Nýliðaferð 2006

Eins og nafið gefur til kynna er þetta nýliðaferð, en ekki einhver fyrirlestra eða námsferð. Ég held að allar ferðir á seinustu árum hafi farið á fræðslukvöld hjá Arctic, og svo hafi menn bara farið á fjöll og skemmt sér. Ég hef allavega litið þannig á þessar ferðir að þær séu fyrst og fremst til að fólk kynnist og þeir sem eru nýir í sportinu geti fundið félaga eða hópa til að ferðast með, og óvanir fái tækifæri til að fara í vetrarferð. Það er ekki hægt að kenna jeppamensku nema að mjög litlu leiti, reynsla er það sem telur mest. Fyrir þá sem vilja endilega fá bara námskeið í öllu mögulegu er ágætt að benda á að hjálparsveitir eru að fara halda sína nýliðafundi fljótlega, og þá er sko hægt að fá fræðslu og meiri fræðslu.

Góðar stundir

ps: síðan má ekki gleyma því að sumir geta bara ekki orðið góðir í neinu, sama hvað menn taka mörg námskeið og setja lengi í skóla.

Ég hérna var sko að spá…..

Ert þú vinur verkfræðingsins?

[img:hs74k65s]http://www.mhdfl.com/dancingCalvin.gif[/img:hs74k65s]

Þetta er umræðuefni sem ég nýliðinn vil gjarnan fá að setja mitt sjónarhorn við. Það vill einmitt til að þó ég sé sjóuð í akstri á bæði malbiki og misskemmtilegum þjóðvegum með og án bundins slitlags þá er ég algjör byrjandi í jeppaakstri á fjallvegum og slóðum. Ég hef litla sem enga kunnáttu í akstri í snjó (nema í bænum þar sem ég veit hvað er langt niður á malbikið og hvað ég þarf að gera). Hafði aldrei keyrt yfir meira en lækjarsprænur fyrr en í ár. Ég fékk smjörþefinn af jeppamennskunni í sumar og finnst þetta frábært, get ekki beðið eftir næstu ferð.
Það eru tvær ástæður fyrir því að ég gekk í 4×4, annarsvegar til að finna félagsskap í ferðalögin því ég þekki lítið af jeppafólki, og hinsvegar og allra helst til að fá fræðslu og hjálp til að læra að keyra á fjöllum og þeim stöðum sem þarf kunnáttu við.
Þegar ég gekk í klúbbinn þá gerði ég mér fyrirfram hugmyndir um að nýliðar væru teknir inn á skipulegan máta og þeim kennd undirstaðan og síðan tækju við ferðalög þar sem við gætum fengið reynsluna. Þessar hugmyndir byggðust ekki síst á því að innan 4×4 er risastór hópur fólks sem hefur ekið landið þvert og endilangt og þekkingin er óendanlegur fjársjóður. Auk þess hefur ég stundum heyrt í alvöru jeppafólki þar sem það er að leggja áherslu á að við viðvaningar leggjum ekki af stað í óvissuna óreynd og fákunnandi þar sem það sé beinlínis lífshættulegt auk þess sem hætta á verulegu eignatjóni eykst klárlega í beinu samhengi við kunnáttuleysið. Ég gerði ráð fyrir því að markmiðið væri að koma þekkingunni áfram og kenna fólki um leið að umgangast og meta landið okkar og viðkvæma náttúru þess því þetta er að miklu leyti sú ímynd sem 4×4 klúbburinn hefur úti í þjóðfélaginu.
Nú er svo að eftir umræður og skraf bæði við félagsmenn og hér á spjallinu, sem ég ligg mikið yfir til fróðleiks, að ég skil það svo að þetta sé ekki og hafi ekki verið í svona mótuðum farvegi eins og ég lét mig dreyma um.
Nú langar mig þá að biðla til ykkar eldri og reyndari (þetta með eldri er kannski vafasamt) og svo til þeirra sem að stjórn og viðeigandi nefndum koma að velta því fyrir ykkur í hvernig farvegi þessi mál okkar nýliðanna eiga að vera. Gæti það ekki verið gott markmið fyrir klúbbinn að fara skipulegar í kennslu og fræðslu? Viljum við eyða tíma í nýliðana okkar, kenna þeim undirstöðuna á skipulegan hátt og um leið laða að okkur þá sem eru að feta sín fyrstu spor.

