This topic contains 9 replies, has 1 voice, and was last updated by 
-
Topic
-
Sæl öll
Er með 38″ dick Cepek Mud Country undir cherokee. Er búinn að skera þau mikið, m.a. skera alla kubbana sem snerta götuna í tvennt. Á morgun fer ég með þau í neglingu og var að hugsa um að láta setja einn nagla í hvern kubb (s.s. eftir skurð, tveir naglar í hvern kubb ef dekkin væru óskorin). Þetta gerir 344 nagla í hvert dekk = 1.376 nagla í ganginn. Fylgja því einhverjir gallar að vera með svona marga nagla umfram það að sem fylgir venjulegri neglingu t.d. 2 + 1 í kantana?
Kv. Freyr
-
Replies
-
Þakka ábendinguna en ég vissi af þessu. Hinsvegar er ég þannig gerður að mér gæti ekki verið meira sama hvað einhverjum pappírspésa dettur í hug að setja á blað. Það sem skiptir mig máli er hvernig hlutirnir virka í raun og þá er oft mjög gott að leita á náðir jeppaspjallsins og f4x4.is 😉
Einnig kemur til greina að negla vel í kanntana og microskera miðjuna, hvaða skoðun hafa menn á því samanborið við að negla bara í alla kubbana?
Kv. Freyr
Sæll Freyr,
Of margir naglar = minna grip á þurru og blautu malmbiki en mun betra á ís.
Kíktu á Trelleborg ísdekk… fyrir mótorhjól og einnig rallýdekk fyrir ísilagðar brautir = margir naglar meira grip í ís auðvitað verra á malbiki.
En 1 í hvern kubb er kannski of mikið og óþarfi kannski að gera það fyrir miðju dekks. Öll ný negld dekk eru negld óreglulega og ég myndi negla mín dekk þannig í dag, googlaðu t.d. Bridgestone Noranza 2 og sjáðu neglinguna þar og ýtku hana bara aðeins….. ég hef aðganga að einni byssu ef þig langar að gera þetta sjálfur. (9mm breiðir naglar) fínir í þetta.. óþarfi að vera með trukkanagla.
kv
Gunnar
Sæll Freyr,
Ég negli ekki of mikið og persónulega finnst mér þessi negling sem þú talar um vera langt umfram það sem hefur tilgang.
Ég negli til að hafa grip á blautum klaka og til að ná fram sæmilegum stöðugleika í hálku á vegi.
Mín reynsla er að til þess að ná þessu er nóg að negla að meðaltali tvo nagla í kubb á óskornum dekkjum, t.d. Mudder, Ground hawg í 38", DC í 44", MT í 46" og Irok í 49"
Svo þessu til viðbótar nota ég eins litla nagla og ég get. Negldi 38" og 44" alltaf með fólksbílanöglum og litla jeppanagla í stærri hjólin.
Er í dag að prófa skrúfaða jeppanagla í 49" tveir í kubb (120 í dekk) og þeir koma vel út
Ég hef líka prófað svona svaka neglingu og negldi 44" einu sinni með hátt í 300 nöglum í dekk. Fann nákvæmlega engan mun á stöðugleika eða drifgetur umfram það sem áður var með 2 í kubb. Munaði miklu meira um að microskera miðju og passa upp á að tjöruþvo dekkin.
Benni
"Of margir naglar = minna grip á þurru og blautu malmbiki en mun betra á ís". Er ekki í lagi að fórna 10-20% gripi í þurru eða blautu malbiki fyrir miklu betra grip í hálku? Held þetta sé tilraunarinnar virði, í verst afalli get ég plokkað einhverja nagla úr miðjunni seinna og microskorið í staðinn.
Fyrirmyndin að þessari hugmynd eru jepparnir hjá björgunarsveitunum og hjá slökkviliðinu. Sveitirnar eru oft með einmitt um 300 nagla í 44"DC og jeppar hjá slökkviliðinu eru margir á BFG All Terrain sem eru negld 5 nagla í ysta kubb, 3 í næstu röð og eitthvað smá á miðjunni, varla er þetta gert bara af því bara, þetta hlýtur að vera afleiðing af reynslu og prófunum eða hvað???
Kv. Freyr
Anonymous- Umræður: 0
- Svör: 16404
Mig grunar nú að þessir forgangsakstursbílar fái þessa svaka neglingu að hluta til vegna þess að það má….ekki vegna þess að það sé neitt mikið betra…en það gæti verið tóm þvæla hjá mér.
Gæti trúað að það skipti mestu að naglarnir sökkvi ekki í gúmmíið heldur borist vel í ísinn, mikið frekar en akkúrat fjöldinn. Það er einmitt atriði sem er "spekkað" af hinni dásamlegu Umferðarstofu, þó að ég viti ekki til þess að mælitæki til að framfylgja eftirlitinu sé til staðar á skoðunarstöðvum. Harka dekkjagúmmísins ræður því líklega að miklu. Svo á að mæla þetta við 20°C +/- 4°C eða svo. Ég hef sjaldan ekið um á ís í 20°C hita. Örugglega tekið upp úr einhverju ESB plaggi sem blýantanagararnir nautnuðu sér við að þýða.Einnig finnst mér skekkjumörk um það hversu naglar standa mikið út úr dekkinu alveg fáránlega þröng….hvernig á að vera hægt að negla dekk með dýptar-skekkjumörkum uppá 1-2 tíunduparta….og hvernig á það að halda sér þegar dekk/naglar slitna?
Meira ruglið að setja kröfur sem engan veginn er hægt að framfylgja eða hafa eftirlit með.kv
Grímur
Mín reynsla úr motocrossi er að fleiri er betra…
Einnig bendi ég á að í rall akstri eru menn að moka nöglum í sbr þesas mynd.
[img:2j2732r8]http://openpaddock.net/wp-content/uploads/2011/01/how-wrc-tires-work-18984_3-300×200.jpg[/img:2j2732r8]
Margir naglar yfir allt munstrið er alveg málið ef aka á á ís ekki endilega stórir naglar 300 ca. í 38" er bara passlegt negldum mikið svona í sveitinni í denn þar sem aka þurfti á klaka á mjóum vegum sem víða hallaði fram í sjó.
Auðvitað er þetta ekkert sérstakt á malbikinu auðu en snilld á ísinn.
Eitt sinn keyrði ég töluvert á ís á 44" Patrol. Ef minnið er ekki að svíkja þá voru 617 naglar í hverju dekki, eða 2468 naglar í fjórum dekkjum. Þeir voru "negldir" niður, jafnvel þótt ekið væri á blautum ís. Stundum var 38" kerra á venjulegri neglingu með í för, og hún átti það til að dansa all verulega. Ég mæli samt ekki með svona neglingu nema þú verðir bara á ís og hvergi annarsstaðar.
Góðar stundir
You must be logged in to reply to this topic.