This topic contains 4 replies, has 1 voice, and was last updated by 
-
Topic
-
Við höfum sjálfsagt öll veitt athygli þeirri umræðu, sem nú er í gangi með að setja njósnatæki í alla bíla sem skrásetur hvert og hvað mikið er ekið.
Tvennt finnst mér aðallega athugavert við þetta.
1. Er einhver svo bláeygur að ætla, að þetta verði ekki notað til að fylgjast með því hvert maður fer á bílnum, ekki bara til að skattleggja ferðirnar, heldur er alveg ljóst að fleiri en skattmann hafa áhuga á að vita?
2. Dettur einhverjum í alvöru í hug að skattmann muni láta þetta koma í staðinn fyrir aðra skatta? Auðvitað verður þetta viðbót við aðra skattlagningu. Eru ekki einhverjir fleiri en ég sem muna þegar bifreiðagjaldinu svonefnda var komið á í fjármálaráðherratíð Jóns Baldvins? Það átti bara að vera tímabundið – þetta er ekki mín fullyrðing, þetta er staðreynd, skrásett í fjölmiðlum þess tíma.Runólfur framkvæmdastjóri FÍB, sem hefur löngum haft sérstakt horn í síðu okkar jeppamanna notaði tækifærið til að hnýta í okkur sem höfum til þessa ekið á fasta skattinum í viðtali á Ríkisimbanum núna áðan.
Eru ekki einhverjir í okkar hópi sem vilja ræða þetta mál?
-
Replies
-
Anonymous- Umræður: 0
- Svör: 16404
Að sjálfsögðu verður þrýstingur á að skrá t.d. hámarkshraða og hægt verður að senda sektina sjálfvirkt heim í hús. Bílaleigur í Bandaríkjunum (þar sem persónunjósnir eru mestar í heimi hér) nota þetta til að fylgjast með því að ekki sé skroppið til Mexíkó eða Kanada án leyfis. Einnig er rukkað ef bílnum hefur verið ekið of hratt þar. Þetta væri kærkomin tekjuviðbót fyrir ríkiskassann. Persónuvernd þarf núna aldrei sem fyrr bein í nefið!
Var viðtal við Runólf? Í hvaða bílaumboðskokkteil var hægt að ná í hann?
Vér mótmælum allir.
Það sem er til hagræðis fyrir skattmann er til óhagræðis fyrir okkur hina.
Wolf
kjaftasaga sem ég heyrði útí bæ, sel hana ekki dýrar en ég stal henni.
Fyrir mánuðum síðan var hópur löggæslumanna sem vildu sporna gegn hraðakstri á Reykjanesbrautinn og var þeirra tillaga þeirra að setja upp hraðamyndavélar sambærilegar við þær sem eru í hvalfjarðargöngunum. Þannig mætti senda þeim sem keyrðu of hratt sjálfkrafa rukkun fyrir of hraðan akstur.
Ekki var hljómgrunnur fyrir þessari hugmynd af einhverjum ástæðum og kunna að vera nokkur sjónarmið í því.
T.d. þessar sem mér dettur strax í hug
1. Einungis afmarkaður hópur landsmanna undir eftirliti, þe. þeir sem eiga leið um Reykjanesbrautina.
2. Löggæslumennirnir vildu fá hlutdeild í sektargreiðslunni, sem þýddi í raun og veru einkavæddar löggur.Mér persónulega lýst illa á þá hugmynd að setja GPS tæki í bíla til að sjá um skattgreiðslu skv. notkun af gatnakerfinu. Ef það væri raunverulega hugmyndin væri réttast að láta skrá niður kílómetratöluna á ökumælinum þegar bíllinn fer í gegnum skoðun. Það er mun einfaldara og ódýrara heldur en dýr búnaður.
Kveðja
Elvar
Fyrir allnokkrum árum var dómsmálaráðherra, sem gerði svokallaðan "tilrauna kjarasamning" við lögreglumenn hjá tveimur embættum á landinu. Í þessumtilraunasamningi fólst m.a. að lögreglumenn þessara embætta fá persónulega prósentu af innheimtum sektum vegna umferðarlagabrota. Af einhverjum ástæðum hefur þetta ekki verið útfært til fleiri embætta, mögulega vegna þess að menn gera sér ljóst, að til þess gæti komið að einhverjum þverhaus dytti í hug að kæra þetta fyrir Mannréttindadómstól Evrópu og lögfræðingar telja þetta fyrirfram unnið case í slíku tilviki. Kemur líklega fáum á óvart, að annað þessara tveggja embætta var Blönduósumdæmið!
En það er, í alvöru talað, skýlaust brot á alþjóðlegum lögum og reglum að ein stétt geti hagnast persónulega á því að hafa möguleikana á að geta sektað samborgarana. Enda veruleg hætta fyrir hendi á misnotkun.
You must be logged in to reply to this topic.