This topic contains 9 replies, has 1 voice, and was last updated by 
-
Topic
-
Hitti fyrir tökulið frá BBC í dag. Hafði verið inn við Gígjökul í gær. Skv. myndatökum þá hefur myndast lítið lón við jökulsporðinn. (Tekið skal fram að ég gaf mér ekki tíma til að líta inn að jökli svo ég sá þetta bara á tölvuskjá). Nú er talsverð umferð þarna upp að jökli. Langar mikið að vita hvenær þessi pollur fór að myndast? Sjálfur hef ég ekki komið þarna upp að í hálft ár.
Hvet menn sem fara þarna upp að jökli að fara mjög varlega. Þetta á reyndar við allt Lónstæðið gamla. Þetta er meir og minna ís huldur þunnu malarlagi. Ef menn fara fram á bakka „nýja Lónsins“ og falla í vatnið þá er glæra ís neðan við vatnsborðið. Litlar líkur er á því að maður nái að krafla sig upp úr slíku nema vopnaður broddum og ísöxi. Menn eru venjulega ekki vopnaðir slíku. Vatnið er venjulega mjög kalt á svona stöðum. Þetta er því dauðans alvara.
Þetta tökulið BBC hafði enga hugmynd í hvaða hættu þeir voru. Þeir voru í hálfgerðu sjokki eftir að ég benti þeim á þetta.
Að hafa langan spotta eða línu er það sem helst er til bjargar ef illa fer. Best er þó að koma sér ekki í vandræði.
Gígjökull hefur sennilega tekið flest mannslíf íslenskra skriðjökla. Látum hann ekki taka fleiri að ástæðulausu.
Kv. Árni Alf.
P.S. Ítreka, hvenær fóru menn að taka eftir þessum nýja polli eða Lóni?
-
Replies
-
Takk kærlega fyrir þetta Árni.
Kv. Magnús G.
Sælinú,
ég hef verið talsvert þarna á ferðinni eftir gos, og það hafa verið að myndast smá lón og hverfa aftur, með mjög mismunandi vatnshæð. Jökullinn hopar grimmt og undir hraukunum liggja jökulleifarnar. Ég hef "séð" landspildu hrapa niður á nokkrum dögum um c.a. 10 metra þarna neðan við jökulinn þar sem jökuláin hverfur oftast nær ofan í svelg.
Við í ferðaþjónustunni höfum notað örugga slóð inn með jökulgarðinum að vestanverðu, slóð sem hefur verið nógu ógreinileg til að sjást ekki í fjarska. Einn daginn var þarna kominn fjöldi óábyrgra í hópferð að því er virtist, og keyrði hreinlega út um allt. Nú hefur myndast leiðinlega áberandi slóð inn mitt lónsstæðið, sýnir kannski kosti þess að stika svona svæði! En, -skv. kortum erum við að aka á 100m dýpi í Gígjökulslóni!Ingi
Væri ekki þjóðráð að umhverfisnefnd (eða aðrir duglegir stikarar) bjóði klúbbinn fram í að stika þetta? Ég er sammála því að leiðinlegt væri ef áberandi slóðar verða þarna út um allt. Þetta er mjög sérstakt svæði.
//BP
Þjóðþrifamál fyrst menn geta ekki fylgt sömu slóð. Líklega ber minnst á svona slóða sem næst jökulgörðunum. Ekki í miðju Lónstæðinu.
Kv. Árni Alf.
Anonymous- Umræður: 0
- Svör: 16404
Ef menn eru að aka þarna út um allt…. hvernig er það frábrugðið öðrum utanvegaakstri? ég er ekki að spyrja til að vera með leiðindi bara að velta þessari spurningu upp….
Kv.
Óskar Andri
Sæll Þorvarður
Áttu trackið af þessari leið sem þú hefur farið að gosstöðvunum? Er nefnilega mögulega að fara með útlendinga þarna uppeftir næstu helgi ef veður leyfir.
mbk
Rafn Magnús Jónsson
Auðvitað flokkast þetta sem utanvegaakstur. Þetta þróast einfaldlega þannig að einn byrjar að fara og fljótlega er þetta orðið stjórnlaust. Sérsaklega þar sem umferð er mikil þarna framhjá. Gömul saga og ný.
Jeppamenn verða einfaldlega að viðurkenna að þeir eru sundurleit hjörð rétt eins og sauðféð á þessum slóðum. Það eru alltaf einhverjar rollur eða sauðir sem leita út frá meginhópnum þegar þetta svæði er smalað.
Í sjálfu sér finnst mér ekkert athugavert við það að fólk geti keyrt þarna uppúr og skoðað sig um. Þetta er mjög áhugavert svæði svo vægt sé til orða tekið.
Það væri jeppamönnum hins vegar til sóma ef tækist að koma þessari umferð í einn slóða en ekki hafa slóða og bílför um allt Lónstæði. Veit ekki hvort Vegagerðin eða eitthvert opinbert apparat geti komið nálægt þessu. Kannski erfitt þar sem þeir væru hugsanlega að viðurkenna utanvegaakstur.
Kv. Árni Alf.
Anonymous- Umræður: 0
- Svör: 16404
Spurning um að einmitt haga sér eins og sauðféð….leita í sömu götuna….þó að rollan hafi verið höfð fyrir blóraböggul varðandi landgræðslumál undanfarna áratugi þá er hún ekki eins gjörn á að rífa undan sér lifibrauðið eins og margir vilja halda.
kv
Grímur
Jú, vissulega á ég trakkið, en hef ekki vit til að koma því frá mér úr GPSinu.
En, þetta er sú slóð sem liggur hvað næst jökulgarðinum að vestanverðu eftir að farið er yfir lænuna inni í lónsstæðinu. Slóð þessi liggur framhjá jökulkerjum og hefur reynst mjög traust. Hægt er að fara lang leiðina undir klettana sem hafa verið að koma undan jökli á allra síðustu árum. Síðan hægt að stikla yfir lænu sem kemur þarna úr gilkjaftinum, eða þá oftast nær hægt að ganga niður fyrir lænuna þar sem henni svelgist á til að komast að jökulsporðinum. Svæðið þar fyrir innan er æði "gloppótt".Ingi
[quote="rabbimj":1cdwhm19]Sæll Þorvarður
Áttu trackið af þessari leið sem þú hefur farið að gosstöðvunum? Er nefnilega mögulega að fara með útlendinga þarna uppeftir næstu helgi ef veður leyfir.
mbk
Rafn Magnús Jónsson[/quote:1cdwhm19]
You must be logged in to reply to this topic.