This topic contains 115 replies, has 1 voice, and was last updated by 
-
Topic
-
Þá er nýi vefurinn orðinn nokkurra daga gamall og eins og við er að búast eru skiptar skoðanir um ágæti hans.
Markmið þessa þráðar er að geyma á einum stað spurningar og svör /gagnrýni/hrós varðandi nýja vefinn. Vefnefnd mun vakta þráðinn og svara eins fljótt og vel og okkur er unnt.
Spurt hefur verið hvort ekki hefði frekar átt að nota tímann og peningana í að bæta ástand gamla vefsins. Því er til að svara að kjarni vefsins var fastbundinn við ákveðna útgáfu af gagnagrunninum og höfum við engan aðgang til að breyta því. Einnig voru ýmsir gallar á bæði Kerfisstjóra- og notendahluta, sem of langt mál væri að telja upp hér. Það varð því niðurstaðan að ekki væri fýsilegt að eyða meiri tíma gamla vefinn og frekar útbúa nýjan sem byggði á opnum hugbúnaði.
Smáauglýsingar. Eins og kom fram í frétt á forsíðunni þá var tekin sú ákvörðun að flytja ekki gamlar auglýsingar yfir, enda ekki mikið varðveislugildi í þeim og eins að notendur væru fljótir að smella innn nýjum auglýsingum. Hugmyndin er svo að auglýsingum eldri en 6 – 12 mánaða verði sjálfkrafa eytt úr kerfinu.
Bent hefur verið á að flokkarnir í smáauglýsingunum séu of margir og vonlaust að fletta í gegnum auglýsingarnar í tímaröð. Þessu erum við fyllilega sammála og er ætlunin að fækka flokkunum í þrjá : „Til sölu“, „Óskast keypt“ og „Fyrirtæki og þjónusta“.
Rétt er að taka fram, að í stað þess að setja inn sömu auglýsinguna aftur og aftur, þá er nóg að bæta við innleggi (bump) á auglýsingaþráðinn, þá færist þráðurinn sjálfkrafa efst á lista. Við treystum á að menn noti þennan fídus sparlega.Spjallið. Við völdum að nota phpbb3 sem spjallkerfi. Valið hefur verið gagnrýnt og sagt að verið væri að herma eftir öðrum vefum s.s. kvartmila.is o.fl. Því er til að svara að ef svo er, þá erum við einnig að herma eftir ljosmyndakeppni.is, kruser.is og ógrynni annarra vefsíðna sem til eru. Það er einfaldlega v.þ.a. allar þessar síður eru að nota phpbb eða önnur sambærileg spjallkerfi. Það er heldur ekkert annað en kostur að hafa spjallkerfi sem virkar eins og flest öll spjallkerfi á netinu gera í dag.
Þær breytingar / lagfæringar sem verið er að vinna í spjallinu eru m.a.:
- Hægt verði að sjá fullt nafn og félagsnúmer við innlegg á spjallþráðum – Þetta dettur inn á næstu dögum.
- Opna fyrir innanfélagsmálin fyrir félagsmenn – Dettur inn á sama tíma og birting nafna.
- Lagfæra hlekki á innleggjum frá gamla spjallinu. Þetta er afar þung keyrsla sem fer fram að nóttu til og væntanlega nú um helgina.
- Virkja leit á spjallþráðum og smáauglýsingum og laga teljara.
Bent hefur verið á að grái liturinn sé óþægilegur fyrir þá sem eru ekki með 100% sjón. Við munum skoða leiðir til að bæta úr því, en við val á litasamsetningu (litaleysi) var reynt að hafa til hliðsjónar að litir væru sem hlutlausastir og þægilegir. Of mikil litagleði er ekkert sérstaklega þægileg fyrir augun.
