This topic contains 14 replies, has 1 voice, and was last updated by 
-
Topic
-
Birti hér grein sem ég skrifaði fyrir nokkrum mánuðum, en hef ekki þorað að birt í fjölmiðlum. Set þessa grein hér inn til umhugsunar fyrir þá sem finnst fámenn öfgaklíka náttúruverndarsinna vera að herja á okkar ferðaumhverfi.
Guðmundur G. Kristinsson
Nota náttúruverndarsinnar falin vopn?
– loka þeir hálendinu til að ekki verði byggðar virkjanir og álverÞað hefur verið skondið að fylgjast með umræðu og umfjöllun um náttúruvernd á Íslandi undanfarin ár. Þar hefur farið fremst sjálfskipað baráttufólk með mikla andagift sem segist vera að berjast fyrir sig, mig og alla hina í landinu sem ekki þora eða vilja tjá sig. Þarna má sjá mikið af listafólki, rithöfundum, leikurum og öðrum sem telja sig skapandi fólk með mikla ábyrgðartilfynningu fyrir landinu.
Maður fylltist stollti á þessu fólki að standa upp og tala fyrir heilagri baráttu um fallegt land til framtíðar sem ekki megi spilla með virkjunum og þeim framkvæmdum sem fylgja stóriðju. Oftar en ekki talar þetta fólk fyrir grænum atvinnuskapandi verkefnum sem eigi að taka upp í staðinn fyrir byggingu álvera. Það sé meira í lagi að byggja orkuver til að skapa grænum verkefnum tækifæri, en hinum megunarmiklu álverum. Því miður finnst mér þessir sömu aðilar líka hafa staðið í veginum fyrir grænu verkefnunum!!
Bíðum við, þetta hljómar alveg rosalega vel. Meira segja ég keypti þetta lengi vel, allavega að hluta til. Upp á síðkastið hef ég farið að efast um heiðarleika þessara aðila og að kannski sé eitthvað annað á bak við þetta allt! Stækkun á Þjórárverum var það mál sem setti upp hjá mér spurningar um raunverulegan tilgang fyrir náttúruvernd. Voru þessir aðilar kannski bara á móti virkjanaframkvæmdum á svæðinu og voru að misnota baráttu fyrir náttúruverndun með stækkun friðlandsins, til að koma í veg fyrir virkjanaframkvæmdir á svæðinu og þar með að ekki væri hægt að byggja álver.
Þessi efi um heiðarleika þessara aðila kom líka upp hjá mér varðandi Vatnajökulsþjóðgarð, en þar átti að loka mörgum ferðaleiðum og engin náttúrufræðileg rök virtust liggja þarna að baki. Í grein frá nokkrum þjóðgarðsvörðum fékk ég staðfest að eitthvað skrýtið væri þarna á ferðinni. Þau segja að Vonarskarðleið sem átti að loka, sé eingöngu fær breyttum jeppum. Ég þekki nefnilega fólk sem hefur farið þarna á Subarú, sem varla getur talist breyttur jeppi. Tekið skal fram að Subarúinn var óbreyttur. Vonarskarðsleið hefur verið þjóðleið íslendinga yfir hálendið í hundruði ára.
Eftir að hafa fengið bakþanka um þessa baráttuglöðu náttúruverndarsinna, held ég að við sem teljumst til hins almenna almúga í þessu umhverfi, þurfum að fara að leggja okkar af mörkum inn í umræðuna í þessum málaflokkum. Við megum ekki láta eitthvað baráttuglatt fólk með einhverja furðulega hugmyndafræði taka okkur og nota sem viljalaust verkfæri í baráttu, sem við viljum kannski ekki taka þátt í.
Ég er félagi í Ferðaklúbbnum 4×4 og hef mikið ekið um hálendi Íslands, bæði að sumri og vetri. Ég er í nefnd klúbbsins sem stendur fyrir nýliðaferðum fyrir fólk sem er að byrja að ferðast inn á hálendið og þar hafa þúsundir aðila fengið námskeið og kennslu í að ferðast á ábyrgan hátt um hálendi Íslands. Mér blöskraði þegar átti að loka leiðum í Vatnajökulsþjóðgarði með engum haldbærum rökum og banna akstur á snjó í Þjórsárverum. Ég ákvað persónulega ásamt mörgum öðrum að berjast fyrir skynsamlegri stefnu í þessum málum og hætta að láta baráttuglaða öfgasinna nota mig sem viljalaust verkfæri.
Ég er ekki að berjast fyrir álverum eða virkjum, heldur skynsamlegri þátttöku almennings í uppbyggingu á landinu til framtíðar. Þess vegna hvet ég alla almenna íslendinga til að vakna og láta í sér heyra. Ekki láta misvirta sérhagsmunaaðila draga ykkur á asnaeyrunum inn í eithvert framtíðarsamfélag sem byggist á hugmyndafræði sem byggð er á blekkingum.
