This topic contains 39 replies, has 10 voices, and was last updated by 
-
Topic
-
Datt í hug að setja hér inn niðurstöður úr mælingum sem ég var að gera.
Ég keypti í bríaríi ódýra VHF amatörstöð (er að ná mér í réttindin) og ákvað að prófa að mæla standbylgjuna á loftnetinu.
Niðurstöðurnar eru ansi sláandi.
Á amatörbandinu (144-146 MHz) er loftnetið frábærlega stillt af, neðst er standbylgjan 1 en 1,4 efst sem gerir 2.7% tap.
Á 4X4 rásunum eru niðurstöðurnar beinlínis hrikalegar.
Neðst á tíðnisviðinu er standbylgjan 4 sem þýðir að maður er að tapa 38% af aflinu.
Á miðju sviðinu er standbylgjan orðin 4,5 og tapið þar með 43%!
Endurvarparás 58 er svo sér kafli fyrir sig, standbylgjan er 10 og tapið er 70% !
Ég nota samskonar aðferðafræði og margir erlendir radíóamatörar þegar þeir mæla handstöðvaloftnet. Jafnvel þó ég hafi mælt þetta innanhúss þá á það ekki að hafa mikil áhrif á niðurstöðurnar, né heldur sú staðreynd að það er nokkur munur á umhverfi loftnetsins þegar það er skrúfað beint á stöðina eða aftan á mælinn með millistykki.
Helsta niðurstaðan er sú að ef einhver ætlar að „spara“ með því að kaupa sér ódýra amatörstöð og nota á 4X4 rásunum, þá þarf allavega að kaupa sér annað loftnet með sem passar fyrir rásirnar.
Meira síðar, ég ætla mér að prófa fleiri loftnet (eru á leiðinni frá Kína) og jafnvel klippa einhver þeirra til.
Viðhengi:
-
Replies
-
Þessi lága standbylgja á bílaloftnetinu var eitthvað grunsamlega lág. Það á ekki að vera hægt að ná þessum tölum nema eitthvað sé að. Þá fór maður að athuga kapalinn. Hann reyndist skemmdur á einum stað. Þá fór maður að pæla í köplum. Ódýr RG58 kapall (5metra langur) reynist vera með tap upp á 1.2dB. Reyndar er það tap á við 7 metra langan kapal, en kapaltengin og tengiskottið eiga eitthvað af tapinu.
En þetta þýðir að þessi 25 wött sem bílstöð sendir út eru komin niður í 19 wött út við loftnetið. Það er vandaðri kapall á leiðinni til mín og ætlunin er að mæla hann líka og bera saman.Viðhengi:
Og nú má ég til með að bæta svolitlu við varðandi HX-370 stöðvarnar.
Einn ágætur rafeindavirkjameistari og radíóamatör mældi næmnina í móttakaranum, þ.e. hvað þarf sterkt merki til að stöðin opni fyrir móttökurásina.
Á amatörtíðni þarf bara 0,2 míkróvolt.
Á 4×4 rásunum þarf 1 míkróvolt, eða FIMMFALT sterkara merki. Nokkuð sem segir manni að þessar stöðvar eru ekki þær allra bestu fyrir þetta tíðnisvið.
Mín handstöð, Standard Horizon, MX370E, ekki amatör, virkar þokkalega á milli bíla ef menn eru að keyra saman og allir í sjónlínu. Mælir sig náttúrulega ekki með bílstöðinni.
73de,
ft3ps
Enn fleiri prófanir að baki.
Ég pantaði lengri gerðina af Nagoya, 771 gerðina og mældi.
Þetta eru „fölsuð“ kínaloftnet og greinilega eitthvað skrýtið við þau.Standbylgjan er í botni alveg upp fyrir almennu 4X4 rásirnar, en er í kringum endurvarpatíðnina eru þau í sæmilegu lagi. Þessi loftnet eru hins vegar ekki með þétti neðst eins og styttri Nagoya-701 loftnetin sem ég keypti áður, heldur bara með spólu. Í stuttu máli sagt; alveg vonlaus.
Viðhengi:
Góðan daginn.
Ég hef nokkurn áhuga á fjarskiptamálum, en er nýr hér inni. Hef fengið mér eina svona Baofeng og búin að vera að lesa og þessi pistill fannst mér áhugaverður. Var að fá mér Nagoya 771 og 701 orginal loftnet en hef ekki aðgang að svona mæli. Væri spurning að lána og sjá hvað kemur út.
Út frá þessum þræði fór ég að skoða þessi mál aðeins út frá þessum tíðnum og rakst á Slim duck loftnet frá smiley antenn og bjóða þeir uppá loftnet, sem passa á þessar stöðvar og eru til útgáfur tjúnaðar fyrir 150Mhz, 155Mhz og 160Mhz. 155Mhz útgáfan spannar þá 150 – 160 Mhz.
http://www.smileyantenna.com/product-p/15530.htm
Er að spá í að panta eitt, en er að velta fyrir mér hvaða loftnet myndi henta best fyrir okkar tíðnir og þá jafnframt væri gaman að mæla það með þessari stöð.
Stefni á að ná mér í amatör réttindi en því miður kemst ég ekki á fundinn á morgun.
Mbk.
Magnús Ragnarsson
155 Mhz útgáfan myndi þá henta best, en eins og áður hefur komið fram í þessum þræði, þá henta þessar stöðvar ekkert sérstaklega vel fyrir jeppamenn.
