Nýliðaferð 2006

eru yfirleitt síðustu helgina í nóvember en vetrardagskrá klúbbsinns verður kynnt á næsta mánudagsfundi

óléttur Bazzi eða hvað ert þú að tala um. Eða er þú orðin svona nútíma Metromaður sem getur ekki skroppið á klóið einn. Þó konan gangi með erfingja

Varðst þú sár. Jæja en hvað um það þá átt þú ekki að vera spenntur, heldur átt þú að vera að fara á taugum vegna ábyrðartilfinningar. En það kemur og þyrmir þá yfir þig. Þegar þar að kemur. En hvað varðar klúbbinn þá gengur hann auðvita ekki fyrir, en þú mátt bara ekki lát svona smáræði þvælast þig fyrir þér, og alls ekki fara að tapa af jeppaferð. Kvenfólk í jeppaheiminum vita það auðvita að bannað er að eiga börn á helgum og á vinnutíma. Nema þá kannski í kaffitímum í miðri viku. Frú Ofsi t,d passaði upp á það að fara á fæðingardeildina að kvöldlagi í miðri viku, á hún þakki skilið fyrir skilningin. Og tapaðist ekki einn einasti vinnutími vegna króanna. En Bazzi minn rétt forgangsröð er: vinna fyrir dísel, gera við jeppann og fara á fjöll. Þetta hélt ég bara að hverjum jeppamanni væri ljóst.
Annars held ég að við séum heldur betur búnir að skrensa út fyrir efnið, þó svo að hægt sé að fjalla um nýja einstaklingar í svona þræði um nýliðaferðir.

Þegar maður heyrir orðið “Nýliðaferð“ þá sér maður fyrir sér að vanir jeppamenn séu að fræða nýliðana um hinar ýmsu hættur, hvernig hægt er að redda bilnunum, koma dekki á felgu, kenna spottadrátt o.s.f. Ég hef aldrei farið í svona ferð og ekki vona á að ég fari sem nýliði í svona ferð, en ég hef aldrei séð dagskrá yfir þessar ferðir nema: keyrt þangað, sofið þarna og farið heim á þessum tíma. Það væri gaman að því að heyra í forráðamönnum þessara ferða hvernig þessum málum er fyrirkomið. T.d. hvað var kennt annað en að opna bauk og standann flatann.

Bara svona tillaga kv. vals.

.

Getur maður ekki laumað sér með í svona nýliðaferð þó maður vilji hvorki takast á við það ábyrgðahlutverk að stýra henni (eða keyra hraðast eins og hefur verið í nýliðaferðinni hennar Stefaníu) né heldur sé löggiltur nýliði?
Ég væri alveg til í að bæta aðeins í kunnáttubankann ef það er klárt fólk að stjórna ferðinni og sjá hvort maður sé kannski að gera allt vitlaust sjálfur :-/

EE.

Valur þetta gerðu við í einni Fjárplógsferðinni, þ.a.s þegar við vorum með dekkjakennsluna, þá voru allir látnir mæta á jeppunum sínum til þess að hægt væri að skoða krókamálinn. Og voru þeir sem ekki voru með þau í lagi, látni laga það fyrir ferð.
Enda nú mál nr 1 að hafa eitthvað í jeppanum til þess að hengja í.

Það sem mér finnst og hef talað um það áður er að klúbburinn ætti að skilgreina betur hvað hann kallar nýliðaferðir og hvað felst í þeim þannig að maður viti bara að hverju maður gengur. Það sé smá samræmi á milli nýliðaferða en ekki bara að það sé háð duttlungum þeirra sem tekur að sér að standa að svona ferð. Þannig að ég var bara óheppin að hafa farið í þessa nýliðaferð en ekki í nýliðaferð með rottunum. Ég gerði þau mistök að halda að nýliðaferð biði upp á einhverja formlega fræðslu og leiðbeiningar fyrir nýtt fólk fannst það eiginlega liggja í orðinu af fenginni reynslu annars staðar og ákvað þar af leiðandi að ganga í klúbbinn og verða mér út um smá þekkingu. Ef ekki er meiningi að klúbburinn standi fyrir fræðslu þá annað hvort að kalla þetta einhverju öðru nafni eða þá "nýliðaferð án fræðslu" og maður veit það og þá er málið dautt.
kv. stef

Var tekið kvöldnámuskeið hjá artic. En lítið annað gert nema lagt af stað og keirt uppí setur. Meðsvona ýmsum ævintýrum. Var keirt frá sóleyjarhöfðanum í nokkrum hópum og var meiningin að menn myndu þá kanski kynnast betur og hjálpa hverjum öðrum og svo vorum við dreifðir um hópana og svona studdum við bakið á þeim sem á þurftu. og vorum við held ég allir komnir með 2-3 bíla undir arminn þegar við komum uppí setur. Og var seinasti bíll í hlað einn af hópstjórunum. Fyrir utan Magga Skóg sem kom á eftir því hann þurfti að spila 4runner uppá pall sem lagði sig einhverstaðar á hvíslarveitu veginum.

Svo var farið í bíltúr á laugardaginn og leitað að vandræðum. Þar sem þetta virtist alltsaman vera svona heldur lítiðfjörlegt og saklaust réðust 2 bílar á smá op í blautukvíslunum og þegar að það var orðið passlega stórt til að koma bíl öllum oní ánna fóru flestir ofaní og spreittu sig á ísskörunum. Næst var haldið áfram inní nautöldu og sparkað snjó í laugina og einhverjir hugaðir fóru í bað.
Á bakaleiðinni hittust hóparnir við læk rétt við blautukvíslarnar og var tekið nett æfing og kennsla í festum, spottum og spilun og fengu allir að spreita sig sem vildu og fylgdust hinir áhugasamir með.
því næst skellti kokkurinn nokkrum lærum á grillið og trallaði eithvað frammá nótt nema nokkrir af okkur sem fóru á móti Þóri stórhetju sem kom með varahluti í luxa sem sleit klafan nokkurnveginn undan sér á leiðinni inneftir. En honum var komið í lag og keirt inní setur.
Svo kom sunnudagur og var farin kellingafjallaleiðina heim þar sem að magga tókst loksins að affelga eftir margar heiðarlegar tilraunir. En með þeim æfingum fannst mér ekki alveg nægilega margir nýliðanna fylgjast með enda voru menn orðnir frekar þreittir og vildu bara komast heim.

Þetta er svona nokkurnvegin það sem við gerðum og er mín skoðun að eigi að fara fram í nýliðaferð.
En eins og þið getið ýmindað ykkur sem vitið þetta betur en ég að það er ekki hægt að plana vandræði, bilanir og affelganir. Þetta bara gerist og er þessvegna erfitt að hafa skipulagða dagskrá í svona ferðum sérstaklega ef að menn sem ekki hafa farið mikið á fjöll áður, eiga að læra eithvað af ferðinni. Þetta lærist ekki af bók eða inná upphituðu verkstæði.

Kv. Bazzi