This topic contains 115 replies, has 1 voice, and was last updated by 
-
Topic
-
Þá er nýi vefurinn orðinn nokkurra daga gamall og eins og við er að búast eru skiptar skoðanir um ágæti hans.
Markmið þessa þráðar er að geyma á einum stað spurningar og svör /gagnrýni/hrós varðandi nýja vefinn. Vefnefnd mun vakta þráðinn og svara eins fljótt og vel og okkur er unnt.
Spurt hefur verið hvort ekki hefði frekar átt að nota tímann og peningana í að bæta ástand gamla vefsins. Því er til að svara að kjarni vefsins var fastbundinn við ákveðna útgáfu af gagnagrunninum og höfum við engan aðgang til að breyta því. Einnig voru ýmsir gallar á bæði Kerfisstjóra- og notendahluta, sem of langt mál væri að telja upp hér. Það varð því niðurstaðan að ekki væri fýsilegt að eyða meiri tíma gamla vefinn og frekar útbúa nýjan sem byggði á opnum hugbúnaði.
Smáauglýsingar. Eins og kom fram í frétt á forsíðunni þá var tekin sú ákvörðun að flytja ekki gamlar auglýsingar yfir, enda ekki mikið varðveislugildi í þeim og eins að notendur væru fljótir að smella innn nýjum auglýsingum. Hugmyndin er svo að auglýsingum eldri en 6 – 12 mánaða verði sjálfkrafa eytt úr kerfinu.
Bent hefur verið á að flokkarnir í smáauglýsingunum séu of margir og vonlaust að fletta í gegnum auglýsingarnar í tímaröð. Þessu erum við fyllilega sammála og er ætlunin að fækka flokkunum í þrjá : „Til sölu“, „Óskast keypt“ og „Fyrirtæki og þjónusta“.
Rétt er að taka fram, að í stað þess að setja inn sömu auglýsinguna aftur og aftur, þá er nóg að bæta við innleggi (bump) á auglýsingaþráðinn, þá færist þráðurinn sjálfkrafa efst á lista. Við treystum á að menn noti þennan fídus sparlega.Spjallið. Við völdum að nota phpbb3 sem spjallkerfi. Valið hefur verið gagnrýnt og sagt að verið væri að herma eftir öðrum vefum s.s. kvartmila.is o.fl. Því er til að svara að ef svo er, þá erum við einnig að herma eftir ljosmyndakeppni.is, kruser.is og ógrynni annarra vefsíðna sem til eru. Það er einfaldlega v.þ.a. allar þessar síður eru að nota phpbb eða önnur sambærileg spjallkerfi. Það er heldur ekkert annað en kostur að hafa spjallkerfi sem virkar eins og flest öll spjallkerfi á netinu gera í dag.
Þær breytingar / lagfæringar sem verið er að vinna í spjallinu eru m.a.:
- Hægt verði að sjá fullt nafn og félagsnúmer við innlegg á spjallþráðum – Þetta dettur inn á næstu dögum.
- Opna fyrir innanfélagsmálin fyrir félagsmenn – Dettur inn á sama tíma og birting nafna.
- Lagfæra hlekki á innleggjum frá gamla spjallinu. Þetta er afar þung keyrsla sem fer fram að nóttu til og væntanlega nú um helgina.
- Virkja leit á spjallþráðum og smáauglýsingum og laga teljara.
Bent hefur verið á að grái liturinn sé óþægilegur fyrir þá sem eru ekki með 100% sjón. Við munum skoða leiðir til að bæta úr því, en við val á litasamsetningu (litaleysi) var reynt að hafa til hliðsjónar að litir væru sem hlutlausastir og þægilegir. Of mikil litagleði er ekkert sérstaklega þægileg fyrir augun.
Myndasafnið. Unnið er hörðum höndum að koma myndasafninu í gagnið. Ætlunin er að nota Gallery2 (sem er eitt besta tólið í slíkt verkefni) fyrir þann hluta vefsins. Því miður getum við ekki gefið upp nákvæma tímasetningu á hvenær þessi hluti verður tilbúinn, en við leggjum mikla áherslu á að þessi mikilvægi hluti vefsins verði kominn í loftið sem allra fyrst.