Bæði eru þær hannaðar fyrir lægri tíðnir og eru með verri síur en t.d. Yaesu vx370.
Annað sem kom fram á fyrirlestrinum hjá Snorra á fimmtudag, er að með alla þessa takka og flækjustig þá er ekkert sniðugt að vera með svona stöð í höndunum þegar maður þarf virkilega á þeim að halda.
Það þarf ekki annað en að reka sig í rangann takka þá þarf maður að fletta upp í handbókinni til að hún virki aftur rétt á 4X4 rásunum. Og það er ekkert sem maður vill í neyðartilvikum á fjöllum.
Sælir
Ég hef dálitla reynslu af notkun á annarsvegar Baofeng uv5r og hinsvegar Standard horizon handstöðvum á afmörkuðu landsvæði og inná einkarás sem er á ca. 10-12mhz hærri tíðni en 4×4 rásirnar.
Fyrst voru standard stöðvarnar keyptar og svo baofeng stöðvarnar. Það sem kom mér mest á óvart var að baofeng stöðvarnar eru að virka talsvert betur en hinar. Bæði eru þær skýrari og draga lengra.
Það getur verið að þetta orsakist af því að tíðnin henti loftnetunum á baofeng stöðvunum betur, en mér fannst þetta samt skrítið.
Ég held að það hafi meira með stöðina að gera en loftnetið. Standard Horizon stöðvarnar eru upprunalega gerðar fyrir bátatíðnirnar en það er ekkert gott að fara langt útfyrir þá tíðni. Það er eitt af vandamálunum með að nota þær á 4X4 rásunum. Baofeng er hins vegar hönnuð fyrir breitt tíðnisvið en á móti kemur að síunin er verri og stöðvarnar „sulla í kringum sig“ á tíðnisviðinu og geta truflað aðra. Með upprunalegu loftnetunum ertu ekki í góðum málum með hvoruga stöðina, en Baofeng og ódýrt Nagoya 771 bæti verið málið.
Jón,hvar keypturu Baofeng talstöðu?
Á netinu.
Á netinu.
ég er ný i þessu hobby ..væri nokkur i lagi að panta talstöð amazon.co.uk?
kv
rene
Nei, ég get engan vegin mælt með því.
Þessar ódýru handstöðvar eru ekki að gera sig á tíðnunum sem 4X4 rásirnar eru á. Það er mun betra að kafa aðeins dýpra í vasann og kaupa handstöðvarnar sem eru fáanlegar með klúbbafslætti, t.d. hjá Bílanaust.
Ég er bara nýr hér 4×4
og veit mjög litið,hvað þarf ég að gera svo fæ ég klúbbafslátt hjá bilanaust.. er nokkurð fl staður þar sem við fá afsláttur?takk
kv Rene
Þú þarft að vera með félagsskírteini sem er í gildi.
Yfirlitið yfir afslætti á að vera hér á heimasíðunni en sú skrá er einhverra hluta vegna horfin.
Ég skellti öllum þremur ódýru stöðvunum sem ég hef verið að prófa í samband við aflmæli og athugaði hvað þær eru að senda út morg wött á mismunandi rásum
Baofeng UV5-r er 3W neðst á tíðnisviði 4X4 en annars bara 2,5W (stöðin er 4,5-5W á amatörtíðni)
Baofeng UV6 er 4W neðst á tíðnisviði 4X4 en fellur fljótt niður í 3W (stöðin er 4,5-5W á amatörtíðni)
Feidaxin FDC 850 plus er hins vegar 7W á öllu bandinu hjá 4X4 enda sögð fyrir það tíðnisvið. Hins vegar er hún með full mikla yfirsveiflu kringum 300MHz til að vera nothæf.
Hérna er svo mynd af útsendingunni frá Feidaxin 850 stöðinni á rás 45 og á yfirsveiflunni. Hún virðist vera jafn sterk á báðum stöðum.
Það virðist vera gegnumgangandi á „kínastöðvunum“. Þær eru upphaflega hannaðar sem „dual band“ amatörstöðvar fyrir VHF og UHF, og síurnar eru hannaðar fyrir það. En það þýðir að ef þær eru notaðar hærra uppi á tíðnisviðinu þá missa margar þeirra afl og/eða að þær fara að sóða út á tvöfaldri útsendingartíðni, (fyrstu yfirsveiflu) þar sem útsendingin á ekkert erindi.
Viðhengi:
Aðeins að vekja upp þennan góða þráð. Ég var að rekast á nýja gerð af nagoya 701 loftnetinu (na-701c) sem er tjúnað fyrir 155MHZ.
Gæti verið áhugavert að nota þetta fyrir handstöðvar á 4×4 tíðnunum í stað standard 701 sem er tjúnað fyrir 143MHZ.
https://www.amazon.com/Authentic-Genuine-NA-701-SMA-Female-BaoFeng/dp/B01AX3AYOK?th=1 (Veljið na-701c týpuna)
Þarna er allavega komið loftnet sem gæti gert eitthvað fyrir stöðvarnar. Gallinn er bara að þá sendir stöðin eitthvað meira af truflununum út í loftið.
Annars var ég að sjá áhugaverða skýrslu frá landssambandi radíóamatöra í USA þar sem þeir voru að prófa handstöðvar sem félagar voru búnir að eiga í einhvern tíma. Kínversku merkin komu hræðilega út og stóðust enga staðla.
You must be logged in to reply to this topic.