Nýr stuðull

Sælir,

Ég held að ekki sé skynsamlegt að hvetja til þess að koma með nýjan stuðul ef það hefur þau áhrif að það myndast keppni í því að gera eitthvað geggjað. (já hér er á ferðinni forræðishyggja) Það hefur eflaust verið lífsreynsla að fara yfir þessa á á meðan hún var í svo miklum vexti. Og ég verð nú að segja að ég fylgdist hóflega spenntur með því úr mikilli fjarlægð hvernig mönnum gekk að komast heim úr ferðinni. Gott að allir komust heilir heim.

Ef við spáum aðeins í því hvernig fólk sem ekki þekkir til ferðamennsku af þessu tagi skynjar svona. Ásköpuð vandræði og óþarfa áhætta kemur upp í huga fólks. Ef illa fer í einhverri svona ferð þá getur það haft álitshnekki, ekki aðeins fyrir einstaklingana sem í hlut eiga heldur einnig fyrir félagið í heild sinni. Það þarf ekki marga fjandsamlega blaðamenn til að vinna á móti okkur til að gera skemmdarverk. Álit þeirra sem ekki þekkja hefur áhrif á það frjálsræði og skorður sem jeppamönnum eru settar og því hvet ég menn til að gæta varúðar í því að framkvæma glannalega hluti og þá einnig að gæta hófs í því að gorta sig af glannaskapnum sem kann að vera framkvæmdur í hita leiksins.

Ég sé fyrir mér að í myndaalbúmi 4×4 sé að safnast hægt og rólega upp myndir sem má horfa á frá öðru sjónarhorni heldur en bara að segja frá síðustu ferð. Ef framtakssamur aðili tekur að sér að hópa myndirnar saman í flokka til að læra af þeim þá sé ég fyrir mér t.d. þessa flokka, Svona á að gera, eða svona á ekki að gera. Það má jú læra af myndaalbúminu einu saman. Þetta mætti nota til að kenna.

Með ferðakveðju,
og gætið þess að koma ávallt heil heim.

Elvar

Sælir

Ef menn geta ekki skilið hálfvitaskapinn eftir heima og tekið skynsemina með í nýliðaferðir ættu þeir að vera heima. Vona að þetta verði frekar nýliðunum víti til varnaðar heldur en hvatning þó að gundur hafi sloppið "hland"blautur upp á hinn bakkan.

Kveðja

Er gundur sauðheimskur eða er hann að fíflast með okkur??

Ég veðja á það fyrra! Það að gorta sig af því að hafa ekið yfir á og að engin hafi veitt honum hjálp, nema að hann var bara rétt dreginn seinustu metrana sem hann ekki flaut sjálfur. Kannski var það viftuspaðinn sem knúði bílinn áfram í ánni?? Já já mikil hetja á ferð!

Togkveðja, Patrolman.

Að sjálfsögðu hefði ég sjálfur tekið þetta á siglingunni og planað yfir á aflinu.

Sælir!

Ég fór að velta fyrir mér hvort gamla og góða reglan "ef það er ekki hægt að vaða yfir, þá á ekki að aka yfir" sé alveg týnd og tröllum gefin???

Svo er betra að að vera lifandi gunga en dauð "hetja"!!!

Kv Isan

Þessi regla er í sjálfu sér mjög góð og á vel við óbreytta bíla. Það hefur hins vegar ruglað málin aðeins hvað jeppar í dag eru öflugri en þegar þessi regla varð til. Þá voru flestir jeppar lítið hækkaðir og á gömlu 750 dekkjunum. T.d. var það þannig í umræddri nýliðaferð að daginn eftir var versti állinn sem við fórum yfir aldrei vaðinn alla leið heldur var bara mátað með bíl búnum snorkel þar til fært vað fannst. Bara settur langur spotti í hann þannig að hægt yrði að ná honum til baka. Engu að síður var þetta ágætlega safe play.

Kv – Skúli

Kemst ekki á þessa síðu getur einhver sett link hér á spjallið svo maður geti skoðað um hvað menn eru að tala?