This topic contains 8 replies, has 1 voice, and was last updated by 
-
Topic
-
Góðar fréttir fyrir jeppamenn, þessi tilkynning var að koma frá Símnum.
mbk.MundiNýlega var opnuð ný GSM- og NMT stöð á Sauðafelli í Vestur-Öræfum en Sauðafell er rétt norðan Snæfells. Stöðvunum er ætlað að bæta GSM- og NMT samband á framkvæmdasvæðum í sambandi við fyrirhugaða Kárhnjúkavirkjun.
NMT-kerfið mun þjóna viðpskiptavinum sínum um ókomin ár og ekkert annað kerfi er í sjónmáli sem hefur jafn þétta víðáttumikla dreifingu. Þess má geta að NMT getur boðið þjónustu á mjög hagstæðu verði og kostar svipað að hringja úr NMT-síma og úr GSM-síma. Síminn hefur rekstrarleyfi frá Póst- og fjarskiptastofnun til reksturs kerfisins fram til 2007 og er alveg ljóst að kerfið verður rekið til þess tíma. Í dag eru notendur NMT kerfisins rétt um 26.000. Ekkert bendir í dag til annars en Síminn óski eftir framlengingu rekstrarleyfinu, enda ljóst að eins og staðan er í dag að GSM- kerfið er ekki tilbúið til að taka yfir dreifingu og öryggi NMT kerfisins.
Síminn hefur til margra ára lagt sig fram um að þjóna og tryggja öryggi allra landsmanna, hvort sem þeir eru staddir á sjó eða landi, jafnt í alfaraleið sem utan. NMT er langdræga farsímakerfið og eru kostir kerfisins fyrir ferðalanga og atvinnustarfsemi ýmiss konar ótvíræðir. NMT- farsímar hafa margsannað gildi sitt sem öryggistæki síðan kerfið var tekið í notkun árið 1986.
Dregur 100-150 km frá landi
NMT-kerfið býður sjómönnum símaþjónustu sem á margan hátt var sambærileg við það sem aðrir höfðu í landi. Samband næst víða allt að 100 til 150 km frá ströndinni og dæmi eru um samband jafnvel enn lengra út. Sjómenn hafa fyrst og fremst notað 15 Watta- NMT síma sem hægt er að fasttengja í bátinn. Farsímaverkstæði Símans mun sjá um að útvega 15 watta síma ef nýir símar fást ekki, notendur þurfa því ekki að kvíða því að símarnir fáist ekki. Vinsælustu handsímarnir í dag eru Exion síminn frá Benefon. Sendistyrkur hans er 1,2 wött og hann vegur aðeins 100 gr. og rafhlaðan endist í marga daga sé síminn lítið notaður.
Áskriftarflokkar við allra hæfi
Viðskiptavinir NMT geta nýtt sér flesta þá þjónustumöguleika sem boðið er upp á í GSM þar með talinn Boða, t.d. ef þörf er á að senda talskilaboð til margra aðila í einu Þrír mismunandi áskriftarflokkar eru í boði fyrir NMT- farsímakerfið, almenn áskrift, frístundaáskrift og stórnotendaáskrift. Viðskiptavinum stendur til boða tvær sparnaðarleiðir Dúett og 15% afslátt í þrjú númer. Með reiknivél sem er á heimasíðu Símans þá getur hver og einn reiknað út hagstæðustu sparnaðarleiðina og áskriftarleiðina fyrir sig.
Með Dúett sparnaðarleiðinni eru tveir farsímar á sama innhringinúmerinu. Farsímarnir tengjast einu og sama símanúmerinu en notkun þeirra er að mestu leyti óháð innbyrðis. Viðskiptavinir NMT geta nú fengið sjálfvirkan 15 % afslátt af þremur númerum sem oftast er hringt í. Þessi númer mega vera í almenna símkerfinu, NMT eða GSM kerfi Símans. Áskrifendum í NMT- kerfinu er auk þess gefinn kostur á að fá símreikninga sína sundurliðaða.
Frekari upplýsingar veitir: Heiðrún Jónsdóttir, forstöðumaður upplýsinga- og kynningarmála Símans,
Síminn 23. október 2002
-
Replies
-
Já vissulega eru þetta góðar fréttir. Mín reynsla af NMT segir mér þó að þessari þjónustu hafi hrakað umtalsvert síðasta árið. Ég hef borið þessa skoðun mína undir aðra og flestir verið mér sammála. Ég ræddi meðal annars við rútubílstjóra sem er á ferðinni um allt land og hann sagði mér að götunum í kerfinu fjölgaði ört. Það hefði hann greinilega orðið var við.
