nýji 38″ Navara

Já nú er ég sammála honum Tolla. Gaman væri að fá að vita eitthvað um það hvernig bíllinn virkaði í þessum dagstúr sem talað var um hér að ofan og hvernig mönnum líst á breytinguna á bílnum…(Navara)
–
kv Ísak Fannar

Er þetta einhver spurning.. Erum við ekki að tala um pallbíl með 2.5 turbo dísel með klafa að framan… vigt sirka 1800 kg.. Þetta hljómar nú óttalega nálægt því að vera toyota hilux… eða nissan double cab eða izuzu crew cab.. Það ætti nú ekki að vera nein bylting í gangi þar sem eini munurinn á þessum bíl er jú að hann er að skila nokkrum hestöflum meira heldur en fyrri pallbílar og jú hann lítur töluvert betur út en fyrri pallbílar.

Svarið sem þið fáið er að hann drífur fínt, síðan verður eh komment á að hann þurfi bara að losna við klafana að framan til að hann fari að drífa.

En jú þetta er nú nissan sem er nú ofar í huga mér fyrir bíla sem drífa heldur en margar aðrar tegundir.

Flottur bíll en engin bylting býst ég við.. ekki nema toyota menn hafi gert einhverja nýja uppfinningu og fundið 300 kílóa járnplötu í bílnum sem hann hefði verið léttur um.

kv
Gunnar

nissan navara er ekki hægt að líkja saman við fyrri gerðir og aðrar gerðir af pallbílum. navara er mun plássmeiri og fer miklu betur með mann heldur en td. toyota hilux. það heyrist ekki múkk í vélinni og götuhljóð er ekkert inní honum. þessi nokkur fleirri hestöfl eru nákvæmlega 176 eða ca 90 fleirri en í öðrum pallbílum og 4 færri en í bílnum mínum. þar að auki er togið í vélinni yfir 400 nm og hefur það mun meiri áhrif en 190 nm tog í toyotu hilux. 6 gíra kassinn í beinskipta bílnum er snilld og sjálfskiptingin er mjög góð. sem dæmi ók ég svona beinskiptum navara yfir holtavörðuheiði um daginn og jók hann hraðan úr 100 í 120 í 6. gír upp bröttustu brekkuna sunnanmegin á leið norður, á 32" dekkjum með tvo farþega og engan farangur.
ég hef alla tíð líkað illa við nissan, eitthvað við þá bílategund sem ekki hefur fallið mér í geð, einnig hef ég aldrei séð tilgangin í pallbílum, hvað þá að líka plássleisið, hávaðan og dósahljóðið. en nissan navara skítféll ég fyrir við fyrstu sýn og prufukeyrslu.

Þarna er greinilega komin einn ein byltingin í bílaframleiðslu sem við fáum að upplifa. 2.5 L disilvél sem vinnur eins og bigblock. Innra rími virðist vera meira en ytra rúmál samkvæmt frásögnum kunnugra. Svo er hann svo hljóðlátur að maður getur hlustað á nið fjallalækjanna þegar maður æðir yfir þá á öðru hundraðinu.
Skrítið samt að þegar ég less yfir tækniupplýsingar fyrir þennan bíl þá sé ég bar fárálega þungan fisksalbíl : (

Verð að mótmæla með pláss í nýja navara og nýja toyota það er mun meira pláss í nýja hilux en navara. Hitti einn um daginn á 35" navara og hann var ekki par hrifinn af honum eins og hann orðaði þá nánast langaði honum að skila honum til baka því ekkert væri að marka hestafla tölu í navara reyndar var hann á sjálfskiftum . En einga síður glæsilegur bíll svona 38" nú langar manni að fara skella mínum á 38" bara ef maður ætti pening fyrir því en einginn bíll jeppi er eins sem betur fer:)

