Nýliðaferð 2003

Sæll AgnarBen

Eins og fram kom á síðasta félagsfundi á Hótel loftleiðum verða nýliðaferðir um mánaðamótin nóv/des.
Stjórn setur tilkynningu um ferðirnar fljótlega og einnig verður tilkynning í næsta Setri.
Það er um að gera að mæta á opið hús og spyrjast fyrir um ferðirnar og skrá sig.

Kv.
Kjartan

Sjálfsagt myndi skráning á þessa skráningasíðu enda í tölvunni hjá Einari Kjartanssyni, en hann hefur haldið utan um vef umhverfisnefndar og var á sínum tíma aðal sprautan í þeim ferðum sem umhverfisnefnd stóð fyrir. Hins vegar virkar það ekki sem skráning í almennar nýliðaferðir klúbbsins.

Umhverfisnefnd stóð fyrir tveimur nýliðaferðum starfsárið 2001-2002, sem var nýbreytni í starfi nefndarinnar og einskonar hliðarbúgrein. Nefndin hefur ekki tekið ákvörðun um að standa fyrir slíkri ferð í ár, en ekki heldur tekið ákvörðun um að gera það ekki. Þannig að eins og Palli segir, hver veit … Það yrði hins vegar auglýst sérstaklega ef af yrði.

Kv – Skúli H.

Nýliðaferðir eru skráðar 29-30 nóvember hérna á heimasíðunni.

https://old.f4x4.is/netfrettir/vetrardagskra.html

Sælir.

Nýliðaferð á Hofsjökul…
Já, einmitt. Ertu þá að hugsa um "Survival of the fittest"
Þeir sem komast uppúr sprungunum eru hæfir í ferðir. Er það málið?

Ég held að einmitt orðið "Nýliðaferð" feli það í sér að farin sé ferð sem er ekki mjög erfið. Maður byrjar jú að hjóla með hjálpardekkjum, en ekki á einhjóli.
Er ekki tilgangur þessara ferða að á hættulausan og nokkuð auðveldan hátt verði byrjendum kennd grunnatriði í ferðamennsku, eins og hvernig ber að hleypa úr lofti, draga fastan bíl og þessháttar, en ekki að æða með þá á sprungusvæði, eða á staði þar sem ferðamennskan krefst kunnáttu og reynslu?
Eða er það bara ég sem hef skilið þetta svona? Ég er auðvitað mjög Heimsgur.

Emil Borg
Heimsgur #313

Í nýliðaferðum umhverfisnefndar hafa ekki verið gerðar sérstakar kröfur um dekkjastærð eða reynslu þátttakenda. Þeim var skipt upp í hópa m.a. með tilliti til getu bíla og reynslu ökumanna. Í ferðinni á Grímsfjall var einn bíll á 33" dekkjum og í Langjökulsferðinni voru allmargir bílar á 35" dekkjum.

Það er útbreiddur misskilningur að Hofsjökull sé eitthvað verri en aðrir jöklar hvað varðar sprungur. Þar eins og á Langjökli og Vatnajökli eru sprungurnar á ákveðnum svæðum. Höfsjökull er sá íslenskra jökla sem hvað best er rannsakaður, Raunvísindastofnun kortlagði hann og mældi þykkt hans snemma á níunda áratgunum og Orkustofnun hefur fylgst með snjóalögum þar síðan 1988.

Færi á jöklum, eins og annarsstaðar er mjög breytilegt, fer eftir veðri og hvernig veður hefur verið undanfarna daga og vikur. Sem dæmi um hversu breytilegt færi á jöklum getur verið, má nefna að 1. apríl 2000 fór ég upp á hábungu Hofsjökuls með 10 pund í 35" dekkjum. Raunar er hægt að leiða rök að því að það sé oft mun öruggara að ferðast á jöklum en utan þeirra. þar er maður laus við gjót, ár, gil, kaldavermsl og hveri sem oft skapa hættu við akstur á snjó. Það eru mjög fáir staðir utan jökla þar sem ég myndi þora að aka eingöngu eftir gps, án þess að sjá fram fyrir bílinn, en þetta er oft gert á jöklum.

Helsti vandinn við jöklaferðir er að þeir liggja hátt, því er veður þar oft mun verra og úrkoma meiri en neðar. Því er mjög mikilvægt að taka tillit til veðurs og veðurhorfa þegar jöklaferðir eru ráðgerðar.

Með því að ákveða tíma ferða eftir veðri og færð er hægt hámarka líkur á að allir komist á áfangastað.

-Einar

Sælir …..

nokkuð skemmtileg umræða um nýliðaferðir , persónulega finnst mér ekki gáfulegt að fara með nýliðaferðir á jökla ,
hins vegar er ekkert að því að hafa ferðir fyrir lengra komna sem vilja fara í fylgd með reyndum mönnum .

