Nýr stuðull

Flottar myndir og að sjálfsögðu er Toyotan að rokka en það er þó rétt að hafa í huga að oft er stutt á milli kjarks of fífldirfsku svo það er spurning á hvaða stuðli þú skorar hæst 😉

Sælir félagar.

Þessi síða er alveg…

Ég er reyndar lítt reyndur á netinu, en þarna finnur maður flest…

Varðandi það að toyið skyldi "fljóta" og "ganga" í þessum túr er auðvitað merkilegt, en þetta hefur að sjálfsögðu verið allt á tæpasta…

Af eigin reynslu, þá mæli ég með því að menn sýni vatnsföllum alla þá virðingu sem þau eiga skilið, enda gera þau það allt til þeirrar stundar sem við misstígum okkur í því efni… en… þá er oft of seint að snúa við…(svo er það heldur ekki karlmannlegt…)

Fólk hefur týnt lífi sínu við álíka aðstæður, þannig að hér erum við að tala um dauðans alvöru!

Höldum skynseminni vakandi og höldum áfram að ferðast lifandi!

Ferðakveðja,

BÞV

Ég tek heilshugar undir það hjá þér ?gundur? að líklega sváfu 20 öflugustu bílar landsins á hinum bakkanum en þar voru líklega einnig 20 skinsömustu bílstjórar landsins.
Tilv. í teksta v. mynd.

En til hamingju með að hafa komist heill yfir.

Arnar

… en gundur, til hamingju með að vera meðal… vor…

Ferðakveðja,

BÞV

Gundur, ég vona að þú takir þetta óstint upp, en þessi síða er einfaldlega too much. Of mikið af upplýsingum í einum pakka. Mæli með endurskipulagningu. Hins vegar er ekki hægt að draga úr því að ferð þín yfir þessa á var mögnuð.

ábendingarkveðjur,

-haffi

Ég er nú búinn að skoða ansi mikið af myndum af þessari ferð og hef nú bara séð einn bíl sem gæti flokkast undir öflugan (LC80), hitt voru bara vísitölubreyttir bílar, en þessi ferð yfir ánna er bara heimska. Sem betur fer voru 20 skynsamir menn sem lögðu sig á bakkanum. Kveðja Heiðar

Ha ha ha… full djúpt í árinni tekið að þarna hafi verið 20 öflugustu fjalla jeppar landsins og það allir í eigu "nýliða". Spurning hvort Patrolman verði ekki sár varðandi svona fullyrðingar (nema hann hafi verið með í för). Sjáum hvort hann hafi eitthvað um málið að segja.

Annars held ég að þú megir teljast heppinn að hafa sloppið heill úr þessu. Ég segi ekki meira…

Straumþungar ár kalla á skynsemi, það er engin spurning. Það eru því miður nokkur dæmi um að akstur í ám er dauðans alvara eins og BÞV orðar það og mörg dæmi um að menn eru að sleppa með skrekkinn. Þess vegna eru árnar ekki vettvangur til að ástunda keppni í kjarki. Eins og ágætur maður sagði um daginn, ef maður hættir að óttast árnar er tímabært að hætta þessu sporti. Dýptin ein og sér er kannski ekki aðalatriði, en þegar straumþunginn bætist við erum við farin að tala um lífshættu.

Hins vegar er ágætt að spá í atburðarásina þarna við Búðaránna með það í huga að læra af henni og nota þetta til að safna í reynslubrunninn. Ég sé þetta þannig að það hafi haft veruleg áhrif þarna hvað það var að hækka hratt í ánni. Nú sá ég að vísu ekki hvernig áin var þegar þeir kappar úr Vestmannaeyjum fóru yfir, en miðað við hvað hún óx ótrúlega hratt eftir að hópurinn kom að bakkanum hef ég grun um að hún hafi verið búin að vaxa töluvert frá því þeir krossuðu og þar til Guðmundur leggur í hana. Hann hins vegar sér að þeir eru komnir yfir og fær góðar upplýsingar frá þeim um hvar þeir fóru og dregur eðlilega þá ályktun að hann sé öruggur með því að fara sömu leið. Í sjálfu sér röng ályktun, svona eftir á að hyggja jafnvel þó þetta hafi farið allt vel, en að mínu mati eðlileg ályktun. Við þessar aðstæður geta árnar greinilega breyst frá því að vera færar yfir í ófærar á nokkrum mínútum. Að vísu fór Gunni yfir nokkru eftir þetta en hann bæði fór öðruvísi í vaðið (fór meira undan straumi) og er á mun hærri bíl en flestir hinna. Þegar 44? fer vel á kaf í straumhörðum ál er hægt að segja að áin sé ófær og það hefði bara flokkast undir vitleysisgang og ekkert haft með kjark að gera ef hópurinn hefði allur reynt að elta hann. Það mætti vel segja mér að klukkutíma áður hefði allur hópurinn keyrt þarna yfir án þess að hafa neinar áhyggjur af því, þar með talið Súkkan.

Kv – Skúli