This topic contains 17 replies, has 1 voice, and was last updated by 
-
Topic
-
Hvert viljum við sjá klúbbinn okkar stefna?
Grunn hagsmunamál Ferðaklúbbsins 4×4:
..leggja grunn að innleiðingu á reglugerðum varðandi breytingar á bílum til ferðalaga á hálendinu.
..stuðla að viðhorfsbreytingu varðandi utanvegaakstur og fyrirbyggja skaða í náttúrunni sem því fylgir.
..byggja upp öryggi ferðafólks á hálendi Íslands með neti VHF endurvarpa um allt land.
..berjast fyrir frelsi félagsmanna og almennings til að ferðast um hálendi Íslands.Við eigum að vera ráðandi aðili um málefni hálendisins
Ferðaklúbburinn 4×4 á að vera öflugur hagsmunagæsluaðili í þeim málaflokkum sem hann stendur fyrir og til að skapa öflugan slagkraft þarf að hafa sterkt bakland með miklum fjölda félagsmanna. Staða í hagsmunagæslu á hverjum tíma er í beinu hlutfalli við fjölda meðlima, vinnu sem klúbburinn framkvæmir og ímynd sem hann hefur skapað í samfélaginu. Klúbburinn á að vera öflugur þátttakandi í stefnumótun um ferðamennsku, vinna að því að tryggja almannarétt til ferðalaga og leggja grunn að því að klúbbmeðlimir og annað ferðafólk geti notið íslenskrar náttúru á skynsamlegan og ábyrgan hátt. Ferðaklúbburinn á að vinna markvisst með stjórnvöldum að heildarstefnumótun um ferðaumhverfi hálendisins og í samvinnu við þau leggja grunn að stefnumarkandi verkefnaáætlun um hvernig eigi að umgangast okkar náttúruperlur af ábyrgð og skynsemi. Þetta hafa stjórnvöld reynt að gera í áratugi og algjörlega mistekist og á meðan hefur Ferðafélag Íslands tekið völdin og nánast fengið alræðisvald á hálendinu.Fleiri klúbbmeðlimir og markviss vinnubrögð gerir okkur áhrifameiri
Það er hægt er að ná miklu meiri árangri með því að efla starfsemi Ferðaklúbbsins 4×4, vinna markvissa stefnumótun í hagsmunamálum, setja metnaðarfull markmið og skipuleggja starfsemi klúbbsins faglega til að ná þeim markmiðum. Fleiri meðlimir skila auknum tekjum og meira afli til að berjast í hagsmunamálum. Stunda þarf markvissa sókn til að fjölga meðlimum og senda ákveðnum markhópum reglulega upplýsingar um klúbbinn og fræðslu um ábyrga ferðamennsku og hvernig hægt sé að stuðla að skynsamlegri náttúruvernd og tryggja almannarétt til ferðalaga með þátttöku í starfi klúbbsins. Leggja þarf grunn að faglegri hagsmunagæslu, stunda kerfisbundið áróðurstríð í hagsmunamálum og skapa góð tengsl við okkar fólk í opinberu umhverfi.Gott skipulag og fagleg vinna í hagsmunagæslu skilar meiri árangri
Klúbburinn hefði fyrir löngu átt að setja í gang málefnahópa um einstaka málaflokka í öllum hagsmunamálum og forgangsraða markvisst skammtíma og langtímaverkefnum. Láta þessa hópa hafa umsjón með einstökum verkefnum s.s. Vatnajökulsþjóðgarði, Þjórsárverum, náttúruverndarlögum, landnýtingaráætlun o.s.fr. Sumar nefndir hafa stundum verið með eitthvað af þessum málum, en flest þessi mál hafa flakkað fram og aftur á milli stjórnar og nefnda ár eftir ár. Sjálfboðastarf stjórnar- og nefndarmanna og klúbbmeðlima þarf síðan að styðja með aðgangi að starfsfólki hjá klúbbnum, en með því væri hægt að margfalda þeirra framlag.Við þurfum að:
• Skipta málefnum markvisst upp á milli stjórnar, nefnda og starfshópa
• Vinna samkvæmt ákveðnum markmiðum og áætlunum í öllum hagsmunamálum.
