This topic contains 6 replies, has 5 voices, and was last updated by 
-
Topic
-
Sæl Öll,
Ég gekk í klúbbinn fyrir svona mánuði, eftir að hafa farið í ferð með litlunefnd upp í veiðivötn. Jeppadellan byrjaði á Land Cruiser 70 á 33″ dekkjum sem ég fékk á klink fyrir ári síðan, Bíllinn var í verulega slæmu standi og eftir uþb mánuð fékk ég vatn inná vélina á honum og endaði ég á því að henda honum (og sé verulega eftir því).
Eftir það ævintýri var ákvað að safna í þokkalegan jeppa og núna í Janúar keypti ég mér 38″ breyttan Hilux sem ég er þokkalega sáttur með, en hann er ekki gallalaus.
Seinustu mánuður hafa farið í það að gera hann aðeins betri en hann var þegar ég fékk hann. Búinn að græja í hann VHF, sem ég þarf reyndar að læra á…
Ætli þetta sé ekki nóg í bili
Kv. Hlynur
R-4662
-
Replies
-
Velkominn í klúbbinn! Flottur Hilux, þeir eru seigir og traustir bílar, gangi þér vel með gripinn!
Endilega kíkja á opin hús og taka þátt í starfi klúbbsins, það er margt skemmtilegt í gangi, og þó vetur sé nú liðinn þá er starfið framundan í sumar margþætt, sérstaklega í landgræðsluferðum, stikuferðum og vinnuferðum í Setrið sem verða klárlega skemmtilegar!
Það má einnig minnast á það að nú líður að aðalfundi Ferðaklúbbsins 4×4, og ekkert eins skemmtilegt eins og að bjóða sig fram í einhverja skemmtilega nefnd til að koma sér á fullt í starf klúbbsins og kynnast öllum þeim skemmtilegu aðilum sem vinna sjálfboðaliðastarf fyrir klúbbinn. 😉
Sæll Hlynur og velkominn í klúbbinn. Líst vel á þennan bíl hjá þér og er viss um að þú getur átt margar ánægjustundirnar með honum, bæði á fjöllum og ekki síður í bílskúrnum því að þar gerast hlutirnir og pælingarnar. Segi eins og Sammi hér að ofan, láttu sjá þig í kaffi og vittu hvort þú finnur ekki einhverja gamla jepparefi sem geta hjálpað þér að fræðast um hvaðeina sem varðar jeppmennskuna. Hef sjálfur fundið mér góðan farveg í nefndarstörfum fyrir klúbbinn og eignast marga góða félaga síðan ég gekk í hann 2007. L.M.
Var búinn að mæta á eitt bjórkvöld og skemmti ég mér vel þó ég hafi ekki verið að drekka
Versta í þessu er að vera ekki með allmennilegan skúr til að geta unnið stærri verk í bílnum, en ég hef þó allavega möguleika á að koma honum inn fyrir minni aðgerðir.Það sem hefur samt vafist mest fyrir mér er vefsíðan. Finnst hún vera full flókin og ég hef ekki ennþá fundið út hvernig ég virkja fullann aðgang af vefnum.
kv. Hlynur
Ef eitthvað er að vefjast fyrir þér varðandi síðuna þá er bara að spyrja.
Þú nærð allavega að búa til og svara þráðum…
Sæll Hlynur og velkominn í klúbbinn.
Ég sé að þú hefur skráð þig nokkrum sinnum inn en það vantar félagsnúmerið þitt á skrá.
Ég skal hafa samband við skrifstofu og biðja um að fá það sent og setja það inn. Þá færð þú fullann aðgang sem félagsmaður.Eins og Samúel segir hér að ofan er verið að skrá menn í nefndir klúbbsins. Best er þá að velja nefnd frá forsíðu sem er „NEFNDIR“ og hafa samband með pósti eða að hringja í formann nefndarinnar sem áhugasamur vill ganga í.
Kv. SBS Vefnefnd.
You must be logged in to reply to this topic.