Myndasafnið. Unnið er hörðum höndum að koma myndasafninu í gagnið. Ætlunin er að nota Gallery2 (sem er eitt besta tólið í slíkt verkefni) fyrir þann hluta vefsins. Því miður getum við ekki gefið upp nákvæma tímasetningu á hvenær þessi hluti verður tilbúinn, en við leggjum mikla áherslu á að þessi mikilvægi hluti vefsins verði kominn í loftið sem allra fyrst.
Internet Explorer 6. Þessi ævaforni vafri virkar ekki sérlega vel á vefnum. Reyndar er hann svo gamall að það ætti að vera löngu búið að farga honum. Mælum með að uppfært sé í IE 7 eða 8. Eða bara að skipta yfir í annan vafra s.s. Firefox 3, Google Chrome eða Opera.
Hvað er svo framundan? Næsta skref er svo að skella inn GPS safninu, bæta við wiki tengingu, laga persónulegu síðurnar, laga nýskráningarsíðuna, laga þýðingar á textum og ótal margt fleira.
Allar tillögur um viðbætur / úrbætur eru vel þegnar svo framarlega sem þær eru á málefnalegum nótum. Upphrópanir og skítkast eru engum til framdráttar.
Fyrir hönd Vefnefndar,
Ásgeir,
R-3725.
-
Replies
-
já sé það núna að það eru tveir prófilar. Sammála, það mætti alveg vera tenging úr spjallprófíl í myndaalbúm án þess að það sé eitthvað must.
Haffi, Er hægt að fletta upp notendum á síðunni ? Það vantaði alltaf fannst mér á gömlu síðunni og mætti alveg smella því hér inn ef hægt.
kveðja
AB
Það er soldið hvimleitt með þessa heimasíðu að hún gerir ekki ráð fyrir útrásarvíkingum kreppunar!!!!!!
Nú vil ég þakka vefnefnd (og líklega stjórn) kærlega fyrir að taka Jón Gnarr út af bæði spjall- og myndasíðunni. Þetta er allt annað líf
En að auki langar mig að benda á annað sem stingur svolítið í augun en það er þessi dökki borði hérna að ofan í spjallinu, hann gerir ekkert annað en að stela plássi (lesplássi). Væri ekki hægt að færa leitina annað ? T.d. á "Breadcrumps" borðann á spjallinu ?
Mér finnst mjög leiðinlegt þegar fullorðið fólk nöldrar og tuðar út af öllu sem gert er fyrir það. Ég þekki þetta frá fleiri stöðum. Afhverju nenna menn að eyða tíma sínum og annarra við að setja út á allt og letja ?
Afhverju komið þið ekki með uppbyggilega gagngrýni, bendið á, komið með lausnir og verið meðvirkir í staðinn. Þá væri miklu skemmtilegra og fróðlegra að heimsækja þennan vef.
Varðandi myndasíðuna, hættið að tuða yfir henni, lærið bara á hana, þetta kemur fljótt. Þetta er kannski ekki besta Galleríið en eitt það vinsælasta og nokkuð stöðugt og öruggt. það er hægt að stilla þetta til og frá, menn verða bara að fá að þróa þetta aðeins og það getur tekið tíma. Það eru ekki hundrað manns að vinna við þetta, heldur eru menn að "stela" tíma bæði í vinnu og frá fjölskyldu til að koma þessu á koppinn og það gera þeir ekki svo þeir geti fengið að hlusta á meira nöldur og tuð.
Bjóðist frekar til að aðstoða, skrifa greinar og koma með efni og tillögur. Það eru mörg svæði á þessum vef sem lítið sem ekkert hefur verið unnið í og ætti ekki að vera vefnefndar að vinna að, frekar að gera mönnum það kleift, samanb. nefnar- og deildarsíður og fróðleikur ýmiss. Takið Litlunefndina ykkur til fyrirmyndar sem og fleiri sem hafa verið að ötulir að setja inn efni !!