• Finna okkar fólk í opinberu umhverfi og leiðbeina því um hvernig það geti stutt við okkar málstað.
• Skilgreina þá aðila sem eru mest á móti okkur og greina fyrir hvaða málstað þeir eru að berjast.
• Skilgreina aðila með sömu markmið í hagsmunagæslu og leggja grunn að öflugu samstarfi við þá.
• Koma upp PR hópi sem hefur það markmið að dæla út greinum, umsögnum og fara í viðtöl og fleira.
• Setja upp PR aðgerðaráætlun til næstu ára brotið niður á hvern mánuð. Vinna þetta markvisst og reglubundið og útbúa gögn fyrir þá aðila sem við ætlum að nota í fjölmiðlum.Nota innra starf klúbbsins til að styrkja ímyndina
Innra starf klúbbsins er kjörið til að kynna hann og koma honum á framfæri s.s. starf Litlunefndar og þær nýliðaferðir og námskeið sem hún stendur fyrir. Auglýsa þarf þessar ferðir og nota þær markvisst sem aðdráttarafl til að ná inn nýjum félögum. Hafa t.d. frítt í þessar ferðir fyrir klúbbmeðlimi, en láta aðra greiða fyrir þátttöku (félagsgjald) og hvetja með því þátttakendur til að ganga í klúbbinn.Setja ætti af stað nýja nefnd (Stórunefnd) sem tæki næsta skref á eftir Litlunefnd og stæði fyrir dagsferðum fyrir stærri og breytta bíla. Leggja grunn að öflugu framkvæmdaumhverfi í slíkum ferðum og nota frábæra skipulagsreynslu frá Litlunefndinni síðustu árin.
Skoða möguleika á að setja af stað sérstaka ferðaþjónustunefnd sem sinnti hagsmunagæslu fyrir ferðaþjónustuaðila og bjóða upp á markvisst námskeiðaumhverfi fyrir aðila í þessu umhverfi. Þessir aðilar fengju þá sterkari stöðu til að sinna sínum málum og klúbburinn fengi öfluga samstarfsaðila í sínum stærstu hagsmunamálum, ferðafrelsinu.
Öflugt og vel skipulagt starf skilar samstöðu og velvild félagsmanna
Setja þarf starfsemi nefnda í faglegan farveg og gera þær sjálfstæðari og öflugri. Setja upp heildarmynd um starfsumhverfi þeirra, vinna nákvæma verkefnaskiptingu, skipta hagsmunaumhverfi klúbbsins upp á milli þeirra og skilgreina starfs- og málefnaskiptingu. Allar nefndir ættu að skila starfsáætlunum mánuði eftir aðalfund, allir fundir nefnda ættu að vera boðaðir með fundardagskrá og fundargerðum ætti að skila eftir hvern fund. Allar fundargerðir nefnda og stjórnar ættu að verar aðgengilegar á netinu og öll starfsemi klúbbsins þyrti að vera aðgengileg og sýnileg. Með þessu væri hinn almenni félagsmaður betur upplýstur um starfið í klúbbnum, meira meðvitaður um þau verkefni sem væru í gangi á hverjum tíma og yrði jákvæðari gangnvart klúbbnum.Byggja þarf upp öflugt samstarf við deildir
Taka þarf upp öflugt og markvisst samstarf við og á milli landsbyggðadeilda og setja starfumhverfi þeirra og móðurklúbbsins í skipulagðan farveg um faglegt samskipti. Aðgengi að upplýsingar á hverjum tíma þyrfti að auka og móðurklúbbur og landsbyggðadeildir þyrftu að sameinast um heildarumhverfi á vefnum með aðgengi að upplýsingum á sameiginlegri vefsíðu.Leggja þarf grunn að spennandi og öflugri vefsíðu