"ef hópurinn er nóg og stór getur hann aflað sér magnafslátta í innkaupum á nauðsinlegu jeppa og jeppamannadóti, magnafsláttur ofaná 4×4 afslátt er nokkuð góður afslattur á mörgum stöðum."…
"að halda námskeið í hvernig á að bregðast við hinum og þessum aðstæðum er að mínu mati ekki endilega á færi 4×4, heldur sjálfs einstaklingsins, 4×4 sér um að afla afsláttar fyrir hann á námskeiðið."…
Ég gekk ekki í klúbbinn út af einhverjum afsláttakjörum það er bara bónus. Að halda námskeið sé ekki á færi klúbbsins. Ég held að klúbburinn sé fullfær um það og akkúrat rétti vettvangurinn til að miðla þekkingu um hvernig bregðast eigi við og hefur gert það áður. Umræðan snýst um móttaka "nýliða" og á ég þá við fólk sem er að byrja í jeppamennsku en ekki að skipta um lögheimili. Ég gekk í hann því að ég hélt að þarna færi fram einhver fræðsla og miðlun á þekkingu og eins og áður segir að nýliðaferðir væru hugsanlega einn vettvangur fyrir það. Ef fólk vill kynnast öðru fólki þá get ég bent á fullt af öðrum ferðum sem eru líka nothæfar í það t.d. vinnuferð í setrið sem hefur hlotið vægast sagt dræmar undirtektir, stikuferðir, landgræðsluferðir og að ógleymdum bjórkvöldum sem er svo lítið mál að skipuleggja að þau eru nokkur yfir vetrartímann. Ég veit að upphaflega var þessi klúbbur hagsmunafélag og ferðafélag (ferðaklúbburinn 4×4) en spurningin er hvort hann sé ekki að þroskast upp í það að taka að sér fræðslumál til félaga og minni á að fræðslunefnd var stofnuð á síðast aðalfundi. Það eru fleiri en ég sem hafa gengið í klúbbinn af því að þeir héldu að þarna væri eitthvað skipulagt af hálfu klúbbsins. Fannst mér því brilliant að fara í nýliðaferð. Eins og ég sagði mín mistök. Þrátt fyrir það var gaman í ferðinni en ég hefði sennilega aldrei farið aftur í ferð með klúbbnum ef ég hefði verið að fara fyrsta sinn á fjöll í þessari ferð. Mitt innlegg í þetta spjall er aðalega til að fá fram skoðanir og umræðu.
kv. Stef.

Sæl

Nýliðaferðirnar í ár verða með því sniði að allir ættu að geta komist í ferð við þeirra hæfi, hvort sem um er að ræða algera nýliða eða reyndari "nýliða" sem vantar nýja ferðafélaga eða vill kynnast nýju farartæki. Og einnig verða nýliðaferðir fyrir allar dekkjastærðir.

Þessar ferðir hafa nefnilega ekki eingöngu verið bundnar við þá sem eru nýjir í sportinu heldur líka verið opnar þeim sem eru að koma nýjir inn í klúbbinn eða hafa jafnvel verið að stækka hjá sér hjól og vilja fara í stóra ferð til að kynnast nýjum bíl og geta um leið leitað ráða hjá þeim sem reyndari eru.