Nú ætla ég að hætta þessu tuði í bili
Anonymous- Umræður: 0
- Svör: 16404
Sælir
Ég vil árétta það þakklæti sem Bragi er að tala um. Betri nýting og fleirri myndir á
skjánum eykur áhorf og myndinnsetningar á vefinn. Þegar menn velja linkana
Flakka Vinsælt eða Nýast þurfa að koma upp um 48 eða fleirri myndir fyrir hvern þessara linka.
Fimm til sex myndir á breiddina gæti hentað. Þegar svona margar myndir birtast á skjánum geta menn
líklega sætt sig við þó síðan sé aðeins lengur að birtast, og að skrolla niður eftir þeim sem sjást ekki.
Þannig geta við fundið myndir sem hentar áhugamáli hvers og eins.
Fækka þarf letrupplýsingum á þessum linkum með hverri mynd. Nóg er að hafa eiganda myndar og flettanir en í smáu letri.
Bæta mætti við linki þarna sem gæfi skipun um slideshow.
Gott væri að fá umræðu og fleirri hugmyndir.Kveðja Sigurður.
Ég er sjálfsagt dálítið tregur. Eftir langa mæðu tókst mér að setja inn smámynd til að láta fylgja póstunum mínum. Eftir margar mislukkaðar tilraunir lærði ég að hefja nýjan þráð. Eg var búinn að leita lengi. Undir hnappnum "Spjallið" væri gott að hafa hnapp sem á stæði td. "hefja nýjan þráð" Þar væri svo hægt að velja undir hvaða flokki og svo bara skrifa og senda. Fyrir gamlan karl á gömlum bíl með gamla tölvu er þetta stundum strembið. En bara að brosa og nota frítímann við tölvuna. Það er ódýrara en kaupa bensín á jeppann og ferðast. Og þá fer maður ekki í taugarnar á göngufólkinu og velunnurum þeirra.
Semsagt; Með því að hafa vef klúbbsins svona flókinn stuðlum við að sparnaði og náttúrvernd. Verum jákvæð.
Kv. Pétur
Anonymous- Umræður: 0
- Svör: 16404
Maður er hættur að nenna að kíkja hér inn eins og maður gerði þegar gamli vefurinn var í gangi,maður þarf að gera alltof margt áður en maður getur skrifað eða sett inn auglýsingar á þessum vef einsog það var einfalt á þeim gamla eða hvað þá myndir.Svo í dag er það bara facebook og þar eru ansi margir 4×4 félagar líka og þar virðast spjall og að setja myndir inn fara frekar fram,afhverju ?????
vonlaust að setja inn myndir með auglýsíngum
[quote="Sigurður Egill":2tk4y7ft]vonlaust að setja inn myndir með auglýsíngum[/quote:2tk4y7ft]
Bara að prófa…. mér finnst þetta ekki meira vesen en annarstaðar, en það mætti vera svona autoresize, þannig að þeir sem eru ekki klárir í að minnka myndir sendi ekki inn myndir sem eru risastórar.
[quote="Marteinn Heiðarsson":38jzpuo6]Maður er hættur að nenna að kíkja hér inn eins og maður gerði þegar gamli vefurinn var í gangi,maður þarf að gera alltof margt áður en maður getur skrifað eða sett inn auglýsingar á þessum vef einsog það var einfalt á þeim gamla eða hvað þá myndir.Svo í dag er það bara facebook og þar eru ansi margir 4×4 félagar líka og þar virðast spjall og að setja myndir inn fara frekar fram,afhverju ?????[/quote:38jzpuo6]
Ef mig misminnir ekki þá er það nákvæmlega sama aðgerð að stofna þráð/auglýsingu á þessari síðu eins og þeirri gömlu
-> skrá sig inn -> velja spjall -> velja flokk -> stofna þráðÞað má margt betur fara á þessari síðu, sérstaklega í myndaalbúminu og myndainnsetningunni, en mér finnist hún fín sem spjallsíða. Þetta er bara staðlað spjallborðskerfi sem fjölmargir eru að nota annars staðar í heiminum og svínvirkar.