Taka þarf vefsíðu klúbbsins og endurvinna útlit og uppbyggingu hennar. Nýta fyrri vinnu við skipulag í uppbyggingu eins og kostur er, en setja á hana nýtt andlit (sjá möguleika). Hafa tengingar inn á sem flesta þætti í starfsemi klúbbsins. Hafa innskráningu félaga á netinu og geta tekið á móti greiðslu með kreditkortum fyrir félagsgjöld og vegna sölu á kynningarvörum félagsins. Kynna á síðunni starfsemina í Setrinu og birta pöntunardagatal um lausan tíma fyrir gistingu. Setja ritnefnd yfir vefin sem vinni eftir vel skilgreindum markmiðum um framsetningu og virkni hans.Möguleg framtíðarmarkmið fyrir Ferðaklúbbinn 4×4
• Hafa 10.000 greiðandi félagsmenn innan næstu fimm ára
• Hafa tvo til þrjá starfsmenn í fullu starfi til að sinna daglegum rekstri og hagsmunamálum
• Bjóði upp á öflugt námskeiðaumhverfi fyrir klúbbmeðlimi og almennt ferðafólk á hálendinu
• Hafa framboð á ferðum fyrir félagsmenn á öllum stærðum hálendisbíla
• Efla verulega hagsmunagæslu klúbbsins í málefnum almannaréttar og ferðafrelsis á Íslandi
• Sameina klúbbinn, almenning og ferðaþjónustu í skynsamlegri hagsmunagæslu um ferðafrelsi
• Byggja upp sameiginlega upplýsingaveitu móðurfélags og landsbyggðadeilda á sameiginlegri vefsíðu
• Setja upp faglegt og markvisst samstarfsumhverfi allra deilda og móðurfélags FerðaklúbbsinsHugsum málin upp á nýtt og sköpum nýja framtíð
Það er kominn tími til að hugsa málin upp á nýtt og taka stóra/litla klíkuklúbbinn okkar og gera hann að alvöru afli í baráttu fyrir betri framtíð í ferðamennsku, skynsamlegu ferðafrelsi og almannarétti til að ferðast um landið.Setja þarf umræðu um starfsemi og rekstur klúbbsins í faglegan og vel skipulagðan farveg til að leggja grunn að þeirri framtíð sem við viljum ná fram fyrir klúbbmeðlimi og almenning í ferðamennsku á Íslandi.
Við getum stuðlað að breytingum á aðalfundinum í maí. Hugsum því vel hvaða aðilar eru best til þess fallnir að leiða nýja tíma og leggja af mörkum það sem þarf til að stýra starfinu í klúbbnum inn á árangursríkari brautir. Gerið kröfu til þess að þeir sem þið ætlið að kjósa, hafi hugsjónir til að byggja klúbbinn upp og gera hann að alvöru afli í íslensku samfélagi. Skoðið ekki bara hverjir gefa kost á sér í stjórn, heldur einnig hverjir gefa kost á sér í nefndir. Ekki kjósa aftur sömu aðila, ef ykkur finnst þeir ekki hafa staðið sig nógu vel.Að lokum langar mig að segja frá ummælum góðs samstarfsaðila innan klúbbsins sem í raun var kveikjan að því að setja saman þennan pistil. Hann sagði að “ef ég hefði ekkert jákvætt um málin að segja, þá ætti ég að gera eitthvað annað” og þetta var hárrétt honum. Mitt svar við þessu var að setjast niður og skilgreina persónulegt mat á stöðunni og síðan að koma með jákvæðar tillögur til breytinga.