Varðandi fræðslu þá hefur það hingað til verið að ákveðnu leiti í höndum fararstjóra í nýliðaferðum hvernig þeim málum hefur verið háttað. Þó verður reynt að halda námskeið í helstu atriðum fyrir ferðirnar. Síðan verða fleiri ferðir heldur en nýliðaferðir í vetur þar sem fræðsla verður spunnin inn í ferðirnar fyrir þá sem telja sig geta lært meira.

En annars er reynslan besti kennarinn í þessum málum eins og svo mörgum öðrum og því er það eitt að fara í ferð með sér vanari mönnum gríðarlega dýrmæt reynsla fyrir alla sem ætla að ferðast á hálendinu – og þar eru nýliðaferðirnar sérstaklega góður vetvangur.

Varðandi nýliðaferðina sem þú vitnar svo reglulega í Stefanía þá var ég þar líka sem nýliði og það á minnsta bílnum í þeirri ferð – ég upplifði þessa ferð greinilega allt öðruvísi en þú. Þarna lærði ég gríðarlega mikið og fékk að takast á við mjög margt af því sem kemur upp í ferð og fékk síðan aðstoð þegar ég var í vanda. Fararstjórinn þurfti til að mynda að draga mig langar leiðir til að koma mér yfir erfiða hjalla og annar úr hópi hinna reyndari aðstoðaði mig við að koma dekki á felgu. Einnig eignaðist ég í þessari ferð félaga sem ég ferðast enþá með í dag. Þannig að þessi ferð stóð hvað mig varðar algerlega undir öllu því sem að ég vonaðist eftir – alveg óháð því hvenær menn komu í hús.

En annars er bara að mæta á næsta mánudagsfund þar sem þetta verður allt saman kynnt rækilega.

Kveðja
Benni

P.S.
Það getur meira en vel verið að ég mæti bara í Nýliðaferð – enda kominn á nýja dekkjastærð

Ég er nú að mestu sammála Stefaníu, að aðkoma nýliða mætti vera betri. En nú geta reyndar nýliðar skráð sig í ferðir með Litlunefnd og svo í Nýliðaferðir klúbbsins ásamt ýmsum öðrum uppákomum. Og námskeiðahald stendur verulega til bóta og kemur það betur í ljós á mánudagsfundinum.
En lög um Hjálparsveit segir: 9. grein ,4. liður
Hjálparsveit Ferðaklúbbsins 4×4. Hlutverk hennar er að vera félagsmönnum innan handar, lendi þeir í vandræðum með farartæki sín og þurfi aðstoðar við. Nefndin standi fyrir námskeiðahaldi og almennri fræðslu í samráði við stjórn.
Kjósa skal 5 menn í hana.

Hvað varðar kommentið frá siggias74, þá held ég að hann sé gjörsamlega búinn að snúa staðreyndum á hvolf. Þegar því er haldið fram eftirfarandi:

Siggias74: ég er nú bara að tala um að félagar innan 4×4 eru margir og mjög misjafnir. þeir koma úr öllum þjóðfélagsstéttum og af öllum landshornum. þess vegna hefur alltaf gengið mjög erfiðlega að manna hverskyns starf og fræðslu innan klúbbsins.

Ég hef alltaf litið á það sem styrk klúbbsins að menn komi einmitt úr öllum hornum þjóðfélagsins, og kemur þetta komment mér mjög á óvart. Ég veit ekki hvernig þessi klúbbur liti út ef í honum væru einungis kokka, eða kennarar, eða smiðir, eða sjómenn.
Ég vill því benda siggias74 á það að hin mikla breidd félagsmann okkar hefur einmitt hjálpað okkur og eru sérfræðingar í nánast allri flóru þjóðlífsins í 4×4 og hefur það oft nýst félaginu vel. Mætti ég t,d benda á það að við erum með mjög góða atvinnu tæknimenn í fjarskipmálum, ferða geiranum, lögfræðinga, smiði, pípara, jarðfræðinga, tölvukalla af ýmsum gerðum, verkfræðinga, tæknifræðinga, sjómenn, lækna, verkamenn, gjaldkera, kokka ofl ofl ofl. Þetta fólk og margir fleiri hafa oft bjargar málunum hjá félaginu. Svo má einnig benda að stórann kost við það að við séum svona mismunandi. Ferðirnar verða bara miklu skemmtilegri þegar hópurinn er ekki allt of einsleitur.

