This topic contains 9 replies, has 1 voice, and was last updated by 
-
Topic
-
Akureyringar og aðrir norðanmenn.
Er einhver áhugi fyrir því að fara dagstúr á Langjökul næsta sunnudag, legga af stað kl.08 og vera komnir heim aftur milli kl.21-22. Ég og Stebbi erum að velta því fyrir okkur að komast aðeins í snjó svo framalega sem það verði ekki mikill vindur. Látið vita hér sé áhugi sé fyrir hendi að skreppa og spóla aðeins.
-
Replies
-
Já, ég hef áhuga, ef ég fæ einhverstaðar far!!!
Kveðja:
Erlingur Harðar
Sælir,
ég renndi rétt upp í jökulinn við Jaka í dag, og það er að gera alveg glerhart og fínt færi þarna neðan til a.m.k.
Það verður væntanlega þrusufæri svo lengi sem frost helst.
Ingi
Útlit á að veður verði ágætt á morgun, hægviðri og skýjað og kanski éljagangur. Er enginn áhugi á að fara? Er eitthvað vitað um færi norður af jökli? Svona ef maður skyldi fara upp sunnan til og kanski norður af jökli heim, bara svona hugmynd. Kv Stefán
Eruð þið ekki ákveðnir í að fara ? Farið þið ekki upp frá Húsafelli ?
Jú ég reikna fastlega með að við förum upp frá jaka og ættum að vera þar um kl.12 á hádegi.
Þið ætlið að keyra malbikið frá Akureyri alla leið að Jaka til að máta ykkur á jökulinn ? Ef svo er gefur þetta orðinu malbiksriddari alveg glænýja merkingu. Á ekki að fara bara austurfyrir líka, það gæti verið hálka í Bakkaselsbrekkuni.
Góðar stundir
Jæja félagar, þá verður brottför af Gellunesti klukkan 08:00 í fyrramálið. Farið verður Kjöl og þá leiðinaá jökul, það er víst hálka á Holtavörðuheiðinni!! Elli minn, þú færð far með Benna er það ekki? En stundvísi er krafist!! Veðrið lítur vel út og ætti ekki að draga úr neinum vegna þess. Mbk Stefán
Jamm og jæja. Við Benni skruppum á jökul í dag, þurftum reyndar að fara malbikið í nokkra kílómetra en hei, hvað er það á milli vina!! Allavega, þá fórum við frá Ak í morgun og komum aftur í kvöld um kl 21, eftir að hafa farið á Langjökul í afleitu skyggni en með fínum félögum. Við voru sem sagt 2 að norðan og áttum stefnumót við einn bíl að sunnan, í Jaka en síðan bættust við 3 bílar í Jaka sem fóru með okkur á jökulinn. Sem sagt, færið var í lagi utan að mín 38" er ekki að virka fyrr en loftið hefur verið sogað úr dekkjunum og er 44" bílsins sárt saknað!! En hvað um það, við lögðum sem sagt á jökul og vorum verulega sviknir af útsíninu sem var 0, allavega vissi ég ekki hvort bíllin var að hreyfast mena að kíkja á GPS! En þetta var allt hið yndislegasta bras eða þannig, eina smá festu sá ég í sortanum en ekki annað. Sunnan bílarnir fóru síðan í Skálpa en við Benni snérum við og fórum í Jaka og heim. Ég kann þeim sunnanmönnum og að sjálfsögðu Benna, bestu þakkir fyrir daginn, vonandi sé ég Langjökul næst!! Myndir verða vonandi settar inn á morgun eða hinn, svona til að sýna "ekki" skyggnið, kv Stefán
sælir
Við félagarnir þökkum bara fyrir okkur, mun skemmtilegra að vera í samfloti með ykkur en að vera einbíla í þessu skyggni. Það var flott færi niður í Skálpanes og þar birti heldur betur til. Í kringum Skálpanes var hægt að bruna um alla heiða og móa á ís og snjó þótt sæist í einstaka steina og sprettum við vel úr spori þar. Það er komið sæmilegt sleðafæri þarna í kringum Skálpanes fyrir þá sem hafa áhuga á slíku en minni snjór sunnan við Bláfellið.
kveðja
Agnar
You must be logged in to reply to this topic.