Ég hef mikinn metnað fyrir hönd klúbbsins okkar og vona að þessi pistil leggi grunn að árangursríkum breytingum á starfi klúbbsins. Til að það gerist þarf að skapa uppbyggilega og málefnalega umræðu og alls ekki tengja hana persónulega einstaklingum eða hópum innan klúbbsins. Ég hef kynnst og unnið með mörgum frábærum einstaklingum í mínu starfi innan klúbbsins síðustu árin og aldrei fundið annað en að þeir aðilar væru að vinna klúbbnum vel og samkvæmt þeirri sannfæringu að vera gera góða og heiðarlega hluti. Ég vill færa þeim öllum góða kveðju og þakka fyrir ánægjulegt samstarf og einstaka upplifun síðustu þrjú árin.
Guðmundur G. Kristinsson
Félagsmaður nr. R3846 í Ferðaklúbbnum 4×4
-
Replies
-
Það var þá aldeilis framboðsræðan.
kv Gísli sem vill halda klúbbnum sem klúbbi ekki fyrirtæki.
Það er misskilningur að þetta sé einhver framboðsræða, ég verð ekki í framboði í nein embætti hjá klúbbnum á komandi aðalfundi. Tek einnig heilshugar undir það að halda verði í þann anda að klúbburinn sé og verði klúbbur, en ekki fyrirtæki. Við höfum orðið undir í okkar hagsmunamálum undanfarin ár, en hlutverk klúbbsins okkar er fyrst og fremst að standa fyrir okkar hagsmunum og þar þarf að gera betur.
Guðmundur G. Kristinsson
Sælir félagar
Sammála því að efla klúbbinn bæði móðurfélag og deildir.
Margir góðir punktar hjá Guðmundi og ég þakka þér Guðmundur fyrir mjög gott innlegg.
Ég tel að engin stjórn hafi haft betra samband við deildir en sú núverandi með Sveinbjörn í fararbroddi..
Held að það verði erfitt að toppa Sveinbjörn og hans stjórn.
Við í Ey4x4 höfum haldið málefnalega fundi, tekið þátt í ferðafrelsinu (sem er á landsvísu) og reynt að koma með vitrænar tillögur varðandi þau mál.
EN BETUR MÁ EF DUGA SKAL. Hvet alla sem hafa tíma til, að gefa sig fram í næstu stjórn og nefndarstörf. Nefndarstörf eru gríðarlega mikilvæg fyrir bæði rekstur og félagslíf klúbbsins. Þessi störf eru bæði gefandi og nokk skemmtileg.Bestu kveðjur
Elli.
og á meðan hefur Ferðafélag Íslands tekið völdin og nánast fengið alræðisvald á hálendinu.
Ég hef mikinn metnað fyrir hönd klúbbsins okkar og vona að þessi pistil leggi grunn að árangursríkum breytingum á starfi klúbbsins. Ég hef mikinn metnað fyrir hönd klúbbsins okkar og vona að þessi pistil leggi grunn að árangursríkum breytingum á starfi klúbbsins. Til að það gerist þarf að skapa uppbyggilega og málefnalega umræðu og alls ekki tengja hana persónulega einstaklingum eða hópum innan klúbbsins……. Ég tók þessar línur úr pistlinum hér að ofan þetta er góð grein og göfug markmið og á ég þá ósk að klúbburinn vaxi og dafni en það hefur farið í taugarnar á mér undanfarið sú neikvæða umræða sem hefur skapast um Ferðafélag Íslands félag sem ég er búinn að vera félagsmaður síðan 1985 og starfsmaður undanfarin ár ég er einnig félagsmaður hér í þessum ágæta klúbbi en efast stundum um hvar ég stend finn oft fyrir köldum blæstri þegar ég hef komið á fundi (mætti einu sinni alveg óvart í vinnugallanum frá FÍ merktur í bak og fyrir á fund þar sem Vonarskarðsmálið var til umræðu) 😉 Ég eins og svo margir aðrir félagsmenn vill fá að aka mínum fjallabíl á hefðbundnum slóðum sem við höfum ekið í gegn um tíðina og er ekki beint glaður með þessar lokanir sem eru framundan.En að því sem mig langaði að skrifa um er þetta hér að ofan "Til að það gerist þarf að skapa uppbyggilega og málefnalega umræðu og alls ekki tengja hana persónulega einstaklingum eða hópum innan klúbbsins…….Núna er ég að tala um 1 stjórnarmann í Fí sem er að gera allt vitlaust Hann er ekki Ferðafélagið og hvað skyldum við hin vera mörg sem viljum vera í þessum báðum félögum í sátt og samlyndi ég vill ekki þurfa að skammast mín fyrir að vera í þeim báðum í einu .