ofsalega hef ég orðað þetta komment vitlaust, fyrst að það var miskilið svona ofsalega.
að sjálfsögðu er það styrkur klúbbsinns að í honum séu allrahanda kvíkindi.
það sem ég var afturá móti að reyna að koma á framfæri er að ekki er hægt að halda námskeið á ákveðnum tíma og ætla það hennti öllum því vegna mismunandi þjóðfélagsstöðu og búsetu eru ekki allir lausir á sama tíma.
t.d. kemst ég aldrei á mánudagsfundi vegna þess að ég er á kvöldvöktum á mánudögum. ef að færa ætti mánudagsfundina til að það hennti mér myndu bara ekki einhverjir aðrir komast.
þessvegna gæti ég kannski stofnað gengi með nokkrum aðilum sem væru í vaktavinnu eins og ég og því alltaf lausir á sama tíma. við gætum þá skipulagt eða fundið til námskeið á þeim tíma sem hentaði okkar félagahóp og 4×4 auðveldað okkur leitina og reddað okkur afslætti.
kveðja siggias74 E1841

Mér finnst ég verða að segja nokkur orð núna. Ég finn til í hjartanu að sjá að persónulegt skítkast út í fólk rati á svona opinberan stað eins og spjallið okkar sem er lesið af þúsundum manna.
Þessi ferð sem Klakinn er að tala um var ekki meiri einkaferð en svo að hún var auglýst hér á þessum vef opin öllum.
Ég fór í hana og þótti svo skemmtilegt að ég lifi enn á því. Hvað sem öðru líður þá þótti ýmsum í ferðinni einkennilegt að ekki væri farið að skoða Öskjuvötn eða Herðubreiðarlindir úr því að við vorum komin svo langt sem í Drekagil, mér undirritaðri líka þó ég segði kannski ekki neitt. Það voru líka fleiri sem töluðu um það sín á milli, ekki bara Stefanía. Mér finnst ómaklega að henni vegið þarna og finn mig knúna til að koma því að en jafnframt að ég vil ekki og ætla ekki að standa á milli manna og blanda mér í deilur sem snúast um persónur fólks. Við erum öll mis-fullkomin og höfum hvert sína skapgerð og sumar skapgerðir passa illa saman en það á þó ekki að vera tilefni til að fólk dreifi hrati yfir aðra opinberlega að mínu áliti. Mín ósk er sú að svoleiðis sé látið ógert hér á þessum vef og verðum við bara meiri manneskjur fyrir það.

Ég vona að menn tapi nú ekki svefn yfir þessari umræðu en það gleður mig að sjá það að klakinn nennir að eyða tíma í mig kl. 4 að nóttu þegar hann gæti haft 7 aðra hluti að gera.

Þetta er einkaferðin sem vísað er í, tekið af spjalli f4x4.is.
"Ferðir. júní 2006 – 08:06 Klakinn, 720 póstar. Svo má bæta við þetta að eitthverjir okkar úr Litlunefnd erum að hugsa um að fara Gæsavatnaleið um verslunarmannahelgi og taka 3-4 daga í flakkið,ef eitthverjir hafa áhuga á að slást í för með sendið email á laugi@simnet.is,ég reikna með að við verðum í tjöldum,í Nýjadal,Herðubreiðarlindum,og Laugarfelli ef skálapláss liggja ekki á lausu. Kv Klakinn

