This topic contains 63 replies, has 14 voices, and was last updated by 
-
Topic
-
Eins og fram kom á félagsfundinum 1. september erum við að fara af stað með framkvæmdir í nýja húsnæðinu okkar í Síðumúlanum. Þessi spjallþráður er settur af stað í þeim tilgangi að miðla upplýsingum um framgang mála og svara fyrirspurnum ef einhverjar eru. Það kom fram á fundinum að við ætlum að hafa vinnukvöld á mánudags og miðvikudagskvöldum frá ca. hálf sjö til tíu. Núna á miðvikudaginn þriðja september ætlum við að hefjast handa. Farið verður í að skrúfa niður hillur, opna stigaop á milli hæða, taka niður þá gifsveggi og plexiglersveggi sem ekki eiga að standa og koma öllu því efni sem í þessu er niður á neðri hæðina til geymslu og síðari nota. Við þurfum aðstoð ykkar félagsmanna og gott væri ef þið gætuð komið með einhver verkfæri svo sem hamra, kúbein, skrúfvélar, sagir og þess háttar. Ef einhverjir eru með tröppur eða stiga væri gott að fá slíkt. Þetta verður svona til að starta framkvæmdinni og byrja að þreyfa á verkinu og sjá hvernig það fer af stað og síðan verður sett upp nýtt prógram fyrir næsta mánudag. Hlökkum til að sjá ykkur.
Fasteignanefndin.
-
Replies
-
Það var vaskur hópur sem mætti í Síðumúlann í kvöld. Næsta mánudagskvöld verður haldið áfram að hreinsa út og við hvetjum félagsmenn að mæta og taka þátt í vinnunni við að standsetja húsnæðið okkar.
nefndin
Ég hélt fyrst að þetta væri Pútín þarna við stigaopið (:
Já Vilhjálmur, þegar svona merkisatburðir eins og það að Ferðaklúbburinn kaupi sitt eigið húsnæði eiga sér stað þá flykkjast „stórmennin“ að til þess að komast á spjöld sögunnar
En að öllu gamni slepptu, þá erum við að fara að halda áfram með niðurrifið á morgun, (mánudaginn 8 sept.) Takmark kvöldsins er að reyna að klára það niðurrif sem þarf að eiga sér stað áður en farið verður í niðurbrot á veggjum og að saga nýtt dyraop milli framhúss og bakhúss. Næstu skref eru svo einmitt að brjóta niður þá hlöðnu veggi sem brjóta þarf niður og saga ofangreint gat, bora fyrir lagnastamma milli húsanna svo hægt verði að koma fyrir klósetti og eldhúsaðstöðu í leigurýminu, hreinsa allt út sem þarf að fara og má þá segja að við getum farið að hefja uppbyggingarstarfið. Við munum hefjast handa þetta á bilinu hálf sjö til sjö og stefnum að því að vinna til tíu. Með góðri mætingu tekst að gera mikið á þessum þremur tímum eins og sást síðasta fimmtudagskvöld. Vonumst eftir góðri mætingu. Fasteignanefndin.
Ég hélt fyrst að þetta væri Pútín þarna við stigaopið (:
Þarna er leiðum að líkjast, en ég gæti kannski gert allt skemmtilega vitlaust með því að labba inn í stjórnarráðið og segja Sigmundi að hypja sig…
Hér eru myndir af afrekum kvöldins
Kv Rúnar
Sæl
Aldeilis flott kvöld í gær. Um 20 manns að vinna og mikið gekk á. Klárað að taka niður timburveggi og glerveggi. Byrjað að brjóta niður hlaðnar geymslur. Ein kerra fyllt af timburdóti og rusli sem fer í Sorpu.
Ekkert smá dugnaðarfólk að störfum.
Takk fyrir flott kvöld.
Kv
Friðrik
Gaman að sjá hvað vinnan gengur vel,
ekki klára samt allt áður en ég kem heim.
Sæl.
Það var líf og fjör í Síðumúlanum í gærkvöldi. Ótrúlega mikið hreinsað til, allir timburveggir farnir í burtu og byrjað á að brjóta niður steyptu veggina. Það var ótrúlegt hve brotaviljinn var sterkur hjá okkur þar sem nánast heill veggur var sleginn niður. Verkið miðar vel og verður mikið fjör á miðvikudaginn þegar steyptu veggirnir verða kláraðir og steypubrotunum mokað út í gám. Þá er í raun hægt að hefja uppbygginguna.
Sæl.