-
Replies
-
Fín grein hjá þér Guðmundur og hún á alveg erindi fyrir almenningssjónir að mínu mati.
kv.Óli
Guðmundur! Finnst að þú ættir að fínpússa þetta og birta. En vertu viðbúinn því að þeir sem þú fjallar um í greininni rísi upp á afturlappirnar og skæli ógurlega og þú þarft að vera viðbúinn því. En ég er líka alveg viss um að einhverjir muni vera tilbúnir að aðstoða þig í að svara til baka. L.
Sæll Guðmundur.
Þetta er fín birjun og láttu þetta bara vaða, það kemur þá í ljós hverjir það eru sem hafa misnotað náttúruvermdar sjónarmið öfgum sínum til framdráttar , ef þeir fara að svara þessu.
Kv. Stefán Baldvinsson. R-266.
Flott og hnitmiðuð grein hjá þér Guðmundur. Sendu þetta bara í blöðin og svo fyljum við því eftir með samkeyrslu um allann bæinn eins og við gerðum í bensínmótmælunum hér um árið. Herjum á þetta misvitra möppudýralið sem vill banna allt sem sérstaklega er ekki leyft (Norska leiðin). Ef við minnum ekki á okkur og okkar baráttu mun bara verið vaðið yfir okkur á skítugum skónum.
[b:7ct0c0vk]Gleðilegt nýár og þakka þessum frábæra félagskap samstafið og vinskapinn á liðnum árum.
Gangið hægt um gleðinnar dyr.[/b:7ct0c0vk]Kveðja Magnús G
Það er vissulega hagur þeirra aðila sem hafa hagsmuni af því að selja gönguferðir að sem flestum slóðum og landsvæðum sé lokað. Enda legga þessir aðilar á það ofuráherslu að sem mestu og flestu sé lokað og skáka þeir í skjóli náttúruverndar. Það er stundum spaugilegt og jafnframt sorglegt að þessi sömu meintu náttúruverndarsinnar vilja í einlægni lálendisvæða hálendið. Þetta er fólkið sem vill koma á einhverskonar ofurskipulagi á allt, þar sem stóri bróðir á að ráða öllu enda telja þessir aðila að þeir séu bestu vinir aðals. Sem þeir kannski eru að þessu sinni. En þeim hefur ekki sést fyrir í vitleysunni og æða fram einsog naut í flagi og ætla sér að leggja á okkur náttúrverndaráætlun sem geinilega er ættuð úr víti, demba á okkur hroðvirknislegum endurskoðuðum náttúruverndarlög endurskoðuðum af bestu vinum aðals. Bestu vinir aðals hafa komið sér vel fyrir í hverri holunni af annarri í skjóli náttúruverndar og undir verndarvæng VG. Þeir röðuðu sér á jötunna í Vatnajökulsgarði, Reykjarnesfólkvangi og í friðlandsmálinu í Þjórsárverum. Hverjir skildu þetta nú vera ?
Það þarf nákvæmlega ekkert að fínpússa þessa grein. Hún er örugglega betur smíðuð af Guðmundi en meðaltalsgreinar lásý og lélegra blaðamanna sem nú vaða upp á mörgum fjölmiðlum
Heyr. Beint í Mbl og Fréttablaðið.
//BP
Takk fyrir frábærar undirtektir og stuðning í því að birta þetta. Held að Logi hafi nokkuð rétt fyrir sér að þetta lið "rísi upp á afturlappirnar og skæli ógurlega" og það verður þá bara að taka því.
Við þurfum kannski líka að endurskoða okkar baráttuaferðir og ekki vera hrædd við að nota þeirra eigin aðferðir. Þetta lið hefur nefnilega innrætt hjá þjóðinni ranghugsun með sífelldri endurtekningu á alröngum forsendum s.s. auknum utanvegaakstri og auknum náttúruskemmdum sem engar vísindalegar staðfestingar eru til um.
Guðmundur G. Kristinsson
Anonymous- Umræður: 0
- Svör: 16404
Strákar ekki láta eins og börn sem þurft hafa að lifa við heimilisofbeldi í gegnum áratugina og slegin hafa verið fingurna á. Þessi grein er langt frá því að vera nógu persónuleg. Þið vitið hvers vegna ekki hafa verið reyst fangelsi hér á landi í marga áratugi. Menn í vellystingum grafa ekki eigin gröf. Með illu skal illt út reka. Það þarf að herja með vægðarlausri sanngirni á þessa einstaklinga sem sýna þjóðinni yfirgang og lítilsvirðingu. Ekki er hægt að læsa okkur inni því engir eru klefarnir. Hitt er að beita ofbeldisfullum fjársektum sem er ekki nýtt. Þá er að velja að borga sektina og eiga ekki ofan í sig að éta eða næra sig og ganga berfættur og eignalaus út á malbikið. Nú er að leita að eldinum í öllu þessu reykjarkófi og hreinsa til.
Kveðja SBS. Ekki láta mig drepa þennan þráð og áfram.