Gæsavatnaleið. ágúst 2006 – 05:07 Klakinn, 720 póstar. Já við ættlum Gæsavatanaleið um Verslunarmannahelgina og ættlum að vera í Versölum á föstudagskvöldið og Dreka laugardagskv og Laugafelli sunnud,og Skagfirðingaleið á mánud og malbikið heim. Það verða um 7-8 bílar í ferðinni og ef eitthverjir vilja slást í för með okkur er það bara velkomið,því fleirri því betra,við förum úr bænum cirka 17-18 svo allir geti verið í samfloti. Ef eithverir vilja koma með sendið mér þá línu á email laugi@simnet.is. Kv Klakinn Þetta verður örugglega Ofsafengin og Slóðrík helgi með Klakasprengdum innskotum og flæðandi upplýsingum"

Fyrir tveimur árum var ég að tala fyrir því að klúbburinn myndi standa fyrir fræðslu og tiltók sérstaklega GPS og skyndihjálp. Ég benti á að fimmtudagskvöld gæti verið góður vettvangur fyrir það. Þetta mál mitt fékk ekkert sérstaklega góðar undirtektir á stjórnarfundi en hvað um það.
Varðandi GPS málin þá var ég að kommentera á það að það eru til frábærir leiðbeinendur hjá Landsbjörgu sem geta kennt bæði rötun og á GPS og hafa jafnframt gríðalega reynslu í að ferðast bæði á jeppum og gangandi um landið þvert og endilangt. Þeir eiga til tilbúið námsefni í þeim tilgangi og þeir geta jafnframt miðlað af reynslu sinni. Mér hefði fundist eðlilegra að leita til þeirra sem fyrsta kost en ekki til slysavarnaskóla sjómanna en það mátti ekki heyra á þetta minnst.
Ferðamáti. Þetta spjall hér hófst á umræðunni um nýliðaferðir og mælti ég hiklaust með þeim og hafði gaman af minni ferð og þakkaði jafnframt fyrir hana en vakti jafnframt máls á því hvaða væntingar menn gera til slíkra ferðar. Minnti á stofnun fræðslunefndar og væri þar kominn vísir að breyttu hugarfari innan klúbbsins.
Hvað varðar hraða í ferðum þá hældi ég mönnum sérstaklega fyrir þægilegan ferðahraða úr bænum og upp í Versali um Verslunarmannahelgina. Ég minni jafnframt á að ég var aldrei fremsti bíll í þessari ferð og stjórnaði því ekki ferðahraðanum en ég kaus að sleppa lágadrifinu þar sem við átti og fylgja þá fremsta bíl eftir. Ég hafði mjög gaman af þessari ferð og kynntist skemmtilegu fólki þrátt fyrir að hafa ekki séð Öskju, Herðubreiðalindir eða Gjallanda þá er það bara eitthvað sem ég á eftir.
Enn ein ferðin til að þakka fyrir .
Takk Stef.

ég vildi koma því að þarsem stefanía er að gera lítið úr slysavarnarskóla sjómanna, að þar á bæ eru frábær námskeið þarsem farið er í notkun á björgunarbúnaði hverskonar bæði til notkunar á sjó og á landi, skyndihjálp, hvernig á að bregðast við eldi í vél og rafbúnaði og einnig notkun á staðsetningartækjum og tilgang MOB takkanns á gps tækinu. farið var mjög ýtarlega í hvernig á að bera sig að við þyrlubjörgun og svo ýmislegt annað sem nýtist nær engöngu á sjó, enda var líka um námskeið fyrir stýrimannaskólann að ræða.
það getur velverið að landsbjörg haldi mjög góð námskeið og ætla ég alls ekki að rengja það, en maður býr vel að því að hafa farið í slysavarnarskóla sjómanna og ættu meðlimir 4×4 hiklaust að nýta sér það námskeið ef boðið er uppá það á vegum klúbbsinns, heldur enn að sleppa því og fara svo í fílu yfir að ekki er haldið námskeið með landsbjörgu.
kveðja siggias74
ps. mér líður einnsog ég sé 27 árum eldri en ég er þegar laugi talar um mig, ég veit ekki af hverju