Internet Explorer 6. Þessi ævaforni vafri virkar ekki sérlega vel á vefnum. Reyndar er hann svo gamall að það ætti að vera löngu búið að farga honum. Mælum með að uppfært sé í IE 7 eða 8. Eða bara að skipta yfir í annan vafra s.s. Firefox 3, Google Chrome eða Opera.
Hvað er svo framundan? Næsta skref er svo að skella inn GPS safninu, bæta við wiki tengingu, laga persónulegu síðurnar, laga nýskráningarsíðuna, laga þýðingar á textum og ótal margt fleira.
Allar tillögur um viðbætur / úrbætur eru vel þegnar svo framarlega sem þær eru á málefnalegum nótum. Upphrópanir og skítkast eru engum til framdráttar.
Fyrir hönd Vefnefndar,
Ásgeir,
R-3725.
-
Replies
-
Já, Skuggarnir eru víðar en í VR…
Nefndirnar komnar inn, byggt á listanum í fréttabréfinu. Ef valið er Klúbburinn/Deildir/Nefndir í valmynd efst, eða eitthvað þar undir þá birtist kassi hægra megin á síðunni sem meðal annars inniheldur hlekk á nefndarlista. Lítið mál að bæta símanúmerunum við ef það er æskilegt.
Frekar auðvelt er að viðhalda listanum héðan í frá, þannig að nú geta menn sagt sig úr nefndum með skömmum fyrirvara
Deildarlisti á leiðinni.
-haffi
Hmmm, maður þarf að vera innskráður til að sjá nefndarnöfnin…
hakkihakki
-haffi
Nefndarnöfnin ættu núna að sjást óháð því hvort maður sé loggaður inn eða ekki.
-haffi
Mig langar að vita, hvenær fæ ég að ráða sjálfur hvað af þeim uppl. á mínum profile séu sínilegar öðrum???
einnig langar mig að vita hvenær þið ætlið að gera ráð fyrir því í sömu uppl. að menn búa líka erlendis.
hvað eru margir mánuðir í að myndaalbúmið verður sýnilegt mönnum og að fólk fari að geta notið þess að skoða þennan vef.
Ég vil byrja að þakka mönnum fyrir framtakssemina, og eins og ljóst er orðið þá er mjög erfitt að selja ótilbúna vöru.
En hvað um það, ég vildi benda á að ekki er hægt að velja að nafnið sjáist í stað notendanafns.
Gangi ykkur vel
Kv
Kristján
Varðandi notendaupplýsingarnar, getur verið að það séu 2 prófílar á hvern notanda? Það er eins og stillingarnar sem maður stillir út frá forsíðu með mynd og herlegheitum sé ekki tengdar við stillingar á spjallinu.
Sælir.
Er hægt að fá "stækka sýn" gluggan á forsíðuna. Sé ekki nema efsu línuna í hverju innleggi, nema að fara fyrst í "senda svar" eða "vitna í", og þá sé ég þennan glugga "stækka sýn". Hvernig get ég breytt þessu?
Kv. Gunnar.
[quote="stebbi":19fgpk4k]Varðandi notendaupplýsingarnar, getur verið að það séu 2 prófílar á hvern notanda? Það er eins og stillingarnar sem maður stillir út frá forsíðu með mynd og herlegheitum sé ekki tengdar við stillingar á spjallinu.[/quote:19fgpk4k]
Það er verið að nota tvö mismunandi kerfi hérna. Vefurinn sjálfur er kerfi sem kallast Joomla (http://www.joomla.org) en spjallið er kerfi sem heitir phpBB (http://www.phpbb.com), þess vegna eru tveir prófílar. Síðan er notuð brú á milli kerfa þannig að þegar þið loggið inn loggið þið inn á bæði kerfin. Síðan kemur þriðja kerfið með myndaalbúmið þegar það verður tilbúið og þar skilst mér að eigi að nota Gallery2 (http://gallery.menalto.com). Þetta eru allt þrautreynd kerfi sem eru notuð á þúsundum vefja út um allan heim. Trixið er síðan að vefa þetta allt þannig saman að úr verði ein heild sem virkar vandræðalaust og helst án þess að notendur verði varir við að fleiri en eitt kerfi sé í gangi.
