This topic contains 4 replies, has 1 voice, and was last updated by 
-
Topic
-
HALLÓ, eru allir hættir að nöldra?????????
-
Replies
-
ok ekki nöldur heldur umræða um merkilega hluti.
Er ekki einhver sem liggur á stað sem er merkilegt að skoða í sumar.Ég veit um einn sem er laugavellir í laugavalladal, stórmerkilegur staður með nátturulegum potti og sturtu, fært fyrir smærri jeppa, stutt í merkilega staði og getið nú hvar hann er á landinu????.
Dalurinn er svaka sætur, og er austanlega á landinu.
Þá var líklega í fyrrasumar ruddur vegur (sneiðingur) ofaní ‘ann svo það var nánast fólksbílafært þangað.Sneiðingurinn var án frárennslisskurðar og er því núna líklega ekkert annað en risastórt svöðusár í hlíð dalsins (nema náttúrulega ítukallinum langi aftur í bað, þá kannski lagar’ann slóðann).
Þarf annars ekki í dag að setja svona framkvæmd í umhverfismat?
Annar sérstaklega flottur staður á landinu nefnist Húsavík, og er einnig austantil á landinu. Á góðum degi er sú vík hrein snilld. Jeppafært þangað, og gettu nú Beggi hvar hún er.
Nöldrari nr 2018.
Anonymous- Umræður: 0
- Svör: 16404
Rétt hjá Begga, það er þrælfínt að vera í tjaldi í Laugavalladal og sturtan sú næstbesta á landinu (sú besta er í Hveragilinu í Kverkfjöllum, það er svo öflugt axlanuddið í henni). Og svo þegar maður er kominn þangað er upplagt að dóla sér upp á hálsinn austan við dalinn (sem aðeins er fært jeppum!) og skoða Dimmugljúfur og ekki síður fossana í Sauðá þar sem hún rennur í Jöklu rétt ofan við gljúfrin. Þeir eru með þeim flottari.
Um að gera að skoða þetta meðan það er ennþá til!
Kv – Skúli H. Skúlason
Sammála með Laugavalladalinn.
Höfðabakkaafrétturinn er líka staður sem kom mér mjög skemmtilega á óvart þegar ég fór þangað fyrir tveimur sumrum.
Ég fann leiðarlýsingu í riti sem Arctic Trucks dreifði þá um vorið.
Þetta er sunnan Mýrdalsjökuls – farið af Þjóðvegi 1 rétt austan við Vík inn Kerlingardal.
Umhverfið er dálítið líkt Þórsmörk, mjög þröngt, bratt og vel gróið.
Það er meira að segja hægt að keyra alveg upp að jökli eftir frábærlega skemmtilegum slóða sem er ekki fyrir lofthrædda – sérstaklega ekki í bleytu.Það eru myndir og kort af þegar ég fór þarna undir http://www.pbase.com/arnora/hofdabakkaafrettur
kv.
Arnór
You must be logged in to reply to this topic.