This topic contains 37 replies, has 8 voices, and was last updated by 
-
Topic
-
Daginn. Sé mig tilneyddan til að stofna hér nýja húsnæðisumræðu vegna villu í kerfinu sem lýsir sér þanig að þegar þráður er orðinn ákveðið langur er ómögulegt að komast inn í hann nema eftir einhverjum krókaleiðum. Það er illt þegar kerfið virkar ekki sem skyldi eftir alla þá vinnu sem lögð hefur verið í vefmálin. En að málefnum dagsins. Það kemur fram hér á öðrum þræði að nú hefur verið flutt endanlega af Eirhöfðanum. Við höldum svo áfram vinnunni í Síðumúlanum eins og ekkert hafi í skorist og verða nánari uppfærslur og fréttir af því hérna á þessum þræði en ekki þeim gamla. L.M.
-
Replies
-
Sæl öll. Það verður engin vinna í Síðumúlanum í kvöld vegna félagsfundarins á hótel Loftleiðum. Sjáumst hress á miðvikudaginn í Múlanum. L.M.
Sæl öll. Þar sem ég verð á fundinum um stórferðina í kvöld mæti ég ekki í Síðumúlann. Held að við gefum Múlanum bara frí í kvöld. Nánari framvinda síðar. L.M.
Jæja, eftir að lítið gerðist í síðustu viku heldur vinnan nú áfram í kvöld. Heitt ã könnunni eins og alltaf. Skrifstofan er komin í gagnið og allt að gerast. L.M.
Jæja, þá verður stálbitinn hífður upp í kvöld. Reikna með að eitthvað verði unnið í klósettum og veggjum líka en aðalmálið verður bitinn. L.M.
Jæja, upp fór bitinn í gær með hjálp margra góðra manna og krana af stærri gerðinni. Þetta var heilmikil aðgerð og lauk ekki fyrr en rétt fyrir miðnætti. Eftir er að ganga að fullu frá suðuvinnu en það verður væntanlega gert á næsta vinnukvöldi. Tók engar myndir sjálfur og veit ekki hvort nokkur nennir að setja myndir hingað inn. L.M.
Það er stór áfangi að vera búnir að koma bitanum fyrir. Hér koma nokkrar myndir af uppsetningunni.
kv nefndin
Viðhengi:
Hérna eru nokkrar myndir í viðbót
Viðhengi:
Er ekki örugglega vinnukvöld framundan?
Sælir
Jú það er vinnukvöldi í kvöld, miðvikudaginn 18/3.
Meðal verkefna er að setja upp hillur í kjallara og flytja dót úr herberginu í hillurnar. Vinna í veggjum á klósettum, festa stálbitann við loftir og halda áfram að brjóta ílögn í gólfinu í salnum.
kv
Friðrik
skrapp niður í hús í gærkvöld og tók myndir, en…
NEI NÚ ER NÓG KOMIÐ!
Þessi nýji síðuræfill tekur ekki inn myndir sem eru teknar á SEX ÁRA GAMLA VÉL!
Þessi stærðarmörk eru hreint út sagt fáránleg!
Og ef það þurfa að vera stærðarmörk þá er lágmark að síðukvikindið geti minnkað myndir sjálfkrafa.
Viðhengi:
Hér koma myndir eftir heilmikla ÓÞARFA handavinnu.
Viðhengi:
Ánægður með ykkur Jónana að setja inn myndir. Nú kemur margumbeðin mynd af formanninum við störf í „Múlanum“. Á mánudaginn heldur vinnan áfram eins og venjulega.
kv nefndin
Viðhengi:
Það tosast áfram í Síðumúlanum, Klósettin að verða dritfær og svo var undirbúið fyrir múrverk.
Svo var vöffluveisla líka.
Viðhengi:
Sælir félagar. Fyrirgefið hvað ég hef ekki látið sjá mig þarna undanfarið, en það er bæði óhagstæðri vinnu og svo veikindum um að kenna. Mikill gangur í þessu hjá ykkur af myndum að dæma. Kem eins fljótt og ég get.
Kv. MGmagnum
Það er vinnukvöld á morgum miðvikudag eins og venjulega. Var að bæta inn rúmlega 2oo myndum inn á myndasafnið „Vinna í Síðumúla“. Vona að þið hafið gaman af myndunum en þær eru frá upphafi framkvæmda til dagsins í dag.
kv Rúnar
Á mánudaginn 6. apríl verður ekki vinnukvöld heldur vinnudagur, mæting upp úr kl. 10. Á ýmsu að taka, fara með rusl, klára að klæða veggi í geymslu, wc niðri, bita í salnum, smíða fatahengi, klæða veggi í sal, klára að flísaleggja wc uppi. Sem sagt nóg að gera. Vill benda mönnum og konum að taka með sér verkfæri t.d skrúfvélar. Á myndunum sést að við höfum ekki setið auðum höndum um páskana í undirbúningi fyrir næstu vinnudaga og kvöld 😉
kv nefndin
Viðhengi:
Það var fámennt en góðmennt í Múlanum í dag. Myndirnar sjá í hverju við vorum að vinna. Næsta vinnukvöld er á miðvikudaginn og eru vinnufúsar hendur velkomnar. Muna, þeir sem eiga skrúfvélar taka þær með.
Viðhengi:
Það voru um 10 manns að vinna í gærkvöld, og það er búið að klæða veggina niðri í geymsluhluta kjallarans.
Og svo var borað fyrir neysluvatnslögnum,
Fatahengið að taka á sig mynd…
Það verður ekki vinnukvöld í Síðumúlanum á morgun mánudag vegna félagsfundar en reikna þó með að við félagarnir verðum á staðnum að undirbúa ísetningu á glugga og hurðastykkinu þar sem gengið er út á svalirnar. Að undanförnu hafa framkvæmdinnar gengið vel og á miðvikudaginn er næsta vinnukvöld. Á fimmtudaginn (sumardaginn fyrsta) er meðal annars fyrirhugað að setja glugga og hurðastykkið í ef veður leyfir.
Kv Rúnar
Viðhengi:
Gaman að fylgjast með framkvæmdum.
Þetta grindarefni í milliveggi, er þetta bara beygt blikkstál og er selt í byggingaverslunum?
Hverjir eru kostir þess fram yfir timbrið?
You must be logged in to reply to this topic.