Kveðja Halldór Hafdal Ö1433 (F’I Dóri)
Komdu sæll Halldór.
Viltu segja mér hver þessi ferðafélagsmaður er.
Við sveitamennirnir erum svo afskaplega úti á þekju.
Bestu kveðjur,
Elli.
Sælir.
Fékk SMS skeyti í dag og sennilega er þessi maður Páll Ásgeir Ásgeirsson.
Ef það er rétt þá er búið að aðstoða þennan mann og hans ferðafélöga á fjöllum af jeppamönnum svo um munar.
Páll Ásgeir ferðaðist hér á árum áður á jeppum og ég hef fulla vissu fyrir því að hann sem og aðrir á þeim tíma hafi búið til slóðir sem í dag eu kallaðar, óæskelegar slóðir, utanvegaakstur eða eitthvað í þeim dúr.
Nú er hinsvegar öldin önnur og við félagar í F4x4 stuðlum að stikun, skiltagerð og öðrum þeim aðgerðum sem hvetja ferðalanga til að keyra eftir vegum hálendisins án þess að aka utanvega. Eitt veit ég fyrir víst að Páll Ásgeir hefur ekki gefið sér tíma til að leiðbeina á fjallvegum og slóðum eins og félagar í F4x4.Bestu kveðjur,
Elli.
ææ þetta var það sem ég óttaðist
Sælir félagar.
Eins og þessi pistill snýst um þá er eitt af þeim málum sem þarf að vinna í eru ferðafrelsismálin.
Hvet alla félaga að skoða í sínum ranni og koma skilaboðum til stjórnar eða ferðafrelsisnefndarinnar hafi þeir vitneskju um óeðlilegar athafnir varðandi tildrög verndaráætlunar VJÞ. Þar á ég við tengsl manna og kvenna sem komu að stjórnunar og verndaráætlunar VJÞ.Bestu kveðjur,
Elli.
Ég tek undir þetta hjá þér Elías um að Sveinbjörn og félagar hafi gert marg gott s.s. samstarf við deildir. Ég veit frá fyrstu hendi hversu ötull Sveinbjörn og hans stjórn hafa verið síðustu árin, en þeir tóku við klúbbnum við einstaklega erfiðar aðstæður fyrir þremur árum og hefur tekist að koma á ró og friði eftir mikið stríð og ósætti.
Klúbburinn hefur bara ekki verið nógu skipulagður, vinna í hagsmunagæslu ekki nógu markviss síðustu árin og alltof fáir aðilar sem hafa dregið vagninn. Við höfum innan félagsins mikinn fjölda fólks sem hefur mikla reynslu og þekkingu, en af einhverjum ástæðum hefur þetta fólk ekki nema í litlum mæli gefið kost á sér í starf fyrir klúbbinn.
Klúbburinn hefur ekki verið með starfmenn síðustu árin og fólk kannski þess vegna veigrað sér við því að gefa kost á sér í sjálfboðavinnu. Vinna í þessari hagsmunagæslu er mikil og alltaf hætt við því að þeir sem gefa kost á sér í sjálfboðaliðsstarf drukkni í þessu. Það þekki ég frá fyrstu hendi.
Það er líka eins og flestir innan klúbbsins séu smeikir við að tjá sig um breytingar eða hafa skoðanir á starfi klúbbsins á spjallinu, en líklega má rekja það til þess ástands sem var í félagsstarfinu fyrir nokkrum árum. Þetta sést vel á því hversu fáir hafa tjáð sig hér um mínar tillögur sem ég setti fram hér á spjallinu, en því miður virðist einhver þöggun eða hræðsla hafa skapast innan klúbbsins síðustu árin í þessum málum. Við verðum samt að ræða saman og hafa skoðanir til að ná betri árangri í okkar málum. Opin málefnaleg og heiðarleg umræða getur aldrei skaðað og er áríðandi til að leggja grunn að því hvert við ætlum með klúbbinn okkar.