Við hjá Vesturlandsdeild fengum menn frá Tetra Ísland á síðasta fund til að forvitnast um hvað væri að gerast hjá þeim, hvort Tetra væri að verða raunhæfur valkostur á móti NMT. Eftir þennan fund er það mín skoðun að þeir séu með allt á hælunum varðandi útbreiðslu kerfisins, ég hefði að minnsta kosti kosið að þeir væru komnir mun lengra.
Enn um sinn verður NMT að duga, og svo auðvitað okkar ágæta VHF kerfi.
Kveðja,
Eiríkur
Með stöð við Snæfell er búið að stoppa í eina stóra gatið sem ég hef upplifað í NMT kerfinu, sem er á svæðinu fyrir austan Snæfell. Hvorki tetra né VHF eiga séns í að geta komið í stað NMT kerfisins.
Mín skoðun er sú að þeim stóru upphæðum sem klubburinn er að setja í VHF endurvarpa, væri betur varið til að stuðla að framboði á ódýrum og hentugum stöðvum til að tala milli bíla í hóp. CB hefur marga galla en þessar VHF stöðvar sem verið er að halda að mönnum eru alltof dýrar og orkuferkar.
Mín skoðun er sú að ef menn vilja skifta út CB stöðvunum, þá væri UHF betri kostur en VHF. Það mikið til af ódýrum og handhægum stöðvum á því tíðni sviði en þær eru í mörgum kerfum sem ekki passa saman.
Þetta ætti þó alls ekki að gera nema að mjög vel athuguðu máli og eftir umræðu innan klúbbsins.
Mér er það óskiljanlegt hvers vegna smásöluverð á talstöð sem er framleidd í Japan eða Svíþjóð þarf að vera 3 sinnum hærra á Íslandi en USA. Verðmunur á tölvum eða bílum er t.d. miklu minni, eru aðflutningsgjöld af bílum þó miklu hærri en af talstöðvum.
Var inn í Tæknivörum í dag með NMT símann minn í númeraskiptum. Þar tjáði afgreiðslumaðurinn mér það að Síminn væri aftur að framlengja líftíma NMT kerfisins og stæði til að lengja það fram á seinni hluta 2009. Lítil fluga tjáði mér í kvöld að það væru einhverjir hnökrar á CDMA450-kerfinu. Það er kannski ekki svo skynsamlegt að losa sig við NMT símann strax eins og margir hafa haldið fram?? Allavega er minn á leiðinni í bílinn.
Kv. Magnús G.
Var eitthvað talað um hvort það yrði reynt að viðhalda kerfinu eitthvað ?? mér finnst NMT sambandið alltaf vera versna og versna.
kv Bubbi
Nei en ég ætla að spyrjast fyrir um það á morgun þegar ég sæki símann.
MG
eru að kerfið verður eitthvað fram á næsta haust og þá mun cdma taka við.
Viðhald verður örugglega mest fyrir miðin.
Hálendið verður örugglega látið sitja á hakanum en hver veit.
kv
Agnes Karen
Símanum ber skylda til að reka kerfið út árið 2008. Ég skil þessar fréttir þannig að þeir neyðist til að framlengja uppitímann fram á haustið 2009.
kv
AB
Ég verð nú að segja eins og er, að mér finnst margt sem maður les og heyrir í sambandi við gömul kerfi og ný að þetta snúsit svolítið um hvort einhverjir tilteknir aðilar geti grætt á því pening að selja okkur ný tæki, og símafyrirtækin samhliða geti selt okkur dýrari þjónustu. Það er ekki vafi, að NMT kerfið hefur verið að ganga úr sér að undanförnu, enda skilst mér að það sé ekki reynt að halda því við nema á fjölförnustu leiðum, sbr. þessar breytingar sem eru að gerast í kringum virkjunarsvæðin á Austurlandi. Lítil viðskipti= lítil þjónusta. NMT-kerfið er fjarri því að vera gallalaust, þótt það sé í þokkalegu lagi að öðru leyti. Það t.d. nýtist ekki til gagnaflutninga eins og vafalaust flestir vita betur en ég. Tóngæðin í sambandinu eru afspyrnu léleg og það slitnar alltaf dálítið í sundur þar sem sambandið er ekki á nægum styrk. En það virkar, og það er auðvitað það sem okkur skiptir mestu máli þegar tækin eru notuð þegar mikið liggur við. Ég er ósköp hræddur um að sjómannastéttin íslenska, sem er reyndar óðum að hverfa af sjónarsviðinu, muni sakna vinar í stað þegar NMT-kerfið verður lagt niður vegna þeirra kosta, sem það þó hefur, t.d. langdrægnina. En mig langar til að taka undir það sem eik segir hér að ofan um talstöðvar til að tala milli bíla og vekja athygli annarra á að lesa innlegg hans vandlega. Einar hefur mikla þekkingu á þessum fjarskiptamálum og mér finnst hann miðla henni á mannamáli, sem skiptir ekki minna máli.
You must be logged in to reply to this topic.