Það hefur mikið vatn runnið til sjávar síðan þessi þráður byrjaði og vefurinn bara orðið betri og betri með hverjum ársfjórðungnum. En mig langar nú samt að benda á tvö atriði sem pirra mig, (kannski vegna kunnáttuleysis en kannski hefur eitthvað breyst til hins verra við síðuna). En það er það að kassarnir hægra megin á síðunni koma yfir textann (og því þarf maður að loka þeim) og síðan hvað myndirnar eru orðnar stórar, (maður þarf að skrolla til hægri og vinstri ) , nema í slideshowinu þar sem þetta miðast við skjáinn. Ef þetta er einhver klaufagangur í mér, þá endilega leiðbeinið mér annars finnst mér að síðan í heild eigi að komast fyrir á skjánum án þess að maður þurfi að vera hræra í upplausninni sinkt og heilagt.
Kv. MG.
Anonymous- Umræður: 0
- Svör: 16404
Sæll Magnús. Ég er víst sekur um að hafa myndirnar stærri en stöðluð myndainnsetning framkvæmir. Einnig er ég sekur um að hafa allar myndirnar mínar sem tilheyra sömu ferð á sömu síðunni. Þá er hægt að skrolla þeim niður með músarhringnum en ekki eyða tíma í að fletta níu myndum á milli síðna. Einnig hef ég smámyndirnar stærri til að menn geti skrollað þeim niður fljótlega og skoðað þær síðar þegar tími er rýmri og ef áhugi er á. Ég er líka svona dálítið pirraður og kanski álíka og allir þeir sem nenna ekki að koma reglulega hingað inn. Varðandi þetta plásleisi á skjánum og sérstaklega á þeim litlu þá þarf að mynka það plás hérna vinstra megin sem innskráning, dagatal. og á döfinni taka og henda því út af spjall, og myndasíðunni. Hvað haldið þið að myndi ske? Það er það sem allir vita nema vefsíðunefnd.
Kveðja SBS.
Anonymous- Umræður: 0
- Svör: 16404
Sæll Erlingur formaður vefsíðunefndar. Hvernig hafa Eyfirðingar það þessa dagana. Væri nú ekki hægt að fá norðanmanninn til að koma í smá spjall um vefsíðuna við okkur hér fyrir sunnan. Okkur langar að vita hvort hægt sé að lagfæra þá þætti sem búið er að spyrjast fyrir um í langan tíma. Stendur til að hafa síðuna svona til frambúðar? Eru eitthverjar breitingar fyrirhugaðar? Það væri nú spennandi að fá nokkrar línur frá þér jafnvel fyrir væntanlega jarðarför. Menn eru eitthvað svo skelfilega sorgmæddir þessa dagana.
Kveðja SBS.
Anonymous- Umræður: 0
- Svör: 16404
Ef ég fæ ekki eitthvern úr vefnefnd hér inn á spjallið tek ég allr mínar myndir og sný þeim á hvolfi á myndasíðunni.
Kveðja SBS
Anonymous- Umræður: 0
- Svör: 16404
Ég vil benda vefnefnd á hvernig Litlanefnd vinnur sín málefni. Það er byrjaður spjallþráður vegna oktoberferðar Litlunefndar.
Þar er komin fyrirspurn um ferðina og fl. Þar sýnir Ólafur þakklæti fyrir spurninguna og áhuga viðkomandi á ferðinni. Svona eiga menn að vinna sem gefa kost á sér í nefndir klúbbssins. Er nú ekki eitthver sem þekkir þessa ágætu vefnefndarpilta og getur vakið þá með rótsterku Litlunefndar kaffi til að koma þeim til meðvitundar. Mér leiðist að standa í eintalsströgli á tímum þegar við eigum að standa saman gegn þeim sem herja á okkur.Kveðja SBS.