Kv Hjalti toy maður

Það er gaman að sjá hversu áhugasamir menn eru um nýjan Navara á 38". Mig langar að gera tilraun til að segja ykkur frá minni upplifun við reynsluakstur á þessum skemmtilega bíl. Sjálfur er ég, eins og sum ykkar vita, alinn upp á Land Crusier og þá gjarnan á 38". Eftir að hafa skoðað þennan bíl vel á undanförnum mánuðum ákvað ég að fjárfesta í einum slíkum. Bíllinn er að SE gerð og er sjálfskiptur. Hann er hækkaður upp á yfirbyggingu um 80 mm og 40 mm á fjöðrum. Hann er með Dana 44 bæði að aftan og framan en Ljónsstaðabræður eiga heiðurinn af smíðinni fyrir okkur á framdrifinu. Við hjá Arctic Trucks ákváðum að skipta út upprunalega framdrifinu, en það er sambærilegt við framdrifið í eldri Land Crusier 90, en það er heldur tæpt miðað við mikil átök. Hlutföll eru 4:56 og er 100% læsing bæði að aftan og framan. Ég setti á hann CarryBoy hús, grind og ljós að framan, dráttarbeisli og spilbita, ásamt loftdælu og kút. Einnig er í honum VHF stöð, NMT sími og GPS.

Bíllinn er afar þéttur og maður fær mikla gæðatilfinningu við að aka honum. Ekki heyrist nokkurt skrölt eða tíst frá einu eða neinu. Stýrið er ótrúlega nákvæmt og gott (spindilhalli náðist í 3,5 gráður). Fjöðrun að framan er að mínu viti með því allra besta sem ég hef upplifað í svona bíl. Afturfjöðrun er góð þrátt fyrir að vera blaðfjöðrun, þó auðvitað sé betra að hafa hana á gormum. Við teljum eigi að síður að með nýjum höggdeyfum sem hægja á bakslaginu væri hægt að bæta hana enn frekar. Vinnslan er mjög góð og erum við félagarnir sammála um að hlutföllin passi sjálfskiptingunni sérlega vel. Bíllinn virkaði vel á fjöllum og virðist jafnvægið vera gott á milli fram- og afturhjóla. Færið á jökli var þungt en bíllinn tók það mjög skemmtilega. Sérstaklega fannst mér gaman að finna hversu gott var að losa hann af eigin rammleik, þrátt fyrir að hann væri kominn á kaf í snjó og við það að setjast. Hann öslaði upp jökulinn og virtist hafa lítið fyrir því.

Því miður endaði þessi annars frábæri dagur á því að ég skemmdi bílinn talsvert. Við hjónin vorum búin að pumpa við Jaka og héldum sem leið lá niður að Húsafelli. Þegar við komum yfir brekkuna sem liggur niður að Hvítá (efri hlutinn) þá ætlaði ég að hægja á mér en lenti á ís sem leyndist undir nýföllnum snjó. Bíllinn hreinlega jók ferðina ef eitthvað var (ABS kerfið virkar ekkert á hreinum ís) og ekkert annað að gera en að stýra bílnum beint af augum ellegar velta honum út í stórgrýtið. Því miður urðu verulegar skemmdir á undirvagni, þó ekki sjái á bílnum að öðru leyti. Engar merkingar eru þarna sem vara við 90 gráðu beygju en auðvitað ók ég of hratt miðað við aðstæður. Það er alltaf þannig þegar maður lendir í svona aðstæðum. Við hjónin teljum okkur lánsöm að hafa ekki slasast við þetta óhapp enda munaði minnstu að bíllinn færi á hliðina þar sem mikið högg kom á hægra framhjól sem lyfti honum upp á tvö hjól.

Kveðja,
Skúli K.

Navara SE kostar kr. 3.350.000,- og er með 100% læsingu að aftan. Miðað við það, þá verða bílarnir á sama verði. (Navara / Hilux)

126 kW , 163 HP DIN @ 3,400 rpm; , 343 Nm @ 1,400 rpm

meira um nýja hiluxinn hér: [b:35tw0cpd][u:35tw0cpd][url=http://www.drive.com.au/buy/commercial/car_features.asp?from=9&m=toyota%7Chilux%7C3.0+sr+t/diesel+double+cab+4×4&pg=1&spg=415&init=70380720060912http://www.drive.com.au/buy/commercial/car_features.asp?from=9&m=toyota%7Chilux%7C3.0+sr+t/diesel+double+cab+4×4&pg=1&spg=415&init=70380720060912:35tw0cpd]hér[/url:35tw0cpd][/u:35tw0cpd][/b:35tw0cpd].

Já það er Dana Spicer að aftan í Navara, sem er 44 og er einna líkust afturhásingu í Grand Cheerokie, sem kom ca. 98-99.

Nei, ekki álmiðja, en svipuð uppbygging. Hásingin er smíðuð fyrir Nissan af Dana. Kemur frá USA smíðuðum Nissan bílum.
kv, Skúli K.