Guðmundur G. Kristinsson
Ég get ekki annað en verið sammála Guðmundi og Elíasi um flest allt sem þeir setja fram,en Halldór bendir líka réttilega á að það að vera í Fí er ekki sama sem að vera sammála stefnu þess félags eða skoðun einstakra einstaklinga og svo merkilegt sem það kann nú að virðast þá hefur verið í gegnum tíðina mikið samstarf á milli þessa félaga og óneitanlega hefur Fí gert marga góða hluti í gegnum árin,en þó skal hafa í huga að Útivist var stofnað af félögum Fí sem ekki voru sammála stefnu þess á þeim tíma,svo við skulum ekki dæma alla sem einn.
Ég hef enga trú á að það sé nein þöggun í gangi innann okkar raða,ég held að menn séu sammála um að átökin sem urðu fyrir 3 árum hafi gengið of langt og vandi sig þess vegna frekar í skrifum hér á vefnum og er það vel.
Sveinbjörn og hans menn í stjórn hafa unnið afar gott starf og fengið mörgum góðum málum komið í gegn og eflt starf nefnda og með jákvæðni og ötuleika að vopni gert gott starf betra.
Guðmundur bendir réttilega á að það þarf að fara fram öflug umræða um framtíðna og áherslur klúbbsins og sé það gert málefnalega og af hreinskilni getur það ekkert annað en eflt starfið um allt land,að öðruleiti tek ég heilshugar undir með félögum mínum og hef fulla trú á að það muni birta til í ferðafrelsismálum þó að það sé bylur í augnablikinu,setjum bara í framdrifið,gpsinn á næsta punkt og höldum ótrauðir áfram.
Kveðja Klakinn
Það er margt í þessari umræðu hérna. Og í mörgu er ég sammála því sem Guðmundur setur fram í sínum pistli. En svolítið skondið er þó samt að sjá hann tala um að við eigum að velja úr mönnum og ekki kjósa menn aftur ef okkur finnast þeir ekki hafa staðið sig nógu vel. Tilfellið er nefnilega það að mjög oft kemur ekki til kosninga vegna þess að ekki næst nægur mannskapur til að manna stjórn og nefndir. Því miður. Að standa í því að vera í stjórn Ferðaklúbbsins er síður en svo eitthvað sem menn hrista fram úr erminni. Og tilfellið er að það þyrfti í raun eins og tímarnir og málefnin eru nú um stundir að hafa formann í fullu starfi og á fullum launum. Þetta er mikil og stanslaus PR vinna sem þarf að fara fram, mynda þarf tengsl við fullt af aðilum innan opinbera geirans og það er þeim annmörkum háð að það fólk vinnur yfirleitt bara frá átta til fjögur og er svo farið heim. Sifellt er verið að skifta um fólk í stofnunum og ráðuneytum og þá þarf að byrja á að koma sér í tengsl við þann sem tekur við o.s.frv. M.ö.o. menn eru að taka af vinnutíma sínum til að eiga fundi með hinum og þessum aðilum og það eru ekkert margir hæfir menn í boði sem eru tilbúnir eða hreint og beint geta tekið af vinnutíma sínum í svona lagað. Og annað er svo að það er ekkert öllum gefið að standa í málum sem þessum, málum, sem ég kalla óáþreifanlegu málin. Sjálfur var ég í umhverfisnefnd fyrir þremur árum og ætlaði að láta gott af mér leiða þar en komst fljótt að því að þessi svokölluðu „bírókratamál“ voru mál sem ég var ekkert að höndla, bæði hvað varðaði það að geta hlaupið úr vinnu einhverntíma dags þegar einhverjum „átta til fjögur“ manninum hentaði að eiga fundartíma eða yfirleitt að höndla öll þessu samskifti manna á milli sem stöðugt urðu að eiga sér stað. Menn brenna fljótt upp í svona skaki. Og ég tek ofan fyrir þeim mönnum sem hafa verið að gefa af dýrmætum tíma sínum í þessi mál og eru yfirleitt færir um að höndla þau. Eins og staðan er núna get ég séð fyrir mér fáeina einstaklinga innan klúbbsins sem væru hæfir í að leiða klúbbinn í gegnum þá brotsjói sem framundan eru. Hvort svo þeir einstaklingar eru svo tilbúnir til að setja sig út í þann ólgusjó sem starfið krefst, og fyrir ekkert nema áhugann og eldmóðinn og litlar þakkir yfirleitt er svo annað mál og ætla ég ekki að lá þeim þó að þeir gefi ekki kost á sér í slíkt. Ég get ekki annað en vonað að einhver af þessum mönnum sem ég horfi til gefi kost á sér, klúbbnum til heilla.
