Nýliðaferðir – Fréttir

Ef ég á að vera raunsær, þá fer þetta illa. Og ef ég á að vara bjartsýnn þá fer þetta mjög illa. Við skulum vona að Þríhjólagengið ( Trúðar ) slumpist til þess að finna skálanna ef þeir ná það langt. Þó ekki megi gera ráð fyrir því fyrr en seinnipart laugardags samkvæmt venju. Nú er Benni heima, þannig að það á eftir að koma í ljós hvort það hefur verið hann sem verið hefur til trafala fyrir Lútó Trúð eða ekki.
PS hverju gleymdu þeir félagarnir ( nýja testamentinu kannski )

Þessir þráður lofar góðu! Keep up the good work

Benni (Ak) á 35km eftir í Kerlingafjallafleggjara, endahraðinn er svo mikill á Krúsernum hjá honum að hann er að spá í að sleppa að hleypa úr og fleyta bara kerlingar það sem eftir er að beygjunni.
Það er greinilega bara einn alvöru jeppamaður á Akureyri þar sem hann er bara einn á ferð. Spurning hvort landsbyggðarráð f4x4 verði ekki að fara að gera eitthvað í málinu.

Kv
T

Sko við norðanmenn gefumst ekkert upp, við reynum og reynum og reynum og reynum… eitt af þessum árum þá kemst hann á leiðarenda… 😉 Ekki öllum gefið að klára nýliðaferð í fyrstu tilraun.

Fréttir
Hópur 1 mun víst vera kominn að fyrstu ánni á Gljúfurleitárleiðinni og eru þau stopp. Segjast þau vera að horfa á stjörnurnar …. Lella mun hafa spurt hvort að ……. vissi hvar stjörnurnar væru því það væri þá í fyrsta sinn sem hann stoppar til að horfa á þær….
Hver ástæðan er fyrir stoppinu mun koma í ljós því að trúðar geta ekki þagað yfir eigin leyndarmálum.

Hópur 2 er kominn á Geysi… ekki bárust fréttir af viðgerðarmálum hjá hópnum… Ástæðan mun birtast á myndasíðunni innan skamms.
kv. stef.

Benni er í 6 pundum og á 10km eftir í afleggjarann í Kerlingafjöll. Allt beinfrosið út um allt og gott og hann er bara að dóla sér (lesist: halda aftur af bílnum…). Hann heyrir í ÖLLUM hópum sem eru á ferðinni á landinu með flotta loftnetinu sínu!

Var að tala við Lúdda og er hann lentur á planinu hjá Setrinu smá erfitt síðustu km vegna "sykursnjós" þarf að ath hvð það þýðir á trúðamáli en en hópur 1 er kominn.
kv Gísli

Eins og fram kom var flórsykursfæri frá Kerlingafjöllum inn í Setur og kom þá bjargvætturinn úr norðri, hann Benni og skilst mér að hann hafi lullað fyrir framan hópinn og hinir komu í förunum á eftir honum. Ekki gátu menn tekið fram úr hvor öðrum því að menn komust ekki upp úr förunum.
Barbara braut stuðara þegar hún var að reyna komast upp úr einhverjum læk við Kerlingarfjöll og svo skilst mér að Bjarki hafi skemmt dekk en hann var með varadekk með sér.
Nú er hópurinn að skríða úr rekkju og er að fara hugsa sér til hreyfings og voru m.a. Þjórsárver nefnd.
kv. Stef.

Jæja loksins einhverjar fréttir…geta samt hafa skolast eitthvað til.
Í gær fóru hóparnir í vettvangskönnun út í Nautöldu en afföll voru í hópi 2 þar sem einn bíllinn var "dauður" þar sem hann hóf svera drykkju við komu í skála á laugardagsmorgninum meðan að aðrir fóru að sofa. Var færið mikið betra og fengu coararnir hjá Barböru meðal annars að keyra og vakti það mikla lukku. Eftir góðan dag þá var komið í skála og eldaður sameiginlegur matur "a la lella" og fleiri og var svo mikið gaman í skálanum um kvöldið. Meðal skemmtiatriða var happadrætti skipulagt af Lellu og Völlu sem var bara snilld. Þar voru menn látnir draga númer, eitt á hvern bíl og komu þá morgunverkin í ljós. Goggi Karlsdráttur hlaut klósettvaktina og vældi mikið en komst samt ekki í hálfkvist við hann Ármann "á fyrrverandi" því hann átti að skúra. Spurning um að virkja þessa menn. Í morgun gekk fólkið í sín verk og voru snögg að því.
Lagt var af stað um 10:30 alla vega hópur 2 sem að ætluðu Sóleyjarhöfðann. Háfjallaveiki var að hrjá einn pattann, þann sem Frikki var á og var verið að skoða það hvort að Gundur kæmi með hann í spotta.
Sögur herma að hópur 1 og þeir sem fannst þeir ekki hafa fest sig nóg eða fengið nóg action ætli að fara Kerlingarfjöllin í bæinn. Við fáum kannski að frétta af þeim í fjölmiðlum eins og um árið veit ekki, kemur í ljós.
kv. Stef.