Norsk Veðursíða

Maður hefur verið að nota þessa síðu svolítið og líkað vel en eru þessar veðurspár ekki byggðar á einhverjum alþjóðlegum veðurgögnum? Ég vissi ekki að norska veðurstofan væri með veðurstöðvar á íslandi eru menn nokkuð að tuglast á því og þessum punktaspám sem þeir eru að bjóða uppá, spyr sá sem ekki veit.

Varðandi yr.no þá held ég að ég megi segja að hún sé ekki með eigin veðurathuganir hér á landi, heldur eru þetta tölvukeyrðar spár,sem byggja á þeim athugunum, sem gerðar eru hér á landi, bæði af Veðurstofu, Vegagerð, Landsvirkjun, Siglingastofnun og e.t.v. fleirum. yr.no. er ein af þeim spásíðum, sem margir kíkja á. Spásíður eru hinsvegar nokkrar og iðulega ber spám þeirra ekki saman. Yfirleitt er grunnur allra tölvuspáa sá sami eða svipaður. Stærstu spárnar byggja á alþjóðlegu samstarfi um veðurathuganir og veðurspár, enda þarf gríðarlega stór og öflug tölvukerfi til að vinna þær. Síðan útfæra hinar ýmsu veðurstofur og tölvumiðstöðvar spár fyrir takmarkaðri svæði eftir sínum gagnagrunnum. Mér finnst fyrir mitt leyti að það þurfi að skoða nokkrar spár til að fá einhvern grunn til að fara eftir. Ég myndi aldrei reiða mig eingöngu á spár yr.no., til þess finnst mér reynslan hafa kennt mér að þær séu alls ekki nógu áreiðanlegar fyrir Ísland og einstök spásvæði hér og t.d. Belgingur.is talsvert áreiðanlegri. Ég geri fyrir mína parta þær kröfur til veðurspáa, að þær séu nokkuð áreiðanlegar, spástofur sem spá besta veðrinu eru ekki endilega þær áreiðanlegustu. – Veðurspár Veðurstofu Íslands eru hinsvegar þrátt fyrir marga galla það skársta, sem við eigum kost á. Veðurstofan var búin að spá því nærri alla vikuna, að vont veður myndi skella á bæði á Norðurlandi og Miðhálendinu um eða upp úr hádegi á sunnudag. Það stóðst hér allavega. Hitt er aftur annað mál, að við getum aldrei komið algjörlega í veg fyrir að óhöpp verði, eina leiðin væri sú að enginn færi nokkurn tíma nokkurn skapaðan hlut. Margir þeirra, sem nú hafa spænt inn á bloggsíður og komment og fullyrða eitt og annað um ferðalög og hvað eigi að gera og hvað ekki, er einmitt fólk sem fer aldrei neitt og veit ekkert hvað það er að tala um, einmitt af þeim orsökum að það hefur aldrei kynnst neinu nema gangstéttinni í kringum húsið sitt, hvar svo sem það er nú búsett. Við eigum fullt af slíku liði hér úti á landi, það er ekki bundið við 101 Reykjavík, síður en svo.

Norska veður síðan stiðst við erlend verðurtungl þau sömu og íslenskar spár stiðjast við. Þær spár sem birtast á t.d stöð 2 ruv og mbl ásamt veðurstofu íslands eru elrend veðurtungl og veðurspá er reiknuð út frá þeim gögnum. Það sem norska síðan hefur framyfir t.d belging og mbl að síðan reiknar út staðhætti og tekur mið af landslagi eins og fjallendi og fleira sem skiptir miklu máli hvernig veður er að viðkomandi stað.

Við félagarnir höfum bara notað yr.no spána þegar hún er betri en hjá veðurstofunni.
//BP