Nýliðafræðsla

Þetta er nú þokkalegur listi hjá ykkur! Ekki veit ég hverskonar bílum þið eruð að keyra á en samkvæmt listanum vantar ekkert nema auka boddy, þá er komin annar bíll með öllu. Ef ég þyrfti að fara á fjöll með allt þetta drasl og bjórlaus í þokkabót þá held að ég að ég héldi mig bara heima. Það er gott að hafa með sér nauðsynlegustu verkfæri og varahluti en þetta er nú aðeins of mikið. Mér sýnist að það sé búið að telja upp alla hluti sem prýða gott bílaverkstæði að lyftunni undanskilini.
Ég spyr bara í hreinskilni; er alltaf eitthvað að bila hjá ykkur?

Kveðja:
Erlingur Harðar

Og nú fáum við okkur MAN til fjallaferða

Flest af þessu er af hinu góða EN stór hluti ekki þarfur s.s eins og t.d hlutföll….hvað haldið þið að margir færu að skipta um hlutföll upp á jökli eða hvar sem er í óbyggðum?????

Það er kanski spurning um 2 lista það sem er nauðsinlegt og hvað væri einnig gott að hafa svo þetta fari nú ekki alveg með menn sem eru að byrja og taka svona hluti mjög heilaga?

——

er þessi listi sem þið segið að Freyr hafi skrifað ekki bara frá því hann fór á suðurskautslandið? 😀

annars finnst mér nú alveg eðlilegt að menn séu með varahluti í það sem er veikt í bílnum þeirra, framhjólalegur í patrol, hrútshorn í hilux, öxla í landrover.. ofsv. svona í það minnsta það sem er nóg til að koma manni til byggða

Þetta er akkurat það sem ég á við,þeir sem þekkja bílana sína vita hvað þarf að hafa með.
Klakinn

—-

Sælir,

Það er nú allt gott og gilt við það að setja fram langa lista um það sem þarf og þarf ekki að gera ef menn fara á fjöll.

Og af þessum listum að dæma er til næg þekking til að miðla af – þó svo að mér þyki dálítið "overkill" að birta hér lista sem ætlaður var fyrir ferð á Grænlandsjökul sem standardlista fyrir fjallaferðir… Nær væri að búa til lista sem reynst hefur vel við lengri sem og styttri ferðir hér á íslandi þar sem hægt er að fá aðstoð En nóg um það.

Nýliðafræðsla er mjög nauðsynleg og er eitthvað sem 4×4 klúbburinn á að setja mjög ofarlega á sinn verkefnalista. En hvernig er best að ná til nýliðanna ? Það að setja langa lista í spjallþræði á netið er að mínu mati ekki besta leiðin – það eru fáir sem nenna að lesa svona mikið og langt frá því allir sem við viljum ná til sem lesa þennan vef.

Því tel ég að það sé mun áhrifaríkara að halda nýliðakynningar með reglulegu millibili – mynda sérstakan hóp um fræðslumál innan klúbbsins sem sæi um slíkt og héldi slíkar kynningar t.d. mánaðarlega yfir veturinn og mætti gera slíkt í samvinnu við aðra, eins og T.d. björgunarsveitir eða fyrirtæki – Slíkar kynningar ætti svo að auglýsa í sjónvarpi og blöðum og ég er þess fullviss að hægt er að fá styrktaraðila til að kosta slíkt.

Það eru nefnilega að mínu mati þeir sem eru ekki innan 4×4 sem við þurfum fyrst og fremst að ná til – bæði hvað varar öryggis – og nýliðafræðslu. Og einnig til að fara yfir atriði er varða umgengni við náttúruna og utnavegaakstur.

Ég held nefnilega að félagsmenn 4×4 séu almennt vel upplýstir um öryggismál og umgengnisreglur á fjöllum.

Benni

Ég get tekið undir flest það sem Benni setur hérna fram,þó skal tekið fram að listi sá er Freysi lét okkur í té til að hafa á Litlusíðunni er til viðmiðunar.
Hvað varðar nýliðafræðslu og að ná til utanfélagsmanna þá tel ég það vænlegast að vera með fræðslu í ferðum og er hægt um heimatökinn að koma þessu í Litludeildarferðum,fólk setur það ekki fyrir sig að stoppa í smá tíma til að læra,en telur eftir sér að koma á kvöldnámskeið sem jafnvel kostar inn á.En aftur á móti þegar farnar eru nýliðaferðir sem eru á hverjum vetri væri hægt að setja kröfu um að viðkomandi mæti á fræðslukvöld.
Þannig að ef sett yrði upp námsefni með það fyrir augum að koma því að í ferðum og hafa efnið tiltækt á netinu til útprentunar,tel ég að auðveldara verði að ná til fólks.
Og þar sem þetta er í stefnuskrá Litlunefndar viljum við koma að þessari vinnu,ég tel það eigi að vera sjálfsagt mál þar sem við erum að fara með fólk og bíla í sína fyrstu vetrarferð og náum þannig til fólks í byrjun.
Klakinn

Ég helt að ef á að ná til manna og koma þeim á bragðið þá þarf að fara að fara í nýliðaferðir sem eru bara dagslangar. Þar geta menn prufað bílinn og séð hvernig hinnir gömlu og reyndari félagsmenn fara að við hinn ýmsu aðstæður. Þar finna svo nýliðarnir hvað þarf að eiga og hvernig á að nota það. Þannig byggja menn upp meira sjálfstraust og eignast líka ferðafélaga sem leiðir til þess að menn vilja fara að fara í stæritúra.
Ég held að við fáum fleiri inn ef við förum nokkrar dagsferðir með fólk. Dagsferð þarf ekki að taka allan daginn þannig að þetta getur verði fínn sunnudagsbíll túr.