[quote:1qjqqbst]Það er verið að nota tvö mismunandi kerfi hérna. Vefurinn sjálfur er kerfi sem kallast Joomla (http://www.joomla.org) en spjallið er kerfi sem heitir phpBB (http://www.phpbb.com), þess vegna eru tveir prófílar.[/quote:1qjqqbst]
Hvernig er það verður þá einn prófíll látin ráða í framtíðini eða verða þetta þá 3 prófílar þegar upp er staðið. Get rétt ímyndað mér að þessir þunglyndu nöldurseggir sem hafa allt á hornum sér varðandi þessa frábæru uppfærslu eigi eftir að froðufella þegar þeir ætla að setja inn upplýsingar um sig.
Eins og staðan er núna þá er Joomla prófíllinn gagnslaus að því leiti að enginn getur hvort eð er séð upplýsingar um þig þar, bara prófílinn á spjallinu þar sem einu notendanöfnin birtast.Vona bara að þið látið neikvæðnina ekki hafa áhrif á ykkur og haldið áfram að straumlínulaga síðuna svo að allir geti notið hennar.
mbk. Stebbi
Nú er komin önnur vika. Ég sé enga breytingu. Ekki nöfn á bak við nikkin eða félagsnúmer. Ekki myndaalbúm. Ekkert virkt á bak við nefndir eða deildir. Semsagt sé enga breytingu frá því vefurinn fór í loftið. Hvenær er von um að maður fari að sjá þennan vef tilbúin ?
kv Lella
[quote="tahoe":2y1aqo2f]Sælir.
Er hægt að fá "stækka sýn" gluggan á forsíðuna. Sé ekki nema efsu línuna í hverju innleggi, nema að fara fyrst í "senda svar" eða "vitna í", og þá sé ég þennan glugga "stækka sýn". Hvernig get ég breytt þessu?
Kv. Gunnar.[/quote:2y1aqo2f]
Ef þú ert að nota Internet Explorer 6, þá mæli ég með að þú uppfærir hann í einhverja nýrri útgáfu eða notir annan vafra t.d. Firefox 3.
Já ég hef nú ekki séð mig knúinn til að skrifa sérstaklega um nýja vefinn enn. Ég er mjög ánægður með það sem komið er, þó maður eigi kannski eftir að læra betur á hann og kannski eigi eftir að lagfæra einhverja smáhluti. Vefnefndin á skilið klapp á bakið fyrir góða vinnu við það sem komið er.
Ég hef hinsvegar verulegar áhyggjur af því hvað seint gengur að koma myndasafninu inn. Með hverjum degi sem liður setur fólk myndirnar sínar annarstaðar og sér svo varla ástæðu til að koma myndunum inn hér líka. Þá dreifast myndirna okkar út um allar trissur í stað þess að safnast fyrir hér. Það sem kannski bjargar einhverju er sumarferðatíminn er ekki kominn, vetrarferðatíminn liðinn og kannski lítið sem hefur verið að gerast undanfarið. En nú er allt að gerast, ferðatíminn að hefjast, landgræðsluferð í Þjórsárdal að baki og einnig vinnuferð í Setrið og vafalaust mikið af skemmtilegum myndum sem fólk vill deila með félögum í klúbbnum.
Nú held ég að vefnefnd ætti að setja sér markmið um að drífa myndasafnið í gagnið á allra næstu dögum, tilkynna þá dagsetningu og standa svo við hana
Síðan má ekki líða of langur tími þar til GPS safnið kemst í gagnið. Mér finnst að vefnefndin ætti einnig að setja sér markmið um hvenær það er komið í loftið.
Að mínu mati eru þetta þeir tveir liðir sem eru lang mikilvægastir til að þessi góða byrjun lognist ekki útaf. Og ég held að það sé miklu mikilvægara að nefndin forgangsraði sinni vinnu þannig að þetta komi fyrst, en smálægfæringar síðar.
Varðandi það að setja inn efni t.d. undir nefndir og deildir, þá er einfalt að leysa það. Það þarf að kenna nefndarmönnum og deldunum að setja inn efni um sína deild, þá er ábyrgðin á því komin af vefnefnd. Ég væri tildæmis meira en tilbúinn að setja inn efni um Litlunefnd, ef ég fengi að vita hvernig það er gert.