Sælir
Ég sá aldrei fyrir mér annað en að Vatnajökulsþjóðgarður og stækkun Þjóðgarðs við Þjórsárver væri nokkuð annað en trygging fyrir því að ekki yrði virkjað á þessum stöðum. Þar að auki eru sömu vanvitar að færa stjórn á öllu hálendinu til Reykjavíkur sem eru mestu hryðjuverkin af þessu öllu.
Auðvitað má laga greinina til en að mínu mati er hún tæplega nógu hvöss, ruggar bátnum ekki nógu mikið.
Kv Jón Garðar
Nú er komin upp krítísk staða, því greinin sem ég skrifaði um ákveðinn hópur tæki að sér að tala fyrir mig, þig og alla hina er nú kominn enn og aftur fram og segist tala sem "Raddir þjóðarinnar".
Ekki ætla ég enn sem komið er að taka afstöðu í því máli sem virðist vera undirstaðan fyrir þeirra baráttu. Mig vantar of mikið af upplýsingum og útfærslum á stefnumótun í því máli til að hægt sé að taka afstöðu. Það á við mörg mál þessa dagana þar er líklega aðild að Evrópusambandinu stærsta málið.
Hvað finnst ykkur um að þessi hópur fari fram undir þessu nafni "Raddir þjóðarinnar" og segist með því leynt og ljóst taka að sér að tala fyrir okkur hin í samfélaginu. Viljum við að hópur sem þessi vinni stefnumótun í stórum landsmálum og munum við sem þjóð fylgja svona hóp. Hvar stoppar þetta, hvaða málefni koma næst og hver verður okkar framtíð með svona áherslum.
Því miður þá virðist stór hluti þjóðarinnar standa til hliðar og vera ósáttur, en kemur ekki fram til að taka í alvöru þátt í mótun á samfélaginu. Þessi hópur lýsir yfir óánægju sinni með því að mæta ekki á kjörstað (kom vel fram í siðustu sveitarstjórnakosningingum) eða með því að kjósa yfir sig stjórnmálahópa sem hafa nánast engin alvöru markmið eða stefnu og segjast jafnvel ætla að brjóta öll kosningaloforð.
Þetta er umhverfið sem við erum að eiga við í okkar frelsisbáráttumálum, við erum oft að berjast við hópa sem hafa yfirlýsta stefnumótun samkvæmt aðgerðum, en afneita henni opinberlega. Eru á móti alverum og virkjunum og beita náttúruvernd sem baráttutæki til að ná árangri í baráttunni gegn virkjunum, álverum og stóriðju. Hvað með Draumalandið, eitt frægast áróðursverkefni þessa "Radda þjóðarinnar". Hverju skilaði það, var þetta Draumaland til hagsbóta fyrir þjóðina til lengri tíma.
Við sem erum raunverulega þjóðin og viljum hafa frelsi til að ferðast, frelsi til athafna, frelsi til framkvæmda, frelsi til skoðana, þurfum að standa upp og taka til máls. Við megum ekki láta einhverja menntahópa, listafólk, rithöfunda eða aðra taka okkar málefnalega umhverfi og jafnvel tala í okkar nafni. Þeir sem voru okkar fulltrúar í svæðisráðum Vatnajökulsþjóðgarðs voru að tala fyrir aðra en okkur. Við þetta venjulega fólk (þjóðin innan F4x4) sitjum síðan uppi með vandamálið og þurfum að takast á við það.
Ég er ekki að leggja mat á hugsjónir þessara aðila hér að ofan, þær eru vafalaust byggðar á góðum hug. Við sem erum í alvöru þjóðin, þurfum bara að passa okkur á að láta ekki einhverja hópa taka okkar samfélag og fara með það eitthvað sem við viljum ekki og leggja grunn að einhverju sem jafnvel er óafturkræft ef illa fer. Við höfum dæmi frá Bandaríkjunum þar sem 95% ferðafrelsis var bannað og baráttan fór að snúast um að ná til baka nokkrum prósentum.
Guðmundur G. Kristinsson
Það væri nú skemmtilegt að fá nánari skilgreiningi á þessu "raddir þjóðarinnar" því eftir mikið gúgl finn ég ekki neitt ?
Þetta er munnlegt nafn hópsins sem stendur fyrir karókíi og söfnun undirskrifta gegn sölu á HS orku og undirskriftasöfnun um kröfu á þjóðaratkvæðageiðslu um um eignarhald á orkuauðlindum Íslands og nýtingu þeirra. Það sem pirrar mig er að þessir aðilar taki sér það að tala fyrir mig og aðra með því að kalla þetta "Raddir þjóðarinnar" Ég er kannski sammála eða ósammála málefninu, en hvorki þessir eða aðrir tala fyrir mig.
Gumundur G. Kristinsson
Tek undir hvert orð sem þú segir Guðmundur.
Kveðja
Sigvaldi
You must be logged in to reply to this topic.