Mbk. Logi Már.
Þráður uppfærður
Til gamans þá langar mig að setja hér inn tillögu fyrrverandi rýnihóps um útlitsbreytingu á vefsíðu F4x4 http://www.ferdafrelsi.is/ggk/f4x4.htm. Þessi myndræna tillaga var byggð á þeirri hugmyndafræði að gera andlitið skilvirkara og auðvelda félagsmönnum að finna það sem verið væri að leita að hverju sinni. Hafa verður í huga að þetta útlit var sett fram sem hugmynd að grunni til að þróa áfram. þetta er einföld html mynd með flashi og því engin virkni á þessu andliti. þetta er bara hugsað sem hugmynd að útliti.
Guðmundur G. Kristinsson
Það hefur komið fram að Hafliði Sigtryggur Magnússon ætlar að bjóða sig fram til formanns. Hvaða stefnumörkun ætlar Hafliði að hafa fyrir klúbbinn í sínu starfi sem formaður. Það væri sérstaklega gaman að sjá og heyra hans stefnumörkun í málefnum vefnefndar og varðandi vefsíðu klúbbsins, en hann hefur tengst þeim málum í nokkuð langan tíma.
Ég skora á Hafliða að setja fram þær áherslur sem hann ætlar að beita sér fyrir í starfi klúbbsins sem formaður.
Guðmundur G. Kristinsson
[b:2axi6357] Ég skora hér með á þig Guðmundur, að gefa kost á þér til stjórnarkjörs á komandi aðalfundi. [/b:2axi6357]
Það býr greinilega mjög skipulagður og öflugur starfskraftur í þér, og hefur þú sýnt það og sannað bæði í ræðu og riti.Kv. Magnús G.
Mig langar að koma því á framfæri að samkvæmt nýjustu fréttum virðist hafa orðið stefnubreyting í vefmálum og sveigja tekin í átt að því sem rýnihópurinn lagði til. Einnig heyrði ég að Hafliði hefði leitt þessa stefnubreytingu, þannig að með því hefur hann svarað því sem ég spurði um hér að framan. Við þurfum einmitt aðila inn í starfið hjá klúbbnum okkar sem eru tilbúnir að leiða breytingar og leggja grunn að skilvirkari útfærslum í umhverfinu. Þessa vegna vill ég lýsa yfir persónulegum stuðningi við framboð Hafliða til formanns, hann ætlar greinilega að legga grunn að breytingum!!!
Guðmundur G. Kristinsson
Nú þekki ég Hafliða akkúrat ekki neitt, en vona að honum eigi eftir að ganga vel í starfi formanns. en gott að menn eru farnir að ræða málefni klúbbsins opinskátt og af alvöru, og er þá bara spurninginn hvernig ég og fleiri getir nýst klúbbnum sem best á komandi árum….
kv. Bæring
You must be logged in to reply to this topic.