Nýja húsnæðið, framkvæmdir.

Það gekk vel í dag,pípulögnin kominn vel á veg,ofnarnir í salnum komnir á sinn stað og rafmagnsrennur í skrifstofu nánast uppkomnar. Einar Sól mættur rúmlega kl.9 að hella upp á kaffi.Fulltrúi vefnefndar (Jón Emil) mætti með piparkökur í mannskapinn og fékk í staðin að fara ruslaferð. Að sjálsögðu mætti formaðurinn hress og kátur en hann er á sjúkralista og því löglega afsakaður frá vinnu. Logi Már var mættur með snittvélina sína sem hefur verið til sýnis á Þjóðminjasafninu en hún sýndi það og sannaði“ lengdin skiftir ekki máli“ NEI ÉG MEINTI ALDURINN.;-). Þegar vinnudegi Loga var lokið litu menn á hvorn annan og hugsuðu ekki ég (snittvélin). Maður sá að Heiðar pípari er búinn að snitta fyrir lifstíð, ég lét lítið fyrir mér fara en Guðmundur Geir hafði haft það á orði að hann hafi unnið á snittvél á árum áður en hann hefði betur sleppt því. 😉 En að sjálsögðu hafði hann eingu gleymt. Árni „Baukur „Bergs kom eins og við var að búast. Árni setti upp eina 10 metra af rafmagnsrennum og notaði um ca 300 skrúfur í það og var að velta fyrir sér hvort að myndi ekki duga. 😉 Ekki má gleyma Friðrik gjaldkera en hann kom færandi hendi með hádegismatinn en hann fékk sömu örlög og Jón Emil og var sendur í ruslaferð. Að gefnu tilefni skal tekið fram kaffi og matartímin runnu ekki saman. Sjálfur var ég settur í að festa upp ofnunum í salnum og eftir að hafa sett þá upp er ég sannfærður að gluggarnir og gólfið hallar.

Að lokum ætla ég að minna á vinnukvöld á mánudaginn.

Kv nefndin

Það gekk vel þetta síðasta vinnukvöld fyrir jólin við vinnu, kaffidrykkju og kökuát.  Næsta vinnukvöld hefur ekki ákveðið en það verður tilkynnt hér  á þræðinum.

Á morgun þriðjudag upp úr kl 11. verður opnað niður í Síðumúla fyrir þá sem eru í fríi milli jóla og áramóta og þjást af hreyfingarleysi. Unnið verður eitthvað fram eftir degi og hvetur nefndin alla þá sem rörtöng,hamri, borvél,sóp og kaffibolla geta valdið að mæta. Fyrirhugað er að halda áfram með ofnalögnina og annað sem til fellur

Kv Nefndin

Nú eftir áramótin hefur verið góð mæting í Síðumúlann. Það sem hefur verið lögð mest áhersla á er að ganga frá leigurýminu en það á að afhenda leigutaka um mánaðarmótin. Lokið er að leggja ofnalögninna í salinn,fundarherb og geymslu. Til að koma hita á þarf Orkuveitan að færa lagnagrindina en það verður gert næstu daga. Málningarvinnan gengur vel og svo rafvirkjavinnan líka. Félagar í skálanefndinni komu og bökuðu vöfflur í mannskapinn og fyrir það eiga þau þakkir skilið. Fyrirhugað er að fjölga vinnudögum í Síðumúlanum til að geta afhent leigurýmið á réttum tíma og flutt  starfsemi klúbbsins seinnipartin í febrúar. Auka vinnudagar verða auglýstir hér á þræðinum.

kv nefndin

Það gekk vel í dag. Ofnalögnin í leigurýminu var kláruð og ofnin á skrifstofuganginum var settur upp. Brotið var fyrir niðurfalli á salerni í leigurými og rampurinn var brotin  líka. Klárað var að tvöfalda veggina í kaffistofuni í leigurýminu Einnig var haldið áfram að sparsla veggi kaffistofu og salerni. Árni hélt áfram að draga í og er komin vel á veg með raflögnina í skrifstofu og leigurými. Einar var að sjálfsögðu mættur og helti uppá , var hægri og vinstri hönd Bigga málara við frágang á veggjum í leigurými. Logi og Jón G hafa verið í ofna lögninni og samstarfið gengið með ágætum. Stoltið hans Loga snittvélin er í orlofi þessa dagana vegna tannlausra 3/8 snittbakka. Ef einhver lumar á 3/8 snittbökkum sem er aflögufær mun Logi taka gleði sína á ný. Hann þurfti að leita til nútímans (rafmagnshandsnittivél) til að halda áfram með 3/8 ofnalögnina 😉 Að lokum vill ég minna á vinnukvöldið á mánudaginn.

Kv Nefndin