Nýja AT 405 dekkið

Hvernig má reikna með að dekkið endist í samanburði við td. mudder eða ground hawk. Slitnar mjúkt vetrargúmmí hratt eða hægt eða vita menn ekkert um það.

Mig langar helst að henda þessu glænýju Mudderum sem ég á og fá mér svona dekk….ekki er nú verra að fá hann á 35kall stk.

við sem erum á nýjum mudderum verðum bara að vera með næst, þá verður líka kominn reynsla á dekkin.

Jæja eru menn farnir að fara á fjöll á dekkjunum og athuga hvort þau drífa eitthvað í snjó?
Gaman væri að fá reynslusögur. Eða eru menn kanski fastir í Húnavatnssýslunni og ekkert virkar.

Hann Gísli Ólafs var á þessum dekkjum með okkur nú um helgina og ég gat ekki betur séð en að hann væri að drífa mjög vel (reindar eins og venjulega) en lentum í mjög þungu færi, hann kemur kanski með einhverja punkta.

Benni

Sælir félagar.
Þá er ég búinn að búinn að keyra eina helgi á fjöllum í mjög þungu færi á nýju AT405 dekkjunum mínum og hér kemur það helsta sem ég man eftir.
Ég var alla helgina að keyra með bílum sem ég hafði oft ferðast með áður t.d. var Bjarni Ejólfsson á sínum Hilux sem er svipað útbúinn og minn bíll og hefur yfirleitt gengið svipað vel hjá okkur að drífa.
Það er skemmst frá því að segja að ég varð ekki var við að ég drifi neitt betur eða verr en t.d. Bjarni og mér sýndist samanburðurinn við aðra bíla vera nokkuð svipaður og þegar ég var á Möddrunum.
Það eru nú samt nokkur atriði sem eru umhugsunarverð, mér fannst til dæmis að ég finndi fyrir því að dekkin standa betur mál en mödderinn (sem ég er búinn að keyra á síðustu 10 árin að minnsta kosti) kannski er það bara huglægt ég veit það ekki alveg en mér fannst hásingarnar sleppa ótrúlega vel við grjótið að þessu sinni sem var vissulega nóg af.
Annað sem ég tók eftir var það að þegar maður bankaði felgunni í grjót þá virtist höggið verða mýkra, kannski að þessi felguvörn sem ég hafði sáralitla trú á til að byrja með sé bara að virka.
Eitt enn sem ég tók eftir sem er verulega frábrugðið Möddernum er að maður getur spólað meira í lausum án þess að grafast niður en samt er gripið alveg frábært.
Að lokum smá vangaveltur, flestir vita að Mödderinn er oftast erfiður meðan dekkin eru glæný og batna svo bara eftir því sem þau eldast og slitna, ef þetta verður eins með AT 405 dekkin þá verður þetta bara frábært þegar dekkin fara aðeins að slitna og mýkjast.

Kveðja
Gísli Ólafsson
Akureyri

Mínar athuganir, sem voru gerðar á göngugreiningartækjunum hjá Össur bernda til þess að mudderinn stígur mjög fast í axlirnar meðan hann er nýr en lagast svo þegar hann slitnar svolítið á meðan AT405 dekkin eru jafngóð allan líftímann. þessvegna er ólíklegt að dekkin batni mikið í drifgetu frá því sem þau eru meðan þau eru ný.
Frekar neðarlega á þessari síðu er göngugreiningin . AT405, Mudder og Dick Cepek kevlar:
http://www.4x4offroads.com/at405-radial.html
Ég er mjög ánægður að þau standist samanburð við Mudder í drifgetu Ég hef alltaf sagt að Mudder séu jafnbestu 38" dekk sem búin hafa verið til. (vonandi þangað til nú)

Mudderin kemur svona út með mikið af rauðum blettum augljóslega af því að hann er með opnasta munstrið en þegar dekkin eru í snjó skiptir það ekki máli hvað varðar flot. Þegar maður skoðar footprintið og reynir að meta hvort dekkin séu góð til brúks á linu hlýtur að vera síst minna atriði að skoða miðjuna og þá svörtu svæðin, þar er baninn farinn að lyftast upp af fletinum. það þíðir að miklir innri kraftar eru að verki í dekkinu sem valda mikilli veltimótstöðu. reyndar held ég að þetta segi mjög lítið um drifgæði þessara dekkja í snjó. Bani dekksins hefur aldrei þessa lögun þegar verið er að reina að drífa í þyngsta færinu þá er baninn meira sporöskjulaga og felgan situr bara neðar í dekkinu en þetta sýnir vel hvernig þau virka á ís. Mér líst mjög vel á AT405 dekkið og vil endilega fá fleiri sögur að lesa um það hér.
kv guðmundur