Varðandi Hofsjökul að þá er hann nú yfirleitt talsvert sprungin og þar af leiðindi ekki stór hópur sem að leggur á hann og þess vegna yfirleitt litlar upplýsingar um færðina á honum.

T.D. dæmi um færð og veður á jöklum ( þar sem menn benda réttilega á að 33" bíll hafi farið á Grímsfjall ) þá lentu þeir í Fjallavinafélaginu Kára í því að þurfa að kalla út snjóbíl til að ryðja niður jökulinn fyrir sig , þar voru á ferðinni reyndir menn með mikla reynslu , hvernig haldið þið að nýliðar á 33" – 35" dekkjum hefðu staðið sig í slíkum aðstæðum ?

Mér finnst persónulega ekki ábyrg fararstjórn að leiða algjöra nýliða í slíkar ferðir því að þeir sem hafa reynslu vita að veður breytast hratt á jöklum .

Auðvita er þetta getgátur en gleymum því ekki að veðráttan getur leikið okkur grátt og eiga menn ekki að taka slíkar áhættur með nýliða.

Þetta eru bara mínar persónlegu skoðanir sem að ég tek út frá reynslu minni eftir að hafa ferðast um hálendi Íslands síðastliðin 15 ár og starfað í hjálparsveit.

mbk,
Pési

Pési, þetta var nú kvikindisskapur, að draga páskaferð okkar Káranna til vitnis í þessu máli. Það er alveg rétt að 33" bíll hefði ekki gert miklar kúnstir á jöklinum þann dag þar sem 44" dugði lítt, en líklega hefði verið hægt að hafa hann í bandi í aftasta bíl. Aðalvandinn var að ryðja slóð, en síðan var hægt að keyra í förunum. En þetta var kannski svolítið sérstakt dæmi því við vorum búin að vera á þriðja sólarhring veðurteppt á fjallinu og látlaus ofankoma þannig að nýsnævið var gríðarlega mikið (eins og sést t.d. [url=http://www.mountainfriends.com/images/p-h23.jpg/:32q3emej]hér[/url:32q3emej] ). Málið er kannski nákvæmlega það sem Einar nefnir, það er mikilvægt að taka tillit til veðurhorfa. Við ákváðum að fara þrátt fyrir að spáin væri ekki sú æskilegasta. Einhverjir ákváðu að sitja heima vegna þess og eru enn að stríða okkur hinum og fararstjóri í nýliðaferð hefði mjög líklega ákveðið að blása ferðina af.

En það er útaf fyrir sig rétt að spáin gengur ekki alltaf eftir og kannski síst á fjöllum. Eins þurfa menn að taka með í reikninginn að lægð sem gengur yfir landið hefur önnur áhrif upp á jöklum en niðri í byggð. En þetta eru einmitt allt hlutir sem maður vill læra þegar maður er að byrja í sportinu.

Kv – Skúli H.

Sælir félagar.

Ég tek undir með Skúla varðandi veðurspárnar. Það er ótrúlega oft sem skítaspá er tilkynnt á ljósvakanum en samt er rjómablíða á fjöllum. Reyndar hefur mér sýnst þessi "ó-siður" veðurstofumanna aukast í seinni tíð og "öryggisbrjálæði" þeirra annars ágætu manna í þessu efni hefur oft haft neikvæðar afleiðingar í för með sér. Þetta virðist t.d. hafa verið raunin í Káratúrnum á Vatnajökul; þ.e. menn ákváðu að fara þótt spáin væri kannski ekki sem best.

Hér gildir "úlfur úlfur" lögmálið; þ.e. ef þú hefur oft farið á fjöll í vafasamri veðurspá og jafnvel við þær aðstæður landað veðrusælustu túrunum á ferlinum, þá ósjálfrátt hættirðu að taka þessum endalausu "öryggisbrjáluðu" viðvörunum hátíðlega.

Reyndar finnst mér alltaf jafn hjákátlegt að horfa á veðurfræðingana spá spekingslega um veður viku fram í tímann í sjónvarpinu, meðan þeir geta sjaldnast sagt fyrir um það með sæmilegri vissu hvernig verðið verður á morgun…

Ferðakveðja,

BÞV

Já þetta er alveg rétt. Veðurstofan er náttúrulega skömmuð harkalega ef það skellur á óveður sem þeir hafa ekki varað við og þá taka þeir upp á að setja fram verstu hugsanlegu spá og vara við óveðri ef það er einhver möguleiki á slíku. Helst þarf maður skoða þessa veðurvefi og draga sínar eigin ályktanir út frá því, en það krefst þjálfunar og ekki á allra færi. [url=http://www.mountainfriends.com/html/llaugar03.html:2xi6slvy]Þessi túr[/url:2xi6slvy] var t.d. farinn þrátt fyrir lítt spennandi spá og margir ákváðu að vera heima vegna hennar.

Engu að síður færi ég ekki af stað á jökul sem fararstjóri í nýliðaferð ef djúp lægðværi að koma að landinu.

Kv – Skúli H