan bílinn áðan og fór að rifja upp… Ein kúplingsdæla, rúðuupphalari og áframhaldandi gírkassavesen. Það var nú öll ósköpin… Ég held að það ættu fleiri að skipta yfir í gamla krúser, fyrst hann þolir böðulsháttinn í mér
en maður sleppur nú samt aldrei alveg. Í byrjun sumars fór rúðuupphalarinn bílstjórameginn og þurfti ég að fara í Landgræðsluferðina með hálfopna rúðu, annsi hvimleitt. Síðan var geymirinn að gefa upp öndina á sumarhátíðinni, enda orðinn 7 ára gamall, en dó þó ekki fyrr en komið var í bæinn. Eftir því sem leið á sumarið fór bíllinn að titra meira og meira í stýri á hægri ferð en skánar þegar eðlilegum keyrsluhraða er náð. Þeir settu ekkert út á þetta í skoðun og er ég búinn að herða upp á legum, renna bremsudiska og setja nýja klossa að framan, svissa á framm og afturdekkjum og er allt við það sama. Veit ekki hvað gæti verið að, en ætla að láta hjólastilla og ballansera dekkin upp á nýtt.
Bkv. Magnús G.
You must be logged in to reply to this topic.