Já það er alveg ótrúlegur doði yfir þessu öllu saman og alveg merkilegt að engin virðist geta svarað þeim spurningum og hugmyndum sem hafa komið fram
Er ekki bara málið að senda þeim póst með CC á stjórn og pósta honum hér líka ??
Ég er sammála því að menn verði að svara hér þegar spurt er, þótt það sé ekki fullnaðar svar.
Anonymous- Umræður: 0
- Svör: 16404
Jæja þá er að myndast farvegur fyrir lagfæringar á vefsíðunni og get ég þá farið að taka gleði mína á ný. Mér skilst að ekki sé hægt að uppfylla allar væntingar vegna þess að vefsíðan bíður ekki upp á það. Vonandi fara eitthverjar hugmyndir að birtast og þá einkum á myndasíðunni til að byrja með. Það ætti að vera í lagi að menn kæmu með vel ígrundaðar hugmyndir sem ég tæki þá saman og kæmi á framfæri en munið það er ekki hægt að fullnægja öllum óskum.
Kveðja SBS.
Anonymous- Umræður: 0
- Svör: 16404
Ég sé hvergi innskráður á forsíðu tengil fyrir innanfélagsmál. Ég á við á forsíðu. Tilheyra innanfélagsmál gamalli tíð ?
Ég veit að hún er eitthver staðar hér falin eins og margur annar tengill. Þessi síða er ein vega og skipulagslaus flatneskja eins og Páll einn vill rölta um í eigin heimi. Það er óskiljanlegt að vanti í lög félagssins að ekki sé hægt að reka nefndarmenn sem sinna ekki þeim störfum sem þeir samþykkja að vinna.
Nú er Litlanefnd að skipuleggja ferð og Skálsnefnd farin upp í Setur og báðar nefndirnar kosta til eigin fjármunum og tíma en vefnefnd nennir ekki einu sinni að setjast rassgatið á bólstraðan stólinn fyrir framan tölvuna og lyfta fingri. Ég legg til að vefnefnd lýsi sig vanhæfa.Kveðja SBS fúll.
Það er ekki hægt að hafa allt á forsíðu.
Ef þú smellir á "Spjallið" í aðalvalmyndinni undir hausnum á forsíðunni (eða hvaða hluta síðunar sem þú ert staddur á ef út í það er farið) þá færðuspjallflokkana á síðuna og "Innanfélagsmál" er efsti flokkurinn.
Athugaðu samt að síðan sjálf og spjallið eru tvö kerfi með sitthvora innskráningunna (Joomla og phpBB), það er í kerfinu tengill sem á að sjá um að skrá þig inn í bæði kerfin þegar þú skráir þig í annað en allt getur klikkað þannig að fræðilega séð gætirðu verið skráður inn á síðuna en ekki spjallið og þá sérð þú ekki "Innanfélagsmál" en það ætti ekki að leyna sé ef svo væri.
Anonymous- Umræður: 0
- Svör: 16404
Einar! Á netinu er allt hægt. Ég nefndi aðeins sem dæmi innanfélagsmál og þá vegna aðkomu félagsmanna hingað á síðuna. Í raun er síðan lokuð bók og allt sem félagsmenn settu inn hér áður er nánast horfið. Ef ég set hér eitthvað inn á það að vera aðgengilegt hvort sem það er ritað eða myndrænt og allt frá forsíðu. Ég hlusta ekki á neitt annað. Ef menn eru á annari skoðun ættu þeir að koma sér úr gömlu gúmmískónum og í eitthvern haldbetri skófatnað. Það er engin ástæða að standa með letingjum. Það verður að rífa þá upp á bringunni og öskra á þá úr sé raddböndin. Þetta uppeldi fékk ég sem strákur og er þakklátur fyrir. Og koma svo aumingjar.
Kveðja SBS.
The topic ‘Nýr vefur Ferðaklúbbsins 4×4’ is closed to new replies.