Nú er kominn miðvikudagur og þá er vinnudagur í Síðumúlanum kl. 18:30. Í kvöld á að klára að brjóta niður steypta veggi og henda múrbrotum út í gám. Á staðnum verða sleggjur, grímur og kaffi…… Hlakka til að sjá ykkur. Endilega kíkið við og heilsið upp á mannskapinn.—
Með kveðju
Sveinbjörn HalldórssonKveðja
Sveinbjörn
Nú er tækifærið, nú er tækifærið sem ekki gefst aftur. Að láta reiði sína bitna á steinveggjum með sleggju er góð aðferð til að hleypa uppsafnaðri gremju út úr kerfinu. (Það leyfist að hugsa um einhvern sem þið þolið ekki meðan þið djöflist með sleggjuna)
Missið ekki af þessu einstaka tækifæri. Skóflur vel þegnar til að moka brotinu í hjólbörur. Fasteignanefndin.
Sælir,
Það vantar vaska menn til að bera allmargar gipsplötur inn í húsnæðið að Síðumúla kl 17:00 á eftir.
Öll hjálp vel þeginn
tekur bara 20 mín ef margir mæta. kv
gunnar
Sæl.
Nú er aftur kominn mánudagur og vinna í Síðumúlanum. Í kvöld þurfum við að klára að þrífa og gera klárt fyrir uppsetningu milliveggja og málningu í kjallara. Við þurfum að sópa og setja í kerrurnar allt sem á að henda þannig að það verði ekki fyrir okkur. Mæting kl. 18:30 eins og venjulega.
ATH. það er alltaf heitt á könnunni fyrir þá sem vilja kíkja….Kv.
Sveinbjörn
Jæja gott fólk, þá má segja að niðurrifi og tiltekt sé lokið og verkið komið á ákveðinn núllpunkt. Á morgun, miðvikudag 17 sept. verður ekki almennt vinnukvöld heldur ætlum við í fasteignanefndinni að koma saman og mæla fyrir veggjum og reyna að plana framhaldið eftir bestu getu. Það er í ýmsu að stússast áður en við getum haldið áfram að taka næstu skref þannig að það verða rólegheit á næstunni. Við látum ykkur vita hvernig framvindan verður jafnóðum og hún gerist.
Fasteignanefndin.
Vinnukvöld 24 sept.
Ýmislegt að gera, hreinsa til í kjallara.Einhverjir veggir ekki á réttum stað. Enn beðið eftir teikningum svo ekki verður byrjað á nýjum veggjum í bili.
Heitt á könnuni, um að gera að kíkja.
Á miðvikudeginum síðast byrjuðum við að setja upp vegginn fyrir skrifstofuna, Biggi málari er að skrapa veggi í kjallara og á efri hæð. Á mánudaginn mætir Haddi múrarmeistari frá Múrlínu til að skoða gaflvegginn og leiðbeina okkur með hvað við þurfum að gera til að gera hann kláran fyrir veturinn. Mér skilst að á mánudagskvöldið eigi að halda árfram með vegginn við skrifstofuna og byrja á pípulögn. Teikningar eru að verða klárar þannig að vinna fer á fullt strax á mánudaginn. Sjáumst hress.
kv.
Sveinbjörn
Sælir félagar. Í kvöld verður haldið áfram með gifsveggi og boruð verða göt vegna nýrrar miðstöðvarlagnar í bakhúsi. Skipulagsatriði og endanlegar útfærslur eru smátt og smátt að komast á hreint þannig að þetta getur allt farið að ganga betur. Kaffi á könnunni. L.M.
Verður eitthvað unnið í kvöld 8. des?
Vinnukvöld
Já unnið í kvöld, sitt lítið að hverju en allavegana nóg eftir.
Húskötturinn er byrjaður að bræða snjó í kaffið, fleiri sögur á sögustundini !!!!!!!!!
Mættum og höfum gaman af.
Vinnukvöld
Vantar vinnufúsar hendur í kvöld. Eitt og annað að gera. Einnig vantar menn í kaffi og hafa eitthvað með sér bitastætt sem fer vel í vinnandi menn og konur 😉kv Rúnar
Viðhengi:
Jæja,nú á laugardaginn á að ráðast í að leggja ofnalögnina í salin. Okkur vantar mannskap með okkur í verkið. Það væri gott ef þeir sem ætla að koma taki með sér tangir en ekki nauðsýnlegt. Ef nægur mannskapur mætir er eitt og annað sem má gera,t.d hengja upp ofna,fara ruslaferð með klúbbkerruna og klára að einfalda veggi á salerni.Mæting er kl 10 á laugardagsmorguninn.Það verður heitt á könnunni að hætti Einars Sól og vonandi eitt með því.
kv Nefndin
Viðhengi:
You must be logged in to reply to this topic.