Með bestu kveðju,
Óli, Litlunefnd
Anonymous- Umræður: 0
- Svör: 16404
Já það væri allavega gaman að fara að fá kanski einhverjar fréttir hvernig málin ganga (c:þ
Þetta verður keyrt inn í vikunni. Hér eru nokkur sönnunargögn um að meira en ekki neitt sé að gerast í þessu.
-haffi
[attachment=2:byxj65cj]MyAlbums.jpg[/attachment:byxj65cj]
[attachment=1:byxj65cj]SlideShow.jpg[/attachment:byxj65cj]
[attachment=0:byxj65cj]ItsAlive.jpg[/attachment:byxj65cj]
Frábært Haffi og þið í vefnefnd, gott að þetta gengur vel hjá ykkur og enn betra að fá að vita eitthvað um það sem er að gerast. Svo nú verða menn að hafa myndirnar tilbúnar til að setja inn þegar þíð eruð búnir að afgreiða málið
Kv. Óli
Það er stundum þannig að þegar verið er að uppfæra svona vefi finnst þeim sem eiga að nota vefinn finnst ekkert vera að gerast og ekkert gangi og þá gerast fólk þolinmótt og pirrað. Ein ástæðan fyrir "aðgerðaleysinu"er sú að það er yfirleitt ekkert verið að vinna við "lifandi" vefinn heldur fer mest öll vinnan fram á afriti af vefnum sem er á annari slóð heldur en opinberi vefurinn. Þetta er gert til þess að ekkert eyðileggist og engin truflun verði. Það er síðan fyrst þegar búið er að fullvissa sig um að allt virki rétt að breytingarnar eru fluttar yfir á aðalvefinn.
Eins og sást á myndunum sem Hafsteinn setti inn hérna að ofan er það akkúrat það sem er verið að gera á þessum vef, þar er til dæmis myndasafn komið í gang og í prófun sem ekki sést ennþá á aðalvefnum.
Þannig að það er best að anda með nefinu og njóta þess sem komið er, hitt mun skila sér bráðum.
Ég held nú að aðalástæðan fyrir því að fólk verður óþolinmótt og pirrað sé ekki endilega vegna þess að lítið sést breytast á vefnum, heldur vegna þess að fólk veit ekki hvað er að gerast. Þessvegna myndi það létta á vefnefnd að setja fram einhverskonar útgáfuáætlun. Þá eru gefnar upp upp dagsetningar þar sem fram kemur hverju er bætt við á þeirri dagsetningu og það verður síðan að standa við það og ef það tekst ekki að koma þá með athugasemdir um það og gera nýja áætlun.
Þetta gefur okkur sem notendum þær upplýsingar sem við þurfum og í stað þess að glápa á vef sem ekkert breytist, getum við látið okkur hlakka til að sjá þær breytingar sem koma á næsta útgáfudegi. Það væri eðlilegt að vera með marga útgáfudaga til að byrja með, t.d. vikulega eða oftar, en síðan færri eftir því sem frá líður.
Auðvitað vita flestir að verið er að vinna í vefnum og að það er ekki unnið í raun-umhverfi, það er aukin upplýsingagjöf sem er af hinu góða gagnvart okkur, notendum.
Kv. Óli, Litlunefnd
Get ég á þessum vef séð þræði sem ég hef skrifað í ? og auglýsingar sem ég hef sett inn ? Ég er ekki að finna þessa möguleika. Annað man ekki betur en það hafi verið sagt að fréttir væru tímastilltar, þannig að þegar viðburðurinn væri búinn þá hyrfi fréttin af forsíðunni ? er mig að misminna ? allavega er mest áberandi á forsíðunni það sem er búið en ekki auglýsing um sumarhátið sem er framundan svona til dæmis.
En allavega það styttist í að ég hætti að tuða hér, það er einfaldast að sleppa því að koma hér inn það gerist ekki neitt hér. Það verður þá einum tuðaranum færra hér 😉
Kveðja Lella sem er farin á fésið
Og hvernig er með valmöguleikann á að eyða auglýsingu og eða breyta?? Það vantar klárlega……..
Kv, Kristján
The topic ‘Nýr vefur Ferðaklúbbsins 4×4’ is closed to new replies.